இந்தியாவில் இன்று முதல் 45 வயதுக்கு மேற்பட்டோருக்கு கொரோனா தடுப்பூசி செலுத்தும் பணி ஆரம்பிக்கப்பட்டுள்ளது.
இந்தியாவில் கடந்த 24 மணி நேரத்தில் புதிதாக 53 ஆயிரத்து 480 பேருக்கு கொரோனா தொற்று உறுதியாகியுள்ளது. இதனால், பாதிக்கப்பட்டோரின் எண்ணிக்கை 1 கோடியே 21 இலட்சத்து 49 ஆயிரத்து 335 ஆக உயர்ந்துள்ளது.
கொரோனாவால் ஒரே நாளில் 354 பேர் பலியாகி உள்ளதால், உயிரிழந்தோர் எண்ணிக்கை 1 இலட்சத்து 62 ஆயிரத்து 468ஆக அதிகரித்துள்ளது.
இந்தியாவில் கடந்த ஆண்டு டிசம்பர் 17ம் திகதி ஒரே நாளில் 355 பேர் பலியான நிலையில், 3 மாதங்களுக்கு பின் மீண்டும் உயிரிழப்பு எண்ணிக்கை அதிகரித்துள்ளது.
இந்நிலையில், நாடு முழுவதும் இன்று முதல் 45 வயதுக்கு மேற்பட்டோருக்கு கொரோனா தடுப்பூசி செலுத்தும் பணி ஆரம்பிக்கப்பட்டுள்ளது.
