தமிழர் தாயகப் பிரதேசங்களில் ஒருபகுதியான வடக்கு மாகாணம் விசாயம் மற்றும் சிறுதோட்டப் பயிற்செய்கையை பின்புலமாகக் கொண்ட மக்கள் வாழும் மாகாணம்.

கிராமப்புறங்களில் வாழும் மக்கள் தமது வியர்வையை இரத்தமாகச் சிந்தி வெய்யில் மழை எனப் பொருட்படுத்தாது மண்ணைக் கிண்டி விதைத்து மனிதம் காத்துவரும் விவசாய தெய்வங்கள் வாழும் மண்.

தற்போது புறக் கண்ணுக்கு புலப்படாத கொடிய கொரோனா தொற்று நோய் காரணமாக முழு உலகமே முடங்கிக் கிடக்கின்றது.

இவ்வாறான சவால் மிக்க காலத்திலும் தாம் சிறுகச் சேகரித்த நகைகளை விற்றும், அடகு வைத்தும் கடன்வாங்கியும் கொழுத்தும் வெய்யிலில் தோட்டம் செய்து வரும் விவசாயிகள் தமது விளைபொருட்கள் விளைந்து விற்பனைக்கு ஏற்ற காலத்தில் காய்கறிகளை சந்தைப்படுத்த முடியாத நிலையில் பல்வேறு அசௌகரியங்களுக்கு முகம் கொடுத்து வருகின்றனர். விவசாயத்தையே வெறுக்கும் அளவு மனரீதியில் பாதிக்கப்பட்டுள்ளனர்.

குறிப்பாக வவுனியா கல்மடு, கிடாச்சூரி, ஈச்சங்குளம், இராசேந்திரகுளம், செட்டிகுளம், நெடுங்கேணி, கனகராயன்குளம், புளியங்குளம், மாங்குளம், மற்றும் முல்லைத்திவு மாவட்டத்தில் பலகிராமங்களிலும். கிளிநொச்சி மாவட்டத்தில் பல கிராமங்களிலும் தக்காளி, கத்தரி, வெண்டி, கறிமிளகாய், பச்சை மிளகாய், போன்ற சிறுதோட்டப் பயிர்கள் தற்போது நன்றாக விழைந்து சாகுபடி செய்யும் நிறையில் இருந்தாலும் அவற்றை விற்பனை செய்வதற்கு ஏற்ற பொறிமுகைள் இல்லாமல் பல துன்பங்களை அனுபவித்து வருகின்றனர்.

நகர்ப் புறங்களில் காய்கறிகள் தட்டுப்பாடான நிலை காணப்படுகின்றது கிராமப்புறங்களில் காய்கறிகள் விற்பனை செய்யமுடியாத நிலையில் காணப்படுகின்றது இவற்றை நிவர்த்தி செய்வாற்கு கமநல சேவைகள் திணைக்களமும், விவசாயத் திணைக்களமும், பொருத்தமான பொறிமுறைகளைப் பயன்படுத்தி விவசாயிகளின் விளைபொருட்களுக்கு நியாயமான விலையைப் பெற்றுக்கொடுக்க வேண்டியது காலத்தின் கட்டாக தேவையாகக் காணப்படுகின்றது.

இன்று (6) மேலும் 5 கோவிட்-19 நோயாளிகள் உறுதிப்படுத்தப்பட்டுள்ளதால் சிறீலங்காவில் உள்ள நோயாளிகளின் எண்ணிக்கை 176 ஆக உயர்ந்துள்ளதாக கொழும்பு தகவல்கள் தெரிவித்துள்ளன. அங்கு இதுவைர 5 பேர் உயிரிழந்துள்ளனர்.

இதனிடையே, கடுமையான வெப்பமான காலநிலை, அதிக ஈரப்பதன் போன்ற காரணகள் வைரசின் பரவலை மிகவும் குறைத்து வருவதாக சிறீலங்காவை தளமாகக் கொண்ட சுயாதீன ஆய்வாளர் கொசிபா அக்பரலி தெரிவித்துள்ளார்.

அவுஸ்திரேலியாவின் மெல்போனை தளமாகக் கொண்ட கலாநிதி அன்வர் சேதுவல, பேராசிரியர் நாதன் பெற்றர் மற்றும் பேராசிரியர் ஜெப்ரி லெப்கோவிற் ஆகியோருடன் இணைந்து இந்த ஆய்வை மேற்கொண்டதாக அவர் மேலும் தெரிவித்துள்ளார்.

கொரோனா வைரசின் தாக்கத்தினால் அதிகம் பாதிக்கப்பட்ட நாடான இத்தாலியில் கடந்த சில வாரங்களில் இறப்பு எண்ணிக்கை குறைந்து வருவதாக தெரிவிக்கப்படுகின்றது.

கடந்த 24 மணி நேரத்தில் அங்கு 525 பேர் பலியாகியுள்ளதுடன், பாதிக்கப்பட்டவர்களின் எண்ணிக்கையும் குறைவடைந்துள்ளது.

ஸ்பெயினிலும் இன்று இறப்பு எண்ணிக்கை குறைந்துள்ளது. அங்கு கடந்த 24 மணிநேரத்தில் 674 பேர் பலியாகியுள்ளனர்.

பிரித்தானியாவில் இன்று 621 இறந்துள்ளதுடன், 4,934 பேர் இதுவரையில் இறந்துள்ளனர்.

உலகில் இதுவரை 69,330 பேர் இறந்துள்ளதுடன், 1,268,851 பேர் பாதிக்கப்பட்டுள்ளனர்.

இதனிடையே, கொரோனா நோயிற்கு உட்பட்டுள்ள பிரித்தானியா பிரதமர் பொரிஸ் ஜோன்சனின் நோய் அறிகுறிகள் தொடர்ந்தும் காணப்படுவதால் அவர் மருத்துவமனையில் அனுமதிக்கப்பட்டுள்ளதாக பிரதமர் அலுவலகம் தெரிவித்துள்ளது.

ஊரடங்கு சட்டத்தை மீறிய குற்றச்சாட்டின் கீழ் கடந்த 24 மணிநேரத்தில் 552 பேர் கைது செய்யப்பட்டுள்ளனர்.

கடந்த 20ஆம் திகதி தொடக்கம் இன்று வரையான காலப்பகுதியில் 14,268 பேர் கைது செய்யப்பட்டுள்ளதாக காவல்துறை ஊடகப்பிரிவு குறிப்பிட்டுள்ளது.

குறித்த காலப்பகுதியில் 3,563 வாகனங்களும் பறிமுதல் செய்யப்பட்டுள்ளதாக தெரிவி்க்கப்படுகிறது.

குமுழமுனை பகுதியில் இளைஞர் ஒருவர் அடித்துக் கொலை செய்யப்பட்ட சம்பவத்துடன் கைது செய்யப் பட்ட 8 பேரும் எதிர்வரும் 14 ஆம் திகதி வரை விளக்கமறியலில் வைக்கப்பட்டுள்ளனர்

குமுழமுனை பகுதியில் இளைஞர் ஒருவர் அடித்துக் கொலை செய்யப்பட்ட சம்பவம் தொடர்பில் நேற்று (04) குமுழமுனை பகுதியைச் சேர்ந்த 3 குடும்பங்களைச் சேர்ந்த 12 பேர் பொலிஸாரால் விசாரணைக்கு அழைக்கப்பட்டிருந்த நிலையில் குறித்த சம்பவத்துடன் தொடர்புடையவர்கள் என்ற சந்தேகத்தில் 8 பேர் கைது செய்யப்பட்டிருந்தனர்.

குறித்து 8 பேரும் முல்லைத்தீவு நீதிமன்றத்தின் பதில் நீதவான் முன்னிலையில் நேற்று ஆஜர்படுத்தப்பட்ட நிலையில் குறித்த சந்தேக நபர்கள் 8 பேரையும் எதிர்வரும் 14 ஆம் திகதி வரை விளக்கமறியலில் வைக்குமாறு உத்தரவிடப்பட்டுள்ளது