இஸ்ரேல் தடுத்து நிறுத்தப்பட வேண்டும். இது மனிதகுலத்தின் கடமை மற்றும் மனிதகுலத் தின் முன்னணி. வரலாறு மீண்டும் நிகழ அனுமதிக் கப்படக்கூடாது என துருக்கிய ஜனாதிபதி எர்டோகன் கடந்த வியாழக்கிழமை(11) தெரிவித்துள்ளார்.
“சிரியா மற்றும் லெபனானுக்கு எதிரான நெதன்யாகு மற்றும் அவரது குற்றவியல் வலையமைப்பின் தாக்குதல் கள், இந்த இரண்டு சகோதர நாடுகளை மட்டுமல்ல, இப்போது உலகையும் அச்சுறுத்தும் ஒரு நிலையை எட்டியுள்ளன. ‘பெரிய இஸ்ரேல்’ என்ற மாயையின் இறுதி நோக்கம் என்ன என்பதை நாங்கள் முழுமையாக அறிவோம். இன்ஷா அல்லாஹ், நாங்கள் அதை ஒருபோதும் அனுமதிக்க மாட்டோம்.”
எண்பத்தைந்து ஆண்டுகளுக்கு முன்பு, ஹிட்லரின் முன்னிலையில் நில விய மௌனமும் செயலற்ற தன்மையும் உலகெங்கிலும் 80 மில்லியன் மக்களின் மரணத்திற்கு வழிவகுத்தது. மனநிலை பிறழ்ந்த ஒரு கொடுங்கோலனின் வெறித்தனத்திற்கு ஒட்டுமொத்த மனிதகுலமும் விலை கொடுத்தது. இன்று, அதே தவறு மீண்டும் செய்யப்படுகிறது. காசாவின் கசாப்பு மன்னன் நெதன்யாகு மற்றும் அவரது அமைச்சரவையின் இனப்படுகொலைச் செயல்கள், ஒரு காலத்தில் ஹிட்லரை வரவேற்ற அதே மௌனத்துடனும் பதிலின்மையுடனும் பார்க்கப்படுகின்றன.
ஒரு நெருப்பு வளரும்போது, அது தொடங்கிய பகுதியை மட்டும் எரிப்பதில்லை; அதன் தீப்பொறிகள் உலகம் முழுவதும் பரவுகின்றன என்பதை யாரும் மறந்து விடக் கூடாது. ஹோர்முஸ் ஜலசந்தியில் தீர்க்கப்படாத சூழ்நிலைக்காக இன்று ஒட்டுமொத்த உலகமும் விலை கொடுப்பதைப் போலவே, இஸ்ரேலின் சட்டவிரோதச் செயல்கள் முடிவுக்குக் கொண்டுவரப்படாவிட்டால், மனித குலம் முழுவதுமே இந்தப் பிராந்தியத்துடன் சேர்ந்து அதன் விளைவுகளைச் சந்திக்கும் என அவர் மேலும் தெரிவித்துள்ளார்.
