ராஜீவ் காந்தி கொலை வழக்கில் ஆயுள் கைதியாக உள்ள நளினிக்கு மேலும் 3 வாரங்கள் பிணை நீடிப்பு வழங்குவதற்கு உயர் நீதிமன்றம் அனுமதியளித்துள்ளது.

முன்னாள் பிரதமர் கொலை வழக்கில் 28 ஆண்டுகளாக வேலூர் சிறையில் ஆயுள் தண்டனை அனுபவிக்கும் ஏழு பேரில் ஒருவரான நளினி, தன் மகளின் திருமண ஏற்பாடுகளுக்காக ஆறு மாதம் பிணை கோரி கடந்த பெப்ரவரி மாதம் தாக்கல் செய்த மனுவை நீதிபதிகள் எம.எம்.சுந்தரேஷ், எம்.நிர்மலகுமார் விசாரித்தனர். கடந்த ஜுலை 5ஆம் திகதி இந்த வழக்கில் காவல்துறை பாதுகாப்புடன் வேலூர் சிறையிலிருந்து அழைத்து வரப்பட்ட நளினி தானே தனக்காக வாதாடினார்.

அரசு விதிக்கும் நிபந்தனைகளை பின்பற்ற வேண்டுமென்ற அறிவுறுத்தலுடன் ஒருமாத பிணையில் ஜுலை 25ஆம் திகதி வேலூர் சிறையிலிருந்து நளினி வெளியே வந்தார்.

வேலூர் சாத்துவாச்சாரியில் தங்கி மகளின் திருமண ஏற்பாடுகளை மேறகொண்டு வரும் நளினி, அதற்கான ஏற்பாடுகள் முடிவடையாத நிலையில் பரோலை மேலும் ஒரு மாதம் நீடிக்க கோரி தமிழக அரசிடமும், சிறைத்துறையிடமும் ஆகஸ்ட் 8ஆம் திகதி மனு ஒன்றை அளித்திருந்தார். இந்த மனு ஆகஸ்ட் 13இல் நிராகரிக்கப்பட்டது. பின்னர் பிணையை ஒருமாதம் நீடிக்கக் கோரி சென்னை உயர் நீதிமன்றத்தில் மனு தாக்கல் செய்திருந்தார்.

இதேவேளை, நளினிக்கு மேலும் 3 வாரங்கள் பிணை வழங்குமாறு சிறைத்துறைக்கும், தமிழக அரசிற்கும் உயர் நீதிமன்றம் உத்தரவிட்டுள்ளது.

சிறிலங்காவில் எதிர்வரும் ஜனாதிபதி தேர்தலில் முஸ்லிம்கள் சார்பாக போட்டியிடவுள்ள முன்னாள் அமைச்சரும், கிழக்கு மாகாண ஆளுநருமான M.L.A.M.ஹிஸ்புல்லா ஊடகமொன்றிற்கு வழங்கிய நேர்காணலில், ஜனாதிபதி தேர்தலில் முஸ்லிம் வேட்பாளர் ஒருவரை களமிறக்குவது தொடர்பாக சிவில் அமைப்புக்கள், கல்வியாளர்கள் மற்றும் சமூகத் தலைவர்கள் கலந்துரையாடி வருவதாகவும், இதில் சாதகமான தீர்மானம் எட்டப்படும் போது, ஜனாதிபதி தேர்தலில் போட்டியிட தான் தயாராக இருப்பதாகவும் கூறினார்.

அவர் மேலும் கூறுகையில், ஜனாதிபதி தேர்தலில் போட்டியிடும் வேட்பாளர் ஒருவர் அந்தத் தேர்தலில் அளிக்கப்பட்ட செல்லுபடியான வாக்குகளில் 50 சதவீதத்திற்கு மேற்பட்ட வாக்குகளைப் பெறவேண்டும். ஆனால், இரண்டிற்கு மேற்பட்ட போட்டியாளர்கள் போட்டியிடும் போது, எந்தவொரு வேட்பாளராலும் 50 சதவீதத்திற்கு மேற்பட்ட வாக்குகளை பெற முடியாது போகும் என்று கூறினார்.

இவ்வாறு முஸ்லிம் வேட்பாளர் ஒருவர் ஜனாதிபதி தேர்தலில் போட்டியிடும் போது, பிரதான வேட்பாளர்களுடன் பேரம் பேச முடியும் என்றும், தமது பிரதான கோரிக்கைகளுக்கு இணங்கும் பிரதான வேட்பாளருக்கு, முஸ்லிம்கள் தமது இரண்டாவது விருப்பு வாக்கை அளிக்க முடியும் என்றும் தெரிவித்தார்.

ஜனாதிபதி வேட்பாளராக தற்போது கோத்தபயா ராஜபக்ஷ, அனுரகுமார திஸநாயக்க ஆகியோரின் பெயர்கள் அறிவிக்கப்பட்டு விட்டன. ஐ.தே.க சார்பாகவும் வேட்பாளர் ஒருவர் களமிறக்கப்படுவர்.

இலங்கையில் முஸ்லிம்களின் வாக்குகள் கிட்டத்தட்ட 16 இலட்சமாகும். கடந்த ஜனாதிபதி தேர்தலில் 12 இலட்சம் முஸ்லிம்கள் வாக்களித்திருந்தனர். அவற்றில் 11 இலட்சம் முஸ்லிம் வாக்குகள் தற்போதைய ஜனாதிபதி மைத்திரிபால சிறிசேனவிற்கே வழங்கப்பட்டன. அப்பிடியிருந்தும் கடந்த நான்கரை வருடங்களில் முஸ்லிம் சமூகம் எந்தவொரு நன்மையையும் அவரால் பெறவில்லை. ஜின்தோட்டம் தொடங்கி மினுவாங்கொட வரை முஸ்லிம்களின் சொத்துக்கள் தீப்பற்றி எரிந்தன. வில்பத்து முதல் நுரைச்சோலை வரை முஸ்லிம்களின் காணிப் பிரச்சினைகள் தீவிரமடைந்தன. இவை தொடர்பில் எந்தத் தீர்வுகளும் முஸ்லிம்களுக்கு கிடைக்கவில்லை.

மைத்திரிபால சிறிசேன எந்தவொரு இடத்திலும் முஸ்லிம்கள் தனக்கு வாக்களித்ததாக சொல்லவில்லை. தனது வெற்றிக்கு தமிழ்க் கூட்டமைப்பே காரணம் என பல இடங்களில் கூறியிருக்கின்றார்.

எனவே தான் முஸ்லிம் வேட்பாளர் ஒருவர் களமிறங்கி அவர் ஊடாக பிரதான வேட்பாளருக்கு விருப்பு வாக்கைப் பெற்றுக் கொடுக்கலாம். களமிறங்கும் முஸ்லிம் வேட்பாளருக்கு 25 வீதமான வாக்குகள் கிடைத்தாலே போதும்.

இலங்கையில் நிறைவேற்று அதிகாரம் கொண்ட ஜனாதிபதிகளைத் தெரிவு செய்வதற்காக இதுவரை ஏழு தேர்தல்கள் நடந்துள்ளன. 1982, 1988, 1994, 1999, 2005, 2010 மற்றும் 2015ஆம் ஆண்டுகளில் அந்தத் தேர்தல்கள் இடம்பெற்றுள்ளன. இவற்றில் 1999, 2010 மற்றும் 2015ஆம் ஆண்டுகளில் நடைபெற்ற ஜனாதிபதி தேர்தல்களில் முஸ்லிம் வேட்பாளர்களும் போட்டியிட்டனர். 1999ஆம் ஆண்டு நடைபெற்ற ஜனாதிபதித் தேர்தலில் ஸ்ரீலங்கா முஸ்லிம் காங்கிரஸ் சார்பில் அப்துல் ரசூல் என்பவர் போட்டியிட்டார்.

2010ஆம் ஆண்டு நடைபெற்ற ஜனாதிபதி தேர்தலில் முகமட் காசிம் இஸ்மயில், ஐதுரஸ் முகமட் இலியாஸ் மற்றும் முகமட் முஸ்தபா ஆகியோர் போட்டியிட்டிருந்தனர். 2015ஆம் ஆண்டு நடைபெற்ற தேர்தலில் ஐதுருஸ் முகமட் இலியாஸ் மற்றும் இப்றாகிம் மிப்லார் ஆகியோர் போட்டியிட்டிருந்தனர்.

தேர்தல் அரசியல் சூடு பிடித்துள்ள நிலையில் தமிழ் தேசிய கூட்டமைப்பின்
பாராளுமன்ற உறுப்பினர்கள் மக்களிடத்தில் தங்களை புனிதர்களாக காட்டிக்கொண்டு தேர்தலில் வாக்கு சேகரிப்பதற்கான உத்திகளை தற்சமயம் அரங்கேற்றி வருகின்றனர்.

அரசிற்கு ஒட்சிசன் வழங்கினால் தீர்வை பெற்றுக் கொள்ள முடியும் என்று எந்தவித நிபந்தனையும் இன்றி அரசை காப்பாற்றி வரும் கூட்டமைப்பு இன்று மக்களிடத்தில் புனிதர்களாக தங்களை காட்டிக்கொள்வதற்காக அரும்பாடுபட்டு வருகின்றது கையில் கிடைத்த அனைத்து சந்தர்ப்பங்களையும் கைநழுவ செய்தது மட்டுமன்றி உள்நாட்டில் ஆளும் அரசாங்கத்துடன் பேசி தீர்க்க வேண்டிய விடயங்களிலும் கோட்டை விட்டுவிட்டு இன்று மக்களிடம் அனுதாபத்தை தேடுவதற்காக கூட்டமைப்பினர் முன்னுக்குபின் முரணான கருத்துக்களை தெரிவித்து வருகின்றனர்.

தமிழ் தேசியக் கூட்டமைப்பு அரசை உள்நாட்டிலும் வெளிநாட்டிலும் காப்பாற்றி போர்குற்றவாளிகளை பாதுகாத்துவிட்டு இன்று அரசாங்கத்தை எதிர்பதுபோல் காட்டிக்கொண்டு அதே அரசாங்கத்தை நிபந்தனையின்றி ஆதரித்துகொண்டு இருக்கின்றார்கள்.

ஜக்கிய நாடுகள் மனித உரிமைகள் பேரவையில். நிறைவேற்றப்பட்ட தீர்மானங்களை நடைமுறைப்படுத்தப்படவேண்டும் என்று இலங்கை அரசாங்கத்திற்கு அழுத்தம் கொடுப்பதற்கு பதிலாக நான்கரைவருடகாலம் அரசுக்கு முண்டு கொடுத்துவிட்டு குறிப்பாக ஜநா மனித உரிமை பேரவையில் சவேந்திர சில்வா உட்பட இராணுவத் தளபதிகளைளுடைய பெயரை போர்குற்றவாளிகளின் பட்டியில் இருந்து நீக்கியதும்
முன்னாள் ஜனாதிபதி மகிந்தராஜபக்சவை மின்சார கதிரையில் இருந்து காப்பற்றியவன் நானே என்று மைத்திரிபால சிறிசேனா பகிரங்கமாக கூறும் அளவிற்கு கூட்டமைப்பின் பதினைந்து பாராளுமன்ற உறுப்பினர்களுடைய கால நீடிப்பு கையெழுத்து கடிதம் உதவி செய்துள்ளது.

இப்படி இருக்கையில்  சர்வதேச சமூகம் இன்னும் பார்வையாளராக இருக்கமுடியாது என்றும் நல்லாட்சி அரசு மக்களை ஏமாற்றி விட்டது சவேந்திர சில்வாவின் கடைவாயில் தமிழர்கள் இரத்தம் வழிகின்றது என்று புலம்புவது இவர்களின் வழமையான தேர்தல் கால பரப்புரைபோல் தெரிகின்றது.

தமிழ் மக்கள் நீதி கேட்டு வீதிகளில் இறங்கி தங்களாகவே முன்வந்து
போராடிவருகின்ற போதும் தமிழ் மக்களின் ஏக பிரதிநிதிகள் என்று தங்கைளை தாங்களே விளம்பரப்படுத்திக்கொள்ளும் தமிழ் தேசியக் கூட்டமைப்பின் பாராளுமன்ற உறுப்பினர்கள் தமிழ் மக்களுக்கு அல்லாமல் அரசாங்கத்தை பாதுகாக்கின்ற வகையிலே செயற்பட்டு வருவது தமிழ் மக்கள் மத்தியில் கடும் விசனத்தை ஏற்படுத்தியிருக்கின்றது. இவ்வாறானதொரு நிலையில் ஆளும் அரசாங்கம் தங்களை
ஏமாற்றிவிட்டதாகவும் பொய்சொல்வதாகவும் இப்போது கூட்டமைப்பினர் கூறுகின்றமை வேடிக்கையாக உள்ளது.

போராளிகளினதும் பொதுமக்களினதும் தியாகங்களால் இன்று மக்கள் பிரதிநிதிகளாக வலம்வரும் கூட்டமைப்பினர் அன்றிலிருந்து இன்று வரை பல தொடர்ச்சியான வரலாற்றுதவறுகளை செய்துவருகின்றனர்இஆட்சி மாற்றத்திற்காக பல மில்லியனை பெற்றுக் கொண்டு அரசுக்கு ஆதரவு அளித்தது மட்டுமன்றி ஐநா மனித உரிமை பேரவையிலும் ஆறு வருடகாலம் தொடர்சியான காலநீடிப்பை பெற்றுக்கொடுத்தனர் சர்வதேச
இராஜதந்திரிகளுடன் தமிழ் மக்களின் நலன் சார்ந்து பேசவேண்டிய நேரத்தில் இலங்கையில் ஏற்பட்ட அரசியல் குழப்பத்தில் இருந்து இலங்கையை காப்பற்றுவதற்கு இராஜதந்திரிகளுடன் இரவோடு இராவாக பேச்சுவார்த்தைகளில் ஈடுபட்டு இறுதியில் அரசைக் காப்பாற்ற நீதி மன்றம் வரை சென்றனர்.

தமிழ் மக்களின் உரிமைக்காக போராடி பல வருடகாலம் சிறையில் வாடும் அரசியல் கைதிகள் விடுதலை தொடர்பாக ஒரு நாள் கூட இவர்கள் நீதி மன்றம் செல்லவில்லை. தமிழர்களின் அன்றாட பிரச்சினையில் இருந்து அரசியல் தீர்வு வரை கொள்கைரீதியாக செயற்படவேண்டியவர்கள் இன்று தங்களுடைய சுயநலங்களிற்காகவும் அற்பசொற்ப சலுகைகளுக்காகவும் தமிழ் மக்களை நட்டாற்றில் விட்டுவிட்டு  இன்று முதலைக்கண்ணீர் வடிக்கின்றனர்.

தற்போது தமிழ் தேசியக் கூட்டமைப்பினர் தேர்தலை மையப்படுத்திய பரபரப்பு அரசியலை முன்னெடுக்கின்றனர் அதாவது தங்களது கருத்துகளுக்கு அரசாங்கம் செவிசாய்க்கவில்லை என்று மக்களை நம்பவைப்பதற்காக ஊடகங்களில் வீரஆவசே பேச்சுக்களில் ஈடுபடுகின்றனர் அத்துடன் தங்களுக்கு இராணுவத்தால் அச்சுறுத்தல்
இருப்பதுபோல மக்களை நம்பவைப்பதற்காக தங்களது வீடுகள் மற்றும் அலுவலகங்களை தாங்களே இராணுவ சோதனை நடவடிக்கைக்கு வழி ஏற்படுத்தி வெறும் பதவிக்காகவும் பணத்திற்கானதுமான அரைவேற்காட்டு அரசியலை செய்கின்றனர். மக்கள் இவர்களின் உன்மை முகத்தை நன்கு புரிந்துவைத்துள்ளதுடன் இவர்களுக்கு உரிய பதிலடியை வழங்குவதற்கான காலத்தை எதிர்பார்த்து காத்திருக்கின்றனர் என்பதில் எவ்வித ஜயமும் இல்லை.

இந்தக் காட்டுத்தீயின் மூலம், நம்மை அழிக்கும் காலநிலை மாற்றத்தை விரைவுபடுத்தக்கூடிய கரிம வாயுக்களின் வெளியேற்றத்தை அதிகப்படுத்தப் போகிறார்கள். இதை எதிர்த்துப் போராடிய அமேசானிய பழங்குடிகளை, அந்தக் காட்டின் ஆதிப் பிள்ளைகளைத் துரத்திவிடப் போகிறார்கள்.

அமேசான் மழைக்காடுகள், கோடைக்காலத்தில்கூட அவ்வளவு எளிதில் தீ பற்றக்கூடியதல்ல. கலிபோர்னியா, ஆஸ்திரேலியா போன்ற பகுதிகளிலுள்ள வறண்ட காடுகளைப் போல் இவை இல்லை. அதிகபட்சம் அடர்த்தியான ஈரப்பதம் மிக்கக் காடுகளைக் கொண்டது. அங்குக் காட்டுத்தீ ஏற்படக் காரணம் மனிதர்களே என்கிறார்கள் சூழலியலாளர்கள்.

ஐக்கிய தேசிய கட்சியின் சனாதிபதி வேட்பாளர் இன்னும் அறிவிக்கப்படாத நிலையில், உட்கட்சி பூசல் தீவிரமடைந்துள்ளதாக தகவல்கள் வெளியாகி உள்ளன.கட்சிக்குள் இரண்டாக பிளவுபட்டுள்ள உறுப்பினர்கள் சஜித்திற்கும் ரணிலுக்கும் ஆதரவு தெரிவித்து வருகின்றனர்.

ஐக்கிய தேசிய கட்சியின் சனாதிபதி வேட்பாளர் இன்னும் அறிவிக்கப்படாத நிலையில், உட்கட்சி பூசல் தீவிரமடைந்துள்ளதாக தகவல்கள் வெளியாகி உள்ளன.கட்சிக்குள் இரண்டாக பிளவுபட்டுள்ள உறுப்பினர்கள் சஜித்திற்கும் ரணிலுக்கும் ஆதரவு தெரிவித்து வருகின்றனர்.

இந்நிலையில் சஜித் பிரேமதாஸவுக்கு ஆதரவு வழங்கும் நாடாளுமன்ற உறுப்பினர்கள் வகிக்கும் தொகுதி அமைப்பாளர் பதவியை பறிக்க ரணில் நடவடிக்கை எடுத்துள்ளார். இதன்படி மாத்தறை, பண்டாரகம உட்பட பல தொகுதிக்களுக்கான புதிய அமைப்பாளர் கள் நியமிக்கப்படவுள்ளனர்.

சஜித் பிரேமதாசாவுக்கு ஆதரவான கூட்டங்களை நடத்த அமைப்பாளர்கள் பலர் முயன்று வருவதன் காரணமாகவே ரணில் அதிரடியாக இந்த தீர்மானத்தை எடுத்துள்ளார். ரணிலின் இந்த முடிவால் ஐக்கிய தேசிய கட்சியை சேர்ந்த நாடாளுமன்ற உறுப்பினர்கள் அச்சம் அடைந்துள்ளதாக கட்சித் தகவல்கள் தெரிவிக்கின்றன. இந்த நிலைமை தொடர்ந்தால் அடுத்த பொதுத் தேர்தலில் போட்டியிட வேட்புமனு வழங்க ரணில் மறுப்பு தெரிவிக்கலாம் என பலரும் குழப்பத்தில் உள்ளனர்.

இதேவேளை சஜித் உங்களுடன் பேச வருகிறார் என்ற பிரச்சார கூட்டம் இன்று மாத்தறையில் 3 மணிக்கு இடம்பெறவுள்ளது. இந்தக் கூட்டத்தினை அமைச்சர் மங்கள சமரவீர ஒழுங்கு செய்துள்ளமை குறிப்பிடத்தக்கது.

இலங்கையின் புதிய இராணுவத் தளபதியாக நியமிக்கப்பட்டுள்ள லெப்டினன் ஜெனரல் சவேந்திர சில்வா விடயத்தில் நம்பகமான முறைப்பாடுகள் இருக்கின்றன.

நீதிமன்ற விசாரணையின் மூலமாக நல்லதொரு முடிவு வரக்கூடியதாக இருக்க வேண்டும். நீதிமன்றம் தீர்மானத்தை எடுக்க வேண்டும். ஆனால் அது சவேந்திர சில்வா விடயத்தில் நடக்கவில்லை என்று இலங்கைக்கான அமெரிக்கத் தூதுவர் அலைனா டெப்லிட்ஸ் கூறியிருக்கிறார்.

கொழும்பு டெய்லி மிரர் பத்திரிகைக்கு நேற்று வியாழக்கிழமை நேர்காணல் ஒன்றை வழங்கியிருக்கும் தூதுவர் அலைனா, தற்சமயம் முறைப்பாடுகளே இருக்கின்றன. அவை பாரதூரமானவையா? நம்பகத்தன்மையானவையா? அல்லது இல்லையா என்பது வேறு விடயம். சவேந்திர சில்வா விடயத்தில் பெருமளவு ஆவணப்படுத்தல்கள் இடம்பெற்றிருக்கின்றன. ஐக்கிய நாடுகளினாலும், ஏனைய அமைப்புக்களினாலும் அவை தொகுக்கப்பட்டிருக்கின்றன.

முப்பது வருடகால யுத்தத்தின் போது அதில் சம்பந்தப்பட்ட தரப்பினராலும் கொடூரங்கள் இழைக்கப்பட்டிருக்கின்றன. அவற்றை முழுமையாக அடிவரை விசாரித்தறிய வேண்டிய தேவையிருக்கிறது, அதுவே இப்போதிருக்கம் சவால்களில் ஒன்று. உண்மையைக் கண்டறிந்து, நல்லிணக்கத்தை ஏற்படுத்துவதுடன் பொறுப்புக்கூறலையும் உறுதிப்படுத்துவதாக இலங்கை அரசாங்கம் உறுதியளித்திருக்கிறது. ஆனால் இந்த விவகாரத்தை முழுமையாகக் கையாள்வதற்கு செயன்முறையொன்று தேவை என்றும் குறிப்பிட்டிருக்கிறார்.

ஜெனரல் சில்வாவின் நியமனம் தொடர்பில் அமெரிக்காவினால் வெளிப்படுத்தப்பட்ட அக்கறை இலங்கையின் இறைமையை மீறுவதாக மக்கள் அர்த்தப்படுத்திக் கொள்கிறார்கள். அதுபற்றி என்ன கூறவிரும்புகிறீர்கள் என்று அமெரிக்கத் தூதுவரிடம் கேட்கப்பட்ட போது அவர் பின்வருமாறு பதிலளித்தார்:

‘அமெரிக்காவின் கொள்கைகளையும், தீர்மானங்களையும் பகிர்ந்து கொள்வதே எனது கடமை. புதிய இராணுவத் தளபதி நியமனம் தொடர்பில் அமெரிக்காவினால் வெளிப்படுத்தப்பட்ட கருத்து தொடர்பிலும் இதையே நாம் செய்தோம். இலங்கையின் நற்பெயர், நீதி மற்றும் பொறுப்புக்கூறல் தொடர்பில் அரசாங்கத்திற்கு இருக்கும் கடப்பாடு ஆகியவை குறித்து நாம் அக்கறையை வெளிப்படுத்தியிருக்கின்றோம். அவரை நியமியுங்கள், இவரை நியமியுங்கள் என்று நாம் கூறவில்லை. இந்த விடயத்தில் எனது நிலைப்பாட்டை மாத்திரம் நாங்கள் வெளிப்படுத்தியிருக்கிறோம்.

‘எதைச் செய்ய வேண்டுமென்று ஒரு நாட்டிற்குக் கூறுவதற்கும், அந்த நாட்டின் நடவடிக்கைகள் குறித்து எமது நிலைப்பாட்டை வெளிப்படுத்துவதற்கும் இடையில் ஒரு அடிப்படை வேறுபாடு இருக்கிறது. இலங்கை அரசாங்கம் என்ன செய்ய வேண்டுமென்று நாங்கள் கூறுவதாக மக்கள் வியாக்கியானப்படுத்திக் கொள்வார்கள் என்று நீங்கள் கூறுவது சரியானதே. என்ன செய்ய வேண்டுமென்று நாங்கள் இலங்கை அரசாங்கத்திற்குக் கூறவில்லை. தாம் என்ன செய்யப்போகிறோம் என்பதை இங்குள்ள அரசாங்கமும், மக்களும் தான் தீர்மானிக்க முடியும். எமது அக்கறைகளையும், ஏனைய நாடுகளின் அக்கறைகளையும் இலங்கை அரசாங்கமும், மக்களும் கருத்தில் எடுப்பார்களெ நிச்சயமாக நம்புகின்றேன்’

கோத்தபாயவின் குடியுரிமை விவகாரம்

கேள்வி : ஸ்ரீலங்கா பொதுஜன பெரமுனவின் ஜனாதிபதி வேட்பாளரான முன்னாள் பாதுகாப்புச் செயலாளர் கோத்தபாய ராஜபக்ஷ, தனது அமெரிக்கக் குடியுரிமையைக் கைவிட்டுவிட்டதாக ஊடக செய்திகள் வெளியாகியுள்ளன. அவர் இப்போது ஒரு அமெரிக்கப் பிரஜை இல்லையா?

பதில் : முதலில் நாம் ஒரு விடயத்தைக் கவனிக்க வேண்டும். அமெரிக்காவில் நாம் குறிப்பிட்ட சில அந்தரங்கச் சட்டங்களைக் கொண்டிருக்கிறோம். தனிப்பட்டவர்களின் விவகாரம் குறித்து நாம் கருத்துச்சொல்ல முடியாது. கோத்தபாய ராஜபக்ஷவின் குடியுரிமை விவகாரம் குறித்து ஊர்ஜிதப்படுத்திக் கொள்வதற்கு ஊடகங்கள் தடுமாறிக்கொண்டிருக்கின்றன. குடியுரிமையைக் கைவிடுவதென்பது ஒரு நிர்வாகச் செயன்முறை ஆகும். சில நடைமுறைகளைப் பின்பற்ற வேண்டும். இறுதியில் குடியுரிமையைக் கைவிடலாம்.

இறுதியாக வெளியிடப்பட்ட பதிவேட்டில் கோத்தபாயவின் பெயர் இருக்கவில்லை என்பது தொடர்பில் கருத்துக்கள் வெளியிடப்பட்டிருக்கின்றன என்பதை நான் அறிவேன். குடியுரிமை இழப்புத் தொடர்பில் பெயரைப் பட்டியலிடும் விடயத்தில் சமஷ்டிப் பதிவேடு பல மாதங்கள் பிந்திய நிலைவரத்தைக் கொண்டதாக இருக்க முடியும். இந்த விடயத்தில் திட்டவட்டமான ஒரு செயன்முறை இருக்கிறது என்பது தெளிவானது.

அமெரிக்கக் குடியுரிமையைத் துறக்க விரும்புகின்ற ஒருவர் விண்ணப்பப்படிவங்களைப் பூர்த்திசெய்ய வேண்டும். அவற்றைப் பெறும் அதிகாரிகள் சம்பந்தப்பட்ட நபர் கிரிமினல் குற்றச்செயல்களுடன் தொடர்புபட்டிருக்கிறாரா, இல்லையா, வரிக்கொடுப்பனவுகளை முறையாகச் செலுத்தியிருக்கிறாரா, இல்லையா என்ற பரிசீலனைகளை மேற்கொள்வர். அதன் பின்னர் அந்த நபர் அமெரிக்கக் குடியுரிமையை இழப்பது தொடர்பில் சத்தியப்பிரமாணத்தைச் செய்துகொள்ள வேண்டும்.

சமஷ்டிப் பதிவேடு பல மாதங்கள் பிந்திய தகவல்களைத் தருவதாகவும் இருக்கலாம். அதனால் அடுத்த காலாண்டுக்கு அல்லது அதையும்விடப் பின்னரும் நீங்கள் காத்திருக்க வேண்டியிருக்கும்.

கேள்வி : அமெரிக்காவில் கோத்தபாய ராஜபக்ஷவிற்கு எதிராகத் தாக்கல் செய்யப்பட்டுள்ள வழக்குகள் பற்றி என்ன கூறுகின்றீர்கள்?

பதில் : வழக்குகள் கிரிமினல் வழக்குகளா? சிவில் வழக்குகளா? என்பதைக் குறித்ததே இந்த விடயம். குடியுரிமையைத் துறப்பதற்கு சம்பந்தப்பட்ட நபருக்கெதிராக கிரிமினல் முறைப்பாடுகள் இருக்கக்கூடாது. முன்னர் பாதுகாப்புச் செயலாளருக்கு எதிராக கலிபோர்னியாவில் தாக்கல் செய்யப்பட்ட வழக்குகளையே நீங்கள் குறிப்பிடுகின்றீர்கள் என்று நினைக்கிறேன். அவை சிவில் வழக்குகளே.

கேள்வி : கடந்த தேர்தலின் போது ஜனாதிபதி மைத்திரிபால சிறிசேவை அமெரிக்கா ஆதரித்ததாக முறைப்பாடுகள் இருந்தன. இத்தடவை கோத்தபாய ராஜபக்ஷவை அமெரிக்கா ஆதரிப்பதாக ஒரு கதை உலவுகிறது. இது குறித்து என்ன கூறுகின்றீர்கள்?

பதில் : நாங்கள் இந்தத் தேர்தலில் சம்பந்தப்படுவதில்லை. தீர்மானத்தை எடுப்பது இலங்கை மக்களைப் பொறுத்தது. நாங்கள் எந்தவொரு வேட்பாளரையும் ஆதரிக்கவில்லை. ஆனால் சுதந்திரமானதும், நீதியானதுமான தேர்தல் செயன்முறையை நாங்கள் ஆதரிக்கின்றோம். கடந்த காலத்தில் நாம் அவ்வாறு ஆதரிக்கின்றோம். ஜனநாயக செயன்முறைகள் முறையாகப் பின்பற்றப்படுவதை உறுதிசெய்ய விரும்புகின்றோம். பலம் பொருந்தியதும், ஆற்றல் மிக்கதுமான தேர்தல் ஆணைக்குழுவொன்று உள்ளது. அதன்மீது நாம் நம்பிக்கை கொண்டிருக்கிறோம்.

கேள்வி : 2015 இல் இலங்கையில் ஏற்பட்ட ஆட்சிமாற்றத்தை நீங்கள் வரவேற்றீர்கள். இத்தடவை?

பதில் : அரசாங்க மாற்றத்தை வரவேற்பதற்கும், கொள்கைகள் மாற்றத்தை வரவேற்பதற்கும் இடையில் வேறுபாடுகள் உள்ளன.

கேள்வி : சவேந்திர சில்வா இராணுவத்தளபதியாக நியமிக்கப்பட்ட போது அமெரிக்கா விசனம் வெளியிட்டது. ஆனால் கோத்தபாய ராஜபக்ஷவை ஜனாதிபதி வேட்பாளராக நியமித்த போது மௌனம் சாதித்தது. இவ்விருவருக்கும் எதிராக மனித உரிமை மீறல் முறைப்பாடுகள் இருக்கின்றன. விசனத்தை வெளிப்படுத்துவதில் அமெரிக்கா ஏன் இவ்வாறு வித்தியாசமாக நடந்துகொள்கிறது?

பதில் : இராணுவத் தளபதி ஒரு அரசாங்க அதிகாரி. ஜனாதிபதி வேட்பாளர் பதவிக்கு வர ஆசைப்படும் ஒருவர். ஒரு அரசியல் கட்சி வேட்பாளரை நியமிப்பதற்கும், உத்தியோகபூர்வ பதவியில் அரசாங்கம் ஒருவரை நியமிப்பதற்கும் இடையில் வேறுபாடு இருக்கிறது.

கேள்வி : நீங்கள் எதிர்க்கட்சித் தலைவர் மஹிந்த ராஜபக்ஷவுடன் பேச்சுவார்த்தைகள் நடத்தியிருக்கிறீர்கள். அவரது பதவிக்காலத்தில் இருதரப்பு உறவுகள் அவ்வளவு நன்றாக இருக்கவில்லை. அவரைப் பற்றி இப்போது என்ன நினைக்கிறீர்கள்?

பதில் : நான் ஒரு வருடத்திற்கு முன்னரே இலங்கைக்கு வந்தேன். சில தடவைகள் ராஜபக்ஷவை சந்தித்திருக்கிறேன். அரசியல் கட்சிகள், குழுக்களை பரவலாகச் சந்திப்பதன் ஓரங்கமே அதுவாகும். அரசியல் தலைவருடன் தொடர்பில் இருக்க வேண்டியது முக்கியமானது என்று நான் நினைக்கின்றேன். மக்கள் விடுதலை முன்னணியின் உறுப்பினர்களையும் நான் சந்தித்தேன். தங்களது தலைவர்களைப் பற்றி இலங்கை மக்கள் தீர்மானமொன்றை எடுக்கப் போகிறார்கள் என்று நாம் நினைக்கிறோம். அரசியல்வாதிகளுடன் ஒன்றாக அமர்ந்திருந்து பேச்சுவார்த்தை நடத்துவது என்றால், இணக்கத்தை நாம் கொண்டிருக்க வேண்டுமென்ற அவசியமில்லை. அவர்கள் எமது கொள்ககைளை, எமது நோக்குகளை, உறவு முறைக்கான நம்பிக்கைகளை வழங்கிக் கொள்வது முக்கியமாகும். அதனால்தான் நாம் பல்தரப்பட்டவர்களுடனும் தொடர்பில் இருக்கின்றோம். மஹிந்த ராஜபக்ஷவுடனான பேச்சு மிகவும் சுமூகமானதாக அமைந்திருந்தது.