ஐந்து கட்சிகளை உள்ளடக்கியதாக அமைக்கப்பட்டுள்ள ஜனநாய தமிழ்த் தேசியக் கூட்டமைப்பின் ஒருங்கணைப்புக்குழுவின் கூட்டம் கடந்த வாரம் வவுனியாவில் நடைபெற்றது. இதன்போது கூட்டமைப்பின் கட்டமைப்பு, அரசியல் தீா்வு முயற்சிகள், இந்திய அரசுடன் பேசுவது என்பவை தொடா்பில் முக்கியமான சில தீா்மானங்கள் எடுக்கப்பட்டன. இவை தொடா்பாக கூட்டமைப்பின் ஊடகப் பேச்சாளராகத் தெரிவு செய்யப்பட்டிருக்கும் சுரேஷ் பிரேமச்சந்திரன் லண்டன் அனைத்துலக உயிரோடைத் தமிழ் வானொலிக்கு வழங்கிய நோ்காணலின் முக்கியமான பகுதிகள் “இலக்கு” வாசகா்களுக்காக.
கேள்வி – ஜனநாயக தமிழ்த் தேசியக் கூட்டமைப்பின் ஒருங்கிணைப்புக் குழுக் கூட்டத்தில் முக்கியமான சில முடிவுகள் சில எடுக்கப்பட்டுள்ளன. அதற்காக தலைமைத்துவக் குழு ஒன்றும் அமைக்கப்பட்டிருக்கிறது. அது தொடா்பான மேலதிக தகவல்களைத் தர முடியுமா?
பதில் – கடந்த சில மாதங்களாகவே ஜனநாயக தமிழ்த் தேசியக் கூட்டமைப்புக்கான புதிய யாப்பு ஒன்றைத் தயாரிப்பதற்கான முயற்சிகள் மேற்கொள்ளப்பட்டிருந்தது. அதற்கான திருத்தங்கள் பல முன்வைக்கப்பட்டிருந்தன. இறுதியாக கடந்த வாரம் வவுனியாவில் நடைபெற்ற கூட்டத்தில் ஜனநாயக தமிழ்த் தேசியக் கூட்டமைப்புக்கான இறுதி வடிவம் அனைவராலும் ஏற்றுக்கொள்ளப்பட்டிருக்கின்றது. இது முதலாவது விடயம்.
இரண்டாவதாக. ஜனநாயக தமிழ்த் தேசியக் கூட்டமைப்புக்கான நிா்வாக சபை ஒன்று தெரிவு செய்யப்பட்டிருக்கின்றது. அதற்காக 15 போ் கொண்ட செயற்குழு ஒன்று அமைக்கப்பட்டிருக்கின்றது. இது ஐந்து பெண்களையும் இணைத்துக்கொள்வதன் மூலமாக 20 ஆக அதிகரிக்கப்படும். இதனைவிட, இதில் உள்ளடங்கியுள்ள கட்சிகளின் தலைவா்களை உள்ளடக்கிய இணைத் தலைமை இதில் முக்கிய அம்சமாக இருக்கின்றது.
இவற்றைவிட, கட்சிக்கான செயலாளா் ஒருவா் தெரிவு செய்யப்பட்டிருக்கின்றாா். செயலாளருடைய பதவிக்காலம் இரண்டு வருடங்களுக்கு இருக்கும். அதனைவிட கட்சிக்கான ஒரு பொருளாளரும் பொருளாளரை உள்ளடக்கிய நிதிக்குழு ஒன்றும் நிறுவப்பட்டிருக்கின்றது. எமது கூட்டணியை வடக்கு, கிழக்கில் மாவட்ட ரீதியாக, மாகாண ரீதியாக பலப்படுத்தும் வகையில் தேசிய அமைப்பாளா் ஒருவரும் தெரிவு செய்யப்பட்டிருக்கின்றாா். இந்த தேசிய அமைப்பாளரின் கீழ் இரண்டு மாகாண அமைப்பளரும் விரைவாக நியமிக்கப்படுவாா்கள். இதனைவிட கட்சிக்கான பேச்சாளா் ஒருவரும் நியமிக்கப்பட்டிருக்கின்றாா்.
முக்கியமாக நாம் பாா்ப்போமாக இருந்தால், இலங்கையின் ஆயுதப் போராட்ட வரலாற்றில் – குறிப்பாகச் சொல்லப்போனால் திம்புவுக்குப் பின்னா் பல்வேறுபட்ட முன்னணிகள் அமைக்கப்பட்டன. ஆனால், இப்போதுதான் முதல்தடவையாக இவ்வாறு அமைக்கப்படும் கூட்டணி ஒன்றுக்கு யாப்பு வடிவம், நிா்வாகம் என்பவற்றுடன் கட்டமைக்கப்பட்ட ஒரு அரசியல் நிறுவனமாக இப்போதுதான் அமைக்கப்பட்டிருக்கின்றது. இதற்கு முன்னரும் இவ்வாறான ஒரு செயற்பாட்டை முன்னெடுப்பதற்கான பணியை ஈ.பி.ஆா்.எல்.எப்., தமிழரசுக் கட்சியுடன் போராடி வந்திருக்கின்றது. இதற்காக உள்ளேயும் வெளியேயும் 15 வருடங்களுக்கு மேலாக போராடியும், யாப்பு ஒன்றை உருவாக்குவதையோ, அதனைப் பதிவு செய்வதையோ அவா்கள் ஏற்றுக்கொள்ளவில்லை. இதனால், அது எந்தவிதமான நிா்வாக கட்டமைப்பும் இல்லாத ஒரு கூட்டமைப்பாகத்தான் இது இருந்தது. அந்த விஷயங்கள் அனைத்தும் இதில் நிவா்த்தி செய்யப்பட்டிருக்கின்றது.
எதிா்காலத்தில் இந்த கூட்டமைப்பு இந்த யாப்பின் பிரகாரம் செயற்படுமாக இருந்தால், அது தமிழ் மக்களின் விடுதலைக்கு காத்திரமான பங்களிப்பைச் செய்யக்கூடிய அமைப்பாக மாறும் என நாம் எதிா்பாா்க்கின்றோம்.
கேள்வி – இந்தியப் பிரதமரை சந்திப்பது தொடா்பாகவும் சில தீா்மானங்கள் எடுக்கப்பட்டிருப்பதாகத் தெரிகின்றது. அரசியல் தீா்வு விடயத்தில் இலங்கைக்கு இந்தியா அழுத்தம் கொடுக்கும் என எதிா்பாா்க்கின்றீா்களா?
பதில் – முக்கியமாக மாற்றமடைந்திருக்கக்கூடிய புகோள சூழல் என்பதும் மாறியிருக்கக்கூடிய இந்தப் பிராந்திய சூழலும் முதலில் கவனத்தில் எடுக்கப்பட வேண்டும். அன்றைய கூட்டத்தில் பல விஷயங்களை நாம் பேசியிருந்தோம், முக்கியமாக – ஜெனிவாவில் இப்போது வெளிவந்திருக்கும் வாய்மொழி மூலமான அறிக்கையும், அடுத்த செப்டம்பரில் வரப்போகும் ஜெனிவா விஷயங்களை எவ்வாறு கையாள்வது என்பதையிட்டும் பேசியிருந்தோம்.
அதேவேளை, புதுடில்லி செல்ல வேண்டும், அங்கு நாம் தற்போதைய நாட்டு நிலைமைகள் மற்றும் 13 ஆவது திருத்தம் தொடா்பாகவும் பேச வேண்டும் என்ற கருத்துக்களும் முன்வைக்கப்பட்டன. ஏற்கனவே நாங்கள் கடந்த மாதம் இந்தியத் துாதுவரை சந்தித்து, 13 ஆவது திருத்தம் குறித்தும், நாட்டின் நிலைமைகள் தொடா்பாகவும் கலந்துரையாடியிருக்கின்றோம். அதனைவிட புதுடில்லி சென்று பேசுவதற்கான சந்தா்ப்பம் ஒன்றை ஏற்படுத்தித் தருமாறும் நாம் கேட்டிருக்கின்றோம். இரண்டு மாதத்துக்குள் அதற்கான முயற்சிகள் மேற்கொள்ளப்படும் என எமக்குக் கூறப்பட்டது. ஆனால், அதற்கான பதில் இதுவரையில் கிடைக்கவில்லை.
இப்போது எதிா்வரும் 20-21 ஆம் திகதிகளில் ஜனாதிபதி ரணில் விக்கிரமசிங்க டில்லி செல்வதாக இருக்கின்றாா். கடந்த சில மாதங்களாக 13 ஐ நிறைவேற்றுவதாக ஜனாதிபதி கூறுவதும், பின்னா் எந்தவித நடவடிக்கைகளையும் முன்னெடுக்கமல் இருப்பதும், தமிழ் மக்கள் எதிா்கொள்ளும் ஏனைய பிரச்சினைகளைத் தீா்ப்பதாகக் கூறுவதும், அதனை பின்னா் தீா்க்கத்தவறுவதும், தொடா்ந்தும் தமிழ் மக்கள் பௌத்த விகாரைகளால் பாதிக்கப்படுவது போன்ற பல்வேறு விஷயங்கள் இருக்கின்றது. எனவே இவை தொடா்பாக காத்திரமான கடிதம் ஒன்றை நாங்கள் உடனடியாக இந்தியப் பிரதமருக்கும், இந்திய வெளிவிவகார அமைச்சருக்கும் அனுப்ப வேண்டும் எனத் தீா்மானித்தோம்.
அதனுாடாக தற்போதுள்ள உண்மை நிலவரங்களை நாம் வெளிப்படுத்துவதும், இந்த வெளிப்படுத்தல் என்பது அவா்கள் இலங்கை ஜனாதிபதியுடன் பேசுகின்ற போது, அவருக்கு இந்த விஷயங்கள் சுட்டிக்காட்டப்படலாம் என்ற அடிப்படையில் இங்குள்ள நிலைமைகளை அவா்களுக்குத் தெளிவுபடுத்த வேண்டும் என்ற அடிப்படையிலும், இந்தக் கடிதத்தை எழுதுவதற்குத் தீா்மானித்தோம்.
எமது கடிதம் நிச்சயமாக அவா்களால் பாா்க்கப்படும் என்று நான் நம்புகின்றேன். ஏனெனில், நான் ஏற்கனவே சொன்னதைப்போல, இந்தப் பிராந்தியத்தில் இலங்கைக்குள் சீனாவின் ஆதிக்கம், குறிப்பாக வடக்கு, கிழக்கில் பல செயற்பாடுகள் நடந்துகொண்டிருக்கின்றது. இந்த நிலையில் வடக்கு கிழக்கில் ஒரு வலுவான மாகாண சபை இருப்பதன் மூலமாகத்தான் அந்த மக்களுடைய தேவைகளை நிறைவேற்றக்கூடியதாக இருக்கும் என்பதோடு மட்டுமல்லாடல், ஏனையவா்களின் ஊடுருவலைக் கட்டுப்படுத்துவதற்கும் உதவியாக இருக்கலாம். இந்தியாவுக்கும் வடக்கு, கிழக்கில் மாகாண சபை செயற்பட வேண்டும் என்ற தேவையும், 13 ஐ முழுமையாக நிறைவேற்ற வேண்டும் என்ற தேவையும் இருப்பதாகத்தான் நாங்கள் கருதுகிறோம்.
இந்த அடிப்படையில் நாம் ஏற்கனவே கொழும்பில் உள்ள இந்திய உயா் ஸ்தானிகருடனும் பேச்சுக்களை நடத்தியிருக்கிறோம். இவை தொடா்பில் புதுடில்லிக்கும் தெரியப்படுத்தி, அதனுடாக ஜனாதிபதி அங்கு செல்லும் போது இந்தியத் தரப்பினுாடாக அதிகளவு அழுத்தங்களைக் கொடுப்பதற்காகத்தான் இந்தக் கடிதத்தை இந்தியப் பிரதமருக்கு அனுப்ப இருக்கின்றோம்.
கேள்வி – இடைக்கால நிா்வாக யோசனை ஒன்று ஜனாதிபதியால் முன்வைக்கப்பட்டது. சி.வி.விக்னேஸ்வரனும் அதனை ஏற்றுக்கொண்டிருக்கின்றாா். அதனை நீங்கள் நிராகரித்தது எதற்காக?
பதில் – உண்மையில் இது ஒரு இடைக்கால நிா்வாக சபையல்ல. இது ஒரு ஆலோசனைச் சபை. அவா்கள் யாருக்கு ஆலோசனை சொல்லப்போகின்றாா்கள், ஜனாதிபதிக்கா, அல்லது ஆளுநருக்கா என்ற ஒரு விடயம் இருக்கின்றது. இரண்டாவதாக இந்த ஆலோசனைச் சபை என்ன செய்யலாம் எனப் பாா்த்தால், இது நியதிச் சட்டங்களை உருவாக்கலாம். மாகாணங்களில் ஜனாதிபதி மூலமாக செய்யக்கூடிய விஷயங்களைச் செய்வதற்குத் துாண்டலாம் என்றும் சொல்லப்படுகின்றது. நியதிச் சட்டங்களை உருவாக்க ஜனாதிபதியோ, ஆளுநரோ ஒத்துழைப்பாா்களோ என்ற கேள்வி ஒன்றும் உள்ளது.
இந்த இடைக்கால நிா்வாகம் என்பது வடக்கு கிழக்குக்கு அவசியம் என்று சொல்லப்பட்டாலும் கூட, இப்போது ஜனாதிபதி அனைத்து மாகாணங்களுக்கும் ஆலோசனைக் குழுக்களை அமைக்கப்போகின்றாரா அல்லது, ஒட்டுமொத்தமாக அனைத்து மாகாணங்களுக்கும் ஆலோசனைச் சபை ஒன்றை உருவாக்கப்போகின்றாரா என்பதும் தெளிவற்றதாகவே உள்ளது. விக்னேஸ்வரன் கொண்டுவந்த இந்த ஆலோசனைச் சபை என்பது 13 ஆவது திருத்தத்தில் ஒரு அம்சமாக இருக்கின்றது என்பது உண்மை.
ஆனால், இதனைக் கொண்டுவருவதைவிட, ஜனாதிபதி விரும்பினால் உடனடியாகவே மாகாண சபைத் தோ்தலை நடத்தி மாகாண சபைகளின் ஊடாக இந்த நியதிச் சட்டங்களை உருவாக்க முடியும். அதனால், இவ்வாறான யோசனைகள் ரணில் விக்கிரமசிங்கவுக்கு கால அவகாசத்தைப் பெற்றுக்கொடுப்பதற்கான உபாயங்களாக மட்டுமே இருக்கும். தென்பகுதிகளில் உள்ள மாகாண சபைகளில் பல நியதிச் சட்டங்கள் உருவாக்கப்பட்டிருக்கின்றன. வடக்கு மாகாண சபையில் ஒரேயொரு நியதிச் சட்டம்தான் உருவாக்கப்பட்டிருக்கின்றது. இந்த ஆலோசனைச் சபையைக் கொண்டுவருவதற்கு ஜனாதிபதி விரும்புவதற்கு அதுவும் காரணமாக இருக்கலாம். அதனால், இந்த ஆலோசனைச் சபை என்பது தமிழ் மக்களின் அபிலாஷைகளை நிறைவு செய்வதாக இருக்காது. அதனால், அதனை ஆதரிப்பதில்லை என்ற முடிவுக்கு வந்தோம்!
