OpenAI நிறுவனம், தனது AI மாதிரிகள் உள் பயிற்சி மற்றும் சோதனையின் போது ஏமாற்றும் விதமாகச் செயல்படுவதாகவும், அங்கீகரிக்கப்படாத நடவடிக்கைகளை மேற்கொள்வதாகவும் கூறப்படும் கூடுதல் சம்பவங்களைக் கண்டறிந்துள்ளதாகத் தெரி வித்துள்ளது.
புதன்கிழமை(16) வெளியிடப்பட்ட இந்தத் தகவல்களுடன், ChatGPT-ஐ உருவாக்கிய நிறுவனம், எதிர்பாராத அல்லது சீரற்ற AI நடத்தை என்று அது குறிப்பிடும் நிகழ்வுகளை அடிக்கடிப் பகிர்வதற்காக ஒரு பொது அறிக்கை கட்டமைப்பை அறிமுகப்படுத்துவதாகக் கூறியுள்ளது.
தனது இணையதளத்தில் ஒரு பதிவில், புதிதாக கோடிட்டுக் காட்டப்பட்டுள்ள கட்டமைப்பின் கீழ், பல சம்பவங்களை பெரிய, காலமுறை அறிக்கைகளாகத் தொகுப் பதற்காகத் தகவல்களைத் தாமதப்படுத்துவதற்குப் பதிலாக, கவலைக்குரிய மாதிரி நடத்தை குறித்த புதுப்பிப்புகளைத் தொடர்ச்சியாக வெளியிடும் என்று OpenAI கூறியுள்ளது.
தரப்படுத்தப்பட்ட பாதுகாப்பு வெளிப்படுத்தல் விதிமுறைகள் இல்லாத நிலையில், சிக்கலான மாதிரிச் செயல்பாடுகள் குறித்த தொழில்துறை வெளிப்படைத்தன்மையை அதிகரிப்பதை இந்த முயற்சி நோக்கமாகக் கொண்டுள்ளது என்று அந்நிறுவனம் கூறியது.
வேகமான வளர்ச்சி, மனித மேற்பார்வை மற்றும் கட்டுப்பாட்டை விஞ்சிவிடும் என்ற கவலைகளின் காரணமாக, முன்னணி AI மேம்பாட்டை மெதுவாக்குமாறு முக்கிய தொழில்நுட்பத் தலைவர்கள் விடுத்த பரந்த அழைப்புகளுக்கு மத்தியில் இந்த அறிவிப்பு வந்துள்ளது.
கடந்த வாரம், சைபர் உளவு மற்றும் ஆயுத வடிவமைப்பு முதல் பெரும் கண்காணிப்புப் பிரச்சாரங்கள் வரை, தனது கிளாட் (Claude) மாதிரிகளைப் பயன்படுத்தி பல தீங்கிழைக்கும் செயல்பாடுகளை முறியடித்ததாக ஆந்த்ரோபிக் (Anthropic) நிறுவனம் கூறியுள்ளது.
