புது தில்லியில் நடைபெற்ற பிரி க்ஸ் (BRICS) உச்சிமாநாட்டில் பங் கேற்ற நாடுகள் மற்றும் இந்திய அரசு அலுவலகங்களை குறிவைத்து விடுக்கப் பட்ட வெடிகுண்டு மிரட்டல்கள் குறித்த விசாரணையின்போது, 5,13,847 ஜிமெயில் (Gmail) கணக்குகள் அடங்கிய ஒரு நெட்வொர்க் கண்டறியப்பட்டது; இது தொடர்பாக இந்தியா கூகுள் நிறுவனத்தி டம் விளக்கம் கோரவுள்ளது.
குஜராத் மாநிலத்தின் சட்டமன்றம், பிரதமர் நரேந்திர மோடி மற்றும் உள்துறை அமைச்சர் அமித் ஷா ஆகியோரின் அலுவலகங்கள் மற்றும் உச்சிமாநாட்டில் பங்கேற்ற நாடுகளுக்கு வெடிகுண்டு மிரட்டல் விடுத்ததற்காகக் கைது செய்யப்பட்ட இருவரிடமிருந்து, மின்னஞ்சல் கணக்கு விவரங்கள் அடங்கிய தரவுத்தளத்தை குஜராத் மாநிலக் காவல் துறையினர் கைப்பற்றினர். குஜராத்தில் உள்ள பத்து பள்ளிகள் மற்றும் மூன்று நீதிமன்றங்களுக்கும் இதேபோன்ற மிரட்டல் மின்னஞ்சல்கள் அனுப்பப்பட்டிருந்தன.
மோடி மற்றும் ஷா ஆகிய இருவரின் சொந்த மாநிலமும் குஜராத் தான். பின்னர் இந்த மிரட்டல்கள் வெறும் வதந்தி (போலி மிரட்டல்) என்பது தெரியவந்தது.
கிழக்கு மாநிலமான பீகாரின் பகல்பூரில் கைது செய்யப்பட்ட ரோஷன் குமார் பூமிஹார் அளித்த தகவலின் அடிப்படையில், அண்டை மாநிலமான ஜார்க்கண்டின் தியோகரைச் சேர்ந்த குல்ஷன் குமார் சிங் என்பவர் காவல்துறையினரால் அடையாளம் காணப்பட்டார்; மிரட் டல் மின்னஞ்சல்களை அனுப்பப் பயன்படுத்தப்பட்ட ஜிமெயில் கணக்குகளை இவரே வழங்கியதாகக் கூறப்படுகிறது. சிங் கைது செய்யப்பட்டதோடு, மிரட்டல் களை அனுப்பப் பயன்படுத்தப்பட்ட சாதனங்களும் பறி முதல் செய்யப்பட்டன.
சிங் 2022-ஆம் ஆண்டு முதல் பெருமளவில் மின்னஞ்சல் முகவரிகளை (IDs) உருவாக்கி, அவற்றை உடனடியாகப் பயன்படுத்தக்கூடிய கணக்குகளாக வழங்கி வந்ததாகக் காவல்துறை கூறுகிறது. கூகுளின் பாதுகாப்பு அமைப்புகளின் கண்ணில் படாமல் இவ்வளவு அதிகமான கணக்குகள் எவ்வாறு உருவாக்கப்பட்டன மற்றும் இயக் கப்பட்டன என்பது குறித்து புலனாய்வாளர்கள் ஆச்சரிய மடைந்துள்ளனர்.
பாதுகாப்பு நடைமுறைகளைத் தவிர்க்க முடியாத வாறு சில கொள்கை மாற்றங்களைச் செய்யுமாறு நாங்கள் கூகுள் நிறுவனத்திற்கு கடிதம் எழுதுவோம்,” என்று குஜராத் காவல்துறை சைபர் கிரைம் பிரிவு மூத்த அதிகாரி விவேக் பேடா கூறியதாக உள்ளூர் செய்திகள் தெரிவிக்கின்றன.
அமெரிக்காவைச் சேர்ந்த தொழில்நுட்ப நிறுவன மான கூகுள் மீது ஏதேனும் குற்றச்சாட்டுகள் சுமத்தப் படுமா என்பது தெளிவாகத் தெரியவில்லை என்றாலும், காவல்துறையினர் கூகுளையும் இந்த விசாரணையின் ஒரு பகுதியாக அதிகாரப்பூர்வமாகச் சேர்க்கத் திட்ட மிட்டுள்ளனர்.
மிரட்டல் மின்னஞ்சல்களை அனுப்புவதற்கும், பிற சைபர் குற்றங்களைச் செய்வதற்கும் என்றே இந்தக் குறிப்பிட்ட ஜிமெயில் கணக்குகள் உருவாக்கப்பட்டதாகக் கூறப்படுகிறது. சந்தேக நபர்கள் வங்காளதேசத்தில் உள்ள தங்கள் கூட்டாளிகளுடன் இந்தக் கணக்குகளைப் பகிர்ந்துகொண்டதாகவும், அவர்களிடம் இருந்து நிதி உதவி பெற்றதாகவும் புலனாய்வாளர்கள் குற்றம் சாட்டு கின்றனர்.
