Home Blog Page 1882

யாழில் படுகொலை செய்யப்பட்டவர்களின் குடும்பத்தினருக்கு வெள்ளை வானில் வந்தவர்களால் அச்சுறுத்தல்!

யாழ். மிருசுவிலில் படுகொலை செய்யப்பட்டவர்களின் குடும்பத்தினருக்கு வெள்ளை வாகனத்தில் வரும் இனந்தெரியாத நபா்கள் அச்சுறுத்தும் வகையில் விபரங்கள் சேகாித்து சென்றுள்ளனர். இந்நிலையில் பாதிக்கப்பட்டவர்கள் தமது பாதுகாப்பை உறுதிப்படுத்துமாறு கோரி யாழ்.மனித உரிமைகள் ஆணைக்குழுவில் இன்று பிற்பகல் முறைப்பாடு ஒன்றை பதிவு செய்திருக்கின்றனர்.

இது குறித்து பாதிக்கப்பட்டவர்களின் குடும்பத்தினர் ஊடகங்களுக்கு கருத்து தொிவிக்கையில்,

மிருசுவில் பகுதியில் கடந்த 2000ம் ஆண்டு 8 தமிழர்கள் படுகொலை செய்யப்பட்டடிருந்தனர். குறித்த படுகொலை சம்பவம் தொடர்பில் இராணுவத்தினர் சிலர் கைது செய்யப்பட்டு சிறையில் அடைக்கப்பட்ட நிலையில் எங்களுடைய வீடுகளுக்கு வெள்ளை வாகனத்தில் வந்த சிலர் அச்சுறுத்தல் விடுக்கும் வகையில் எங்கள் விபரங்களை சேகரித்தச் சென்றிருக்கின்றனர். பாதிக்கப்பட்ட ஒருவரை தேடி வெள்ளை வாகனத்தில் வந்த 4 பேர் விசாரித்துள்ளனர்.
dfgdfgfd யாழில் படுகொலை செய்யப்பட்டவர்களின் குடும்பத்தினருக்கு வெள்ளை வானில் வந்தவர்களால் அச்சுறுத்தல்!

அதேபோல் மற்றொருவரின் வீட்டுக்கு கடந்த 11ம் திகதி மோட்டார் சைக்கிளில் சென்ற இனந்தெரியாத நபர்கள் படுகொலை நடந்த இடம் மற்றும் குடும்பத்தில் இறந்தவர்கள் யார்? என்பனபோன்ற தகவல்களை பெற்றுச் சென்றிருக்கின்றனர்.

படுகொலை சம்பவத்தில் சிறையில் இருந்த இராணுவ சிப்பாய் விடுதலை செய்யப்பட்டிருப்பதாக ஊடகங்களில் செய்திகள் வெளியான சில நாட்களிலேயே இவ்வாறான அச்சுறுத்தல் எங்களுக்கு விடுக்கப்படுகின்றது. மேலும் முதலில் புலனாய்வு பிரிவினை சோ்ந்த 8 பர் பாதிக்கப்பட்டவர்களின் வீடுகள் எங்குள்ளது? என விசாரித்துள்ளதாக தகவல் வெளியாகியிருக்கின்றது. என பாதிக்கப்பட்டவர்கள் கூறியுள்ளனர்.

ஒன்பது ஆண்டுகளுக்குப் பின்னர் மீண்டும் ஸ்ரீலங்காவில் திறக்கப்படுகிறது தந்திரிமலை

வில்பத்து தேசிய சரணாலயத்தின் தந்திரிமலை மற்றும் மஹவிலச்சிய நுழைவாயில் சுமார் ஒன்பது ஆண்டுகளுக்குப் பின்னர் மீண்டும் திறக்கப்படவுள்ளதாக சுற்றாடல் மற்றும் வனஜீவராசிகள் வளங்கள் மற்றும் காணி அபிவிருத்தி அமைச்சு தெரிவித்துள்ளது.

இது தொடர்பில் தகவல் வெளியிட்டுள்ள அமைச்சு, சரணாலயத்தை சூழவுள்ள ஹணுவில, குகுல் கட்டுவ, முசிங்ககம மற்றும் கடுபத்கம ஆகிய 4 வாவிகளும் புனரமைக்கப்படவுள்ளதாக தெரிவித்துள்ளது.

வில்பத்து சரணாலயத்தில் புதிய பாலமொன்றை நிர்மாணிப்பதற்கும் புதிய வீதிகளை அமைப்பதற்கும் அமைச்சர் எஸ்.எம்.சந்திரசேனவினால் ஆலோசனை வழங்கப்படுள்ளதாகவும் தகவல்கள் வெளியாகியுள்ளன.

இலங்கையில் கரும்புலி இனம்! உறுதிப்படுத்தியது திணைக்களம்

அழிந்துவிட்டதாக கருதப்பட்ட கரும்புலி இனம் தற்போதும் இலங்கையில் உள்ளதாக இலங்கை வன ஜீவராசிகள் திணைக்களம் தகவல் வெளியிட்டுள்ளது.

இது தொடர்பிர் வன ஜீவராசிகள் திணைக்களம் வெளியிட்டுள்ள தகவல்களின்படி,

உலகில் உள்ள 8 புலி இனங்களில் இலங்கை புலி இனங்கள் அரிதாகக் காணப்பட்டமையினால் அவை மிகவும் விசேடமானவையாக கருதப்பட்டன. இதுவரை காலம் அழிந்துவிட்டதாக கருதப்பட்ட கரும்புலி இனம் இலங்கை புலி இனத்தில் கிளை இனமாகவும் வர்ண வித்தியாச இனமாகவும் கருதப்படுகிறது.

பிட்டதெனிய மபிள்தெனிய Mawuldeniya, Pitadeniya சூழவுள்ள பகுதியில் பொறியில் சிக்கி உயிழந்த புலியே இறுதி கரும்புலி இனமாக இதற்குமுன்னர் பதிவாகியிருந்தது. இதற்கமைய இந்த புலியின் தோலினை பயன்படுத்தி கிரிதலே Girithale wildlife museum வனஜீவராசிகள் அருங்காட்சியகத்தில் கரும்புலியொன்று நிர்மானிக்கப்பட்டுள்ளது. இது இறுதி கரும்புலி என சாட்சியாக கருதப்பட்டு அமைக்கப்பட்டது.

எனினும் வனஜீவராசிகள் திணைக்களம் எடுத்த நீண்ட ஆய்வு இலங்கையில் புலிகள் தொடர்பான ஆய்வை மாற்றியமைத்தது. கரும்புலியின் நடமாட்டம் உள்ளதாக தகவல் கிடைத்த நிலையில் அங்கு நடமாடிய இடங்களில் வனஜீவராசிகள் திணைக்களம் தன்னியக்க கட்டுப்பாட்டு கமராக்களை பொருத்தியதுடன் அதில் ஒரு இடத்தில் மாத்திரம் கடந்த ஒக்டோபர் மாதம் 26 ஆம் திகதி கரும்புலி நடமாடிய அரிய காட்சி பதிவாகியுள்ளது.

இதனை பின்தொடர்ந்த வனஜீவராசிகள் திணைக்களம் தமது கமராவில் காணொளிகள் சிலவற்றை பதிவு செய்து இலங்கையில் கரும்புலிகள் இன்னும் வாழ்கின்றது என்பதை உறுதிப்படுத்தியுள்ளது. இதற்கமைய இந்த கரும்புலியுடன் இலங்கையின் கிளை புலி இனத்துக்குரிய பெண் உயிரினமும் 2 குட்டிகளுடன் ஒரு ஆண் இனமும் வாழ்கின்றது என்பது உறுதியாகியுள்ளது.

வனஜீவராசிகள் திணைக்களத்தின் டொக்டர் மாலக்க அபயவர்த்தன, மனோச் அக்கலங்க ஆகியோரின் தலைமையில் இந்த ஆய்வு முன்னெடுத்துள்ளது. இந்த ஆய்வினை முன்னெடுக்க T Tropical Eco-System Research Networks Organization.அமைப்பு உதவியை வழங்கியுள்ளமை குறிப்பிடத்தக்கது.

வடக்கு ஆளுநரின் அலுவலகத்தை முற்றுகையிட்ட போராட்டக்காரர்கள்! காரணம் என்ன?

வடக்கு மாகாண தொண்டர் ஆசிரியர்கள் அரச நியமனம் வழங்கக் கோரி வடக்கு ஆளுநர் அலுவலகம் முன்பாக கவனயீர்ப்பு போராட்டமொன்றை மேற்கொண்டள்ளனர். வடமாகாணத்தில் நீண்டகாலமாக கடமையாற்றி வருகின்ற நிலையிலும் நியமனம் வழங்கப்படாததைக் கண்டித்தும் நியமனங்களை வழங்க வலியுறுத்தியுமே போராட்டத்தில் ஈடுபட்டுள்ளனர்.

போராட்டத்தில் ஈடுபட்டவர்கள் தெரிவிக்கையில்,

நியமனத்தை வழங்க கோரி பல்வெறு தரப்பினர்களையும் சந்தித்துக் கலந்துரையாடியிருக்கின்றோம். அதிலும் குறிப்பாக வடக்கு மாகாண ஆளுநர்களாக புதிது புதிதாக வருகின்ற பலரையும் சந்தித்துள்ளோம்.

ஆகவே தற்போது புதிய ஆளுநராக வந்திருக்கின்றவர் எங்களுக்கான நியமனங்களை உரிய முறையில் விரைவாக வழங்க வேண்டுமென்று கேட்டுக் கொள்கின்றோம் என தெரிவித்துள்ளனர்.

இதேவேளை, போராட்டத்தில் தொண்டர் ஆசிரியர்கள் ஈடபட்ட போதும் அலுவலகத்தி ஆளுநர் இல்லாத காரணத்தினால் ஆளுநரின் ஊடக செயலாளர் எஸ்.முகுந்தன் போராட்டத்தில் ஈடுபட்ட தொண்டர் ஆசிரியர்களைச் சந்தித்துக் கலந்துரையாடியிருந்தார்.

இதன் போது எதிர்வரும் புதன்கிழமை சந்திப்புக்கு ஏற்பாடு செய்து கொடுக்கப்படுமென வழங்கிய வாக்குறுதியையடுத்து போராட்டம் நிறைவுக்கு கொண்டு வரப்பட்டது.

மத்திய கிழக்கில் உள்ள அமெரிக்கப்படைத் தளங்கள்

ஈரானின் இராணுவ ஜெனரல் குசேம் சுலைமனியினை அமெரிக்கா படுகொலை செய்த சில நாட்களில் ஈரான் படையினர் ஈராக்கில் உள்ள அமெரிக்கத் தளங்கள் மீது ஏவுகணைத் தாக்குதல்களை மேற்கொண்டிருந்தனர்.

இந்த தாக்குதலின் பின்னர் கருத்து தெரிவித்த ஈரானின் அரச தலைவர் கசான் றொகானி, மத்திய கிழக்கு பிராந்தியத்தில் இருந்து அமெரிக்க படையினரை முற்றாக வெளியேற்றுவதே அமெரிக்கா மேற்கொண்ட படுகொலைக்கான இறுதியான பதில் என தெரிவித்திருந்தார்.

இந்த பிராந்தியம் முழுவதும் மேற்கொள்ளப்படவுள்ள ஏவுகணைத் தாக்குதல்களின் முதலாவது முயற்சியே தற்போதைய தாக்குதல் என ஈரானின் இராணுவம் தெரிவித்துள்ளது.மத்திய கிழக்கில் ஏறத்தான 60,000 தொடக்கம் 70,000 அமெரிக்கப்படையினர் நிலைகொண்டுள்ளதாக அமெரிக்காவின் மத்திய கட்டளை மையம் தெரிவித்துள்ளது. மேலும் படையினரை அங்கு நகர்த்தவுள்ளதாக அது மேலும் தெரிவித்துள்ளது.

21ea7806cbbc4f868d23dd464d52d130 6 மத்திய கிழக்கில் உள்ள அமெரிக்கப்படைத் தளங்கள்இந்த நிலையில் மத்திய கிழக்கு மற்றும் ஆப்கானிஸ்த்தான் ஆகிய பகுதிகளில் எங்கு எங்கு அமெரிக்கத் தளம் உள்ளது என்பதை கீழ் வரும் வரைபடத்தில் நீங்கள் பார்க்கலாம்.

தாக்குதலில் பெருமளவான இராணுவத்தினர் பலி – நைகர் நாட்டின் இராணுவத்தளபதி நீக்கம்

இரு பெரும் தாக்குதல்களைத் தொடர்ந்து நைகர் நாட்டின் இரராணுவத் தளபதியை பதவியில் இருந்து நீக்கியுள்ளது அரசு.

தொடர்ச்சியாக இடம்பெற்ற இரு தாக்குதல்களில் 160 இராணுவத்தினர் கொல்லப்பட்டதைத் தொடர்ந்தே இராணுவத்தளபதி ஜெனரல் அகமட் மொகமீட் பதவியில் இருந்து நீக்கப்பட்டுள்ளதாக அரசு அறிவித்துள்ளது. இந்த தாக்குதல்களில் பெருமளவானோர் காயமடைந்திருந்தனர். புதிய இராணுவத்தளபதியாக பிரிகேடியர் ஜெனரல் சலிபோ மோடி நியமிக்கப்பட்டுள்ளார். இவர் முன்னர் ஜேர்மனியில் உள்ள நையீர் நாட்டின் தூதரகத்தில் படைத்துறை ஆலோசகராக பணியாற்றியவர்.

கடந்த இரண்டு வருடங்களாக இராணுவத்தளபதியாக அகமீட் பதவி வகித்தபோதே தாக்குதல்களிக் எண்ணிக்கை அதிகரித்துள்ளது. ஜ.எஸ்.ஜ.எல் மற்றும் அல்கைடா ஆகிய ஆயுதக்குழுக்களே இந்த தாக்குதல்களை மேற்கொண்டு வருகின்றன.

கடந்த 9 ஆம் நாள் இடம்பெற்ற தாக்குதலில் 89 இராணுவத்தினரும், 77 ஆயுதக்குழுவினரும் கொல்லப்பட்டுள்ளனர். இந்த தாக்குதல்களில் பிரான்ஸ் மற்றும் அமெரிக்கப் படையினரும் நையீர் நாட்டுப் படையினருடன் இணைந்து நடவடிக்கையில் ஈடுபட்டிருந்தனர்.

கடந்த மாதம் இடம்பெற்ற தாக்குதலிலும் 71 இராணுவத்தினர் கொல்லப்பட்டிருந்தனர். ஆயுதக் குழுவினர் மாலி, பெர்கியா போசோ ஆகிய இடங்களில் இருந்து வந்து தாக்குதல் நடத்துவதாக தெரிவிக்கப்படுகின்றது.
கடந்த வருடம் இடம்பெற்ற தாக்குதல்களில் 400 பேர் இங்கு கொல்லப்பட்டிருந்தனர். நையீர் நாட்டில் 2014 ஆம் ஆண்டில் இருந்து ஜி-5 எனப்படும் ஐந்து நாடுகளின் படையினர் இணைந்து நடவடிக்கையில் ஈடுபட்டுவருகின்றனர்.

2012 ஆம் ஆண்டில் இருந்து இடம்பெறும் தாக்குதல்களில் ஆயிரத்திற்கு மேற்பட்டோர் கொல்லப்பட்டுள்ளனர். பிரான்ஸ் நாடு தனது 4500 படையினரை அங்கு நிறுத்தியுள்ளதுடன், மேலும் 220 படையினரை அங்கு அனுப்பத் திட்டமிட்டுள்ளது.

அமெரிக்க CIA கட்டுப்பாட்டில் சூரிச் விமானநிலையம்

உலக பொருளாதார மகாநாட்டில் கலந்துகொள்ள அமெரிக்க ஜனாதிபதி டொனால்ட் ட்ரம்சுவிஸின் டாவோஸ் நகருக்கு சேல்லவுள்ளார்.இதன்போது சூரிச் விமான நிலையத்தின் கட்டுப்பாட்டு கோபுரத்தை ​​ அமெரிக்க CIA யினர் தமது கட்டுப்பாட்டில் வைத்திருப்பர் என அறியமுடிகிறது.

ஜனவரி 21 ஆம் தேதி தொடங்கும்இந்த மாநாட்டிற்கு , கல்வியாளர்கள் மற்றும் சமூகத்தின் பிற தலைவர்களுடன் பணக்கார, உயர்மட்ட வணிக மற்றும் அரசியல் பிரமுகர்கள் 500 பேர் கலந்து கொள்வார்கள் என்று எதிர்பார்க்கப்படுகிறது.

பொதுவாக வெளிநாட்டு பாதுகாப்பு முகவர்கள் பொதுவாக விமானநிலையத்தின் கட்டுப்பட்டுப் பகுதிகளுக்கு அனுமதிக்கப் படுவதில்லை.இது வழக்கத்திற்கு மாறானது. “இது பொதுவான விதி அல்ல” என ஆய்வாளர்கள் தெரிவிக்கின்றனர்.

மக்கள் வரிப்பணத்தில் வாழமாட்டோம்-ஹாரி-மேகன் தம்பதியினர்

‘இங்கிலாந்து அரச குடும்பத்தில் இருந்து விலகும் ஹாரி-மேகன் தம்பதியினர் அரச பட்டம், பொதுமக்கள் வரிப்பணத்தை இனிமேல் பயன்படுத்த மாட்டார்கள்,’ என பக்கிங்காம் அரண்மனை அறிவித்துள்ளது. இங்கிலாந்து ராணி எலிசபெத்தின் பேரனும் சார்லஸ்-டயானாவின் இளைய மகனுமாக இருப்பவர் இளவரசர் ஹாரி. இவருடைய மனைவி மேகன். இவர்கள் இருவரும் இங்கிலாந்து அரச குடும்பத்தில் இருந்து விலகப் போவதாக சமீபத்தில் அறிவித்தனர்.

இது பற்றி ஹாரி மற்றும் முக்கிய குடும்ப உறுப்பினர்களுடன் ராணி எலிசபெத் அவசர ஆலோசனை நடத்தினார். எனினும், ஹாரி-மேகன் தம்பதியினர் தனது முடிவில் உறுதியாக இருந்தனர். இதனால், ஹாரி-மேகனின் முடிவுக்கு ஆதரவு தருவதாக ராணி எலிசபெத் அதிகாரப்பூர்வமாக அறிவித்து இருந்தார். இவர்கள் இருவரும் கனடாவில் குடியேற உள்ளனர்.

இது தொடர்பாக ராணி எலிசபெத் வெளியிட்டுள்ள அறிக்கையில் கூறப்பட்டுள்ளதாவது: ஹாரி – மேகன் ஆகியோர் இனிமேல் இளவரசர், இளவரசி எனும் பெருமைக்குரிய பட்டத்தை பயன்படுத்த மாட்டார்கள். மக்களின் வரிப் பணத்தையும் பெற மாட்டார்கள்.

கடந்த 2 ஆண்டாக இருவரும் தீவிரமாக ஆலோசித்ததையும், எதிர்கொண்ட சவால்களையும் அறிந்திருக்கிறேன். அவர்கள் வாழ்க்கையில் சுதந்திரமாக வாழ்வதற்கு நான் ஆதரவு தருகிறேன். ஹாரி-மேகன் தம்பதியினர் மகிழ்ச்சியாகவும், அமைதியான வாழ்கையும் வாழ வேண்டும் என வாழ்த்துகிறேன். இந்த புதிய ஏற்பாட்டின்படி அதிகாரப்பூர்வ ராணுவ நியமனம் உள்ளிட்ட அரச கடமைகளில் இருந்து அவர்கள் வெளியேறுகிறார்கள். அரச கடமைகளுக்காக இருவரும் இனி மக்கள் பணத்தை பெற மாட்டார்கள். இவ்வாறு ராணி கூறியுள்ளார்.