குற்றங்களைக் கட்டுப்படுத்துவதற்காக எதிர்காலத்தில் பாராளுமன்றத்தில் தாக்கல் செய்ய மேலும் பல சட்டமூலங்கள் தயாரிக்கப்படும் என்று பொது மக்கள் பாதுகாப்பு அமைச்சர் ஆனந்த விஜேபால தெரிவித்தார்.
நச்சுக்கள், அபின் மற்றும் அபாயகரமான போதைப்பொருட்கள் அவசரச் சட்டம், புனர்வாழ்வு திருத்தச் சட்டம், ஒழுங்கமைக்கப்பட்ட குற்றங்களைத் தடுப்பதற்கான அவசரச் சட்டம் மற்றும் இணையப் பாதுகாப்பு சட்டம் ஆகியவை எதிர்காலத்தில் தாக்கல் செய்யப்படும் சட்டமூலங்கள் என்று அவர் குறிப்பிட்டார்.
பயங்கரவாதத் தடுப்புச் சட்டத்தை ரத்து செய்வதற்கான நடவடிக்கைகள் எடுக்கப்பட்டு வருவதாகவும் அவர் தெரிவித்தார்.
குற்றவியல் புலனாய்வுத் திணைக்களம் வலுப்படுத்தப்பட்டுள்ளதாகவும், குற்றவியல் நீதி அமைப்பிற்குள் உள்ள அனைத்து நிறுவனங்களும் வலுப்படுத்தப்படும் என்றும் அமைச்சர் கூறினார்.
டிரான்ஸ்பரன்சி இன்டர்நஷனல் (Transparency International) தனது 2013ஆம் ஆண்டு அறிக்கையில் காவல்துறையை மிகவும் ஊழல் நிறைந்த அமைப்பாகப் பட்டியலிட்டிருந்ததாகவும், அக்காலத்தில் நிலவிய அரசியலே இந்த நிலைமைக்கு முக்கியக் காரணமாக இருந்ததாகவும் அவர் குறிப்பிட்டார்.
நீதித்துறைச் செயல்முறை தாமதமாகும் போது, நீதி வழங்குவதும் தாமதமாகும் என்றும் அவர் குறிப்பிட்டார்.
நீண்டகாலமாக நீடிக்கும் வழக்கு விசாரணைகளால் மக்கள் துன்பப்படுவதாகவும், குடும்ப வாழ்க்கையே சிதைந்து போவதாகவும் பொதுமக்கள் பாதுகாப்பு அமைச்சர் ஆனந்த விஜேபால கூறினார்.
