யெமன் கொவுதி படையினரால் அமெரிக்காவின் மற்றுமொரு எச். கியூ-9 ரக உளவு விமாம் ஒன்று சுட்டுவீழ்த்தப்பட்டுள்ளதாக றொய்ட்டர் செய்தி நிறுவனம் நேற்று (21) தெரிவித்துள்ளது.
இது தொடர்பில் அது மேலும் தெரிவித்துள்ளதாவது:
இந்த பிராந்தியத்தில் நிகழ்ந்த இரண்டாவது சம்பவம் இது. தமது வான் எதிர்ப்பு படையினரைல் விமானம் ஒன்று சுட்டுவீழ்த்தப்பட்டுள்ளதாக கொவுதி படையினரின் பேச்சாளர் தெரிவித்திருந்தார்.
தமார் நகரத்திற்கு அண்மையாக தாம் ஏவுகணை மூலம் விமானத்தை சுட்டு வீழ்த்தியதாக அவர் மேலும் தெரிவித்துள்ளார்.
இந்த விமானம் 15 மில்லியன் அமெரிக்க டொலர்கள் பெறுமதியானது எனவும், உளவு விமானத்தை தரையில் இருந்து வானுக்கு ஏவப்படும் ஏவுகணை மூலமே வீழ்த்தியிருக்க முடியும் எனவும் தனது பெயரைக் குறிப்பிடவிரும்பாத அமெரிக்க அதிகாரி ஒருவர் தெரிவித்துள்ளார்.
யெமன் ஆயுதக்குழுவினர் தற்போது மிக நவீன ஆயுதங்களைப் பயன்படுத்தி வருவதாகவும், அவற்றை அவர்கள் ஈரானிடம் இருந்து பெற்றிருக்கலாம் எனவும் அமெரிக்கா குற்றம் சுமத்தியுள்ளது.
