அமெரிக்காவில் கோத்தபயா ராஜபக்ஷவிற்கு எதிராக வழக்கொன்று தாக்கல் செய்யப்பட்டுள்ளது. படுகொலை செய்யப்பட்ட ஊடகவியலாளர் லசந்த விக்கிரமதுங்கவின் மகளான அஹிம்சா விக்கிரமதுங்கவினால் இந்த வழக்கு தாக்கல் செய்யப்பட்டுள்ளது.

இந்த வழக்கினை நிராகரிக்குமாறு கோரி கோத்தபயா ராஜபக்ஷவின் சட்டத்தரணி அசோக டி சில்வா, தாக்கல் செய்த வழக்கு, எதிர்வரும் 16ஆம் திகதி கலிபோர்னியா நீதிபதி மெனுவெல் ரியல் முன்னிலையில் விசாரணைக்கு எடுத்துக் கொள்ளப்படவுள்ளது.

வழக்கு தாக்கல் செய்த பெண் வெளிநாடு ஒன்றில் வாழ்கின்றார். இந்நிலையில் அமெரிக்கா இந்த வழக்குடன் ஒருபோதும் தொடர்புபடவில்லை. இதனால் அமெரிக்க நீதிமன்றத்திற்கு அந்த வழக்கை தொடர்ந்து முன்னெடுக்க அதிகாரம் இல்லை என கோத்தபயாவின் சட்டத்தரணி தாக்கல் செய்த மனுவில் குறிப்பிடப்பட்டுள்ளது.

லசந்தவின் கொலை கோத்தபயா ராஜபக்ஷ பாதுகாப்புச் செயலாளராக பணியாற்றிய போது நடந்ததாகவும், இருப்பினும் அதற்கும் கோத்தபயாவிற்கும் தொடர்பு இல்லை எனவும் சட்டத்தரணி குறிப்பிட்டுள்ளார்.

புதிய அரசியல் அமைப்பை தடைப்பட்டுள்ளமைக்கு ஜனாதிபதி மைத்திரிபால சிறிசேனவே பிரதான காரணம் என இலங்கை தமிழரசு கட்சியின் தலைவரும் கூட்டமைப்பு பாராளுமன்ற உறுப்பினருமான மாவை சேனாதிராஜா குற்றம்சாட்டியுள்ளார்.

மைத்திரி-மஹிந்த கூட்டணியின் சதித்திட்டம் மூலமாகவே பாராளுமன்றத்தில் மூன்றிலிரண்டு பெரும்பான்மை பல இழக்கப்பட்டு புதிய அரசமைப்பு நிறைவேறும் சந்தர்ப்பம் இல்லாது போனது.

தேர்தல் காலங்களில் மாத்திரம் பிரதான கட்சிகளின் தேர்தல் வெற்றிக்காக தமிழ் மக்களை நாடுவதை அனுமதிக்க முடியாது எனவும் அவர் மேலும் கூறினார்.

அரசியல் அமைப்பு தடைகள் குறித்து கடந்த வெள்ளிக்கிழமை ஜனாதிபதி மைத்திரிபால சிறிசேன வடக்கில் முன்வைத்த கருத்துக்கள் குறித்து வினவியபோதே அவர் இதனைக் குறிப்பிட்டார்.

மட்டக்களப்பு கள்ளியங்காடு இந்து மயானத்தில் புதைக்கப்பட்ட உயிர்த்த ஞாயிறு தாக்குதலின் சூத்திரதாரியின் உடற்பாகங்கள் இன்று மாலை தோண்டியெடுக்கப்பட்டன.

ஏப்ரல் 21 மட்டக்களப்பு சீயோன் தேவாலயம் மீது காத்தான்குடியை சேர்ந்த ஐஎஸ்ஐஎஸ் பயங்கரவாதியான முகமட் ஆஸாத் நடாத்திய குண்டுத்தாக்குதலில் 30க்கும் மேற்பட்டவர்கள் உயிரிழந்துள்ளதுடன் 75க்கும் மேற்பட்டவர்கள் படுகாயமடைந்திருந்தனர்.

இந்த நிலையில் குண்டுத்தாக்குதலை நடாத்திய சூத்திரதாரிய் உடற்பாகங்கள் மீட்கப்பட்டு மட்டக்களப்பு போதன வைத்தியசாலையில் வைக்கப்பட்டிருந்ததுடன் விசாரணைகளை தொடர்ந்து குறித்த உடற்பாகங்களை புதைப்பதற்கு நீதிமன்றம் கட்டளை அனுப்பியிருந்தது.

இந்த நிலையில் குறித்த உடற்பாகங்கள் மட்டக்களப்பு கள்ளியங்காடு இந்து மயானத்தில் கடந்த 26ஆம் திகதி புதைக்கப்பட்டதை தொடர்ந்து 27ஆம் திகதி அதற்கு எதிராக பல்வேறு போராட்டங்கள் முன்னெடுக்கப்பட்டன.

இந்த நிலையில் குறித்த உடற்பாகங்களை அகற்ற நடவடிக்கையெடுக்குமாறு மட்டக்களப்பு மாவட்ட அரசாங்க அதிபர் மற்றும் மட்டக்களப்பு மாநகரசபையின் முதல்வர் ஆகியோர் சட்டமா அதிபர் திணைக்களம் ஊடாக கோரிக்கையினை விடுத்திருந்தனர்.

இது தொடர்பில் மட்டக்களப்பு நீதிவான் நீதிமன்றில் இது தொடர்பில் அரசசட்டத்தரணி யாதவன் ஊடாக மனுத்தாக்கல் செய்யப்பட்டதை தொடர்ந்து குறித்த சடலத்தினை அங்கிருந்து அகற்றுவதற்கான உத்தரவினை மட்டக்களப்பு நீதிவான் நீதிமன்ற நீதிபதி ஏ.சி.றிஸ்வான் உத்தரவிட்டிருந்தார்.

அதற்கு அமைய இன்று மாலை மட்டக்களப்பு நீதிவான் நீதிமன்ற நீதிபதி ஏ.சி.றிஸ்வான் முன்னிலையில் குறித்த உடற்பாகங்கள் தோண்டியெடுக்கப்பட்டன.பலத்த பாதுகாப்புக்கு மத்தியில் இந்த உடற்பாகங்கள் தோண்டியெடுக்கப்பட்டன.

குறித்த உடற்பாகங்கள் தோண்டியெடுக்கும் பகுதிக்கு மட்டக்களப்பு மாநகரசபை முதல்வர் தி.சரவணபவன்ääபிரதி முதல்வர் க.சத்தியசீலன்ääமண்முனை வடக்கு பிரதேச
செயலாளர் கே.வாசுதேவன்ääபிரதேச கிராம சேவையாளர் உட்பட உயர் பொலிஸ் உயர் அதிகாரிகளும் ஆஜராகியிருந்தனர்.

குறித்த உடற்பாகங்களை புதைப்பற்கு பொருத்தமான இடமொன்றை தெரிவுசெய்யும் வரையில் மீண்டும் மட்டக்களப்பு போதனா வைத்தியசாலையில் வைக்க பணிக்கப்பட்டுள்ளது.
இன்றைய உடற்பாகங்களை மீட்கும் பணி நடைபெற்றுக்கொண்டிருந்தபோது மயானத்திற்கு வெளிப்பகுதியில் பாராளுமன்ற உறுப்பினர் வியாழேந்திரன்ääமுன்னாள் கிழக்கு மாகாணசபை உறுப்பினர் கோ.கருணாகரம்ääமாநகரசபை உறுப்பினர்கள்ääபொதுமக்கள் என ஏராளமானோர் குழுமியிருந்தது குறிப்பிடத்தக்கது.

எனது தந்தையரின் வழியில் சென்று நாட்டை முன்னோக்கி கொண்டு செல்வதுடன், மாகாணசபைகளுக்கு அதிகமான அதிகாரங்களையும் வழங்குவேன் என ஐ.தே.கவின் அமைச்சர் சஜித் பிரேமதாசா தெரிவித்துள்ளார்.

நேற்று (31) அம்பாறை மாவட்டத்தில் உள்ள பொத்துவிலில் மாதிரிக் கிராமம் ஒன்றை திறந்துவைத்து பேசும்போதே அவர் இவ்வாறு தெரிவித்துள்ளார்.

அரச தலைவர் வேட்பாளரை ஐ.தே.க இன்னும் தெரிவுசெய்யாத போதும் சஜித் பிரேமதாசா அதற்காக போட்டியிட்டு வருகின்றார். அங்கு அவர் மேலும் தெரிவித்துள்ளதாவது:

13 ஆவது திருத்தச்சட்டம் மிகவும் குறைவான அதிகாரங்களையே கொண்டுள்ளது. அதற்கு அதிக அதிகாரங்கள் வழங்கப்பட வேண்டும். அதன் மூலம் பிரச்சனைகளுக்கு தீர்வைக் காணமுடியும்.

தேர்தலின் போது எல்லோரும் இதனை பேசுவதுண்டு ஆனால் யாரும் அதற்கு முக்கியத்துவம் கொடுப்பதில்லை. 13 ஆவது திருத்தச்சட்டத்திற்கும் அதிகமான தீர்வு என வெளிநாடுகளில் பேசும் அரசியல்வாதிகள் உள்நாட்டில் அதற்கு எதிரான செயற்பாடுகளையே மேற்கொள்கின்றனர்.

ஆனால் அதனை நான் செய்யமாட்டேன், எனது வாக்குறுதிகளைக் காப்பாற்றுவேன். நாட்டை பிரிக்காது அதிகாரங்களை பகிர்வேன் என அவர் மேலும் தெரிவித்துள்ளார்.

மாலைதீவில் எதிர்வரும் செப்டெம்பர் 3, 4ஆம் திகதிகளில் நடைபெறும் இந்தியப் பெருங்கடல் நாடுகளின் மாநாட்டில் வெளியுறவுத்துறை அமைச்சர் ஜெய்சங்கரை பிரதமர் ரணில் விக்கிரமசிங்க சந்தித்துப் பேசவுள்ளதாக தகவல்கள் வெளியாகியுள்ளன.

2019ஆம் ஆண்டின் இந்திய பெருங்கடல் மாநாட்டில் மாலைதீவு அதிபர், சிங்கப்பூர் வெளியுறவுத்துறை அமைச்சர் உட்பட பலர் கலந்து கொள்ளவுள்ளனர்.

இம்மாநாட்டில் பங்கேற்கவுள்ள இந்திய மத்திய வெளியுறவு அமைச்சர் ஜெய்சங்கருடன் பிரதமர் ரணில் விக்கிரமசிங்க சந்தித்துப் பேச திட்டமிட்டுள்ளார்.

சிறீலங்கா அரசின் இனப்படுகொலையில் இருந்து தப்பி புகலிடத்தஞ்சம்கோரிய ஈழத்தமிழ் குடும்பம் ஒன்றை அவுஸ்திரேலியா அரசு பலவந்தமாக நாடுகடத்தியதற்கும், அவர்களை தற்போது கிறிஸ்மஸ் தீவில் தடுத்து வைத்திருப்பதற்கும் எதிராக இன்று (01) அவுஸ்திரேலியாவின் நகரங்களில் பெருமளவான மக்கள் ஆர்ப்பாட்டங்களை நடத்தியுள்ளனர்.

அவுஸ்திரேலியாவின் இந்த நடவடிக்கை சட்டவிரேதமானது என அவர்கள் தெரிவித்துள்ளனர்.

4 மற்றும் 2 வயதுகளை உடைய இரண்டு சிறுமிகள் உட்பட நான்கு பேர் கொண்ட குடும்பத்தை அவுஸ்திரேலியா அரசு கடந்த வெள்ளிக்கிமை பலவந்தமாக நாடுகடத்த முற்பட்டிருந்தது. ஆனால் இறுதிநேரத்தில் மெல்பேர்ன் நீதிமன்றத்தில் மேற்கொள்ளப்பட்ட மேன்முறையீட்டைத் தொடர்ந்து அவர்களுடன் சென்ற விமானம் மீண்டும் அவுஸ்திரேலியாவுக்கு திரும்பியிருந்தது.

ஆனால் அவர்களை அவர்களின் வதிவிடமான குயின்ஸ்லாந்தில் வசிக்கவிடாது இன்று (01) கிறிஸ்மஸ் தீவுகளுக்கு கொண்டு சென்றுள்ளது அவுஸ்திரேலியா அரசு.

அவர்கள் சிறீலங்காவுக்கு அனுப்பப்பட்டால் சிறீலங்கா அரசு அவர்கள் மீது நடவடிக்கை எடுக்கும் என கிறீன் கட்சியின் தலைவர் றிச்சாட் டி நற்றலி தெரிவித்துள்ளார். அவர்கள் கடந்த 4 ஆண்டுகளாக வசித்த குயின்ஸ்லாந்து என்ற இடத்தில் வாழும் மக்களிடம் அவர்களுக்கு அதிக ஆதாவு உள்ளது எனவும், அரசின் நடவடிக்கை மிகவும் கொடுமையானது எனவும் அவர் தெரிவித்துள்ளார்.

ஆனால் படகில் வந்த அவர்களின் புகலிடத் தஞ்சம் நிராகரிக்கப்பட்டுள்ளதாக அவுஸ்திரேலியாவின் உள்விவகார அமைச்சர் பிற்றர் டற்றன் தெரிவித்துள்ளார்.

புpரியா, நடேசலிங்கம் ஆகியவர்களுடன் கோபிகா (4) மற்றும் தருணிகா (2) ஆகிய சிறுமிகளுமே தற்போது தடுத்து வைக்கப்பட்டுள்ளனர்.

அந்த தீவில் தாங்கள் தனியாக தடுத்து வைக்கப்பட்டுள்ளதாக அவுஸ்திரேலியா வானொலிக்கு கருத்து தெரிவிக்கும்போது பிரியா தெரிவித்துள்ளார். குழந்தைகள் தொடர்ந்து அழுவதாகவும் அவர் மேலும் தெரிவித்துள்ளார்.