நவ-காலனித்துவ” (neo-colonialist) சார்பு நிலை கொண்டிருப்பதாகக் குற்றம் சாட்டி சர்வதேச குற்றவியல் நீதிமன்றத்திலிருந்து (ICC) வெளியேற முடிவெடுத்த சில மாதங்களுக்குப் பிறகு, நைஜர் அதற்கான அதிகாரப்பூர்வ நடவடிக்கையைத் தொடங் கியுள்ளது.
ICC நிறுவப்பட்டதற்கான அடிப்படை யான ‘ரோம் ஒப்பந்தத்திலிருந்து’ (Rome Statute) வெளியேறுவதற்கான கடிதத்தை, மேற்கு ஆப்பிரிக்க நாடான நைஜர் திங்களன்று ஐக்கிய நாடுகள் சபையிடம் சமர்ப்பித்ததாகத் தகவல்கள் தெரிவிக்கின்றன.
“அமைதி மற்றும் நீதியை விரும்பும் மக்களிடையே இந்த நீதிமன்றம் பெரும் நம்பிக்கையை ஏற்படுத்தியிருந்தாலும், அது தவறாகப் பயன்படுத்தப்பட்டு சுரண்டப் பட்டுள்ளது” என்று அந்தக் கடிதத்தில் குறிப்பிடப்பட்டுள்ளதாக ஏபி (AP) செய்தி நிறுவனம் தெரிவித்துள்ளது.
இதற்குப் பதிலளிக்கும் விதமாக, “மிகக் கடுமையான சர்வதேச குற்றங்களுக் குத் தண்டனை யிலிருந்து விலக்கு அளிக்கப்படும் நிலையை முடிவுக்குக் கொண்டு வருவதற்கான கூட்டு முயற்சியிலிருந்து விலகும் எந்தவொரு முடிவையும்” தாங்கள் வருத் தத்துடன் பார்ப்பதாக ICC கூறியது.
இந்த விலகல் நடவடிக்கை 12 மாதங்களுக்குப் பிறகு நடைமுறைக்கு வரும்; இதன் மூலம் ICC-யிலிருந்து வெளியேறும் மூன்றாவது நாடாக நைஜர் அமையும். ஆப்பிரிக்கர்களை மட்டுமே வேண்டுமென்றே குறிவைத்து வழக்குத் தொடர்வதாகக் குற்றம் சாட்டி, புருண்டி 2017 அக்டோபரில் ரோம் ஒப்பந்தத்திலிருந்து வெளியேறியது. அதனைத் தொடர்ந்து 2018-ல் பிலிப்பைன்ஸ் வெளியேறியது; அக்கால அதிபர் ரோட்ரிகோ டுடெர்டே, ICC தனது நாட்டிற்கு எதிராக ஒரு “அரசியல் கருவியாக” பயன்படுத்தப்படுவதாகக் கூறினார்.
பாரிஸை மையமாகக் கொண்ட ‘சர்வதேச பிராங்கோஃபோன் நாடுகள் அமைப்பு’ (International Organization of Francophone Nations), கலாச்சார மற்றும் தொழில்நுட்ப ஒத்துழைப்பை ஊக்குவிக்கும் தனது அசல் நோக்கத்திலிருந்து விலகி, “அரசியல் கையாளுதலுக்கான” ஒரு சார்புடைய கருவியாக மாறிவிட்டதாகக் கூறி, 2025 மார்ச் மாதத்தில் புர்கினா பாசோ மற்றும் மாலி ஆகிய நாடுகள் அதிலிருந்து விலகின.
