ஆதாரமற்ற குற்றச்சாட்டுக்களின் அடிப்படையில் முஸ்லீம் அரசியல்வாதிகளை பலவந்தமாக பதவிகளில் இருந்து வெளியேற்றிய நடவடிக்கை மிகவும் வருத்தமான செயல் என அனைத்துலக நெருக்கடிகளுக்கான அமைப்பின் திட்டமிடல் பணிப்பாளர் அலன் கீனன் அல்ஜசீரா ஊடகத்திற்கு நேற்று (03) தெரிவித்துள்ளார்.

சிறீலங்காவின் தற்போதைய அரசியல் நெருக்கடி தொடர்பில் அவர் மேலும் தெரிவித்துள்ளதாவது:

அரசியலில் செல்வாக்குள்ள பௌத்த துறவிகள் தாம் பெரும்பான்மை மக்களுக்காக பேசுவதாக கூறிக்கொண்டு முன்வைத்த குற்றச்சாட்டுக்களின் அடிப்படையில் தான் முஸ்லீம் அரசியல் தலைவர்கள் எல்லோரும் பதவி விலகியுள்ளனர்.

இந்த வழிமுறை சிறீலங்காவுக்கு நல்லது அல்ல, ஏனெனில் சிறுபான்மை இனங்கள் மீது மீண்டும் மீண்டும் அங்கு வன்முறைகள் மேற்கொள்ளப்படுகின்றன. சிறீலங்காவில் இடம்பெறும் அரசியல் வன்முறைகளுக்கு அரசியல்வாதிகளே காரணம் என அவர் மேலும் தெரிவித்துள்ளார்.

பதவி விலகிய ஆளுநர்களான அசாத் சாலி மற்றும் ஹிஸ்புல்லா ஆகியோரின் இடத்திற்கு புதிய நியமனங்கள் செய்யப்படவுள்ளதாக அறியமுடிகின்றது.

மேல் மாகாண ஆளுநராக முன்னாள் கொழும்பு மாநகரசபை மேயர் A.J.M. முஸம்மில், கிழக்கு மாகாண ஆளுநராக சு.க.யின் முன்னாள் செயலாளர் ரோஹண லக்ஷ்மன் பியதாச ஆகியோர் நியமிக்கப்பட வாய்ப்புள்ளதாக கொழும்புத் தகவல்கள் தெரிவிக்கின்றன.

இந்திய முன்னாள் பிரதமர் ராஜீவ் காந்தி கொலைக் குற்றவாளிகள் 7பேரின் விடுதலை தொடர்பாக ஆளுநரிடம் கேட்டு 2 வாரத்தில் பதில் தருவதாக தமிழக அரசு சென்னை உயர் நீதிமன்றில் தெரிவித்துள்ளது.

இக் கொலை வழக்கில் குற்றம் சாட்டப்பட்ட முருகன், நளினி, சாந்தன், பேரறிவாளன், றொபேட், ஜெயக்குமார், ரவிச்சந்திரன்  ஆகிய 7பேரும் 28 ஆண்டுகளாக ஆயுள் தண்டனை அனுபவித்து வருகின்றனர்.

இந்நிலையில் இவர்களை முன்கூட்டியே விடுதலை செய்யும் வகையில் தமிழக அரசு கடந்த 2014ஆம் ஆண்டு சட்டமன்றத்தில் தீர்மானம் நிறைவேற்றியது.

இதையடுத்து, இத்தீர்மானத்தை ரத்துச் செய்யக்கோரி தொடரப்பட்ட வழக்குகளை விசாரித்த உச்ச நீதிமன்றம், இது குறித்து தமிழக அரசே முடிவெடுக்கலாம் என்று தெரிவித்திருந்தது. இது தொடர்பான அமைச்சரவைத் தீர்மானம் தமிழக ஆளுநர் பன்வாரிலால் புரோகித் இந்கு அனுப்பி வைக்கப்பட்டது.

இவ்வேளையில், தங்களை முன்கூட்டி விடுதலை செய்யக்கோரி றொபேட், ஜெயக்குமார் ஆகியோர் 2012 தொடர்ந்த வழக்குகள் நீதிபதிகள் M.M.நற்தரேஷ், M.நிர்மல்குமார் அவர்கள் முன் விசாரணைக்கு வந்த போது, அப்போது தமிழக அரசு சார்பில் ஆஜரான வழக்கறிஞர், இவர்களின் (7பேரின்) வழக்கு நிலுவையில் உள்ளதாகவும், அதன் தற்போதைய நிலை பற்றி பதில் தெரிவிக்க தமக்கு 2வார கால அவகாசம் வேண்டும் எனவும் தெரிவித்தார்.

இதனை ஏற்றுக்கொண்ட நீதிபதிகள் வழக்கை 2 வாரம் ஒத்தி வைத்தார். இதற்கிடையில் 7பேரின் விடுதலை தொடர்பாக உள்துறை செயலாளரிடம் கொடுத்த மனுவை பரிசீலித்து முடிவெடுக்கும்படி நளினி தொடர்ந்த வழக்கில்  பதில் மனு தாக்கல் செய்ய தமிழக அரசு கால அவகாசம் கோரியதையடுத்து, அந்த வழக்கை நீதிபதிகள் சுப்பையா, சரவணன் கொண்ட குழுவினர் 4 வாரங்களுக்கு ஒத்திவைத்தனர்.

அத்துரலிய ரத்ன தேரரின் போராட்டத் திற்கு ஆதரவு தெரிவித்து கெக்கிராவ நகரில் இடம்­பெற்ற ஆர்ப்பாட்ட ஊர்­வ­லத்தின் போது முஸ்லிம் பள்ளி­வாசல் மற்றும் வர்த்தக நிலை­யங்கள் மீது கல்­வீச்சு தாக்­குதல் நடத்தப்­பட்­டுள்­ள­தாக தெரி­விக்­கப்­ப­டு­கின்­றது.

இச்­சம்­பவம் நேற்று பகல் இடம்­பெற்­றுள்­ளது. இதன்போது பள்­ளி­வா­சலின் முன்­புற கண்­ணா­டிகள் பல­வற்­றுக்கு சேதம் ஏற்­பட்­டுள்­ளது. முஸ்லிம் வர்­தக நிலை­யங்கள் மீதும் ஆர்ப்­பாட்­டத்தில் ஈடு­பட்­டோ­ரினால் கல்­வீச்சு தாக்­குதல் நடாத்­தப்­பட்­டுள்­ள­துடன் முஸ்லிம் மக்­களை அசிங்­கி­ய­மானவார்த்­தை­களை கொண்டும் கோஷங்­க­ளையும் இவர்கள் எழுப்­பி­யுள்­ளனர். இதனால் நகரில் பதற்ற நிலைமை ஏற்­பட்­டது.

பொலிசார் நகரில் கட­மையில் இருந்­துள்ள போதிலும் எந்த வித­மான நட­வ­டிக்­கை­களும் எடுக்­க­வில்லை. தாக்­கு­தலைத் தொடர்ந்து நக­ரி­லி­லுள்ள வர்­தக நிலை­யங்கள் மூடப்­பட்­டுள்­ள­துடன் பொருட்­களை கொள்­வ­னவு செய்­வ­தற்­காக நக­ருக்கு வந்­தி­ருந்த பொது­மக்­களும் பெரும் அச்­ச­நி­லையில் செய்­வ­த­றி­யாது அச்­சத்­துடன் தமது வீடு­க­ளுக்கு திரும்­பி­யுள்­ளனர்.

அதை தொடர்ந்து அதி­க­ள­வி­லான இரா­ணு­வத்­தினர் நகரில் குவிக்­கப்­பட்­டுள்­ள­துடன் பாது­காப்பு பலப்­ப­டுத்­தப்­பட்­டுள்­ளது.இருந்­தாலும் முஸ்லிம் மக்கள் பெரும் அச்­சத்­துடன் வாழ வேண்­டிய நிலை ஏற்­பட்­டுள்­ளது.

அநுராதபுரம்நகரிலும் அனைத்து வர்தக நிலையங்களும் மூடப்பட்டிருந்தது. பொலிஸார் பாதுகாப்பு கடமையில் இருந்த வேளையிலேயே ஆர்ப்பாட்டக்காரர்கள் தாக்குதலை மேற்கொண்டுள்ளனர்.

ஏப்ரல் 01ஆம் திகதியிலிருந்து ஜேர்மன் வாழ் தமிழ் மக்கள், இந்தியா தஞ்சைப் பல்கலைக்கழகத்துடன் இணைந்து முன்சென் தமிழ் கல்விக் கழகத்தை உருவாக்கி சாதனை படைத்துள்ளனர்.

இது சாதாரண கல்விக் கழகமாக இல்லாது, பல்கலைக்கழக தரத்தில் கலை மற்றும் கலாசாரம், பண்பாடு, நாட்டுப்புற கலைகள், இலக்கியம், நூல் நிலையம் என்று ஒரு பல்கலைக்கழக துறைகள் அனைத்தையும் உள்ளடக்கியதான கல்விக் கழகமாக அமைந்துள்ளது.

ஒரு பல்கலைக்கழக நிர்வாகம் போன்று கல்வி மற்றும் பாடப்பிரிவுகள், மாணவர் சேர்க்கை, கட்டண விகிதம் என அனைத்தையும் இவர்களே நிர்ணயித்துக் கொள்ளலாம். ஒரு வருடத்திற்கும் மேலாகப் பலரின் கடின உழைப்புக்குக் கிடைத்த பலன்தான் இந்த கல்விக் கழகம்.

2018ஆம் ஆண்டு முன்சென் தமிழ் கல்விக் கழகம் ஆரம்பிக்கப்பட்ட போதே, இந்த தமிழ் கல்விக் கழகத்திற்கான ஆரம்பம் நிர்ணயிக்கப்பட்டது.

இது தொடர்பாக நிறுவன ஆர்வலரான செல்வகுமார் பெரியசாமி குறிப்பிடுகையில், அமெரிக்கா, லண்டன், சிங்கப்éரில் உள்ள தமிழ்ச் சங்கங்கள் பற்றி விசாரித்து அறிந்து கொண்டதாகவும். பின்னர் இந்தியா தஞ்சைப் பல்கலைக்கழகத்துடன் தொடர்பு கொண்டு கல்விக் கழகம் அமைப்பது தொடர்பாக தெரிந்து கொண்டதாகவும். அதன் பின்னர் தங்களுக்கு அனுமதி கிடைத்ததாகவும் தெரிவித்தார்.

தமிழ் டிப்ளோமா மற்றும் இளங்கலை பாடத்திட்டங்களை முன்னெடுப்பதே தங்களின் நோக்கம் என்று கூறினார்.

திலக் சிறிராம் முன்சென் நகர அலுவலகங்களில் அனுமதி வாங்குவது, குழந்தைகளுக்கான பாதுகாப்பு முறைகள், மக்கள் தொடர்பு போன்ற பல வேலைகளை கவனிக்கின்றார். நிர்மல் ராமன் கழகத்தின் கட்டமைப்பு, செயல்முறை, வடிவமைப்பு மற்றும் திட்டமிடல் சம்பந்தமான வேலைகளை கவனித்துக் கொள்கின்றார்.

அருண் சின்னமணி என்பவர் தெரிவிக்கையில், முன்சென் நகர நிர்வாகம், தங்களுக்கு ஒவ்வொரு வாரமும் ஞாயிற்றுக் கிழமை காலை 10 மணி முதல் மதியம் 1மணிவரை “Grundschule an der Swanthalerstr” என்ற அரசுப் பள்ளியை பயன்படுத்திக் கொள்ள அனுமதி தந்திருப்பதாகக் கூறுகின்றார்.

தன்னார்வ தொண்டர்கள் பலரின் முயற்சியில், ஜேர்மனியில் அமைந்துள்ள இந்தியத் தூதரகம் ஆலோசனைகளை வழங்கி பக்க பலமாக திகழ்கின்றது.

கழகத்திற்குத் தேவையான இசைக் கருவிகளை வாங்கிக் கொடுக்கும் எண்ணமும் அவர்களுக்கிருப்பதாக அறிய முடிகின்றது.

ஜேர்மனியில் கல்வியாண்டு செப்டெம்பர் ஆரம்பிக்கப்படவுள்ளதால், இந்த கல்விக் கழக வகுப்புகளையும் அதே மாதத்தில் ஆரம்பிக்கவுள்ளனர். இதுவரையில் 40 பிள்ளைகள் பதிவு செய்திருக்கின்றனர். 5 வயது வரை உள்ள குழந்தைகளுக்கு பாடல்கள் சொல்லிக் கொடுப்பது என்றும் 6 தொடக்கம் 11வரை உள்ள பிள்ளைகளுக்கு எழுதுவது  படிப்பது என்றும் . இதுபோன்ற பல திட்டங்கள் தங்களிடம் இருப்பதாகவும் தெரிவிக்கின்றனர்.

கௌதம புத்தரின் பெயரால், பேரினவாதம் பேசி, ஆர்ப்பரித்து, ஊர்வலம் போய், இந்நாட்டு முஸ்லிம் அமைச்சர்களை ராஜினாமா செய்யும் நிலைமைக்கு தள்ளியுள்ள பௌத்த துறவிகள், சித்தார்த்த கௌதம புத்தனை அவமானப்படுத்தி விட்டார்கள்.

இனியும் இந்நாடு ஒரு பௌத்த நாடு என்பதை உலகம் ஏற்றுக்கொள்ளாது என தேசிய ஒருமைப்பாடு, அரச கரும மொழிகள், சமூக மேம்பாடு, இந்து சமய விவகார அமைச்சரும், தமிழ் முற்போக்கு கூட்டணி தலைவரும், கொழும்பு மாவட்ட எம்பியுமான மனோ கணேசன் கூறியுள்ளார்.

அமைச்சர் மனோ கணேசன் இது தொடர்பில் மேலும் கூறியுள்ளதாவது,

இன்று பிற்பகல் அலரி மாளிகையில் இடம்பெற்ற விசேட அமைச்சரவை கலந்தாலோசனையின் போது, முஸ்லிம் அமைச்சர்கள் ஒட்டுமொத்தமாக இராஜினாமா செய்ய செய்யப்போவதாக அறிவித்தார்கள்.

அதை நானும், அமைச்சர் மங்கள சமரவீரவும் ஏற்றுக்கொள்ள மறுத்தோம். இது இனவாதிகளுக்கு பணிந்து இடம் கொடுக்கும் ஒரு பிழையான முன்னுதாரணமாக அமைந்துவிடும் என நாம் கூறினோம். எனினும் முஸ்லிம் அமைச்சர்கள் தம் நிலைப்பாட்டில் உறுதியாக இருந்தார்கள்.

அங்கே பேசும்போது நான் ஒரு விடயத்தை சொன்னேன்.

இன்று காலை, இலங்கை பொலிசின் புலனாய்வு துறைக்கு பொறுப்பாக உள்ள சிரேஷ்ட பிரதி பொலிஸ் மாஅதிபர் ரவி செனவிரத்னவுடனும், அதே புலனாய்வு துறையின் பணிப்பாளர் சானி அபேவிக்கிரமவுடனும் நான் உரையாடினேன்.

அமைச்சர் ரிசாத் பதுர்தீன் உட்பட முஸ்லிம் அமைச்சர்கள் மீது குற்றச்சாட்டுகள் இருப்பதாகவும், அவற்றை நீங்கள் விசாரிக்கவில்லை எனவும் எதிரணியினரும், பல பௌத்த துறவிகளும் கூறுகிறார்கள். உங்கள் நிலைப்பாடு என்ன என கேட்டேன்.

அமைச்சர் ரிசாத் பதுர்தீன் மீது இங்கே வந்து எம்மிடம் புகார் செய்பவர்கள் எவரும் அவருக்கு எதிரான சாட்சியங்கள் எதையும் முன் வைக்கவில்லை.

அவர்கள் எம்மிடம் தந்துள்ளது வெறுமனே புகார் கடிதங்கள் மட்டுமே. அவற்றை வைத்துக்கொண்டு எவரையும் எம்மால் கைது செய்யவோ, விசாரணைக்கு அழைக்கவோ, வாக்குமூலம் பெறவோ முடியாது.

அவற்றில் ஒன்றும் இல்லை. இங்கே வந்து இப்படியான கடிதங்களை தருபவர்கள், வெளியே போய் ஊடகங்களிடம் வீராவேசமாக கதைக்கிறார்கள்.

ஆனால், இப்படி கதைப்பவர்கள் முதலில், கைது செய்ய, விசாரிக்க உருப்படியான தடயங்களை தர வேண்டும்.

எங்களிடம் எதுவும் தரப்படவில்லை. ஆகவே எங்களால் எந்த ஒரு முஸ்லிம் அமைச்சருக்கு எதிராகவும் நடவடிக்கை எதுவும் எடுக்க முடியாது, என இலங்கை பொலிசின் புலனாய்வு துறைக்கு பொறுப்பாக உள்ள சிரேஷ்ட பிரதி பொலிஸ் மாஅதிபர் ரவி செனவிரத்னவுடனும், பணிப்பாளர் சானி அபேவிக்கிரமவுடனும் என்னிடம் கூறினார்கள்.

இதை நான் இன்று அலரி மாளிகையில் நடைபெற்ற விசேட கலந்துரையாடலில் கூறினேன்.

ஆகவே முஸ்லிம் அமைச்சர்கள் மீது புகார்களும், சாட்சியங்களும் இருக்குமானால், நடவடிக்கை எடுங்கள். இல்லாவிட்டால் எந்த ஒரு சாட்சியமும் இல்லை என அறிவியுங்கள். இதற்கு ஜூலை ஒன்றாம் திகதிவரை காலக்கெடு வழங்குகின்றேன் என, பிரதமர் ரணில் விக்கிரமசிங்க, பொலிஸ் மாதிபருக்கு எழுத்து மூலம் அறிவிக்க வேண்டும் என நான் யோசனை கூறியுள்ளேன்.

இதை கலந்துரையாடலில் கலந்துக்கொண்ட அமைச்சர்கள் மங்கள சமரவீர, ரவி கருணாநாயக்க, சம்பிக்க ரணவக்க ஆகியோரும் கூறினார்கள்.

இந்த யோசனையை நான் நாளை பாராளுமன்றத்தில் நடைபெற உள்ள கட்சித்தலைவர்கள் கூட்டத்திலும் கூற உள்ளேன்.

சபாநாயகர் கரு ஜெயசூரியவும், இது தொடர்பில், எவர் மீதும் சாட்சியங்கள் இருக்குமானால் நடவடிக்கை எடுங்கள். இல்லாவிட்டால் ஜூலை ஒன்றாம் திகதிக்கும் முன் அறிவியுங்கள் என பொலிஸ் மாதிபருக்கு எழுத்து மூலம் அறிவித்து பதிலை பெற்று கட்சித்தலைவர்கள் கூட்டத்தில் எமக்கு தெரிவிக்க வேண்டும் என கூற உள்ளேன்.

இன்று முஸ்லிம் அமைச்சர்களை பதவி விலக கூறி ஊர்வலம் போய், ஆர்ப்பாட்டம் செய்து, உபவாசம் இருக்கும் பௌத்த துறவிகள் நாளை மீண்டும் ஒரு முறை, தமிழ் அரசியல்வாதிகளுக்கு எதிராகவும், பிறகு தமிழ்-சிங்கள கத்தோலிக்க அரசியல்வாதிகளுக்கு எதிராகவும், பின்னர் தாம் விரும்பாத சிங்கள பௌத்த அரசியல்வாதிகளுக்கு எதிராகவும், அவர்களை பதவி விலக்க கூறி சிங்கள மக்களை தூண்டி விட்டு குரல் எழுப்புவார்கள்.

இந்த பேரினவாதிகளுக்கு ஆதரவாக மறந்தும் போய் எவரும் ஆதரவு தெரிவித்து விடக்கூடாது. அது மோசமான முன்னுதாரணம் ஆகிவிடும் என நான் ஏற்கனவே கூறியுள்ளேன்.

இந்த பேரினவாத இயக்கத்துக்கு அரசியல்ரீதியாக ஒரு முடிவு காணப்பட வேண்டும். இல்லாவிட்டால், இந்நாட்டின் அனைத்து தமிழ், முஸ்லிம் அரசியல்வாதிகளும் வீதிக்கு வர வேண்டிய நிலைமை விரைவில் ஏற்படும்.

அரசாங்கத்தில் அங்கம் வகிக்கின்ற அனைத்து முஸ்லிம் அமைச்சர்களும் இன்று மாலை முதல் இராஜினாமா செய்வதாக அலரிமாளிகையில் தற்சமயம் இடம்பெற்றுவரும் விசேட ஊடகவியலாளர் சந்திப்பில் அறிவித்திருக்கின்றனர்.

பிரதமரின் உத்தியோகபூர்வ வாசஸ்தலமான அலரிமாளிகையில் தற்சமயம் இடம்பெற்றுவருகின்ற ஊடகவியலாளர் சந்திப்பில் அமைச்சர்களான கபீர் ஹாஷிம், ரிஷாட் பதியூதீன், ரவூப் ஹக்கீம் உள்ளிட்ட பலரும் கலந்துகொண்டனர்.
இதன்போது உரையாற்றிய அமைச்சர் ரவூப் ஹக்கீம், முஸ்லிம் அமைச்சர்கள் அனைவரும் அரசாங்கத்தில் அங்கம் வகிக்கின்ற அனைத்துவித அமைச்சுக்களிலிருந்தும் இன்றுமுதல் இராஜினாமா செய்வதாக அறிவித்தார்.

கடந்த சம்பவங்களுடன் அமைச்சர்கள் எவரும் ஏதாவது முறையில் சம்பந்தப்பட்டிருந்தால் குற்றப் புலனாய்வுப் பிரிவின் விசாரணை மூலம் நிரூபிக்கப்பட்டு தண்டனை வழங்கப்பட வேண்டும் என்று கூறினார்.

அரசாங்க அமைச்சுப் பொறுப்புக்களில் இருந்து விலகினாலும் நாடாளுமன்றத்தில் பின்வரிசை உறுப்பினர்களாக அரசாங்கத்திற்குத் தேவையான ஆதரவினை தொடர்ந்தும் வழங்குவோம் என்றும் அவர் கூறினார்.

அமைச்சுப் பொறுப்புக்களை இந்த நாட்டில் நிலையான ஐக்கியம், நல்லிணக்கம், சமாதானத்திற்காக அர்ப்பணிப்பு செய்வதாகவும் அவர் குறிப்பிட்டார்.