மகளின் திருமண ஏற்பாடுகளை மேற்கொள்வதற்காக, 28 வருடங்களாக சிறைவாசம் அனுபவித்த, நளினி இன்று பிணையில் விடுதலையாகியுள்ளார்.

துப்பாக்கி தாங்கிய பொலிஸ் பாதுகாப்புடன் சத்துவாச்சாரயை அடுத்த ரங்காபுரத்தில் உள்ள திராவிட இயக்கத் தமிழர் பேராயர் சிங்கராயர் வீட்டிற்கு அழைத்து வரப்பட்டார்.  அரசியல்வாதிகளையோ, பத்திரிகையாளர்களையோ சந்திக்கக்கூடாது என்பன அடங்கலாக 12 நிபந்தனைகளுடன் நளினி விடுதலையாகியுள்ளார். மீண்டும் ஓகஸ்ட் 25ஆம் திகதி சிறைச்சாலைக்குச் செல்ல வேண்டும் என்ற நிபந்தனையுடனேயே இவருக்கு பிணை வழங்கப்பட்டது.

நளினியின் மகள் ஹரிதா சிறையில் பிறந்தவராவார். தற்போது லண்டனில் கல்வி பயில்கின்றார். இவருக்கு அமையவுள்ள மாப்பிளை இலங்கையில் பிறந்தவராக இருக்க வேண்டும் என்று நளினி விரும்புகின்றார். இலங்கையில் வசிக்கா விட்டாலும், இலங்கைத் தமிழரையே நளினி தேர்ந்தெடுக்க விரும்புகின்றார்.

திருமணம் ஏற்பாடானதும், முருகனை பிணையில் எடுக்க ஒழுங்கு செய்யப் போவதாக நளினி தெரிவித்தார்.

தலைமை நீதியரசர் மற்றும் மேல்நீதிமன்றநீதிபதிகளை,  ஐ.நா சிறப்பு அறிக்கையாளர்சந்திப்பதற்கு ஒழுங்கு செய்யுமாறுநீதியமைச்சின் செயலருக்கு அறிவுறுத்தலை அனுப்பிய- வெளிவிவகார அமைச்சின்மேலதிக செயலர் அகமட் ஜவாட்டை பதவியில்இருந்து நீக்குமாறு சிறிலங்கா அதிபர்மைத்திரிபால சிறிசேன உத்தரவிட்டுள்ளார்.

நேற்று முன்தினம் மாலை, சுதந்திரமாக ஒன்றுகூடுவதற்கான உரிமைகள் தொடர்பானஐ.நாவின் சிறப்பு அறிக்கையாளர்கிளெமென்ற் நயாலெட்சோசி வூல்,சிறிலங்காவின் நீதிபதிகளைச் சந்திக்கவிருந்தநிலையில், அதனை தடுக்குமாறுசபாநாயகரிடம் எதிர்க்கட்சியினர் கோரினர்.

அதற்கமைய, அந்தச் சந்திப்பை நிறுத்துவதற்குசபாநாயகர் நடவடிக்கை எடுத்திருந்தார். இந்தநிலையில், சிறிலங்கா அதிபர்மைத்திரிபால சிறிசேன, வெளிவிவகாரஅமைச்சர் ரவிநாத ஆரியசிங்கவுக்குபிறப்பித்துள்ள உத்தரவில், வெளிவிவகார அமைச்சின் பதில் செயலராகவும், மேலதிகசெயலராகவும் உள்ள அகமட் ஜவாட்டை அந்தப்பதவியில் இருந்து நீக்குமாறு அறிவுறுத்தியுள்ளார் அதேவேளை, சபாநாயகர்கரு ஜெயசூரியவும்,  வெளிவிவகார அமைச்சின் மேலதிக செயலர் அகமட் ஜவாட்டைஅழைத்து, எதிர்க்கட்சியினரின் கரிசனையை வெளிப்படுத்தியுள்ளார்.

திருகோணமலை கன்னியா வெந்நீரூற்று பகுதியில் இந்துக்களின் மத குருவான தென்கயிலை ஆதீனம் மீது, சிங்களக் காடையர்களால் சுடுநீர் ஊற்றப்பட்டது போல் பௌத்த பிக்கு ஒருவருக்கு நடந்திருந்தால் இந்த நாட்டில் இருக்கும் சிறுபான்மையினரின் நிலை எவ்வாறு இருந்திருக்கும் என தமிழ்தேசியக் கூட்டமைப்பு எம்.பி. சார்ள்ஸ் நிர்மலநாதன் பாராளுமன்றத்தில் கேள்வி எழுப்பினார். பிரபாகரன் இருந்திருந்தால் இவ்வாறு நடந்திருக்குமா என்று கேள்வி எழுப்பிய அவர், இது தொடர்பில் உரிய நடவடிக்கை எடுக்க வேண்டும் என்றும் கோரினார்.

கம்பனிகள் திருத்தச் சட்டமூல விவாதத்தில் நேற்று உரையாற்றுகையிலேயே அவர் மேற்கண்டவாறு கூறினார். அவர் .மேலும் கூறுகையில்,

திருகோணமலை கன்னியா வெந்நீரூற்று பகுதி சிங்களவர்களினால் ஆக்கிரமிக்கப்படுவது தொடர்பில் கடந்த சில தினங்களுக்கு முன்னர் அப்பகுதியில் பதற்ற நிலை ஏற்பட்டது. இந்துக்களின் மத குருவான தென்கயிலை ஆதீனத்தை, பேச்சுவார்த்தை நடத்த பொலிஸார் அழைத்துச் சென்றனர். பொலிஸாரின் முன்னிலையில் அவர் மீது காடையர்கள் தேயிலைச்சாய சுடுநீரை ஊற்றினர். இது தொடர்பில் இன்றுவரை பொலிஸ் திணைக்களமோ அல்லது சம்பவ இடத்திலிருந்த பொலிஸாரோ எந்த சட்ட நடவடிக்கையும் எடுக்கவில்லை. யார் தேயிலைச்சாய சுடுநீரை ஊற்றினர் என்பதும் பொலிஸாருக்கு தெரியும்.

திருகோணமலை கன்னியா வெந்நீரூற்று பகுதியில் இந்துக்களின் மத குருவான தென்கயிலை ஆதீனம் மீது காடையர்களால் சுடுநீர் ஊற்றப்பட்டது போல், பௌத்த பிக்கு ஒருவருக்கு நடந்திருந்தால் நிலைமை என்னவாக இருக்கும்.. தமிழர்களுக்கு எந்த அநியாயம் செய்தாலும் கேட்பதற்கு ஆளில்லை என்ற இறுமாப்பிலேயே இவ்வாறு செய்கின்றனர். பிரபாகரன் இருந்திருந்தால் இவ்வாறு சுடுநீர் ஊற்றியிருப்பார்களா?அந்த தைரியம் வந்திருக்குமா ?இந்துக்களின் மத குருவான தென்கயிலை ஆதீனம் மீது சுடுநீர் ஊற்ற நினைத்துக் கூடப்பார்த்திருப்பார்களா?

தென்கயிலை ஆதீனம் மீது சுடுநீர் ஊற்றப்பட்டது தொடர்பில் சட்டம் ,ஒழுங்குக்கு பொறுப்பான அமைச்சர் என்ற வகையில் ஜனாதிபதி வாய் திறக்கவில்லை.அவர் இவ்வாறு சுடுநீர் ஊற்றியதை ஏற்றுக்கொள்கின்றாரா?இந்த சம்பவம் தொடர்பில் சட்டம் ,ஒழுங்கு அமைச்சு என்ன நடவடிக்கை எடுத்துள்ளது.

மக்கள் மத்தியில் குழப்பம் வர வேண்டும் இதனை பயன்படுத்தி வடக்கு கிழக்கில் ஆதிக்கம் செலுத்த வேண்டும் என அரசு கருதுகிறதா? கத்தோலிக்க இந்து மக்களை பிரித்து குளிர்காயவும் முயற்சி நடைபெறுகிறது.

திருக்கேதீஸ்வர வரவேற்பு வளைவு அமைக்கும் விடயத்தில் மிக விரைவில் இணக்கப்பாடு எட்டப்படும்.

திருக்கேதீஸ்வர வரவேற்பு வளைவு அமைக்கும் விடயத்தில் ஏற்பட்டுள்ள பிரச்சினை தொடர்பில் மன்னார் ஆயருடன் நான், பேசினேன். இவ்விடயத்தில் இணக்கமான தீர்வு காணப்பட வேண்டுமென அவரிடம் கோரினேன். இந்துக்களையும் கிறிஸ்தவர்களையும் பிரித்தாள யாருக்கும் இடமளிக்க முடியாது. எனவே திருக்கேதீஸ்வர வரவேற்பு வளைவு அமைக்கும் விடயத்தில் மிக விரைவில் இணக்கப்பாடு எட்டப்படும்.

திருகோணமலை கன்னியா வெந்நீரூற்று பகுதி சிங்களவர்களினால் ஆக்கிரமிக்கப்படுவது தொடர்பில் கடந்த சில தினங்களுக்கு முன்னர் அப்பகுதியில் பதற்ற நிலை ஒன்று ஏற்பட்டபோது அந்த இடத்துக்கு கிறிஸ்தவ மதகுருமாரும் சென்று இந்துக்களுக்கு ஆதரவு வழங்கினர். இதன்போது அங்கு நின்ற பௌத்த பிக்கு ஒருவர் ,திருக்கேதீஸ்வரத்தில் இந்துக்கள் வரவேற்பு வளைவு அமைக்கும் விடயத்தில் எதிர்ப்புக் காட்டிவிட்டு இங்கு வந்து வெளி வேஷம் போடவேண்டாமென்றார்.

இந்து-கிறிஸ்தவ மக்களை பிரித்தாளும் முயற்சிக்கு மக்கள் இடமளிக்கக்கூடாது.ஆயுத போராட்ட காலத்திலும் நாம் ஒற்றுமையாகவே செயற்பட்டோம் என்றார்.

1983ஆம் ஆண்டு கலவரத்தில் 471 பேர் கொல்லப்பட்டதாக உத்தியோகப்பூர்வ தகவல்கள் உள்ளன. ஆனால், அதனைவிட இறப்புகள் அதிகமாகும். இரண்டாயிரத்துக்கும் அதிகமானோர் காயப்பட்டதாக கூறப்பட்டுள்ளது. ஆனால், 5ஆயிரத்திற்கும் அதிகமானோர் காயப்பட்டுள்ளனர். அத்துடன், பல தமிழ் கடைகள் சூறையாடப்பட்டன. யாழ்ப்பாணம் நூலகமும் எரிக்கப்பட்டது.கறுப்பு ஜூலையின் தாக்கம் இன்றும் தொடர்கிறது என ஸ்ரீ லங்கா சுதந்திரக் கட்சியின் முன்னாள் பொதுச் செயலாளர் பேராசிரியர் ரோஹன லக்ஷ்மன் பியதாஸ தெரிவித்துள்ளார்.

கொழும்பு டார்லி வீதியில் அமைந்துள்ள சிறிலங்கா சுதந்திரக் கட்சியின் தலைமையகத்தில் நேற்று நடைபெற்ற ஊடகவியலாளர் சந்திப்பில் இந்த கருத்தை வெளியிட்டார்.

1977ஆம் ஆண்டு ஜே.ஆர்.ஜெயவர்தன ஆட்சியை கைப்பற்றியதும் 1978ஆம் ஆண்டு புதிய அரசியலமைப்பை கொண்டுவந்தார். தமிழ் மக்களின் அபிலாஷைகளை நிராகரித்தே அந்த அரசியலமைப்புக் கொண்டுவரப்பட்டது. அன்றிலிருந்தே எமது நாட்டில் இன முரண்பாடுகள் ஆரம்பமானது.

உயிர்த்த ஞாயிறு தினத்தன்று நடத்தப்பட்ட தாக்குதல்களை தொடர்ந்து ஜனாதிபதி எடுத்திருந்த நடவடிக்கைகளால், சில நாட்களிலே பாதுகாப்புத் துறையின் பங்களிப்புடன் அனைத்து விடயங்களும் கட்டுப்பாட்டுக்குள் கொண்டுவரப்பட்டன.

ஆனால், அன்று ஜே.ஆர். அதனைச் செய்யவில்லை. இங்கிருந்து யாழ்ப்பாணத்துக்கு குண்டர்களை அனுப்பி வன்முறைகளை நாடுமுழுவது தோற்றுவித்தனர். 1983ஆம் ஆண்டு கறுப்பு ஜூலையின் பின்னர்தான் ஜே.வி.பிஆயுதம் தூக்கியது.

உயிர்த்த ஞாயிறு  தினத்தில் 25 தாக்­கு­தல்களை நடத்­த திட்டம் வகுக்­கப்­பட்­டது. எனினும் புல­னாய்வு தக­வல்கள் மூல­மாக அவை முறி­ய­டிக்­கப்­பட்­டுள்­ளன.

தாஜ் சமுத்­திரா ஹோட்­டலில் குண்­டு­தா­ரி­யொ­ருவர் 2, 3 தட­வைகள் குண்டை வெடிக்க வைப்­ப­தற்­காக முயற்­சிப்­பது தொடர்­பான  சீ.சீ.ரீ.வி வீடியோ பதி­வுகள் இருக்­கின்­றன. அந்த குண்டு தொழி­ல்நுட்ப கோளாறு கார­ண­மாக வெடிக்­காது போயி­ருக்­கலாம். அதன்­பின்னர் அந்த நபர் தெஹி­வ­ளையில் ஹோட்டல் அறைக்குள் அந்த கோளாறை பரி­சோ­திக்க முயற்­சித்த போது அது வெடித்­தி­ருக்­கலாம் என குற்­றப்­பு­ல­னாய்வு பிரிவு பணிப்­பாளர் ஷானி அபே­சே­கர  நேற்று பாரா­ளு­மன்ற தெரி­வுக்­குழு முன் சாட்­சி­ய­ம­ளித்தார்.

சம்­பவ தினத்­தன்று தாஜ் சமுத்­திரா ஹோட்­டலில் முக்­கி­யஸ்தர் யாரேனும் இருந்­த­தாக தாங்கள் அறி­ய­வில்­லை­யெ­னவும் அவர் குறிப்­பிட்டார்.

அவர் தொடர்ந்து சாட்­சி­ய­ம­ளிக்­கையில்;

2018 டிசம்பர் மாதத்தில் மாவ­னெல்­லையில் புத்தர் சிலைகள் மீது தாக்­கு­தல்கள் நடத்­தப்­பட்­டி­ருந்­தன. இது தொடர்­பாக நாங்கள் விசா­ர­ணை­களை முன்­னெ­டுத்து வந்தோம். இந்த சம்­பவம் தொடர்­பாக 2 பேர் தொடர்­பான தக­வல்கள் வெளி­யா­கி­யி­ருந்­தன.

இவர்கள் தொடர்­பாக தேடிச் செல்லும்போது  தொலை­பேசி இலக்­கங்­களை அடிப்­ப­டை­யாக கொண்டு தக­வல்­களை பெற்­றுக்­கொள்ளக் கூடி­ய­தாக இருந்­தது. அந்த தொலை­பேசி இலக்­கத்­திற்கு  குறுஞ்­செய்தி ஒன்று வந்­தது.  அது  சாஹீட் என்­ப­வரால் அனுப்பி வைக்­கப்­பட்­டி­ருந்­தது. அதன்­படி அவரின் விலா­சத்தை தேடி சென்று அவரை கண்டு பிடிக்க நட­வ­டிக்கை எடுக்­கப்­பட்­டது.

இதன்­போது 4 பேரை கைது செய்ய முடி­யு­மாக இருந்­த­துடன் பெரு­ம­ளவு பொருட்­க­ளையும் மீட்டோம். 105 கிலோ வெடி பொருட்­க­ளையும், வெடிக்க வைக்கும் கரு­விகள் உள்­ளிட்­ட­வையும் மீட்­கப்­பட்­டன. இவர்­க­ளிடம் விசா­ரணை நடத்தும் போது சஹ்ரான் என்­பவர் தொடர்­பு­பட்­டி­ருப்­பது தெரி­ய­வந்­தது.

இந்­நி­லையில் சஹ்­ரானை தேடி பல பிர­தே­சங்­களில் விசா­ர­ணை­களை முன்­னெ­டுத்­தி­ருந்தோம். அத்­துடன் குறித்த பொருட்­களை கொண்டு செல்ல உத­விய வாக­னத்­தையும் மீட்­டெ­டுத்தோம். சஹ்ரான் தொடர்­பாக பல இடங்­க­ளுக்கு சென்று சாட்­சி­யங்­களை பதிவு செய்து வந்தோம். நாங்கள் அனே­க­மாக தொலை­பேசி இலக்­கங்­களை அடிப்­ப­டை­யாக கொண்டு விசா­ரணை நடத்­திய போதும் அவர்கள் தீரிமா என்ற செய­லியை   பயன்­ப­டுத்­தி­யதால் தக­வல்­களை பெற்­றுக்­கொள்ள முடி­யாது இருந்­தது. என்­றாலும் இவர்கள் வெளி­நாட்­டுக்கு செல்ல முடி­யாது மாவ­னெல்லை நீதி­மன்­றத்­தினால் தடை­யுத்­த­ர­வையும் பெற்­றுக்­கொண்டோம்.

கைது செய்­யப்­பட்ட 4 பேரில் இரு­வரை அந்த சம்­ப­வத்­துடன் தொடர்பு  இல்­லா­மை­யினால்   விடு­விக்க நட­வ­டிக்­கை­யெ­டுத்தோம். நன்­றாக தேடிப்­பார்த்தே அவர்­களை விடு­விக்க நட­வ­டிக்­கை­யெ­டுத்தோம். அவர்­க­ளுக்கு விலா­சத்தை மாற்ற முடி­யாது, ஒவ்­வொரு மாதமும் சீ.ஐ.டி.யில் கையெ­ழுத்­திட வேண்டும் என்ற நிபந்­த­னை­க­ளு­ட­னேயே அவர்கள் விடு­விக்­கப்­பட்­டி­ருந்­தனர். எவ்­வா­றா­யினும் இவ்­வா­றாக விடு­விக்­கப்­பட்­ட­வர்­களில் இரு­வரே சங்­ரில்லா ஹோட்­டலில் குண்டை வெடிக்க வைத்­த­தாக தெரி­விக்­கின்­றனர். ஆனால் அவர்கள் அல்ல.

காரணம்     குண்டு வெடிப்பு சம்­ப­வத்தின் பின்னர் சீ.ஐ.டி.யில் கையெ­ழுத்­திட்­டுள்­ளனர்.  கடந்த மாதங்­க­ளிலும் அவர்கள் கையெ­ழுத்­திட்­டுள்­ளனர். இந்த மாத இறு­தி­யிலும் அவர்கள் சீ.ஐ.டி.யில் கையெ­ழுத்­தி­டுவர். அவர்கள் தொடர்­பாக போது­மான சாட்­சிகள் இல்­லா­மை­யினால் நிபந்­த­னை­க­ளு­டன்தான்  அவர்கள் விடு­தலை செய்­யப்­பட்­டுள்­ளனர்.

இதே­வேளை குண்டு வெடிப்பு சம்­ப­வத்­துடன் தொடர்­பு­டைய சக­லரும் கைது செய்­யப்­பட்­டுள்­ளனர். மேலும் சிலர்  உயி­ரி­ழந்­துள்­ளனர். இது தொடர்­பாக 80 வீதம் விசா­ரணை நட­வ­டிக்­கைகள் முடி­வ­டைந்­துள்­ளன. சஹ்­ரானின் குழுவில் பலர் உயி­ரி­ழந்­துள்­ளனர்.

மற்­றை­ய­வர்கள் எங்­களின் கைதில் இருக்­கின்­றனர். 69 பேர் சீ.ஐ.டியில் கைதா­கி­யி­ருக்­கின்­றனர்.  பல்­வேறு திட்­டங்­களை அவர்கள் மேற்­கொண்­டி­ருந்­தனர். ஆனால் வனாத்­து­வில்லு  சம்­ப­வத்தின் பின்னர் அவர்­களின் திட்­டங்கள் குழம்­பி­யுள்­ளன.

இந்த அமைப்பில் சஹ்­ரானின்  குழு­வினர் இறந்­தனர்.  இன்னும் சிலர் கைது­செய்­யப்­பட்­டுள்­ளனர். வவு­ண­தீவு கொலை சம்­ப­வத்தில் முழு­மை­யாக இது புலி­களின் செயல் என்றே புல­னாய்வு துறை உள்­ளிட்ட சகல துறை­யி­னரும் கூறி­னார்கள். மாவ­ ெனல்­லயில் துப்­பாக்­கி­சூடு நடத்­தி­ய­வர்­களும் இவர்கள் என்­பது பின்னர் கண்­ட­றி­யப்­பட்­டது. வெளி­நாட்டில் இருந்து கைது செய்­யப்­பட்ட நபர்கள் மூல­மாக பல பொருட்கள் கைப்­பற்­றப்­பட்­டன. வெடி­பொருள் உள்­ளிட்ட ஆயு­தங்கள் அதி­க­மா­னவை கண்­ட­றி­யப்­பட்­டன. இது கண்­ட­றி­யாதிருந்தி­ருந்தால் 25 குண்டுகள் வெடித்­தி­ருக்கும்

இர­சா­யான பகுப்­பாய்வு மூலம் அமோ­னியம் நைற்­றேற்று என்று உறு­திப்­ப­டுத்­தப்­பட்­டுள்­ளது. யூரி­யா­வுடன் நைற்றேற் கலக்­கப்­பட்­டுள்­ளது. அது இங்­கேயே செய்­யப்­பட்­டுள்­ளது. வெளி­நாட்­டி­லி­ருந்து கொண்டு வரப்­பட்­டவை அல்ல. நாங்கள் தாஜ் சமுத்­திரா ஹோட்­டலில் சீ.சீ.ரீ.வி. படங்­களை பார்த்தோம். அதில் குறித்த நபர்  இரண்டு மூன்று தட­வைகள்  முயற்­சிக்­கின்றார். பின்னர் வெடிக்­க­வில்லை. பின்னர் அந்த குண்­டுடன் பள்­ளிக்கு செல்­கின்றார்.

பின்­னரே தெஹி­வளை பகு­தியில் அது வெடிக்­கின்­றது. எவ்­வா­றா­யினும் தாஜ் சமுத்­திரா ஹோட்­டலில் அது வெடிக்­காது போன­மைக்கு கார­ணங்கள் இருக்­கலாம். அதா­வது தொழில்­நுட்ப ரீதியில் பிரச்­சி­னைகள் ஏற்­பட்­டி­ருந்­த­மை­யினால் அது வெடிக்­காது போயி­ருக்­கலாம்.  பின்னர்  அவர் தெஹி­வ­ளையில் ஹோட்டல் அறையில் அந்த கோளாறு தொடர்­பாக ஆராய போகும் போதே அது வெடித்துள்ளது.

ஆனால் கூறப்படுவதை போன்று தாஜ்சமுத்திரா ஹோட்டலில் விசேட பிரபு இருந்ததாக தெரியாது. உண்மையில் என்ன நடந்தது என்பதனை ஆராய வேறு வழியில்லை. ஆனால் அவர் வெடிக்க வைக்க முயற்சித்தமை வீடியோவில் உறுதியாகியுள்ளது.

இந்த விடயத்தில் முன்னெடுக்கப்படும் விசாரணைகள் தொடர்பாக எங்கள்  மீது சிலர் குற்றச்சாட்டுகளை முன்வைக்கின்றனர். எங்களுக்கு மருத்துவ விடயங்கள் தொடர்பாக தெரியாது. எவ்வாறாயினும் 143 முறைப்பாடுகளே  பிள்ளைகள் இல்லையென தெரிவித்துள்ளன. ஆனபோதும் விசாரணைகள் முன்னெடுக்கப்படுகின்றன. ஆராயாது எங்களால் ஒன்றும் செய்ய முடியாது என்றார்.

சிறிலங்காவிற்கான விஜயத்தை மேற்கொண்டுள்ள சுதந்திர உரிமைக்கான ஐ.நா. சமாதான சபையின் விசேட பிரதிநிதி கிளெமென்ற் நயாலெட்சோசிவூல் ஆளுநர் சுரேன் ராகவனை கொழும்பில் சந்தித்தார்.

வடமாகாண ஆளுநர் என்ற ரீதியில்  மாகாணத்தின்  அபிவிருத்தி, பொது மக்களின் வாழ்க்கைத் தரத்தை மேம்படுத்துவது  தொடர்பாக விளக்கமளித்தார்.

காணியற்ற மக்களுக்கு காணிகளையும், குடிநீர் மற்றும் விவசாயத்திற்குத் தேவையான நீரினையும் வழங்குவது தொடர்பாகவும், வடமராட்சி களப்புத் திட்டம் உள்ளிட்ட திட்டங்கள் குறித்தும், வடமாணத்தில் கூட்டுறவு வங்கி ஒன்றை ஆரம்பிப்பது தொடர்பாகவும் ஆளுநர் விளக்கமளித்தார்.

ஏப்ரல் உயிர்த்த ஞாயிறு தாக்குதலின் பின்னர் அரசாங்கத்தின் கட்டுப்பாட்டில் இருக்கும் தமிழ்ப் பொது மக்களின் காணிகளை மீட்கும் நடவடிக்கை மீண்டும் ஆரம்பிக்கப்பட்டுள்ளது குறித்தும் ஆளுநர் விளக்கமளித்தார்.

சிறீலங்காவில் மக்கள் ஒன்று கூடுவதற்கு சுதந்திரம் உள்ளதா என அறிவதற்காக சென்ற ஐ.நா அதிகாரிக்கு சிங்களப் படைகளால் ஆக்கிரமிக்கப்பட்ட தமிழ் மக்களின் காணிகளை மீண்டும் தமிழ் மக்களுக்கு வழங்கும் நிகழ்வை காண்பித்து சிங்களப் படைகளின் ஆக்கிரமிப்பு மற்றும் அச்சுறுத்தல்களை மறைக்கும் முயற்சியில் சிங்கள அரசின் ஆளுநர் ஈடுபட்டுள்ளார்.