கல்முனை வடக்கு பிரதேச செயலக பிரச்சினை இன்று தமிழ் -முஸ்லிம் ஐக்கியத்தின் மையப் புள்ளியாக மாறியுள்ளது. எனவே கல்முனை வடக்கு உப-பிரதேச செயலகத்தை, முழுமையான பிரதேச செயலகமாக தரமுயர்த்தும் நீண்டகால கோரிக்கைக்கு உடன்பட்டு முஸ்லிம் அரசியல் கட்சிகள், அரசியல்வாதிகள், மக்கள் பிரதிநிதிகள் தமிழ், முஸ்லிம் ஐக்கியத்தை உறுதிப்படுத்த வேண்டும் என அமைச்சர் மனோகணேசன் தெரிவித்தார். இதுதொடர்பில் அமைச்சர் மனோ கணேசன் மேலும் கூறியுள்ளதாவது:

கல்முனை வடக்கு பிரதேசம், சாய்ந்தமருது பிரதேசம், கல்முனை தெற்கு பிரதேசங்களை உள்ளடக்கியதே கல்முனை மாநகரம். இதில் சாய்ந்தமருது, கல்முனை தெற்கு ஆகிய பிரதேசங்களில் முஸ்லிம் மக்கள் பெரும்பான்மையாகவும், கல்முனை வடக்கு பிரதேசத்தில் தமிழ் மக்கள் பெரும்பான்மையா கவும் வாழ்கின்றனர்.

இந் நிலையில் சாய்ந்தமருது பிரதேச முஸ்லிம் மக்கள், தமது பிரதேச செயலகத்தை, கல்முனை மாநகரசபையிலிருந்து பிரித்து முழுமையான நகரசபையாக்கும்படி போராடுகிறார்கள். அதுபோல் கல்முனை வடக்கு தமிழ் சமூக தலைவர்கள் தமது உப பிரதேச செயலகத்தை, முழுமையான பிரதேச செயலகமாக தரமுயர்த்த கோருகின்றனர்.

ஒரே இனத்தைச் சேர்ந்த முஸ்லிம் மக்கள், கல்முனை மாநகரசபையிலிருந்து பிரிந்து தனி நகர சபைக்காகப் போராடும் போது, சகோதர இனத்தை சார்ந்த தமிழ் மக்கள், தமது உப பிரதேச செயலகத்தைத் தரமுயர்த்த வேண்டும் எனப் போராடுவதில் என்ன தவறு இருக்கின்றது. கல்முனை வடக்கு தமிழர்களின் போராட்டத்தை எதிர்க்கும் அரசியல்வாதிகள் நாட்டுக்கும், அரசாங்கத்துக்கும் தர்க்கரீதியாக எடுத்துக் கூற வேண்டும்.

இந்த விடயம் தொடர்பில் நேற்று முன்தினமிரவு தேசிய பாதுகாப்பு சபையிலும், நாம் கருத்துகளை பறிமாற்றிக்கொண்டோம். அம்பாறையில் இன்று கல்முனை வடக்கு உப-பிரதேச செயலகத்தை, முழுமையான பிரதேச செயலகமாக தரமுயர்த்த கோரி உண்ணாவிரத சாத்வீக போராட்டத்தில் ஈடுபட்டுள்ளோர்,தேரர், சுவாமிகள் மற்றும் ஏனையோர் என்னுடன் தொலைபேசியில் நேற்றுமுன்தினம் பிற்பகல் உரையாடினர்.

அத்துடன் கிழக்கு மாகாணத்தைச் சேர்ந்த மக்கள் என்னை சந்தித்து இதுபற்றி தீர்க்கமாக உரையாடினர். இப்பிரச்சினை தொடர்பில், துறைசார் அமைச்சர் வஜிர அபேவர்தனவுடனும், நான் கலந்தாலோசித்துள்ளேன்.அமைச்சர் தயா கமகேயும், நானும் இதுபற்றி பேசியுள்ளோம். இதை இனியும் தொடர்ந்து நீடிக்க விடுவது நாட்டின் தேசிய ஒருமைப்பாட்டுக்கு குந்தகமாக அமைந்துவிடும். இன, மத அடிப்படைகளில் கல்வி வலய, பிரதேச செயலக, உள்ளூராட்சி மன்ற எல்லைகளை நிர்ணயிப்பது தொடர்பில் மாறுபட்ட கருத்துகள் இருந்தாலும் இன்று வடக்கு கிழக்கு மாகாணங்களின் பல்வேறு மாவட்டங்களில், இன அடிப்படையிலான பிரதேச செயலகங்கள், கல்வி வலயங்கள், நிலத்தொடர்பற்றும், நிலத்தொடர் புடனும் நடைமுறையிலுள்ளன.

எனவே கல்முனை வடக்கு தமிழ் மக்கள், தமது உப-பிரதேச செயலகத்தை முழுமையான பிரதேச செயலகமாக தரமுயர்த்த கோருவதில் தவறிருக்காது. அத்துடன் ஏற்கனவே இயங்கி வரும் ஒரு உப-பிரதேச செயலகத்தையே, முழு-பிரதேச செயலகமாக தரமுயர்த்தும்படி இக்கோரிக்கை முன்னெடுக்கப்படுகின்றது. இது பிழை என்றால், கிழக்கில் இருக்கும் எத்தனையோ இனரீதியான பிரதேச செயலகங்களை, கல்வி வலயங்களை கலைக்க வேண்டும். தமிழ் மக்கள் தமது கோரிக்கைகளை முன்வைக்கும் போது மாத்திரம், அதற்கு இன, மத சாயம் பூசுவதில் என்ன நியாயம் இருக்கிறது.

வடக்கு கிழக்கில் 337 இடங்களை தொல்பொருள் திணைக்களம் சுவீகரிப்பதற்கு அடையாளப்படுத்தி வைத்திருப்பதாகவும்,  வடக்கு கிழக்கில் உள்ள பகுதி நிலங்களை சிறிலங்கா அரசின் கீழ் இயங்கும் தொல்பொருள் திணைக்களம் சுவீகரிக்க திட்டம் தீட்டியுள்ளதாகவும் வன்னி மாவட்ட பாராளுமன்ற உறுப்பினர் சிவசக்தி ஆனந்தன் தெரிவித்துள்ளார்.

மேலும் இவர்களுடன் வன ஜீவராசிகள் திணைக்களம், வன இலாகா உட்பட சிறிலங்கா அரசின் கீழ் இயங்கும் அமைப்புகளும் இது போன்ற காணி சுவீகரிப்பு நடவடிக்கையில் ஈடுபட்டுள்ளதாக தமிழ் மக்கள் குற்றஞ்சாட்டுவதுடன், போராட்டங்களையும் நடத்தி வருகின்றனர். முல்லைத்தீவு, திருகோணமலை மாவட்டங்களில் உள்ள வழிபாட்டுத் தலங்களையும் தொல்பொருள் திணைக்களம் சுவீகரிக்கும் நடவடிக்கையில் அண்மைக்காலமாக ஈடுபட்டு வருகின்றது.

வன்னி மாவட்ட பாராளுமன்ற உறுப்பினர் சிவசக்தி ஆனந்தன் பாராளுமன்றில் உரையாற்றும் போது, இப்போதிருக்கும் ஆட்சியிலுள்ளவர்களின் இறுதிக் கட்டத்திலாவது தமிழ் மக்களின் பிரச்சினைகளை தீர்த்து வைக்க வேண்டும் என்றும், இதற்காக தமிழ்த் தேசியக் கூட்டமைப்புடன் அரசாங்கம் பேச்சுவார்த்தைகள் நடத்த வேண்டும் என்றும், போர்க் குற்ற விசாரணைகளுக்கு வெளிநாட்டு உதவி தேவை இல்லை என்று சொன்ன அரசாங்கம், ஐஎஸ் பிரச்சினைக்கு உலகநாடுகளில் ஏராளமான புலனாய்வாளர்களை விசாரணையில் இணைத்தது. இதை எதிர்க்கட்சியினரும் மௌனம் காத்து வந்தனர். என்று கூறினார்.

இதே போன்று தமிழர் பிரச்சினைக்கும் வெளிநாட்டு உதவியைப் பெற்று தமிழர்களின் பிரச்சினைகளை தீர்க்க அரசாங்கம் முன்வர வேண்டும் என்றும் சிவசக்தி ஆனந்தன் பாராளுமன்றில் கோரிக்கை விடுத்தார்.

சிறீலங்கா, இந்தியா, மலேசியா மற்றும் சிங்கப்பூர் ஆகிய நாடுகளில் பேசப்படும் தமிழ் மொழி மிகவும் தொன்மையான மொழி என பிரித்தானியாவில் இருந்து வெளிவரும் டெய்லிமெயில் பத்திரிகை கடந்த செவ்வாய்க்கிழமை (18) தெரிவித்துள்ளது.

கேள்வி பதில் பகுதியில் உலகில் தற்போதும் பேசப்படும் பழமையான மொழி தொடர்பில் கேட்கப்பட்ட கேள்விக்கு டி.பி சால் என்பவர் பிளக்பூல் பகுதியில் இருந்து இதனைத் தெரிவித்துள்ளார்.

தமிழ் மொழி குறைந்தது 2,500 வருடங்களுக்கு முன்னைய மொழி என ஆதராங்கள் தெரிவிக்கின்றன. தற்போதைய மக்களும் அதனை இலகுவாக பயன்படுத்தும் தன்மை கொண்ட மொழி.

உலகில் பேசப்படும் மொழிகளில் தமிழ் 18 ஆவது இடத்தில் உள்ளதாகவும், உலகில் 70 மில்லியன் மக்கள் அதனைப் பேசுவதாகவும் அவர் மேலும் தெரிவித்துள்ளார்.

’93ஆம் ஆண்டு தரமுயர்த்துவதற்கான  அமைச்சு அங்கீகாரம் கிடைத்தது. கிட்டத்தட்ட 30 வருட காலமாக தமிழ் மக்களுக்கான உரிமை மறுக்கப்பட்டிருக்கின்றது.

‘1993 இல்  29உபபிரதேச செயலகங் களில்  28 உபபிரதேச செயலகங்கள் தரமுயர்த்தப்பட்டன.  ஏன் கல்முனை வடக்குப் பிரதேச செயலகம் மட்டும் தரமுயர்த்தப்படவில்லை.’

‘இஸ்லாமிய பயங்கரவாத இயக்கங்களினால் கல்முனை தமிழ்ப் பகுதி மக்கள் பாதிக்கப்பட்டிருக்கின்றனர். இவர்கள் அரசாங்கத்திற்கு வழங்கும் ஆதரவின் மூலமே அரசை முன்னெடுத்துச் செல்கின்றனர்.’

கோடிஸ்வரன் பா.உ –

அம்பாறை மாவட்டத்திலுள்ள கல்முனை வடக்கு பிரதேச செயலகம் 30 வருட காலமாக தரமுயர்த்தப்படாமல் இருக்கின்ற பிரதேச செயலகத்தை தரமுயர்த்த வேண்டுமென்று உண்ணாவிரதத்தை மேற்கொண்டு வருகின்றார்கள். பிரதமர்கூட இதை செய்து தருவதாக உறுதியளித்திருந்தார்.

ஆனாலும் அவர் தவறவிட்டிருக்கின்றார். எங்களை அவர் ஏமாற்றியிருக்கின்றார் என்று சொன்னால் அது உண்மையாகத்தான் இருக்கும். உதவிப் பிரதேச செயலகமாக இருந்ததை 93ஆம் ஆண்டு தரமுயர்த்துவதற்கான  அமைச்சு அங்கீகாரம் கிடைத்தது. கிட்டத்தட்ட 30 வருட காலமாக தமிழ் மக்களுக்கான உரிமை மறுக்கப்பட்டிருக்கின்றது.

அங்கு அடிப்படை மதவாதத்தை தோற்றுவித்து இஸ்லாமிய  இராச்சியத்தை உருவாக்குவதற்கு முக்கியமாக இருக்கின்றவர்களே வடக்குப் பிரதேசத்தை தரமுயர்த்தாமல் தடுத்து நிறுத்தியிருக்கின்றார்கள். அமைச்சு அங்கீகாரம் கிடைத்தும் 30 வருட காலமாக தமிழ் மக்கள் ஏமாற்றப்பட்டிருக்கின்றார்கள். தேசிய தௌஜீத் ஜமாத் அமைப்பினர் இதை தரமுயர்த்தக் கூடாதென்று பள்ளிவாசலில் கோசமிட்டுட அதற்கான அறிக்கையையும் வெளியிட்டிருக்கின்றார்கள்.

விமல் வீரவன்ச பா.உ
தமிழ் தேசியக்கூட்டமைப்பு பாராளுமன்ற உறுப்பினரின் கருத்தை நாங்கள்ஆமோதிக்கின்றோம். இஸ்லாமிய பயங்கரவாத இயக்கங்களினால் கல்முனை தமிழ்ப் பகுதி மக்கள் பாதிக்கப்பட்டிருக்கின்றனர். இவர்கள் அரசாங்கத்திற்கு வழங்கும் ஆதரவின் மூலமே அரசை முன்னெடுத்துச் செல்கின்றனர். அரசிற்கு வழங்கும் ஆதரவை வாபஸ் பெறுவதன் மூலம் அரசிற்கு இதனை செய்து கொடுக்க வேண்டுமென்று சிந்தனை வரும். ஏன் இவர்கள் இதனை செய்யாமல் இருக்கின்றனர்.

டக்ளஸ் தேவானந்தா பா.உ 

தமிழ் தேசிய கூட்டமைப்பினர் கூறிய பிரச்சினை உண்மையே. ஆனால் அரசு இவர்களை ஏமாற்றவில்லை. இவர்கள் நினைத்தால் அரசாங்கத்துடன் கலந்துரையாடி ஒரு முடிவிற்கு வரமுடியும். பிரச்சினைக்கு விரைவாக தீர்வு காணலாம்.

வியாழேந்திரன் பா.உ

1993 இல்  29உபபிரதேச செயலகங் களில்  28 உபபிரதேச செயலகங்கள் தரமுயர்த்தப்பட்டன.  ஏன் கல்முனை வடக்குப் பிரதேச செயலகம் மட்டும் தரமுயர்த்தப்படவில்லை. இது மட்டும் 30 வருடம் தாண்டியும் தரமுயர்த்தப்படாமல் இருக்கின்றன. இதற்குப் பின்னால் அம்பாறை மாவட்டத்தில் உள்ள சில முஸ்லிம் அரசியல்வாதிகள் காரணமாக இருக்கின்றனர். அண்மைக்காலத்தில் தேசிய தௌஜித் ஜமாத் இயக்கத்தினர் இதற்காக துண்டுப் பிரசுரத்தை வெளியிட்டிருந்தனர். இதற்குப் பின்புலத்தில் அரசியல் மாத்திரமல்ல இஸ்லாமிய பயங்கரவாதமும் இருக்கின்றது என்பதை தெட்டத் தெளிவாகக் காட்டுகின்றது. அரசாங்கம் தமிழ்த் தலைமைகளை ஏமாற்றவில்லை. தமிழ்த் தலைமைகள் அரசாங்கத்தை ஏமாற்றவில்லை. ஆனால் இரண்டும் சேர்ந்து அந்த பகுதி மக்களை ஏமாற்றியிருக்கின்றனர்.

கல்முனையில் கடந்த நான்கு நாட்களாக இடம்பெற்றுவரும் உண்ணாவிரத போராட்டம் சட்டப்படி பிழையான ஒன்று.எனக்கோரி கல்முனை பொது அமைப்புக்கள் மற்றும் அரசியல் பிரமுகர்களால் ஒரு சத்தியாகிரக போராட்டம் ஐக்கிய சதுக்கத்தில் ஆரம்பிக்கப்பட்டுள்ளது.

இந்நிலையில் குறித்த பகுதிகளில், பாதுகாப்பு பலப்படுத்தப்பட்டுள்ளது.

மேலும், இந்த போராட்டத்தில் உலமாக்கள், கல்முனை பள்ளிவாசல்கள் சம்மேளன தலைவர் வைத்தியர் அஸீஸ்,முன்னாள் கிழக்கு மாகாண சபை உறுப்பினர்களான சட்டத்தரணி ஆரிப் சம்சுதீன், ஏ.எல்.தவம், கல்முனை மாநகர முதல்வர் சட்டத்தரணி ஏ.எம்.ரகீப், காரைதீவு பிரதேச சபை பிரதி தவிசாளர் எ.எம்.ஜாஹீர், கல்முனை மாநகர சபை உறுப்பினர்கள், காரைதீவு பிரதேச சபை உறுப்பினர்,கல்முனை அபிவிருத்தி குழு இணைத்தலைவர் எம்.எஸ்.ஏ.ரஸாக், மாளிகைக்காடு, சாய்ந்தமருது, கல்முனை, பிரதேசங்களை சேர்ந்த பொதுநல அமைப்புக்களின் முக்கியஸ்தர்கள் என பலரும் கலந்து கொண்டுள்ளனர்.

காலையில் ஆரம்பிக்கப்பட்ட இந்த போராட்டம் கடந்த நான்கு நாட்களுக்கு முன்னர் கல்முனை விகாராதிபதி தலைமையில் இடம்பெற்றுவரும் உண்ணாவிரத பந்தலில் இருந்து சுமார் 150 மீட்டர் தொலைவில் அமைந்துள்ளது. சத்தியாகிரக போராட்டக்கார்களை  சந்தித்து பேச்சுவார்த்தை செய்த பொலிஸாரின் பேச்சுவார்த்தை தோல்வியில் முடிவுற்றது. இப்போது உண்ணாவிரதம் மற்றும் சத்தியாகிரகம் இடம்பெறும் இடங்களில் பலத்த பாதுகாப்பு போடப்பட்டுள்ளது.

தமிழ் மக்களின் கோரிக்கைகளை முன்னிறுத்தி ஆர்ப்பாட்டம் இடம்பெற்றபோது முஸ்லிம் மக்களின் சத்தியாகிரக பந்தலை அந்த போராட்டம் நெருங்கிய சமயம்  சிறு சலசலப்பு வந்ததையடுத்து கல்முனை பொலிஸார்  நிலைமையை கட்டுப்பாட்டுக்குள் கொண்டுவந்துள்ளனர்.

முஸ்லீம் மக்களின் போராட்டத்தை வலுப்படுத்தும் நோக்கில் சாய்ந்தமருது, மாளிகைக்காடு அரசியல் பிரமுகர்கள்,பொது அமைப்புக்கள் சத்தியாகிரக பந்தலில் அமர்ந்து தமது ஆதரவை தெரிவித்துவருகிறார்கள்.ஆனால் இப்போது கல்முனையில் பலத்த பாதுகாப்பு போடப்பட்டுள்ளது. கலந்து கொள்ளும் பிரமுகர்கள் எல்லோரும் இப்போது ஊடகங்களை சந்தித்து தமது பக்க நியாயங்களை முன்னிறுத்தி பேசிவருகிறார்கள்.

கடந்த ஏப்பிரல் மாதம் சிறீலங்காவில் இடம்பெற்ற தாக்குதல்களைத் தொடர்ந்து உலகின் பல நாடுகள் தமக்கு இடையிலான போட்டிகளை மறந்து சிறீலங்காவுக்கு உதவி செய்து பெரும்பான்மை சிங்கள சமூகத்தை காப்பாற்றுவதற்கு போராடி வருகின்றன.

இந்த நிலையில் சிறீலங்காவின் பாதுகாப்புக்களை முன்னிட்டு 60 மில்லியன் ரூபாய்கள் பெறுமதியான எக்ஸ்ரே இயந்திரங்கள் உட்பட பல பாதுகாப்புச் சாதனங்களை சீனத் தூதுவர் சிறீலங்காவுக்கு நேற்று (19) வழங்கியுள்ளார்.

சிறீலங்காவின் நாடாளுமன்றத்தை பாதுகாப்பற்கே அவை வழங்கப்பட்டதாக அவர் தெரிவித்துள்ளார்.

இதனிடையே, சிறீங்கா காவல்துறையினருக்கும், படையினருக்கும் பயங்கரவாதத்திற்கு எதிரான போர் தொடர்பில் பயிற்சிகளை வழங்குவதற்கு என பிரித்தானியாவின் படை அதிகாரிகள் சிறீலங்கா வந்துள்ளதாகவும், அவர்கள் ஒருவாரம் அங்கு தங்கியிருப்பார்கள் எனவும் சிறீலங்காவுக்கான பிரித்தானியாத் தூதுவர் தெரிவித்துள்ளார்.

தமிழ் மக்களுக்கு போலியான வாக்குறுதிகளை வழங்கி ஏமாற்றிவரும் இந்த நாடுகள் சிங்கள மக்களை பாதுகாப்பதற்கு ஒருங்கிணைந்து பணியாற்றி வருவது தமிழ் மக்களிடம் அனைத்துலகசமூகம் தொடர்பில் அவநம்பிக்கைகளைத் தோற்றுவித்துள்ளது.