யாழ்ப்பாணத்தில் முதலாவது கொரோனா நோயாளி இன்று அடையாளம் காணப்பட்டுள்ளார். யாழ்ப்பாணம் வந்து திரும்பிய சுவிஸ் போதகருடன் நெருங்கிப் பழகிய ஆண் ஒருவரே இவ்வாறு தொற்றுக்கு இலக்காகியுள்ளார்.

யாழ்.போதனா வைத்தியசாலையில் சிசிக்சை பெற்று வரும் இவருக்குக் கொரோனா தொற்று உள்ளமை மருத்துவப் பரிசோதனையில் உறுதிப்படுத்தப்பட்டுள்ளது.

இதனையடுத்து சுவிஸ் போதகர் யாழ்ப்பாணம் வந்திருந்தவேளை அவருடன் பழகியவர்கள், ஆராதனையில் பங்கேற்றவர்கள் ஆகியோரைத் துரித கதியில் அடையாளம் கண்டு தனிமைப்படுத்தலுக்கு உட்படுத்துவதற்கான நடவடிக்கைகளில் சுகாதாரத் திணைக்களத்தினரும் பொலிஸாரும் இறங்கியுள்ளனர்.

இவ்வாறானவர்களை உடனடியாகத் தேடிப்பிடித்து தனிமைப்படுத்துவதன் மூலம் யாழ்ப்பாணத்தில் கொரோனா தொற்று மேலும் பரவாமல் இருப்பதற்கான நடவடிக்கைகளைத் துரிதமாக முன்னெடுப்பதற்கு ஏற்பாடாகியியுள்ளது.

யாழ்ப்பாணத்திலும் கொரோனா நோயாளி ஒருவர் அடையாளம் காணப்பட்டார் என்ற செய்தி ஊடகங்களிலும் சமுக வைலைத்தளங்களிலும் பரவியதை அடுத்து மக்கள் மத்தியில் அச்ச நிலை ஏற்பட்டது. யாழ்ப்பாணம் வந்த சுவிஸ் போதகர் சென்ற இடங்களில் வசிக்கும் மக்கள் இதனால் அச்சத்துக்குள்ளாகியுள்ளனர் எனத் தெரிவிக்கப்படுகின்றது.

ஆனாலும் மக்கள் அச்சப்படவேண்டியதில்லை என்றும், வீடுகளுக்குள் இருந்து தம்மை சுய தனிமைப்படுத்தலுக்கு உட்படுத்துவதன் மூலம் நோய் தொற்றில் இருந்து விடுபடமுடியும் என்றும் மருத்துவ வட்டாரங்கள் தெரிவித்தன.

சுவிஸ் போதகர் யாழ்ப்பாணம் வந்திருந்தபோது அவரது ஆராதனையில் பங்கேற்ற 137 பேர் தனிமைப்படுத்தலுக்கு உட்படுத்தப்பட்டுள்ளனர். போதகர் யாழ்ப்பாணத்தில் இருந்தவேளை அவருடன் நெருங்கிப் பழகிய ஒருவருக்கே தொற்று அடையாளம் காணப்பட்டுள்ளது. அவர் காய்ச்சலால் பீடிக்கப்பட்ட நிலையில் நேற்று யாழ். போதனா வைத்தியசாலையில் சேர்க்கப்பட்டிருந்தார்.

அரியாலை கண்டி வீதியில் அமைந்துள்ள பிலதெல்பியா தேவாலயத்தில் கடந்த ஞாயிற்றுக்கிழமை சுவிஸ் நாட்டிலிருந்து வருகை தந்த போதகர் போல் சற்குணராசாவால் சிறப்பு வழிபாடு நடத்தப்பட்டது. போதகரை அறை ஒன்றில் சந்தித்துப் பேசிய ஆண் ஒருக்கே இவ்வாறு கொரோனா தொற்றுள்ளமை உறுதிப்படுத்தப் படுத்தப்பட்டுள்ளது.

அவர் தற்போது யாழ்.போதனா வைத்தியசாலையில் சிகிச்சை பெற்று வருகின்றார். அவர் மேலதிக சிகிச்சைக்காகக் கொழும்பில்உள்ள வைத்தியசாலைக்கு இன்று மாலை மாற்றப்படவுள்ளார் என்று யாழ். போதனா வைத்தியசாலைப் பணிப்பாளர் மருத்துவர் த.சத்தியமூர்த்தி தெரிவித்தார். யாழ்ப்பாணத்தில் அடையாளம் காணப்பட்ட முதல் நோயாளி தாவடியைச் சேர்ந்த கட்டட ஒப்பந்தகாரர் எனத் தெரிவிக்கப்பட்டது.

வடமாகாணத்தில் நாளை காலை 6 மணி முதல் தளர்த்தப்படவிருந்த ஊரடங்கு நாளை மறுதினம் செவ்வாய்க் கிழமை வரை நீடிக்கப்பட்டிருப்பதாக அறிவிக்கப்பட்டுள்ளது

யாழ்ப்பாணத்தில் கொரோனா நோயாளி ஒருவர் இனங்காணப்பட்டமையை அடுத்து வட மாகாணத்தை அரசாங்கம் முற்றாகச் ‘சீல்’ செய்திருக்கிறது.

இம்மாவட்டங்களில் காலை 6.00 மணிக்கு நீக்கப்படும் ஊரடங்கு சட்டம் பிற்பகல் 2.00 மணிக்கு மீண்டும் பிறப்பிக்கப்படும்.

வடக்கின் 05 மாவட்டங்களிலும் வாழும் மக்களுக்கு தாங்கள் வாழும் மாவட்டங்களுக்கு வெளியே பயணம் செய்வது தடைசெய்யப்பட்டுள்ளது.

கடந்த தினங்களில் வடக்கிற்கு பயணம்செய்த சுவிட்சர்லாந்தில் இருந்து வருகைதந்த கொரோனா வைரஸ் தொற்றுடைய மதகுருவை சந்தித்த மற்றும் அவருடன் தொடர்புகொண்ட அனைவரையும் அடையாளம்காணும் வரை இந்த பயணத் தடை நடைமுறையில் இருக்கும்.

ஐந்து மாவட்டங்களிலும் வசிக்கும் மக்கள் கொரோனா தாக்கத்திற்கு உற்படுவதிலிருந்து பாதுகாக்கும் வகையில் இந்த தீர்மானம் எடுக்கப்பட்டுள்ளது.

வடக்கின் மக்கள் வாழ்க்கையை பாதுகாக்கும் வகையில் முன்னெடுக்கப்பட்டுள்ள செயற்பாட்டினை வெற்றிகரமாக முன்னெடுப்பதற்கு முழுமையான ஒத்துழைப்பை வழங்குமாறு அரசாங்கம் அங்கு வாழும் மக்களிடம் கேட்டுக்கொண்டுள்ளது.

கோவிட்-19 வைரசின் தாக்கத்தால் சிறீலங்காவின் சுற்றுலாத்துறை முற்றாக முடங்கியுள்ளதுடன் 500,000 மக்கள் வேலைகளை இழக்கும் நிலை ஏற்பட்டுள்ளதாக கொழும்புத் தகவல்கள் தெரிவிக்கின்றன.

ஆடம்பர விடுதிகள் உட்பட 2500 இற்கு மேற்பட்ட விடுதிகள் சிறீலங்காவில் மூடப்பட்டுள்ளது. எதிர்வரும் 25 ஆம் நாள் வரையில் விமானப் போக்குவரத்து நிறுத்தப்பட்டுள்ளது.

எமது பணி வீட்டில் இருந்து செய்ய முடியாத பணி, வெளிநாட்டு சுற்றுலாப் பயணிகள் பலர் வெளியேறி வருவதுடன், பெருமளவான பயணிகள் தமது பயணத்தை நிறுத்தியும் வருகின்றனர் என சிறீலங்கா விடுதிகள் சபையின் தலைவர் சனத் உக்வத்த தெரிவித்துள்ளார்.

2018 ஆம் ஆண்டு சிறீலங்காவுக்கு 25 இலட்சம் சுற்றுலாப் பயணிகள் வருகைதந்திருந்தனர்.

அமெரிக்க டொலருக்கு எதிராக சிறீலங்கா நாணயம் தொடர் வீழ்ச்சியை சந்தித்துவருவதால் சிறீலங்கா அரசு பொருட்களின் இறக்குமதியை தடைசெய்துள்ளது.

வாகனங்கள், கணணிகள், வாசைன திரவியங்கள், வாகன உதிரிப்பாகங்கள் உட்பட பெருமளவான பொருட்களின் பட்டியலை சிறீலங்கா அரசு கடந்த வியாழக்கிழமை (19) வெளியிட்டுள்ளது. இந்த தடை எதிர்வரும் 3 மாதங்களுக்கு நடைமுறையில் இருக்கும் என சிறீலங்கா மத்திய வங்கி தெரிவித்துள்ளது.

வீடுகளில் இருந்து மக்கள் தமது பணிகளை மேற்கொள்ள வேண்டும் என தெரிவித்துள்ள சிறீலங்கா அரசு கணணிகளின் இறக்குமதியை தடைசெய்துள்ளது எதிர்மறையான செயல் என தெரிவிக்கப்படுகின்றது.

கடந்த வாரம் அமெரிக்க டொலருக்கு எதிரான சிறீலங்கா நாணயத்தின் பெறுமதி 188 ரூபாய்களாக வீழ்ச்சியடைந்திருந்தது.

யாழ்.மாவட்டத்தில் 1வது கொரோனா நோயாளி இனங்காணப்பட்டிருக்கின்றாா். அாியாலை பிலதெபிய தேவாலயத்திற்கு சுவிஸ் நாட்டிலிருந்து வருகைதந்த மதுபோதகரை யாழ்ப்பாணம் அழைத்துவந்து மீண்டும் கொழும்பு அழைத்து சென்றவா்.யாழ்.போதனா வைத்தியசாலையில் அனுமதிக்கப்பட்டிருந்த நிலையில், அவருடைய பாிசோத னை அறிக்கை உறுதிப்படுத்தியுள்ளது.

இது இவ்வாறிருக்க,

மடு மற்றும் நானாட்டான் பிரதேசங்களில் 11 குடும்பங்கள் தனிமைப்படுத்தப்பட்டுள்ளதாக பிரதேச சுகாதாரவைத்திய அதிகாரி தெரிவித்தார்.சுவிஸ் நாட்டிலிருந்து யாழ்ப்பாணத்திற்கு வருகை தந்திருந்த போதகர் ஒருவரின் ஆராதனை கூட்டத்தில் கலந்து கொண்டவர்கள் என்னும் சந்தேகத்தில் குறித்த 11 குடும்பங்களும் அவர்களது வீடுகளிலேயே தனிமைப் படுத்தப்பட்டுள்ளதாக தெரிவிக்கப்படுகின்றது.

சுவிஸ் நாட்டில் இருந்து வருகை தந்த போதகர் ஒருவர் கடந்த 15 ஆம் திகதி யாழ்ப்பாணத்தில் மத போதனைக் கூட்டம் ஒன்றை நடாத்தியுள்ளார்.

இந்த நிலையில் குறித்த போதகர் மீண்டும் சுவிஸ் நாட்டிற்குச் சென்ற நிலையில் குறித்த போதகருக்கு ´கொரோனா´ நோய்த் தொற்று உள்ளது என தெரிவிக்கப்பட்டுள்ளது.

இந்த நிலையில் யாழ்ப்பாணத்தில் இடம் பெற்ற கூட்டத்தில் கலந்து கொண்ட மக்களை தேடி வந்த நிலையில் மன்னார் மாவட்டத்தைச் சேர்ந்தவர்கள் சிலரும் குறித்த கூட்டத்தில் கலந்து கொண்டதாக தெரிய வந்த நிலையில் மன்னார் பொலிஸார் மற்றும் சுகாதார துறையினரும் தேடுதல் நடவடிக்கைகளை மேற்கொண்டு வந்தனர்.

மன்னார் மாவட்டத்தில் இருந்தும் பலர் அந்த கூட்டத்திற்கு சென்றுள்ளார்கள் என்று சுகாதார துறையினருக்கு கிடைத்த தகவல்களின் அடிப்படையில் நானாட்டான் பிரதேச செயலாளர் பிரிவுக்கு உற்பட்ட மடுக்கரை மற்றும் அச்சங்குளம் கிராமங்களில் 5 குடும்பங்களும் , மடுப்பிரதேச செயலகத்திற்கு உற்பட்ட தேக்கம் கிராமத்தில் 6 குடும்பங்களும் அடையாளம் காணப்பட்டுள்ள நிலையில் அவர்களது வீட்டிலேயே அவர்களை தனிமைப்படுத்தும் நடவடிக்கைகளை சுகாதார பிரிவினர் மேற்கொண்டுள்ளனர்.

குறித்த 11 குடும்பங்களும் அவர்களுடைய வீடுகளிலே தனிமைப் படுத்தப்பட்டுள்ளதாக நானாட்டான் பொது சுகாதார வைத்திய அதிகாரி தெரிவித்தார்.

அவர்களிடம் மேற்கொண்ட விசாரணைகளின் போது அவர்கள் அந்த கூட்டத்தில் கலந்து கொள்ளவில்லை என குறித்த குடும்பந்தினர் தெரிவித்துள்ளனர்.

எனினும் பாதுகாப்பை கருத்தில் கொண்டு குறித்த 11 குடும்பத்தினரும் அவர்களுடைய வீடுகளில் தனிமை படுத்தி வைக்கப்பட்டுள்ளதாகவும் அவர்களுக்கான மருத்துவம், சுகாதாரம் , உலர் உணவு வசதிகளும் மேற்கொள்ளப்பட்டுள்ளதாக நானாட்டான் பொது சுகாதார வைத்திய அதிகாரி மேலும் தெரிவித்தார்.

ஊரடங்கு சட்டமானது மட்டக்களப்பு மாவட்டத்திலும் மக்கள் கடுமையான முறையில் கடைப்பிடிக்கப்பட்டதை அவதானிக்கப்பட்டது. இரானுவத்தினரும் பொலிஸ் பிரிவினரும் தங்களின் கடமைகளை கடுமையான முறையில் கடைப்பிடித்ததும் அவதானிக்கமுடிந்தது.

மட்டக்களப்பின் சகல வீதிகளும் வெறிச்சோடிக்கிடந்தமை அவதானிக்க முடிந்தது எல்லா வீதிகளும் இரானுவம் பொலிஸாரி நடமாட்டங்களும் அவசர தேவைகளுக்கான பயணங்களை மேற்கொள்ளும் மக்களின் நடமாட்டங்களையும் ஆங்காங்கு அவதானிக்கமுடிந்தது.

அரியாலையில் மத வழிபாட்டில் பங்குகொண்ட இருவர் கோரோனா தொற்று அறிகுறிகளுடன் யாழ்ப்பாணம் போதனா வைத்தியசாலையில் அனுமதிக்கப்பட்டுள்ள போதும், நேற்றுப் பிற்பகல் ஒரு மணிவரை அந்த இருவருக்கும் கோரோனா தொற்று இருப்பதாக உறுதிப்படுத்தப்படவில்லை என யாழ். மாவட்ட அரசாங்க அதிபர் கணபதிப்பிள்ளை மகேசன் நேற்று வெளியிட்டுள்ள விசேட அறிக்கையில் தெரிவிக்கப்பட்டுள்ளது.

அதில் மேலும் கூறப்பட்டுள்ளாஅவை வருமாறு: –

“யாழ். மாவட்டத்தில் கோரோனா தொடர்பான பலதரப்பட்ட செய்திகளை சில ஊடகங்கள் தெரிவித்து வருவது மக்கள் மத்தியில் குழப்பத்தினையும் தேவையற்ற பீதிகளையும் ஏற்படுத்துவதும் அவதானிக்கப்பட்டுள்ளது. கோரோனா வைரஸ் தொற்றினை மாவட்டத்தில் கட்டுப்படுத்த பல்வேறு நடவடிக்கைகள் மேற்கொள்ளப்படுகின்றன.

இந்நிலையில் யாழ்ப்பாணம் அரியாலையில் உள்ள மத வழிபாட்டுத் தலம் ஒன்றில் பங்குகொண்ட மதபோதகருக்கு கோரோனா வைரஸ் தொற்றுக்குரிய அறிகுறிகள் இருந்தமையால் அந்த வழிபாட்டு நிகழ்வில் பங்குகொண்ட ஏனையோருக்கும் கோரோனா தொற்று ஏற்பட்டிருக்கலாம் என சந்தேகிக்கப்படுகிறது.

அந்த மத வழிபாட்டில் பங்குகொண்ட இருவர் கோரோனா தொற்று அறிகுறிகளுடன் யாழ்ப்பாணம் போதனா வைத்தியசாலையில் அனுமதிக்கப்பட்டனர். எனினும் நேற்று பிற்பகல் ஒரு மணி வரை அந்த இருவருக்கும் கோரோனா தொற்று இருப்பதாக உறுதிப்படுத்தப்படவில்லை.

ஆனால் அந்த மத வழிபாட்டில் கலந்து கொண்டவர்கள் அவர்களது முற்பாதுகாப்பினையும் மற்றும் சமூகப் பாதுகாப்பினையும் கருத்திற் கொண்டு மருத்துவ ஆலோசனைகளைப் பெற்றுக்கொள்ளும் முகமாக அந்தப் பிரதேசத்துக்குரிய சுகாதாரப் பரிசோதகர் அல்லது சுகாதார மருத்துவ அதிகாரி அல் லது 021 2217278 என்ற தொலைபேசி இலக்கத்தின் ஊடாகத் தொடர்பு கொண்டு தங்களைப் பதிவு செய்யுமாறு கேட்டுக்கொள்ளப்பட்டுள்ளது.

அத்துடன், இதன் உறுதிப்படுத்தப்பட்ட தகவல்கள் மாவட்ட இடர்முகாமைத்துவப் பிரிவினரால் உடனுக்குடன் வழங்கப்படும் என்பதுடன் இந்தச் சந்தர்ப்பத்தில் பொது நிகழ்வுகள் மற்றும் பொதுமக்கள் நடமாட்டம் என்பவற்றை சமூகப் பொறுப்புக் கருதி கட்டுப்படுத்திக் கொள்ளுமாறு பொதுமக்கள் அனைவரும் கேட்டுக்கொள்ளப்படுகின்றனர்” என்றுள்ளது.