நேபாளப் பிரதமர் பாலன் ஷா, தனது நாட்டிற்கும் அதன் பெரிய தெற்கு அண்டை நாடான இந்தியாவிற்கும் இடையிலான நீண் டகால எல்லைப் பிரச்சினையை மீண்டும் கிளறியுள்ளார். இந்தப் பேச்சுவார்த் தையில் ஐக்கிய இராச்சியமும் சீனாவும் பங்கேற்க வேண்டும் என்று கூறியதன் மூலம், அவர் இந்தப் பிரச்சினைக்கு மேலும் தீயை மூட்டியுள்ளார்.
நாடு முழுவதும் பரவிய ஊழலுக்கு எதிரான மாபெரும் ‘ஜென் Z’ தலைமுறைப் போராட்டங் களைத் தொடர்ந்து கடந்த ஆண்டு தேர்ந்தெடுக்கப்பட்ட ஷா, ஞாயிற்றுக்கிழமை அன்று, “இந்தியா நேபாளத்தின் நிலத்தை ஆக்கிரமித்தது மட்டு மல்லாமல், நேபாளமும் பல இடங்களில் இந்தியாவின் நிலத்தை ஆக்கிரமித்துள்ளது” என இந்த வாரம் ஆர்.ரி ஊடகத்திற்கு வழங்கிய நேர்காணலில் தெரிவித்துள்ளார்.
பேச்சுவார்த்தைக்கு அழைப்பு விடுப்பதில் அவர் சமரசப் போக்கைக் காட்டிய அதே வேளையில், காத்மாண்டு இந்தப் பிரச்சினை குறித்து இந்தியா மற்றும் சீனாவுடன் மட்டுமல்லாமல் (சர்ச்சைக்குரிய பகுதியை ஒட்டியிருக்கும் சீனாவின் திபெத் பிராந்தியம்), ஐக்கிய இராச்சிய அரசாங்கத்துடனும் பேசியுள்ளது என்றும் அவர் மேலும் கூறினார்.
“பிரிட்டிஷார் இப்பகுதியை விட்டு வெளியேறிய காலத்திலிருந்தே இந்தப் பிரச்சினை இருப்பதால், ஐக்கிய இராச்சியமும் இதில் ஆர்வம் காட்ட வேண்டும் என்பதே எங்கள் கருத்து,” என்று ஷா கூறினார். 1947-ல் இந்தியா சுதந்திரம் அடையும் வரை, பிரிட்டன் கிட்டத்தட்ட 200 ஆண்டுகள் இந்தியாவை ஆண்டது. அதன் கொடூரம் மற்றும் சுரண்டலுக்காக, குறிப்பாக பிரிட்டிஷ் ஆட்சியின் கீழ் இருந்த பகுதிகளை இந்தியா மற்றும் பாகிஸ்தானாகப் பிரித்ததற்காக, அது இன்றும் கசப்புடன் நினைவுகூரப்படுகிறது.
“பிரிட்டிஷ் மற்றும் நேபாளத்திற்கு இடையேயான 1816 ஒப்பந்தத்தில் இருந்த தெளிவின்மையால்தான் இந்தப் பிரச்சினை முழுவதுமாக எழுந்தது,” என்று புது தில்லியின் ஜவஹர்லால் நேரு பல்கலைக்கழகத்தின் சர்வதேச ஆய்வுகள் பள்ளியின் கௌரவப் பேராசிரியர் எஸ்.டி. முனி கூறினார்.
