தமிழ் மக்கள் செறிந்துவாழும் வடக்கு-கிழக்கு மாகாணங்களில் தனது இராணுவத்தினரை பொதுமக்களுக்கான சேவைகளில் ஈடுபடுத்துவதை சிறீலங்கா அரசு தொடர்ந்து மேற்கொண்டு வருகின்றது.

கடந்த ஏப்பிரல் மாதம் இடம்பெற்ற தங்கொலைத் தாக்குதலில் சேதமடைந்த மட்டக்களப்பு சியோன் தேவாலையத்தை புனரமைக்கும் பணிகளிலும் சிறிலங்கா அரசு தனது இராணுவத்தினரை ஈடுபடுத்தி வருகின்றது.

புனரமைக்கப்படும் தேவாலைத்தை பார்வையிடுவதற்கு சிறீலங்கா பிரதமர் ரணில் விக்கிரமசிங்கா நேற்று (29) அங்கு பயணம் மேற்கொண்டதாக மட்டக்களப்புத் தகவல்கள் தெரிவிக்கின்றன.

கல்முனை பிரதேசசபை விவகாரம் ஒரு நெருக்கடியைச் சந்தித்துள்ள இந்த நிலையில் மட்டக்களப்புக்கு பயணம் செய்வதன் மூலம் தமிழர் தரப்பை ஏமாற்ற ரணில் முயன்று வருவதாக அவதானிகள் தெரிவித்துள்ளனர்.

இந்தியா தெற்கு டில்லியில் உள்ள மதன்கீரில் உள்ளது சிலோன் கொலனி இங்கு இருப்பவர்கள் ஒரு நூற்றாண்டுக்கு முன்னர் இலங்கையிலிருந்து அங்கு வந்து குடியேறியவர்கள் என்பதால் அந்த இடத்திற்கு இவ்வாறு பெயர் வந்தது.

கடந்த ஜனவரி மாதம் 12ஆம் திகதி நியூசிலாந்து சென்ற 243பேரில் 164பேர் இந்தப் பகுதியிலிருந்து சென்றவர்களாகும். கேரளாவின் கடற்கரைப் பகுதியிலிருந்து ஐந்து மாதங்களுக்கு முன்பு புறப்பட்ட படகில் இவர்களின் தற்போதைய நிலை பற்றிய எந்தவொரு தகவலும் இதுவரை கிடைக்கவில்லை. இவர்களிடம் கடவுச்சீட்டோ, விசாவோ எந்தவொரு அத்தாட்சியோ இருக்கவில்லை.

இந்திய வெளியுறவுத்துறை அமைச்சகம் இது தொடர்பாக பசுபிக் பெருங்கடல் கரையில் உள்ள நாடுகளுக்கு தகவல் அளித்துள்ளதாகவும், ஆனால் எந்தவித பதிலும் இதுவரை கிடைக்கவில்லை என்றும் தெரிவித்துள்ளது.

இவர்களுடன் ஜனவரி 11ஆம் திகதி தொலைபேசியில் தொடர்பு கொண்டதாக உறவினர்கள் தெரிவித்தனர். வீடுகள், சொத்துக்கள், நகைகளை விற்றே இவர்கள் பயணித்ததாகவும், கேரளாவின் ஏர்ணாகுளம் மாவட்டத்திலுள்ள சராய் கடற்கரையை ஒட்டியுள்ள விடுதி ஒன்றில் அவர்கள் தங்க வைக்கப்பட்டதாகவும் கூறுகின்றனர். இதில் குடும்பத்தினர் சென்றுவிட கணவன் மட்டும் தனியாக விடப்பட்டுள்ளார். இவர்களை ஏற்ற வந்த வாகனத்தில் இவருக்கு இடம் கிடைக்காததால், அடுத்த வாகனத்தில் இவரை அழைத்துச் செல்வதாக கூறி வாகனம் சென்று விட்டது. இவரின் குடும்பத்தினர் குறித்த படகில் சென்று விட்டனர்.

இது தொடர்பாக கேரள பொலிசார் தெரிவிக்கும் போது, முனம்பம் கடற்கரையில் 80 பைகள் கிடப்பதாக  தகவல் தெரிவிக்கப்பட்டதையடுத்தே தங்களுக்கு இந்தப் பயணம் குறித்து தகவல் தெரியவந்ததாக குறிப்பிடுகின்றனர். இந்தச் சம்பவம் தொடர்பாக 10இற்கும் அதிகமானோர் கைது செய்யப்பட்டுள்ளனர். இவர்கள் இந்த பயணத்திற்காக சென்று பயணிக்காது திரும்பியவர்களாவர்.

இந்திய வெளியுறவுத்துறை செய்தித் தொடர்பாளர் ரவீஷ்குமார் பத்திரிகையாளர் மத்தியில் பேசும் போது, படகில் சென்றவர்களின் உறவினர்களிடமிருந்து மனுக்கள் வந்ததாக கூறுகிறார்.

தே மாதா – 2 என்று அழைக்கப்பட்ட அந்தப் படகு குறித்து  அவுஸ்திரேலியா உட்பட அனைத்து நாடுகளுக்கும் தெரியப்படுத்தப்பட்டுள்ளது. 2013இல் டெல்லியில் உள்ள மதன்கிரியில் இருந்து அவுஸ்திரேலியாவிற்கு 70பேர் பயணம் செய்ததாக அவர்கள் தெரிவித்ததால், அவுஸ்திரேலியாவிற்கும் தகவல் கொடுக்கப்பட்டுள்ளது.

படகு குறித்து எந்தவொரு தகவலும் வெளியுறவு அமைச்சகத்திற்கோ, காவல்துறையினருக்கோ கிடைக்கவில்லை. தங்கள் உறவினர்களை விரைந்து கண்டுபிடிக்குமாறு அரசாங்க அதிகாரிகளிடம் படகில் பயணம் செய்தவர்களின் உறவினர்கள் கோரிக்கை விடுத்துள்ளனர்.

இது போன்ற சம்பவங்கள் முன்னரும் நடைபெற்றுள்ளன. முன்னர் நடைபெற்ற சம்பவங்களை அறிந்தும், இப்படியான பயணங்களை மேற்கொள்கின்றனர் என்றால் இவர்கள் இந்தியாவில் இந்தப் பயணத்தைவிட கொடுமையான சூழ்நிலையில் இருக்கின்றார்கள் என்பதை அறிய முடிகின்றது.

தங்களுக்கு ஒரு விடியல் கிடைக்கும் என இவர்கள் நம்பியே இப்படியான உயிரைப் பணயம் வைத்து மேற்கொள்ளும் பயணங்களை செய்கின்றனர். இதற்கு ஓர் முற்றுப்புள்ளி வைப்பதானால், எமது நாட்டில் நாங்கள் சுதந்திரமாக வாழ ஒரு சந்தர்ப்பம் கிடைக்கும் இடத்து இப்படியான தமிழர்களின் அழிவுகள் நிச்சயமாக நடைபெறாது.

போதைப்பொருள் வழக்கில் மரணதண்டனை விதிக்கப்பட்டுள்ள கைதிகளின் பெயர் விபரங்கள் வெளியாகியுள்ளன.

இவர்களில் 8 முஸ்லிம்கள், 08 தமிழர்கள், 04 சிங்களவர்கள் உள்ளடங்குகின்றனர் இவர்களில் முதற்கட்டமாக சிங்களவர்கள் இருவர், தமிழர் மற்றும் முஸ்லிம் ஒருவர் ஆகியோருக்கு மரணதண்டனை நிறைவேற்றப்படவுள்ளது.

இந்நிலையில், மரணதண்டனை விதிக்கப்பட்டுள்ள 20 பேர் கொண்ட பட்டியலை சட்டமா அதிபர் திணைக்களம் ஜனாதிபதிக்கு அனுப்பி வைத்துள்ளது.

அந்த பட்டியலுக்கு அமைய எம்.கே.பியதிலக்க, எம்.தர்மகரன், எம்.எஸ்.எம். மஸ்தார், ஜே.ஏ.பூட், பி.ஜே.போல்சிம், எஸ்.புண்ணியமூர்த்தி, கே.எம்.சமிந்த, எஸ்.கணேசன், டபிள்யு.விநாயகமூர்த்தி, எஸ்.ஏ.சுரேஷ்குமார், எம்.குமார், எஸ்.மசார், டபிள்யு.ரங்க சம்பத் பொன்சேகா, எஸ்.முஹம்மது ஜான், பெருமாள் கணேசன், ஆர்.பி.சுனில் கருணாரத்ன, சையித் முகமது உவைஸ், எம்.எஸ்.எம்.மிஸ்வர், பி கமிலஸ் பிள்ளை, ஷாஹுல் ஹமீத் ஹஜ்முல் ஆகியோருக்கே மரணதண்டனை விதிக்கப்பட்டுள்ளது.

இவர்களில் நால்வரே முதற்கட்டமாக மரணதண்டனைக்கு உட்படுத்தப்படவுள்ளனர்.

2009ல் ஆயுத மோதல்களின் முடிவுக்கு பின்னராக நாடுகடந்த தமிழீழ அரசாங்கத்தின் பிரதமராக இருக்கின்ற வி.உருத்திரகுமாரன் அவர்களே, எஞ்சியுள்ள விடுதலைப்புலிகளின் முக்கிய தலைவர்களின் ஒருவரென சிங்கள அரச கொள்கை வகுப்பாளர்களில் ஒருவரான பேராசிரியர் றோகன் குணரட்ண தெரிவித்துள்ளார்.

கொழும்பில் இருந்து வெளிவருகின்ற ஆங்கில ஊடமொன்று பதில் அளித்துள்ள அவர், வடக்கு மற்றும் கிழக்கில் இருந்து மீட்கப்பட்ட விடுதலைப்புலிகளின் ஆவணங்களின் அடிப்படையில் பல அமைப்புக்களும், பலரும் தடைசெய்யப்பட்டனர்.

அதில் குறிப்பாக தமிழீழ விடுதலைப்புலிகள் அமைப்பில் முக்கிய பணியாற்றிய வி.உருத்திரகுமாரன் அவர்களே, தற்பபோது எஞ்சியுள்ள முக்கிய விடுதலைப்புலிகளின் ஒருவராக அமெரிக்காவில் காணப்படுகின்றார் என்றும், நாடுகடந்த தமிழீழ அரசாங்கம் எனும் முன்னிணி அமைப்பை அவர், அமெரிக்கா, கனடா, ஐரோப்பா, ஒஸ்திரேலியா மற்றும் நியூசிலாந்து ஆகிய நாடுகளில் முன்னெடுத்து வருகின்றார் என்றும் எச்சரித்துள்ளார்.

இதேவேளை புலம்பெயர் தமிழர்களின் அரசாங்கமாக இயங்குகின்ற நாடுகடந்த தமிழீழ அரசாங்கமானது, இலங்கையின் வடக்கு – கிழக்கில் தமிழீழத்தை உருவாக்குவதனை இலக்காக கொண்டு செயற்படுகின்றது என்றும், இதனை சர்வதேச நாடுகள் தடை செய்ய வேண்டும் என்று ஜெனீவா ஐ.நா மனித உரிமைச்சபைக்கு வந்துள்ள முன்னாள் இராணுவ அதிகாரிகள் குழுவினர் தெரிவித்துள்ளனர்.

நாடுகடந்த தமிழீழ அரசாங்கத்தின் மீதும், அதன் பிரதமர் மீதும் தமது அச்சத்தையும், எதிர்ப்பையும் சிங்கள தலைவர்கள் பலரும் தொடர்சியாக வெளியிட்டு வருகின்ற நிலையில், இது குறித்து கருத்து வெளியிட்டுள்ள நா.தமிழீழ அரசாங்கத்தின் அரசியற்துறை, ‘2009 மே மாத்தில் பெரும் இனஅழிப்பொன்றின் ஊடாக தமிழர் தேசத்தை ஆக்கிரமிப்புச் செய்த சிங்கள அரசு, தமிழர்களின் சுதந்திர வேட்கையினை இல்லாது செய்து விடலாம் என நினைத்திருந்தது.

ஆனால் அந்த சுந்திர வேட்கையினையும் தாகத்தினையும் உயிர்ப்போடு வைத்திருக்கும் வகையில், சரியாக ஒரு மாத காலத்தில் (யூன் 2009) அறிவிக்கப்பட்டட நாடுகடந்த தமிழீழ அரசாங்கமானது, இன்று பத்து ஆண்டுகளாக வலிமையான ஒரு தேசிய அரசியல் இயக்கமாக வளர்ந்துள்ளது. இந்த வலிமையினை உணர்ந்தபடியால்தான் சிங்கள் கொள்கை வகுப்பாளர்களும் , தலைவர்களும் அச்சப்படுகின்றனர் எனத் தெரிவித்துள்ளது.

இலங்கையில் தமிழர்களின் பிறப்பு வீதமானது குறைவடைந்து வருவதாக  ஜே.வி.பியின் பாராளுமன்ற உறுப்பினர் பிமல் ரத்நாயக்க புள்ளி விபரங்களுடன் வெளிப்படுத்தியுள்ளார்.

பாராளுமன்றில் நேற்றைய தினம் இந்தக் கருத்தை வெளியிட்டுள்ளார். அவர் மேலும் தெரிவித்த கருத்துக்கள்.

இலங்கையில் முதல் கணக்கெடுப்பு 1881இல் நடத்தப்பட்டது. அந்தச் சந்தர்ப்பத்தில் முஸ்லிம்களின் சனத்தொகை ஒரு இலட்சத்து 97ஆயிரமாக இருந்தது. அது மொத்த சனத்தொகையில் 7.2 வீதமாகும். சிங்கள மக்களின் தொகை 19 இலட்சமாகும்.

அது மொத்த சனத்தொகையின் 66.5 வீதமாகும். அதன் பின்னர் 130 வருடங்களின் பின்னர் 2011ஆம் ஆண்டு எடுக்கப்பட்ட சனத்தொகைக் கணக்கெடுப்பின்படி, முஸ்லிம் மக்களின் சனத்தொகை 9.7 வீதமாகும்.

சிங்கள மக்களின் வீதம் 74.9 வீதமாகும். இதற்கமைவாக 130 வருடங்களின் முஸ்லிம்களின் சனத்தொகை வளர்ச்சி 2.5 வீதத்தால் அதிகரித்துள்ளது. சிங்கள மக்களின் சனத்தொகை 8 வீதத்தால் அதிகரித்துள்ளது. தமிழ் மக்களின் சனத்தொகை வளர்ச்சி 130 வருடங்களுக்கு 24 வீதமாக காணப்பட்டது. எனினும் 2011இல் 16 வீதமாகக் குறைவடைந்துள்ளது.

130 வருடங்களின் முன்னர் இரு இன மக்களுக்கு இடையிலான வித்தியாசம் 17 இலட்சமாகும். இன்றைய தினத்தில் இரு இன மக்களுக்கு இடையிலான வித்தியாசம் 130 இலட்சமாகும்  என்றும் தெரிவித்தார்.

முன்னாள் பாதுகாப்புச் செயலாளர் கோதபயா ராஜபக்ஸ மீது அமெரிக்காவில் வழக்குத் தாக்கல் செய்யப்பட்டுள்ளமையானது, புலம்பெயர்ந்த தமிழர்களின் திட்டமிட்ட சதியாகும் என்று சிறிலங்கா எதிர்க்கட்சித் தலைவரும், கோதபயா ராஜபக்ஸவின் சகோதரருமான மகிந்த ராஜபக்ஸ தெரிவித்துள்ளார்.

28.06 வெள்ளிக்கிழமை கொழும்பில் இடம்பெற்ற நிகழ்வொன்றில் பத்திரிகையாளரிடம் உரையாற்றும் போது, மேற்கண்டவாறு தெரிவித்தார்.

இந்த வழக்கானது கோதபயா ஜனாதிபதி வேட்பாளராக நியமிக்கப்படுவதற்குத் தடையாக அமையாது என்று தெரிவித்தார். ஜனாதிபதி தேர்தலில் சிறிலங்கா பொதுஜன பெரமுனவிலிருந்தே வேட்பாளர் நியமிக்கப்படுவார். வேட்பாளர் யார் என்பது அனைவருடனும் கலந்துரையாடிய பின்னரே தீர்மானம் எடுக்கப்படும். சுதந்திரக் கட்சியுடன் கூட்டணி அமைப்பது குறித்தும் இன்னும் கலந்துரையாடல்களே இடம்பெற்று வருகின்றன.  இறுதித் தீர்மானம் எடுக்கப்படவில்லை என்றும் அவர் தெரிவித்தார்.

ஐக்கிய தேசியக் கட்சியின் வேட்பாளராக சஜித் பிரேமதாஸ நியமிக்கப்பட்டால். எமக்கு எந்தவித ஆட்சேபனையும் கிடையாது. அவர் வேட்பாளராக வருவதை அனைவரும் விரும்பலாம்.  ஆனால் அவர் ஜனாதிபதியாவதை மக்கள் விரும்பவில்லை.

சிறிலங்கா அரசாங்கம் 4பேரைத்  தூக்கிலிடுவது தொடர்பாக எடுத்த முடிவிற்கு ஐரோப்பிய ஒன்றியம் கண்டனம் தெரிவித்துள்ளது. மரண தண்டனையை நிறைவேற்றப் போவதில்லை என்று ஐ.நாவிடம் அளித்த வாக்குறுதியை அந்த முடிவு மீறுவதாக அந்த அமைப்பு தெரிவித்துள்ளது.

இது குறித்து ஐரோப்பிய ஒன்றியம் வெளியிட்டுள்ள அறிக்கையில், போதை மருந்து கடத்தல் குற்றச்சாட்டில் மரண தண்டனை விதிக்கப்பட்ட நால்வரை தூக்கிலிட சிறிலங்கா அரசாங்கம் முடிவு செய்துள்ளது கண்டனத்திற்குரியது. இந்த 4பேரும் தூக்கிலிடப்பட்டடால், அது சர்வதேச சமுதாயத்திற்கும், முதலீட்டளர்களுக்கும் சிறிலங்கா மீதான தவறான எண்ணத்தை ஏற்படுத்தும் என அந்த அறிக்கையில் தெரிவிக்கப்பட்டுள்ளது.

இதேவேளை இந்த தூக்குத் தண்டனை முடிவை உடனடியாக நிறுத்துமாறு அனைத்துலக மன்னிப்புச் சபை, இங்கிலாந்து, கனடா, உள்ளிட்ட நாடுகள் கோரியிருந்த நிலையில் தற்போது ஐரோப்பிய ஒன்றியமும் வருத்தம் தெரிவித்துள்ளது.

மரண தண்டனை நடைமுறைப்படுத்தப்பட்டால், காவல்துறை, பாதுகாப்பு மற்றும் வேறு பாதுகாப்பு விவகாரங்களுடன் தொடர்புடைய தொழில்நுட்ப உதவித் திட்டங்களை இங்கிலாந்து மறுபரிசீலனை செய்யும் எனத் தெரிவிக்கப்பட்டுள்ளது.