எபோலா மற்றும் ஹண்டா வைரஸால் தற்போது பாதிப்பில்லை: WHO

தற்போது வைரஸ் தொற்று ஏற்பட்டிருக்கலாம் என சந்தேகிக்கப்படும் 500 மேற்பட்ட நோயாளர்கள் கணடறியப்பட்டுள்ளனரை். 130 மரணங்கள் பதிவாகியுள்ளன. கொங்கோவில் 30 பேரும் , உகண்டா தலைநகர் கம்பாலாவில் இரு நோயாளர்களும் பதிவாகியுள்ளதுடன், ஒருவர் உயிரிழந்துள்ளார். துரதிர்ஷ்டவசமாக, கம்பாலா மற்றும் கோமா போன்ற நகர்ப்புறங்களிலும் இந்த வழக்குகள் பதிவாகியுள்ளதுடன், சுகாதாரப் பணியாளர்கள் மத்தியிலும் மரணங்கள் ஏற்பட்டுள்ளமை கவலையளிக்கிறது.

மேலும், இதூரி மாகாணத்தில் மோதல்கள் தீவிரமடைந்துள்ளதால், ஒரு இலட்சத்திற்கும் அதிகமான மக்கள் இடம்பெயர்ந்துள்ளனர். எபோலா பரவலின் போது மக்கள் இடம்பெயர்வது பேரபாயத்தை ஏற்படுத்தும். அதுமட்டுமன்றி, ‘பண்டிபுஜியோ’ எனும் இந்த வைரஸூக்கு இதுவரை தடுப்பூசிகளோ அல்லது முறையான சிகிச்சைகளோ கண்டறியப்படவில்லை. இதற்காக அவசர நிதியிலிருந்து மேலதிகமாக 3.4 மில்லியன் டொலர்களை வழங்க அனுமதித்துள்ளேன்.

மறுபுறம் ‘எம்.வி ஹொண்டுரஸ்’ உல்லாசக் கப்பலின் பயணிகள் மற்றும் ஊழியர்கள் மத்தியில் பரவிய ஹண்டா வைரஸ் தொற்றும் பேசுபொருளாகியுள்ளது. இக்கப்பலில் இருந்த பயணிகள் அனைவரும் தற்போது அந்தந்த நாடுகளுக்குத் திருப்பி அனுப்பப்பட்டுள்ளதுடன், அவர்களின் தனிமைப்படுத்தல் காலம் நிறைவடையும் ஜூன் மாதம் 21 ஆம் திகதி வரை அவர்கள் தொடர்ந்து கண்காணிக்கப்படுவார்கள். அத்துடன், நேற்று இந்த ‘ஹொண்டுரஸ்’ கப்பல் ரோட்டர்டாம் துறைமுகத்தை சென்றடைந்துள்ளது. அங்கு கப்பலின் ஊழியர்கள் அனைவரும் இறக்கப்பட்டு, ஜூன் 29 ஆம் திகதி வரை தனிமைப்படுத்தலுக்கு உட்படுத்தப்பட்டுள்ளனர்.

உலக சுகாதார அமைப்பின் தற்போதைய மதிப்பீடுகளின்படி, உலகளாவிய ரீதியில் இந்த ஹண்டா வைரஸ் பரவலுக்கான ஆபத்து மிகவும் குறைந்த மட்டத்திலேயே காணப்படுகின்றது. இதுவரை இத்தொற்றுக்குள்ளான 11 சம்பவங்கள் மாத்திரமே பதிவாகியுள்ளன. இவர்களில் மூன்று மரணங்கள் உள்ளடங்குகின்றன. எனினும், இக்கப்பலில் தொற்றுப் பரவல் ஏற்பட்டமை குறித்து உலக சுகாதார அமைப்பிற்கு முதன்முதலில் அறிவிக்கப்பட்ட மே மாதம் 2 ஆம் திகதிக்கு பின்னர், புதிய மரணங்கள் எதுவும் பதிவாகவில்லை. இக்கப்பலின் பயணிகள் மற்றும் ஊழியர்களைத் தொடர்ந்து மிகவும் அவதானமாக் கண்காணிக்குமாறு நாம் வலியுறுத்துகின்றோம் என்றார்.