ஒரு பெரிய குண்டினுள்  பல சிறிய குண்டுகளை வைத்து தாக்குதல் நடத்தும் வகையில் வடிவமைக்கப்பட்டுள்ளவையே கொத்து எறிகுண்டுகள் ஆகும்.

தாக்கும் இலக்கை நோக்கி ஒரு குண்டுதான் ஏவப்படும். என்றாலும், அந்தப் பெரிய குண்டு வெடித்த பின், அதிலிருந்து வெளியாகும் பல சிறிய குண்டுகள் தாக்குதலுக்குள்ளாகும். ஒரே இலக்கின் பல இடங்களைத் தாக்கும் தன்மை இந்தக் குண்டுகளுக்கு உள்ளது.

ஆட்களை தாக்கக்கூடியவை, டாங்கிகள் மற்றும் இராணுவ வாகனங்களைத் தாக்கக்கூடியவை, கண்ணிவெடிகளைப் போன்று மண்ணிற்குள் புதைத்து வைத்து பின்னர் வெடிக்கும் தன்மை உடையவை என கொத்துக் குண்டுகளிலும் பலவகை உள்ளன.

இந்தக் கொத்துக் குண்டுகளை விமானங்களிலிருந்தும் வீச முடியும், தரையிலிருந்தும் இலக்கை நோக்கி ஏவவும் முடியும்.

அந்த சிறிய குண்டுகள் சிதறும் வேகத்தால், சிலவேளைகளில் தாக்குதல் இலக்கிற்கு  அருகில் இருக்கும் பகுதிகளையும் தாக்குகின்றன. இதன் போது பொதுமக்கள் உயிரிழக்கவும், காயப்படவும் நேரும்.

பெரிய குண்டு வெடித்து சிதறும் போது வெளியாகும் சிறிய குண்டுகள் மண்ணிற்குள் புதைந்து பிற்காலங்களில் வெடித்து சேதத்தையும் ஏற்படுத்தும் வாய்ப்புகளும் உள்ளன. இந்தக் குண்டுகளுக்குள் இரசாயன ஆயுதங்களையும் பயன்படுத்த முடியும்.

இதனாலேயே கொத்துக் குண்டுகளை போரின்போதோ, தாக்குதலின் போதோ பயன்படுத்துவது சர்வதேச சட்டங்களின்படி தடை செய்யப்பட்டுள்ளது. இதற்காக 2008 ஆம் ஆண்டு மே மாதம் 30ஆம் திகதி “கன்வென்ஷன் ஒப் க்ளஸ்டர் ம்யுனிஷன்ஸ் (Convention on Cluster Munitions) எனப்படும் சர்வதேச உடன்படிக்கை ஒன்று கையெழுத்தானது. இந்த ஒப்பந்தத்தின்படி, கொத்துக் குண்டுகளை உற்பத்தி செய்வது, சேமித்து வைப்பது, விநியோகம் செய்வது, பயன்படுத்துவது தடை செய்யப்பட்டுள்ளது.

அயர்லாந்து தலைநகர் டப்லினில் நடந்த இந்தக் கொத்து எறிகுண்டுகள் தொடர்பான சர்வதேச ராஜீயப் பிரதிநிதிகள் கலந்து கொண்ட மாநாட்டில் கையெழுத்தான இந்த ஒப்பந்தத்தில் 108 நாடுகள் கையெழுத்திட்டுள்ளன. எனினும் இதுவரை 106 நாடுகள் இதை அமுலாக்கியுள்ளன.

இந்தியா பாகிஸ்தான் ஆகிய இரு நாடுகளுமே இந்த ஒப்பந்தத்தில் கையெழுத்திடவில்லை என்பது குறிப்பிடத்தக்கது. சீனா, அமெரிக்கா, இஸ்ரேல், ரஷ்யா போன்ற ஆயுதத் தயாரிப்பு மற்றும் ஆயுத வர்த்தகத்தில் முக்கிய பங்கு வகிக்கும் பிறநாடுகளும் இந்த ஒப்பந்தத்தில் கையெழுத்திடவில்லை.

2008, 2009 ஆம் ஆண்டு காலப்பகுதியில் இலங்கையில், தமிழீழப் பிரதேசத்தில் நடைபெற்ற யுத்தத்தின் போதும் இதே போன்ற கொத்துக் குண்டுகளே பாவிக்கப்பட்டன. ஆனால் சிறிலங்கா அரசாங்கம் தாங்கள் இந்தக் குண்டுகளைப் பாவிக்கவில்லை என கூறியிருந்தது. அப்போது உலக நாடுகள் இந்தக் குண்டுகள் பற்றி பெரிதாக பேசிக்கொள்ளவில்லை. ஆனால் இப்போது இந்தியா பாகிஸ்தான் யுத்தத்தில் பாவிக்கப்படும் போது மட்டும் இந்தக் குண்டுகள் பற்றி பெரியளவான பிரச்சாரங்களில் ஈடுபட்டு வருவது இங்கே கவனத்தில் கொள்ளப்பட வேண்டியதாகும்.

வடக்கு கிழக்கு காணாமல் ஆக்கப்பட்டோர் சங்கத்தின் துணைத்தலைவரும் மட்டக்களப்பு மாவட்ட காணாமல் ஆக்கப்பட்டோர் சங்கத்தின் தலைவருமான அமலநாயகி மற்றும் அவரது மகள் மீதும் இனந்தெரியாத நபர்கள் இன்று மாலை உந்துருளியாள் மோதி தாக்குதல் மேற்கொண்டுள்ளதாக தெரிவிக்கப்படுகிறது.

இதனால் அமல நாயகி மற்றும் அவரது மகள் ஆகியோர் காயமடைந்து மட்டக்களப்பு கரடியனாறு மருத்துவமனையில் அனுமதிக்கப்பட்டுள்ளனர். மரண வீடு ஒன்றில் கலந்து கொள்வதற்காக உந்துருளியில் தனது மகளுடன் மட்டக்களப்பு உன்னிச்சை வீதியில் பயணித்துக் கொண்டிருந்த சமயம் எதிர்த்திசையில் வந்த மூன்று பேர் அடங்கிய குழுவினரால் வேண்டுமென்றே மோதி விபத்து ஏற்படுத்தப்பட்டதாக தெரிவிக்கப்படுகிறது.

இது தொடர்பில் வைத்தியசாலையில் சிகிச்சை பெற்றுவரும் அமலநாயகி தெரிவிக்கையில்.,

தாம் எதிர் திசையில் வருவதை அறிந்து வேண்டுமென்றே தனது உந்துருளியை நோக்கி எதிரே வந்தவர்கள் செலுத்தியதாகவும் அதன்போது விபத்தை ஏற்படுத்தி விட்டு தப்பி சென்று விட்டதாகவும், இவ்வாறு எதிர்த்திசையில் வந்தவர்கள் புளொட் அமைப்பின் தலைவர்களில் ஒருவரான மோகன் அவர்களின் மைத்துனர் எனவும் ஏனைய இருவர் தொடர்பில் தகவல்கள் எவையும் கிடைக்கவில்லை எனவும் அமலநாயகி தெரிவித்தார்.

இவ்வாறு மோதிவிட்டு தப்பிச் சென்றவர்களில் ஒருவரை பிரதேச இளைஞர்கள் மடக்கிப்பிடித்த சமயத்தில் ஏனைய இருவரும் தப்பிச் சென்றுள்ளனர். பிடிபட்ட நபர் மட்டக்களப்பு கரடியனாறு பொலிசாரினால் கைது செய்யப்பட்டுள்ளதாக அறிய முடிகிறது.

இவ்வாறு காயமடைந்த அமல நாயகி வடக்கு கிழக்கு காணாமல் ஆக்கப்பட்டோர் சங்கத்தின் தலைவர்களில் ஒருவராக இருப்பதுடன் கடந்த சில வருடங்களாக நடைபெற்று வரும் காணாமல் ஆக்கப்பட்டோர் போராட்டத்தில் மட்டக்களப்பு மாவட்டத்தை பிரதிநிதித்துவப்படுத்தி அங்கே போராட்டங்களை ஒழுங்கமைத்து வருகின்ற இந்த நிலையில், கடந்த காலங்களில் பல்வேறு விதமான அச்சுறுத்தல்களுக்கும் உள்ளாகிய நிலையில் இன்றைய தினம் வேண்டுமென்றே உந்துருளியால் மோதி தாக்குதல் மேற்கொள்ளப்பட்டுள்ளமை ஒருவகையிலான அச்சுறுத்தல் செயற்பாடாகவே கருதப்படுகின்றமை குறிப்பிடத்தக்கது.

சைவத் தமிழ் மக்­க­ளின் வாழ்­வி­டங்­க­ளில் போலி­யான வர­லாற்றை உரு­வாக்கி விகா­ரை­கள் அமைத்­தலை நிறுத்­து­தல், வட­கி­ழக்­கில் புதி­தாக ஆயி­ரம் விகா­ரை­கள் அமைக்­கும் அர­சின் திட்­டம் நடை­மு­றைப்­ப­டுத்­து­வதை தடை செய்­தல் உள்­ளிட்ட 9 கோரிக்­கை­களை இந்து அமைப்­புக்­க­ளின் ஒன்­றி­யம் முன்­வைத்­துள்­ளது.

ஜனாதிபதி மைத்­தி­ரி­பால சிறி­சேன, பிரதமர் ரணில் விக்­கி­ர­ம­சிங்க, இந்தியப் பிரதமர் நரேந்­திர மோடி ஆகி­யோ­ருக்கு மனு அனுப்பி வைக்­கப்­பட்­டுள்­ளது.

அந்த மனு­வில் தெரி­விக்­கப்­பட்­டுள்­ள­தா­வது:

தமிழ் பேசும் மக்­கள் பெரும்­பான்­மை­யாக வாழ்ந்­து­வ­ரும் வடக்கு மற்­றும் கிழக்கு மாகா­ணங்­க­ளில் வர­லாற்­றுக் காலம் முதல் அமைக்­கப்­பட்­டி­ருந்த இந்து ஆல­யங்­கள் அழிக்­கப்­ப­டு­வ­தும் ஆலய வளைவு உடைக்­கப்­ப­டு­வ­தும், பௌத்­தர்­கள் வாழ்ந்­தி­ராத பிர­தே­சங்­க­ளில் விகா­ரை­கள் அமைக்­கப்­டு­வ­தும் இலங்கை வாழ் இந்­துக்­களை அச்­சத்­தில் ஆழ்த்­தி­யி­ருப்­பதை நன்கு உணர்ந்த நிலை­யில் இந்து அமைப்­புக்­க­ளின் ஒன்­றி­ய­மா­னது அமைதி வழி­யில் மேற்­படி அதர்ம செயல்­க­ளைக் கண்­டித்­தும் மத நல்­லி­ணக்­கத்தை வலி­யு­றுத்­தி­யும் அகிம்மை முறை­யில் கவ­ன­வீர்ப்பை இந்து சம­யப் பேர­வை­யு­டன் இணைந்து முன்­னெ­டுத்­துள்­ளது.

இலங்­கை­யின் ஜனாதிபதி, பிரதமர் மற்­றும் இந்­திய தலைமை அமைச்­சர் மற்­றும் இலங்­கை­யின் இந்து சமய விவ­கார அமைச்­சர் ஆகி­யோ­ரின் கவ­னத்­துக்­குக் கொண்டு வந்து உரிய நட­வ­டிக்­கையை மேற்­கொண்டு இந்­துக்­கள் அனை­வ­ரும் அச்­ச­மின்றி சமய வழி­பா­டு­க­ளில் ஈடு­ப­டு­வதை உறு­திப்­ப­டுத்தி உத­வு­மாறு தய­வாக வேண்­டு­கின்­றோம்.

இலங்கை வேந்­தன் இரா­வ­ணண் காலம் முதல் இந்­துக்­க­ளால் பாது­காக்­கப்­பட்டு பாரா­ம­ரிக்­கப்­பட்­டு­வந்த கன்­னியா வெந்­நீ­ருற்­றுப் பகு­தி­யை­யும் அங்­கி­ருந்த ஆல­யங்­க­ளை­யும் தடை­யே­து­மின்றி மீள­வும் அமைத்து வழி­பாடு செய்­ப­வ­தற்­கும் இந்­தப் பகுதி சைவத் தமி­ழ­ரின் நிர்­வா­கத்­தின் கீழ் தொடர்ந்து இருப்­ப­தை­யும் உறு­திப்­ப­டுத்­தல். இந்­தப் பிர­தே­சத்­துக்கு அண்­மை­யில் பௌத்த விகா­ரை­கள் அமைத்­த­லைத் தடுத்­தல். வவு­னியா வெடுக்­கு­நாறி சிவன் ஆல­யத்­துக்­குச் செல்­லும் பாதை­யூ­டாக தடை­யின்றி போக்­கு­வ­ரத்­துச் செய்­வது, அடி­வா­ரத்­தி­லி­ருந்து மலை உச்­சிக்­குச் செல்­வ­தற்­கான ஏணிப் படி­களை அமைக்க பொலி­ஸா­ரும் தொல்­லி­யல் திணைக்­க­ள­மும் தடை ஏற்­ப­டுத்­தாது இருத்­தல்.

மத­நல்­லி­ணக்­கத்­தைச் சிதைக்­கும் நோக்­கில் இடித்து அழிக்­கப்­பட்ட வர­லாற்­றுச் சிறப்­பு­மிக்க திருக்­கே­தீச்­சர ஆலய வளைவை முன்பிருந்த இடத்­தில் சமா­தா­ன­மான முறை­யில் மீள அமைப்­ப­தற்கு ஏற்­பாடு செய்து மத நல்­லி­ணக்­கத்­தைப் பேணு­தல்.

தொல்­லி­யில் திணைக்­க­ளம் நடு­நி­லைமை தவறி பக்­கச்­சார்­பா­கச் செயற்­பட்டு பௌத்த வர­லாற்­றுச் சின்­னங்­கள் காணப்­ப­டாத இடங்­க­ளில் விகா­ரை­கள் அமைப்­பதை ஊக்­கப்­ப­டுத்தி வரு­வதை வன்­மை­யா­கக் கண்­டிப்­ப­தோடு அத்­தி­ணைக்­க­ளத்­துக்கு தகு­தி­யான சைவத் தமி­ழர் களை­யும் நிய­மித்து குறித்த திணைக்­க­ளம் பக்­கச்­சார்­பின்றி செயற்­படு வதை உறு­திப்­ப­டுத்­து­தல்.

மத­மாற்­றங்­க­ளைத் தடை செய்­தல்.

முல்­லைத்­தீவு செம்­ம­லைப் பிர­தே­சத்­தில் அமைந்­துள்ள நீரா­வி­ய­டிப் பிள்­ளை­யார் ஆல­யத்­தின் செயற்­பா­டு­க­ளுக்கு இடை­யூறு செய்­யா­தி­ருத்­தல்.

நீரா­வி­ய­டிப்­பிள்­ளை­யார் ஆல­யப் பகு­தி­யில் பௌத்த மத வழி­பாட்­டுத் தலங்­கள் இருந்­த­மைக்­கான ஆதா­ரமே இல்லை என்று தொல் பொருள் திணைக்­க­ளமே கூறி­யுள்ள நிலை­யில் அங்கு விகா­ரை­கள் அமைத்­த­லைத் தடை செய்­ய­தல்.

வடக்கு, கிழக்கு பிர­தே­சத்­தில் பௌத்த மேலா­திக்க செயற்­பா­டு­களை நிறுத்­து­தல்.

மேலே விவ­ரிக்­கப்­பட்ட எமது நியா­ய­மான கோரிக்­கை­களை சாத­க­மா­கப் பரி­சீ­லித்து அவற்­றைச் செயற்­ப­டுத்­து­வ­தற்­கு­ரிய பொருத்­த­மான நட­வ­டிக்­கை­களை எடுத்து மத நல்­லி­ணக்­கத்­தை­யும் புரிந்­து­ணர்­வை­யும் ஏற்­ப­டுத் தித் தரு­மாறு அன்­பு­டன் வேண்­டு­கின்­றோம், என்­றுள்­ளது.

ஜனநாயகத்தை மதிக்கும், கொலைகளை செய்யாத, கொலை குற்றச்சாட்டுக்களை எதிர்நோக்காத மற்றும் சிறுபான்மை இன மக்களின் வாக்குகளை பெறக் கூடியவரே அடுத்த ஜனாதிபதித் தேர்தலில் வேட்பாளராக போட்டியிட வேண்டும் என ஐக்கிய மக்கள் சுதந்திர முன்னணியின் நாடாளுமன்ற உறுப்பினர் குமார வெல்கம தெரிவித்துள்ளார்.

களுத்துறையில் நடைபெற்ற கூட்டம் ஒன்றின் பின், செய்தியாளர்களிடம் கருத்து வெளியிடும் போதே அவர் இதனை கூறியுள்ளார்.

ஜனாதிபதித் தேர்தல் பற்றி தற்போது எப்படியான கதைகளை கூறினாலும் இந்த வருடத்தின் இறுதியிலேயே ஜனாதிபதித் தேர்தல் நடைபெறும். அப்போது அதற்கு தகுதியான நபர் தெரிவு செய்யப்படுவார் எனவும் குமார வெல்கம குறிப்பிட்டுள்ளார்.

ஜனாதிபதித் தேர்தலுக்கு மக்கள் தயார் என்றால் தானும் தயார் என முன்னாள் பாதுகாப்புச் செயலாளர் கோத்தபாய ராஜபக்ச தெரிவித்திருந்தார்.

இந்த நிலையில், கோத்தபாய ராஜபக்ச தொடர்பாகவே குமார வெல்கம மேற்படி கருத்தை வெளியிட்டுள்ளதாக கூறப்படுகிறது.

கோத்தபாய ராஜபக்ச ஜனாதிபதி வேட்பாளராக போட்டியிடுவது தொடர்பில் குமார வெல்கம தொடர்ந்தும் எதிர்ப்புகளை வெளியிட்டு வருகிறார் என்பது குறிப்பிடத்தக்கது.

“ஐக்கிய தேசியக் கட்சியின் ஜனாதிபதி வேட்பாளர்  யார் என்று அறிவிக்கப்பட்டதுடன் கட்சி மூன்றாகப் பிளவுபடும். ஐக்கிய தேசிய கட்சியின்  உள்ளகப் பிரச்சினைகளுக்குத் தீர்வுகாண முடியாத தலைமைத்துவத்தால் ஒருபோதும் தற்போது நாடு எதிர்கொண்டுள்ள பிரச்சினைகளுக்குத் தீர்வைப் பெற்றுக்கொடுக்க முடியாது என மஹிந்த அணியின் நாடாளுமன்ற உறுப்பினர் செஹான் சேமசிங்க தெரிவித்தார்.

அவர் மேலும் கூறுகையில்,

ஸ்ரீலங்கா பொதுஜன முன்னணியின் ஜனாதிபதி வேட்பாளர் தொடர்பில் எவ்வித முரண்பாடுகளும் எதிரணிக்குள் கிடையாது. தலைமைத்துவத்தின் கருத்துக்கு அனைத்துத் தரப்பினரும் இதுவரையில் இணக்கம் தெரிவித்து தீர்மானங்களை ஏற்றுக்கொண்டுள்ளோம்.

எதிரணியின் ஜனாதிபதி வேட்பாளர் யார் என்று உத்தியோகபூர்வமாக இம்மாதம் 11ஆம் திகதி அறிவிக்கப்படும் என ஏற்கனவே அறிவிக்கப்பட்டுள்ளது.

அதற்கமைய அன்றைய தினம் ஸ்ரீலங்கா பொதுஜன பெரமுனவின் தலைமைத்துவத்தை எதிர்க்கட்சித் தலைவர் மஹிந்த ராஜபக்ச உத்தியோகபூர்வமாக ஏற்று  ஜனாதிபதி வேட்பாளரையும் நாட்டு மக்களுக்கு அறிவிப்பார்” – என்றார்.

பலாலி விமான நிலையத்திலிருந்து அனைத்துலக விமானங்களை இயக்குவதற்கான அனைத்துலக வான் போக்குவரத்து சங்கத்தின் (IATA) அனுமதி கிடைத்துள்ளதாக சிவில் விமான சேவை அதிகாரி தெரிவித்தார்.  அத்துடன் பலாலி விமான நிலையத்திற்கான தனித்துவமான குறியீடாக JAF  என்பதையும் வழங்கியுள்ளது.

தென்னிந்திய நகரங்களுக்கு விமான சேவைகளை ஆரம்பிக்கும் நோக்கில் பலாலி விமான நிலையத்தை பிராந்திய விமான நிலையமாக தரமுயர்த்தும் நடவடிக்கைகள் அவசர அவசரமாக மேற்கொள்ளப்பட்டு வருகின்றன. அடுத்த மாதம் பலாலியிலிருந்து தென்னிந்தியாவிற்கு விமான சேவைகளை ஆரம்பிக்க திட்டமிடப்பட்டுள்ளதாக அரச  வட்டாரங்கள் தெரிவித்தன.