கியூபா எல்லைக்குள் நுளைந்த அமெரிக்க அதிவேக படகின் மீது மேற்கொள்ளப்பட்ட தாக்குதலில் 4 பேர் கொல்லப்பட்டதுடன், 6 பேர் கைது செய்யப்பட்டதாக கியூபாவின் உள்துறை அமைச்சகம் கடந்த வியாழக்கிழமை(26) தெரிவித்துள்ளது.
வில்லா கிளாரா மாகாணத்தின் வடக்கு கடற்கரையிலிருந்து சுமார் ஒரு கடல் மைல் தொலைவில் அமெரிக்காவின் புளோரிடா பதிவு செய்யப்பட்ட FL7726SH கப்பலை எல்லை படையினர் புதன்கிழமை(25) அணுகியபோது மோதல் ஏற்பட்டுள்ளது. படகில் இருந்த நபர்கள் முதலில் துப்பாக்கிச் சூடு நடத்தியதில் கியூபா ரோந்து கப்பலின் தளபதி காயமடைந்தார், பின்னர் காவலர்கள் திரும்பிச் சுட்டனர், நான்கு பேர் கொல்லப்பட்டனர் மற்றும் ஆறு பேர் காயமடைந்தனர்.
தாக்குதல் துப்பாக்கிகள், எரிகுண்டுகள், குண்டு துளைக்காத உள்ளாடைகள், தொலைநோக்கிகள் மற்றும் உருமறைப்பு சீருடைகள் போன்ற கையால் செய்யப் பட்ட வெடிக்கும் சாதனங்கள் உட்பட ஆயுதங்கள் மற் றும் தந்திரோபாய உபகரணங்கள் கப்பலில் காணப்பட்ட தாகவும், பயங்கரவாத நோக்கங்களுடன் ஊடுருவல்” முயற்சியுடன் ஒத்துப்போகும் உபகரணங்கள் அவை என்றும் அமைச்சகம் கூறியது.
கைது செய்யப்பட்டவர்களில், ஆறு பேர் அடை யாளம் கண்டுள்ளனர், அவர்கள் கியூபாவை சேர்ந்தவர்கள் என்றாலும் அமெரிக்காவில் வசிப்பவர்கள். மேலும் குற்றச் செயல்களில் தேடப்படும் பட்டியலில் இடம்பெற்றவர்கள்..
அதேசமயம், ஏழாவது நபரையும் கைது செய்த தாக உள்துறை அமைச்சகம் அறிவித்துள்ளது, அவர் ஆயுதக் குழுவின் தரையிறக்கத்தை ஒருங்கிணைக்க அமெரிக்காவிலிருந்து முன்கூட்டியே அனுப்பப்பட்டவர்.
ரஷ்ய வெளியுறவு அமைச்சக செய்தித் தொடர் பாளர் மரியா ஜகரோவா இந்த சம்பவத்தை “மோதலை நோக்கமாகக் கொண்ட அமெரிக்காவின் ஆக்கிரமிப்பு ஆத்திரமூட்டல்” என்று விவரித்துள்ளார். எனினும் இந்த சம்பவத்திற்கும் தமக்கும் தொடர்பில்லை என அமெரிக்கா மறுத்துள்ளது.
அமெரிக்க வெளியுறவுத்துறை செயலாளர் மார்கோ ரூபியோ அந்தக் கப்பல் அமெரிக்க கடற்படை அல்லது அமெரிக்க கடலோர காவல்படைக்கு சொந்தமா னது அல்ல, இந்த சம்பவம் “மிகவும் அசாதாரணமானது”என தெரிவித்துள்ளார்.
