தமிழ் இனத்தின் மீது மேற்கொள்ளப்பட்ட இன அழிப்பின் பத்தாவது ஆண்டு நிறைவை சிறீலங்கா படையினர் பல நாட்கள் கடந்தும் கொண்டாடி வருகின்றனர்.

யுத்தம் முடிவடைந்து 10ஆவது ஆண்டு நிறைவடைவதை முன்னிட்டு இராணுவ ரணவிரு நடைபவனி ஆரம்பிக்கப்டுள்ளதுடன்  சுமார் 600 இராணுவத்தினர் இந்நடைபவனியில் பங்கு கொள்கின்றனர்.

யுத்த காலத்தில் வடக்கிற்கும் தெற்கிற்கும் செல்பவர்களை சோதனையிடும் சோதனை நிலையம் ஒன்று மதவாச்சியிலிருந்தது. இந்த சோதனை நிலையத்திலிருந்தே நடைபவனி ஆரம்பமாகியது.

மதவாச்சி, அநுராதபுரம், திரிப்பன, மரதன்கடவல, ஹபரண, தம்புள்ள நாவுல, மாத்தளை, கட்டுகஸ்தோட்ட, கண்டி, பேராதனை, மாவனல்ல, வரக்காபொல, நிட்டம்புவ, கடவத்த, கிரிபத்கொட, களனி, கிராண்ட்பாஸ், களனி, தெமட்டகொட ஊடாக இந்த அணிநடை கொழும்பைச் சென்றடைந்து, சுதந்திர சதுக்கத்தில் நிறைவு பெறும்.

இராணுவத் தளபதி லெப்.ஜெனரல் மகேஸ் சேனநாயக்க இந்த அணிவகுப்பை ஆரம்பித்து வைத்தார்.

2009 ஆம் ஆண்டு நிறைவடைந்த போரின் போது அனைத்துலக போர் விதிகளை மீறி பெருமளவான மனித உரிமை மீறல்களை மேற்கொண்டதுடன் பெருமளவான அப்பாவித் தமிழ் மக்களை படுகொலை செய்து முள்ளிவாய்க்காவில் போரை நிறைவு செய்திருந்தது சிறிலங்கா அரசு.

சிறீலங்கா படையினர் மேற்கொண்ட மனித உரிமை மீறல்கள் மற்றும் போர்க்குற்றங்கள் தொடர்பில் படை அதிகாரிகள் மீது அனைத்துலக நாடுளில் வழக்குகள் தொடுக்கப்பட்டுள்ளதும் இங்கு குறிப்பிடத்தக்கது.

எரியும் நெருப்பில் எண்ணெய் ஊற்றாது எரிகின்ற நெருப்பை அணைக்கும் கருத்துகளையே முஸ்லிம் தலைவர்கள் வெளியிட வேண்டும் என ஸ்ரீலங்கா சுதந்திரக் கட்சித் தெரிவித்தது.

நாட்டில் இனங்களுக்கிடையே ஏற்பட்டுள்ள விரிசல்களையும், சந்தேகங்களையும் அடிப்படையாக கொண்டு கருத்துகளை வெளியிட வேண்டும். மேல்மாகாண ஆளுநர் அசாத் சாலி போன்றோர் எரியும் நெருப்பில் எண்ணையை ஊற்றாது எரிகின்ற நெருப்பை அணைக்கும் கருத்துகளையே இத்தருணத்தில் வெளியிட வேண்டும்.

அசாத் சாலி தெரிவித்துவரும் கருத்துகள் தொடர்பில் ஜனாதிபதி மைத்திரிபால சிறிசேன அவதானித்து வருகின்றார். அவருடைய கருத்துகள் சமூகத்தில் சகவாழ்வுக்கு பதிலாக மாறுபட்ட நிலைமைகளை தோற்றுவிக்கும் எனவும் அக்கட்சி தெரிவித்தது.

கொழும்பு,டார்லி வீதியில் அமைந்துள்ள சிறிலங்கா சுதந்திரக் கட்சியின் தலைமையகத்தில் நேற்று புதன்கிழமை நடைபெற்ற ஊடகவியலாளர் சந்திப்பில், பள்ளிவாசல்களுக்கு பாதுகாப்புத் துறையினர் நாய்களை கொண்டுசெல்லக் கூடாதென மேல்மாகாண ஆளுநர்

அசாத் சாலி தெரிவித்திருந்த சர்ச்சைக்குரிய கருத்துத் தொடர்பில் ஊடகவியலாளர்கள் எழுப்பிய கேள்விக்குப் பதிலளிக்கும் போதே அக்கட்சியின் பாராளுமன்ற உறுப்பினர் சாந்த பண்டார, மேற்கண்டவாறு கூறினார்.

அவர் இங்கு மேலும் கருத்து வெளியிடுகையில்,

பாதுபாப்புத்துறையினர் மறைமுகமாகவும், வெளிப்படையாகவும் தேடுதல் வேட்டைகளை முன்னெடுத்து வருகின்றனர். இதில் எவரும் தலையீடு செய்யக் கூடாது. முஸ்லிம் தலைவர்கள் இத்தருணத்தில் பொறுப்புணர்வுடன் கருத்துகளை வெளியிட வேண்டும்.

மேல்மாகாண ஆளுநர் அசாத் சாலிக்கு கருத்துத் தெரிவிக்கும் உரிமையுள்ளது.

ஆனால், சூழ்நிலையை அடிப்படையாகக் கொண்டு எவராக இருந்தாலும் கருத்துகளை தெரிவிக்க வேண்டும்.

அசாத் சாலி தெரிவித்துவரும் கருத்துகள் தொடர்பில் ஜனாதிபதி கவனம் செலுத்தியுள்ளார். அவருக்கு உரிய ஆலோசனையும் ஜனாதிபதி வழங்கியிருக்க கூடும். இவ்வாறான கருத்துகளால் சகவாழ்வுக்கு பதிலாக இனங்களுக்கு இடையில் விரிசலே மேலும் அதிகரிக்கும்.

பாதுகாப்புத்துறையினருக்கு தடையின்றி அவர்களது விசாரணைகளையும்,தேடுதல் வேட்டையையும் முன்னெடுத்துச் செல்ல இடமளிக்க வேண்டும் என்பதே எமது நிலைப்பாடு.

இதேவேளை, ஓர் அமைச்சருக்கு எதிராக பாரிய குற்றச்சாட்டுகள் சுமத்தப்பட்டால் அவர் அடுத்தகட்டமாக செய்ய வேண்டியது எதுவாக இருக்க வேண்டுமென எழுப்பிய கேள்விக்குப் பதிலளித்த நாடாளுமன்ற உறுப்பினர்,

பாரிய குற்றச்சாட்டுகள் ஓர் அமைச்சருக்கு எதிராக சுமத்தப்படும் பட்சத்தில் அவர் தமது பதவியை இராஜனாமா செய்வதே பொருத்தமானதாக இருக்கும். அவ்வாறுதான் கடந்தகாலத்தில் நடைபெற்றுள்ளன.

விசாரணைகள் முடியும் வரை அவர் இராஜனாமா செய்ய வேண்டும் என்பதே எமது நிலைப்பாடு. ஐ.தே.முன்னணிதான் இவர் தொடர்பிலான அடுத்தகட்ட தீர்மானங்களை எடுக்க வேண்டுமென்றார்.

இலங்­கையில் பயங்­க­ர­வாத தாக்­குதல் ஒன்று இடம்­பெ­றப்­போ­கின்­றது என்ற கார­ணியை பாது­காப்பு செய­லா­ள­ ருக்கும், பொலிஸ்மா அதிபருக்கும் எடுத்துக் கூறி­ய­போ­திலும் அது குறித்து கவனம் செலுத்­த­ப்ப­ட­வில்லை.

தாக்­குதல் நடத்­தப்­படும் வரையில் பாது­காப்பு சபைக் கூட்­டத்தை கூட்­ட­வில்லை என்று தேசிய புல­னாய்வுப் பிரிவின் தலைவர் சிசிர மென்டிஸ் பாரா­ளு­மன்ற விசேட தெரி­வுக்­குழு முன்­னி­லையில் சாட்­சி­ய­ம­ளிக்­கையில் தெரி­வித்தார்.

சஹ்ரான் குறித்த தக­வல்­க­ளையும் சிரியா சென்­ற­வர்கள் இலங்கைக்கு வரு­கின்­றார்கள் கைது செய்து விசா­ரிக்­கலாம் என்றும் பல சந்­தர்ப்­பங்­களில் தெரி­யப்­ப­டுத்­தினேன்.

ஆனால் அதற்­கான நட­வ­டிக்­கைகள் எடுக்­கப்­ப­ட­வில்லை என்றும் அவர் குறிப்­பிட்டார்.

உயிர்த்த ஞாயிறு தாக்­குதல் குறித்து விசா­ரணை செய்து அறிக்கை சமர்ப்­பிப்­ப­தற்­காக நிய­மிக்­கப்­பட்­டுள்ள பாரா­ளு­மன்ற தெரி­வுக்­கு­ழுவின் முத­லா­வது அமர்வு நேற்று காலை பாரா­ளு­மன்ற கட்­டி­டத்­தொ­கு­தியில் நடை­பெற்­றது. பிரதி சபா­நா­யகர் ஆனந்த குமா­ர­சிறி நாட்டில் இல்­லாத கார­ணத்­தினால் கலா­நிதி ஜெயம்­பதி விக்­கி­ர­ம­ரத்ன தலை­மையில் நேற்­றைய கூட்டம் நடத்­தப்­பட்­டது. இதில் சாட்­சி­ய­ம­ளிப்­ப­தற்­காக அழைக்­கப்­பட்ட தேசிய புல­னாய்­வுப்­பி­ரிவின் தலைவர் சிசிர மென்டிஸ் தெரி­வுக்­குழு முன்னால் சாட்­சி­ய­ம­ளிக்­கையில் இந்த தக­வல்­களை கூறினார்.

இங்கு அவர் மேலும் சாட்­சி­ய­ம­ளிக்­கும்­போது,

இலங்­கையில் தாக்­குதல் ஒன்று நடத்­தப்­ப­ட­வுள்­ள­தாக ஏப்ரல் மாதம் 4 ஆம் திகதி இடப்­பட்ட கடிதம் ஒன்று 7 ஆம் திகதி எனக்குக் கிடைத்­தது. எங்­கி­ருந்து வந்­தது, யார் அனுப்­பி­யது என்ற விப­ரங்கள் அதில் இருக்­க­வில்லை.

ஆனால் மத தலங்கள், ஹோட்­டல்கள் மற்றும் இந்­திய உயர்ஸ்­தா­னிகர் ஆலயம் ஆகி­யன தாக்­கப்­ப­ட­வுள்­ள­தாக அதில் தகவல் குறிப்­பி­டப்­பட்­டி­ருந்­தது.

இந்த தக­வலை ஏப்ரல் மாதம் 8 ஆம் திகதி காலை 11 மணிக்கு பாது­காப்பு செய­லா­ள­ருக்கு தெரி­யப்­ப­டுத்­தினேன். அந்த நாளில் (8 ஆம் திகதி) இந்­திய பாது­காப்பு செய­லாளர் இலங்­கைக்கு வந்­தி­ருந்தார். அன்­றைய தினம் எமது பாது­காப்பு செய­லா­ள­ருக்கும் இந்­திய பாது­காப்பு செய­லா­ள­ருக்கும் இடையில் காலையில் 10 மணி­ய­ளவில் சந்­திப்­பொன்று இடம்­பெற்­றது.

அந்த சந்­திப்பு நண்­பகல் வரையில் நீடித்­தது. ஆகவே அன்­றைய தினம் என்னால் பாது­காப்பு செய­லா­ளரை சந்­திக்க முடி­ய­வில்லை. ஆனால் தக­வலை கொடுத்­தி­ருந்தேன். அடுத்த நாள் 9 ஆம் திகதி தேசிய புல­னாய்வுப் பிரிவின் கூட்டம் இடம்­பெற்­றது. இதில் இந்த தாக்­குதல் குறித்த தகவல் தொடர்பில் முக்­கி­ய­மா­கவும் பிர­தா­ன­மா­கவும் பேசி­யி­ருக்க வேண்டும். ஆனால் அன்­றைய தினம் இது குறித்து பேசப்­ப­டவே இல்லை.

மீண்டும் நினை­வூட்­டினேன்

அந்த கூட்­டத்தில் என் அருகில் பாது­காப்பு செய­லாளர் இருந்தார். ஆகவே நான் எனது கோப்­பு­க­ளுக்கு மேல் இந்த கடிதம் குறித்த அறிக்­கையை வைத்­தி­ருந்து இது குறித்து பேச வேண்டும் என பாது­காப்பு செய­லா­ள­ருக்கு தெரி­வித்தேன். அதனை ஏனை­ய­வர்கள் கவ­னித்­தி­ருக்க வாய்ப்­பில்லை. ஆனால் பாது­காப்பு செய­லாளர் இதனை பொலிஸ்மா அதி­ப­ருக்கு அறி­யப்­ப­டுத்­தி­யுள்­ள­தா­கவும் நீங்­களும் ஒரு­முறை நினை­வு­ப­டுத்தி விடுங்கள் என்று கூறி சாதா­ர­ண­மாக அதனை தட்­டிக்­க­ளித்தார். அதன் பின்னர் இந்த பிர­தி­யொன்றை பொலிஸ்மா அதி­ப­ருக்கும் நான் வழங்­கினேன்.

அதன் பின்னர் இந்த விடயம் குறித்து எவரும் அக்­கறை கொண்­ட­தாக எனக்கு தெரி­ய­வில்லை. என்­னிடம் இது குறித்து எவரும் வின­வவும் இல்லை. பொலிஸ்மா அதிபர் தக­வலை அறிந்­தி­ருந்த கார­ணத்­தினால் நான் அதன் பின்னர் அவ­ரிடம் வின­வவும் இல்லை. ஆனால் நான் பொலிஸ்மா அதி­ப­ருக்கு வழங்­கிய கடி­தத்தில் (eyesolny) என்று குறிப்­பிட்டு அனுப்­பினேன்.

இந்த வார்த்தை ஒரு இர­க­சிய குறி­யீ­டாக நாம் பயன்­ப­டுத்தும் ஒன்­றாகும். இந்த விட­யத்­திற்கு அதிக முக்­கி­யத்­துவம் கொடுங்கள் என்று இதற்கு அர்த்தம். ஆனால் அதன் பின்னர் 21 ஆம் திகதி தாக்­குதல் நடத்­தப்­படும் வரையில் இது குறித்து பேசவும் இல்லை. தேசிய பாது­காப்பு சபைக் கூட்டம் ஒன்று கூட்­ட­ப­டவும் இல்லை. பாது­காப்பு செய­லாளர் பாது­காப்பு குழுக் கூட்­டத்தை கூட்­ட­வில்லை.

உண்­மையை கூற­வேண்டும் என்றால் வாரத்­திற்கு ஒரு தடவை பாது­காப்பு சபைக் கூட்டம் கூட்­டப்­பட வேண்டும். ஆனால் மாதம் ஒன்று என்ற வகையில் தான் பாது­காப்பு சபைக் கூட்டம் கூடி­யது. தாக்­குதல் நடத்­தப்­பட முன்னர் இறு­தி­யாக இந்த ஆண்டு பெப்­ர­வரி மாதம் 19 ஆம் திக­தியே பாது­காப்பு சபைக் கூட்டம் கூடி­யது. அதன் பின்னர் 22 ஆம் திகதி அதா­வது தாக்­குதல் இடம்­பெற்ற அடுத்த நாள் ஜனா­தி­பதி தலை­மையில் கூடி­யது. தாக்­குதல் நடந்­துள்­ளது. யார் நடத்­தி­யது என்ற கார­ணிகள் மாத்­திரம் பேசப்­பட்டு வரு­கின்­றதே தவிர உண்­மை­யான கார­ணிகள் நான் கூறிய விட­யங்கள் குறித்து இன்­று­வரை அக்­கறை செலுத்­தப்­பட்­ட­தாக இல்லை.

நான் கடந்த 2015 ஆம் ஆண்டு ஒக்­டோபர் மாதம் பத­வியை ஏற்­று­கொண்­டதில் இருந்து இஸ்­லா­மிய பயங்­க­ர­வாத அமைப்பு குறித்து (isis) ஆராய்ந்து வரு­கின்றேன். உலகில் நடக்கும் செயற்­பா­டுகள் குறித்து கண்­கா­ணித்து வரு­கின்றேன். இலங்­கையில் காத்­தான்­கு­டியில் ஒரு தாக்­குதல் சம்­பவம் இரு முஸ்லிம் குழுக்கள் இடையில் ஏற்­பட்­டது. அப்­போதில் இருந்து இஸ்­லா­மிய பயங்­க­ர­வாதம் மற்றும் இந்த சம்­பவம் குறித்து இணைத்து பார்த்­துள்ளேன்.

சிரியா சென்று வந்­தோரை விசா­ரிக்­கு­மாறு கோரினேன்

மேலும் இலங்­கையில் சிலர் சிரியா சென்­றுள்­ளது கண்­ட­றி­யப்­பட்ட பின்னர் அவர்கள் மீண்டும் இலங்­கைக்கு வரு­கின்ற தகவல் கிடைத்­தது. அவர்­களை கைது­செய்து விசா­ரிக்க வேண்டும் என்­ப­தையும் நான் வலி­யு­றுத்­தி­யுள்ளேன். வாராந்தம் செவ்­வாய்க்­கி­ழமை கூடும் புல­னாய்வு கூட்­டத்­திலும் அவ்­வப்­போது கூடிய பாது­காப்பு சபைக் குழுக் கூட்­டத்­திலும் தெரி­வித்­துள்ளேன். ஆனால் அவர்­களை கைது­செய்ய சட்டம் இல்லை என்ற கார­ணிகள் கூறப்­பட்­டது. அவர்­களை எவ்­வாறு விசா­ரிப்­பது என்­பது குறித்து ஆரா­ய­வேண்டும் என்ற பதில் கிடைத்­தது.

சஹ்ரான் குறித்தும் தகவல் வழங்­கினேன்

2018 ஆம் ஆண்டு பெப்­ர­வரி மாதம் 9 ஆம் திகதி இது குறித்து பொலிஸ்மா அதி­ப­ருக்கு கடிதம் ஒன்றின் மூலம் தெரி­வித்தேன். அதனை கருத்தில் கொள்­ள­வில்லை. சில தினங்­களில்  முதல் அனுப்­பிய கடி­தத்தை நினை­வு­ப­டுத்தி மீண்டும் கடிதம் அனுப்பினேன். ஆனால் இது குறித்து அவ்வப்போதும் பேசப்பட்டதே தவிர அதனை தாண்டிய நடவடிக்கை ஒன்று முன்னெடுக்கப்பட்டதாக கூற முடியாது. அதேபோல் ஏப்ரல் மாதம் 4 ஆம் திகதி சஹ்ரான் குறித்து தனிப்பட்ட தகவல் ஒன்றினை தயாரித்து குற்றப்புலனாய்வு பிரிவு, பயங்கரவாத புலனாய்வு பிரிவு மற்றும் பொலிஸ்மா அதிபருக்கு தெரிவித்துள்ளேன். ஆனால் இதற்கான விசாரணைகள் ஏன் கைவிடப்பட்டது என்பது குறித்து என்னால் எதையும் தெரிவிக்க முடியாது. எனக்கு இது குறித்து ஒன்றும் தெரியவில்லை என்றார்.

இம்முறை ஜனாதிபதித் தேர்தலில் ஐக்கிய தேசியக் கட்சியின் வேட்பாளர் ஒருவர் கூட்டணியின் பொது வேட்பாளராக வருவார் எனவும், அவரை வெற்றி பெறச் செய்யும் நடவடிக்கையில் தாம் உள்ளோம் எனவும் அமைச்சர் மனோ கணேசன் தெரிவித்தார்.

அரச தொலைக்காட்சியொன்றில் நேரடி கலந்துரையாடல் நிகழ்ச்சியில் கலந்துகொண்டு கருத்துத் தெரிவிக்கையில் அவர் இதனைக் கூறினார்.

ஐக்கிய தேசியக் கட்சிக்குள் மூன்று பதவிகளுக்குரிய நபர்கள் தீர்மானிக்கப்பட வேண்டும். ஜனாதிபதி வேட்பாளர், பிரதமர் பதவிக்குரியவர், ஐ.தே.கட்சியின் தலைவர் பதவி ஆகிய பதவிகளுக்கு ரணில் விக்ரமசிங்க, சஜித் பிரேமதாச, கரு ஜயசூரிய ஆகிய மூவரில் இருந்து நியமனங்கள் இடம்பெறவேண்டும்.

இனவாதத்துக்கு எதிராக வாக்களிப்பவர்கள் ஐ.தே.கட்சி தலைமையிலான கூட்டணியைத் தெரிவு செய்ய வேண்டும் எனவும் அமைச்சர் கேட்டுக் கொண்டார்.

யாழ் மாவட்டம் வடமராட்சி பகுதியில் உள்ள அல்வாய் முத்துமாரி அம்மன் ஆலயத்தில் தஞ்சமடைந்திருந்த வடமராட்சி மக்கள் மீது சிறிலங்கா படையினர் செல்வீச்சு நடத்தி படுகொலை செய்யப்பட்ட துன்பியல் நிகழ்வின் 32 ஆவது ஆண்டாகிய நேற்று 29/05/2019 புதன்கிழமை படுகொலைக்குள்ளான பொதுமக்களின் ஆத்மா சாந்தியடைய வேண்டி விசேட வழிபாடு மேற்கொள்ளப்பட்டுள்ளது.

‘ஒப்பிரேசன் லிபரேசன்’ இராணுவ நடவடிக்கையை அடுத்து பாதுகாப்பான இடம் தேடி இடம்பெயர்ந்த வடமராசி மக்கள் பெருமளவில் தஞ்சமடைந்திருந்த அல்வாய் முத்துமாரி அம்மன் ஆலயத்தின் மீது சிறிலங்கா இராணுவத்தினர் மேற்கொண்ட எறிகணைத் தாக்குதல்களில் நூற்றிற்கு மேற்பட்டவர்கள் படுகொலை செய்யப்பட்டு பலர் காயமடைந்திருந்தார்கள்.

சுமார் ஐம்பதுக்கு மேற்பட்டவர்களது உடல்கள் அடையாளம் காணப்பட்டு உறவினர்களால் பொறுப்பேற்கப்பட்ட நிலையில் உரிமை கோரப்படாத பதின்மூன்று உடலங்கள் உள்ளிட்ட சிதைவடைந்து உருக்குலைந்து போயிருந்த பலரது உடல் சிதைவுகளையும் ஓரிடத்தில் போட்டு ஆலய நிர்வாகத்தினரால் எரியூட்டப்பட்டிருந்தது.

இத்துன்பியல் சம்பவத்தின் 32 ஆவது ஆண்டை முன்னிட்டு வடமராட்சி மக்கள் சார்பில் குறித்த அல்வாய் முத்துமாரி அம்மன் ஆலயத்தில், படுகொலை செய்யப்பட்டவர்களின் ஆத்மா சாந்தி வேண்டி விசேட பூசை வழிபாட்டு நிகழ்வு நேற்று மாலை 5.00 மணியளவில் மேற்கொள்ளப்பட்டதைத் தொடர்ந்து நெய்த் தீபம் ஏற்றி வழிபாடு தொடர்ந்து நினைவேந்தல் முன்னெடுக்கப்பட்டது குறிப்பிடத்தக்கது.

கெக்கிராவ, மடாட்டுகமவில் தேசிய தௌஹீத் ஜமா அத் அமைப்பின் பள்ளிவாசல் இன்று அந்தப் பகுதி முஸ்லிம் மக்களினால் உடைத்து அகற்றப்பட்டது.

ஊர் பள்ளிவாசல் நிர்வாகம் மற்றும் மக்கள் ஒன்றுகூடி எடுத்த தீர்மானத்தின் பிரகாரம் குறித்த பள்ளிவாசல் உடைக்கப்பட்டது.

“நூலகம் ஒன்றை அமைக்க ஒதுக்கப்பட்ட காணியில் தேசிய தௌஹீத் ஜமா அத் அமைப்பினர் வெளிநாட்டு நிதியுதவியுடன் குறித்த பள்ளிவாசலை அமைத்திருந்திருந்தனர். இந்தநிலையில், நாட்டில் நிலவும் அசாதாரண நிலைமையைக் கருத்தில்கொண்டு இந்தப் பள்ளிவாசலை உடைத்து அகற்றியுள்ளோம்” என்று அந்தப் பகுதி முஸ்லிம் மக்கள் தெரிவித்துள்ளனர்.