மன்னார் மாவட்டத்தில் பட்டித் தோட்டம் மற்றும் பெரியகடை ஆகிய கிராமங்கள் மறு அறிவித்தல் வரை தனிமைப்படுத்தல் வலயங்களாக நேற்று அறிவிக்கப்பட்டுள்ளன.
வெளி மாவட்டத்திலிருந்து கட்டட வேலைக்காக மன்னார் பட்டித்தோட்டப் பகுதிக்கு வந்த ஒருவருக்குக் கொரோனா தொற்றுக்கு உள்ளானமை கடந்த 8 ஆம் திகதி உறுதிப்படுத்தப்பட்டது.
இதையடுத்து அவர் சென்று வந்த பகுதிகள் இனங்காணப்பட்டு தனிமைப்படுத்தல் வலயமாகப் பிரகடனம் செய்யப்பட்டது. இதையடுத்தே பட்டித் தோட்டம், பெரிய கடை பகுதிகளில் சில குடும்பங்கள் தனிமைப்படுத்தலுக்கு உட்படுத்தப்பட்டனர். அத்துடன் அப்பகுதியும் முடக்கப்பட்டுள்ளது.
