சிறிலங்கா இராணுவத்தினரால் ஆண்டு தோறும் நடத்தப்படும் கொழும்பு பாதுகாப்பு  கருத்தரங்கு பண்டாரநாயக்க மாநாட்டு மண்டபத்தில் 29.08 ஆரம்பமானது. இக்கருத்தரங்கை அமெரிக்க உட்பட மேற்குலக நாடுகளின் தூதுவர்கள், இராஜதந்திரிகள் புறக்கணித்தனர்.

சிறிலங்கா ஜனாதிபதி மைத்திரிபால சிறிசேன இந்த மாநாட்டை ஆரம்பித்து வைத்தார். அதைத் தொடர்ந்து சிறிலங்கா இராணுவத் தளபதி லெப்.ஜெனரல் சவேந்திர சில்வா வரவேற்புரை நிகழ்த்த, பாதுகாப்பு செயலாளர் ஜெனரல் சாந்த கொட்டேகொட சிறப்புரை ஆற்றினார்.

இதைத் தொடர்ந்து கருத்தரங்கிற்கு வருகை தந்திருந்த நிபுணர்களும், உள்நாட்டு இராஜதந்திரிகளும் உரையாற்றினர். இக்கருத்தரங்கில் 42 நாடுகளின் பிரதிநிதிகள் உட்பட 800 பேர் கலந்து கொண்டதாக சிறிலங்கா இராணுவத்தினர் தெரிவித்தனர்.

ஆனால் நேற்றைய கருத்தரங்கில் அமெரிக்கா மற்றும் பல ஐரோப்பிய நாடுகளின் தூதுவர்கள், இராஜதந்திரிகள், பாதுகாப்பு ஆலோசகர்கள் கலந்து கொள்ளவில்லை.

இராணுவத் தளபதியாக சவேந்திர சில்வா நியமிக்கப்பட்டதை அமெரிக்காவும் ஐரோப்பிய நாடுகளும் எதிர்த்திருந்தமை இங்கு குறிப்பிடத்தக்கது. இதனாலேயே சவேந்திர சில்வா தலைமையில் நடைபெறும் இந்தப் பாதுகாப்புக் கருத்தரங்கில் இவர்கள் கலந்து கொள்ளவில்லை என்பது குறிப்பிடத்தக்கது.

இந்த ஆண்டு இறுதியில் நடைபெறவுள்ள ஜனாதிபதித் தேர்தலில் இலங்கை சோசலிச கட்சி சார்பில் சூழலியலாளர் கலாநிதி அஜந்தா பெரேரா போட்டியிடவுள்ளதாக அந்த கட்சி உத்தியோகப்பூர்வமாக அறிவித்துள்ளது.

அரசியலில் பெண்களின் பிரவேசம் மிகவும் குறைவாகவே காணப்படுவதாக கடந்த காலங்களில் பெரிதும் பேசப்பட்ட பின்னணியிலேயே, இந்த அறிவிப்பு விடுக்கப்பட்டுள்ளது.

1999 ஆம் ஆண்டு நடைபெற்ற ஜனாதிபதித் தேர்தலில் முன்னாள் ஜனாதிபதி சந்திரிகா பண்டாரநாயக்க குமாரதுங்க போட்டியிட்டதன் பின்னர், இதுவரை நடைபெற்ற எந்தவொரு ஜனாதிபதித் தேர்தலிலும் பெண் வேட்பாளர் ஒருவர் போட்டியிடவில்லை.

1988 ஆம் ஆண்டு நடைபெற்ற ஜனாதிபதித் தேர்தலில் பெண் வேட்பாளராக முதல் முதலில் ஸ்ரீமாவோ பண்டாரநாயக்க போட்டியிட்டிருந்தார்.

அதனைத் தொடர்ந்து, 1994 ஆம் ஆண்டு நடைபெற்ற ஜனாதிபதித் தேர்தலில் சந்திரிகா பண்டாரநாயக்க குமாரதுங்க மற்றும் ஸ்ரீமனி திஸாநாயக்க ஆகியோர் போட்டியிட்டிருந்தனர்.

இந்நிலையில் 1999ஆம் ஆண்டே இறுதியாக ஜனாதிபதித் தேர்தலில் பெண் வேட்பாளர் ஒருவர் போட்டியிட்டிருந்தார்.

ஸ்ரீமாவோ பண்டாரநாயக்க, சந்திரிகா பண்டாரநாயக்க குமாரதுங்க மற்றும் ஸ்ரீமனி திஸாநாயக்க ஆகியோர் முழுமையான அரசியல் பின்புலத்தை கொண்ட ஜனாதிபதி வேட்பாளர்கள் என்ற போதிலும், கலாநிதி அஜந்தா பெரேரா நேரடி அரசியல் பின்புலத்தை கொண்டவர் கிடையாது என்பது சுட்டிக்காட்டத்தக்கது.

யார் இந்த கலாநிதி அஜந்தா பெரேரா?

1957 ஆம் ஆண்டு மே மாதம் ஐந்தாம் திகதி ஆஜந்தா பெரேரா பிறந்துள்ளார். தனது ஆரம்ப கல்வியை கொழும்பு விஸாக்கா கல்லூரியில் தொடர்ந்த அவர், தனது உயர்கல்வியை சென்னை குட்ஷெபட் கல்லூரியில் தொடர்ந்துள்ளார்.

அதன்பின்னர், இங்கிலாந்து சென்ற அஜந்தா பெரேரா, ஹரோ கல்லூரியில் தனது மேல் நிலை கல்வியை தொடர்ந்துள்ளதுடன், இங்கிலாந்தின் ஷெபில்ட் பல்கலைக்கழகம் மற்றும் ஜேர்மனிலுள்ள மியூமிக் பல்கலைக்கழகம் ஆகியவற்றில் தனது உயர் படிப்பினை பயின்றுள்ளார்.

ஜெர்மன் பல்கலைக்கழகத்தில் கலாநிதி பட்டத்தை பெற்ற அவர், மீண்டும் இலங்கைக்கு வருகைத் தந்துள்ளார்.

தான் சூழலியலாளராக தனது தொழில்துறையை தேர்ந்தெடுத்து நாட்டின் சுற்று சூழலை பாதுகாக்கும் பல்வேறு வேலைத்திட்டங்களை முன்னெடுத்துள்ளதாக இலங்கை சோசலிச கட்சியின் ஜனாதிபதி வேட்பாளர் கலாநிதி அஜந்தா பெரேரா தெரிவிக்கின்றார்.

ஜனாதிபதித் தேர்தலில் போட்டியிட காரணம்?

நாட்டை முன்னோக்கி கொண்டு செல்ல வேண்டிய விதம் தொடர்பில்தான் இந்த நாட்டிலுள்ள பல அரசியல்வாதிகளிடம் கூறிய போதிலும், அவர்கள் அதனை பொருட்படுத்தாது செயற்பட்டமையே தான் அரசியலுக்குள் பிரவேசிக்க காரணம் என இலங்கை சோசலிச கட்சியின் ஜனாதிபதி வேட்பாளர் கலாநிதி அஜந்தா பெரேரா குறிப்பிடுகின்றார்.

நாட்டை முன்னோக்கிகொண்டு செல்வதற்காக தான் தனது பணத்தில் பஸ்ஸில் சென்று தேநீர் அருந்தி அரசியல்வாதிகளுடன் கலந்துரையாடிய போதிலும், அவர்கள் பணம் உழைக்கும் நோக்கிலேயே செயற்பட்டதாக அவர் குற்றம் சுமத்துகின்றார்.

இந்த நிலைமையை மாற்றியமைத்து, நாட்டை சிறந்ததொரு பாதைக்குகொண்டு செல்வதற்காகவே தான் ஜனாதிபதித் தேர்தலில் களமிறங்கியதாகவும் அவர் சுட்டிக்காட்டினார்.

தமது பொறுப்புக்களை சரிவர முன்னெடுக்காத அரசியல்வாதிகளே தன்னை இந்த இடத்திற்கு அழைத்து வந்ததாகவும் கலாநிதி அஜந்தா பெரேரா தெரிவிக்கின்றார்.

ஜனாதிபதியாக பதவியேற்கும் பட்சத்தில் தமிழர்களின் பிரச்சனையை எவ்வாறு தீர்ப்பீர்கள்?

தமிழர்களின் பிரச்சனைகளை தீர்ப்பதற்கு தான் உரிய வகையில் நடவடிக்கை எடுப்பதாக கலாநிதி அஜந்தா பெரேரா நம்பிக்கை வெளியிடுகின்றார்.

தமிழர்களின் பிரச்சினைகளுக்காக தீர்வை தமிழர்களிடமிருந்தே பெற்று, அதற்கான தீர்வுத்திட்டத்தை தான் வழங்க எதிர்பார்த்துள்ளதாகவும் அவர் சுட்டிக்காட்டினார்.

கொழும்பிலிருந்து வடக்கில் எவ்வாறான செயற்றிட்டங்கள் முன்னெடுக்கப்பட வேண்டும் என தீர்மானம் எடுக்க முடியாது என கூறிய அவர், அதற்கான பொறுப்பை அந்த மக்களிடமே வழங்க வேண்டும் எனவும் தெரிவித்தார்.

குறிப்பாக வடக்கில் அபிவிருத்தி திட்டமொன்று முன்னெடுக்க வேண்டுமாயின், அந்த மக்களின் தேவையை அறிந்தே அந்த திட்டம் தமது ஆட்சியில் முன்னெடுக்கப்படும் எனவும் அவர் குறிப்பிட்டுள்ளார்.

தமிழர்களின் பிரச்சனைகளை தீர்த்து வைப்பதற்கான தலைவர்களை தமிழர்கள் மிக நீண்டகாலமாக தேடிய போதிலும், அவர்களுக்கு அந்த தலைமைத்துவம் கிடைக்கவில்லை என கூறிய அவர், தமிழர்களுக்கான தலைமைத்துவத்தை வழங்க தான் தயாராகவே உள்ளதாகவும் சுட்டிக்காட்டினார்.

இந்திய வம்சாவளி தமிழர்களின் உரிமைகளை பாதுகாத்து, அவர்களை அடிப்படை தேவைகள் மற்றும் அவர்களின் நாளாந்த சம்பள பிரச்சினை ஆகியவற்றை தீர்ப்பதற்கு நடவடிக்கை எடுப்பதாக கலாநிதி அஜந்தா பெரேரா தெரிவிக்கின்றார்.

வலிந்து காணாமல் போனவர்கள் தொடர்பில் சிறீலங்கா அரசு விசாரணைகளை மேற்கொள்வதுடன், அதற்கான நீதியையும் வழங்க வேண்டும் அதுவே எதிர்காலத்தில் இவ்வாறான குற்றங்கள் நிகழாது தடுக்கும் என சிறீலங்காவுக்கான ஐ.நா இணைப்பு அதிகாரி கனா சிங்கர் நேற்று (30) வெளியிட்டுள்ள தனது அறிக்கையின் தெரிவித்துள்ளார்.

அனைத்துலக வலிந்து காணாமல்போனவர்கள் நாளான நேற்று வெளியிட்ட தனது அறிக்கையில் அவர் மேலும் தெரிவித்துள்ளதாவது:

பலவந்தமாக காணாமல் போவோர் தொடர்பில் சிறீலங்கா அரசு நீண்ட வரலாற்றைக் கொண்டுள்ளது. பல தேசிய ஆணைக்குழுக்கள் அமைக்கப்பட்டதும், ஐ.நா அறிக்கையும் அதற்கான ஆதாரங்கள்.

2010 ஆம் ஆண்டே ஐ.நா வலிந்து காணாமல்போனோர் தினத்தை அறிவித்தது. வலிந்து காணாமலாக்கப்படுவது மிகப்பெரும் குற்றமாகும். இதனால் பாதிக்கப்பட்ட மக்களுக்கும், அவர்களை தேடுவோருக்கும் தனது ஆதரவை தெரிவிப்பதற்காகவே ஐ.நா இந்த நாளை அறிமுகம் செய்தது.

ஆனால் சிறீலங்காவில் தற்போதும் பெருமளவான மக்கள் தமது உறவுகளையும், அதற்கான நீதியையும் தேடி வருகின்றனர்.

எனவே சிறீலங்கா அரசு அனைத்துலக நீதியை மதித்து அதனை நடைமுறைப்படுத்த வேண்டும். காணாமல்போனோர் அலுவலகம் அமைக்கப்பட்டு அது முழுமையாக செயற்பட வேண்டும்.

சிறீலங்கா அரசு வலிந்து காணாமல் போனவர்கள் தொடர்பில் விசாரணைகளை மேற்கொள்வதுடன், அதற்கான நீதியையும் வழங்க வேண்டும் அதுவே எதிர்காலத்தில் இவ்வாறான குற்றங்கள் நிகழாது தடுக்கும். அதற்கான உதவிகளை ஐ.நா வழங்கத் தயாராக உள்ளது என அவர் தனது அறிக்கையில் மேலும் தெரிவித்துள்ளார்.

நிறை­வேற்று அதி­கார ஜனா­தி­பதி முறைமை நீக்­கப்­படும், மாகாண சபை  முறைமை முழு­மை­யாக ரத்து செய்­யப்­பட்டு அனைத்து அரச நிர்­வா­கமும் ஒரு நிர்­வாக கட்­ட­மைப்பின் கீழ் கொண்டு வரும் திட்­டங்கள் வகுக்­கப்­பட்­டுள்­ளன, மைத்­திரி, ரணில், மஹிந்த ஆகியோர் பய­னற்ற அர­சியல் கட்­ட­மைப்­பையே முன்­னெ­டுத்து செல்­வார்கள். ஆகவே இத்­த­ரப்­பி­னர்­களை நாட்டு மக்கள் புறக்­க­ணிக்க  வேண்டும் என ஜனா­தி­பதி  சட்­டத்­த­ரணி நாகா­னந்த கொடித்­து­வக்கு தெரி­வித்தார்.

ஜனா­தி­பதி தேர்­தலில்  ஒன்­றி­ணைந்த அர­சியல் கட்­சி­களின் ஊடாக சுயா­தீ­னமாக  போட்­டி­யிட தீர்­மா­னித்­துள்­ள­மை­யி­னையும். ஜனா­தி­பதி தேர்­த­லுக்கு முன்­வைக்கும் கொள்­கைத்­திட்­டங்­களை தெளி­வு­ப­டுத்­து­வ­தற்­கு­மான  ஊட­க­வி­ய­லாளர் சந்­திப்பு நேற்று  நிப்பொன் ஹோட்­டலில் இடம் பெற்­றது. அதன் போதே அவர் மேற்­கண்­ட­வாறு குறிப்­பிட்டார். அவர் அங்கு  மேலும் குறிப்­பி­டு­கையில்,

இரண்டு பிர­தான அர­சியல் கட்­சி­களும் முறை­கே­டாக அர­சியல் நிர்­வா­கத்­தையே கொண்­டுள்­ளது.   ஜனா­தி­பதி தேர்­த­லையும் முறை­யற்ற விதத்­திலே வெற்றி கொள்ள முனை­கின்­றார்கள்.இவ்­விரு கட்­சி­களும்  மக்­களால் புறக்­க­ணிக்­கப்­பட வேண்டும்.

71 வருட கால பழைமை வாய்ந்த அர­சி யல் கட்­ட­மைப்பு முழு­மை­யாக மாற்­றி­ய­மைக்­கப்­பட வேண்டும். மக்­களின் வரிப்­ப­ணத்தை வீண­டிக்கும் அரச செயன்­மு­றை­களே அர­சி­ய­ல­மைப்பில் உள்­ள­டக்­கப்­பட்­டுள்­ளன. நீதிக்­கட்­ட­மைப்பு அர­சியல் தலை­யீ­டுகள் இன்றி சுயா­தீ­ன­மாக செயற்­பட்டால் மாத்­தி­ரமே நாடு அனைத்து துறை­க­ளிலும் முன்­னேற்­ற­ம­டையும்.

மக்­க­ளா­ணை­யினை மதிக்கும் கொள்­கைத்­திட்­டங்­களே எம்மால் முன்­வைக்­கப்­பட்­டுள்­ளது.  நிறை­வேற்று அதி­கார ஜனா­தி­பதி முறைமை நீக்­கப்­படும், மாகாண சபை  முறைமை முழு­மை­யாக ரத்து செய்­யப்­பட்டு அனைத்து அரச நிர்­வா­கமும் ஒரு நிர்­வாக கட்­ட­மைப்பின் கீழ் கொண்டு வரும் திட்­டங்கள் வகுக்­கப்­பட்­டுள்­ளன.

எமது நாட்டின் உள்­ளக விவ­கா­ரங்­களில் சர்­வதேச அமைப்­புக்கள் தலை­யீடு காணப்­ப­டு­கின்­றது. இதற்கு அர­சாங்­கமும், நடை­மு­றையில் உள்ள சட்­டங்­க­ளுமே வழி­மு­றை­களை ஏற்­ப­டுத்திக் கொடுத்­துள்­ளன. ஆகவே  சட்­டத்தின் வாயி­லா­கவே அனைத்தும் இடம் பெறு­வ­தால்­நீ­தித்­துறை கட்­ட­மைப்பு முழு­மை­யாக மாற்­றி­ய­மைக்­கப்­படும்.

முறை­யற்ற அர­சியல் நிர்­வாக கட்டமைப் புக்களுடன் மீண்டும் ஆட்சியதிகாரத்தை கைப்பற்ற  ஜனாதிபதி, பிரதமர், எதிர்க்கட்சி தலைவர் ஆகியோர் முயற்சிக்கின்றார்கள். இவர்கள் மூவரும்  அரசியலில் இருந்து புறக்கணிக்கப்பட வேண்டியவர்கள். நாட்டு மக்கள் அரசியல் ரீதியில் இம்முறை சிறந்த தீர்மானத்தை முன்னெடுக்க வேண்டும் என்றார்.

தமிழ் தேசியக் கூட்டமைப்புடனான சந்திப்பின்போது, ஜனாதிபதி மைத்திரிபால சிறிசேன அநாகரிகமாக நடந்துகொண்டதாக தமிழ் தேசியக் கூட்டமைப்பின் நாடாளுமன்ற உறுப்பினர் சாந்தி சிறிஸ்கந்தராஜா தெரிவித்துள்ளார்.

வடக்கு, கிழக்கில் காணி விடுவிப்பு தொடர்பாக தமிழ் தேசியக் கூட்டமைப்பிற்கும் ஜனாதிபதி உள்ளிட்ட தரப்பினருக்கும் இடையில் நடைபெற சந்திப்பின் போதே இவ்வாறு இடம்பெற்றதாக அவர்
கூறினார்.

இந்த சந்திப்பு தொடர்பாக முல்லைத்தீவில் நேற்று முன்தினம் வியாழக்கிழமை இடம்பெற்ற நிகழ்வொன்றில் கலந்துகொண்டு கருத்து வெளியிடும்போதே அவர் இவ்வாறு தெரிவித்தார்.

இங்கு மேலும் பேசிய சாந்தி சிறிஸ்கந்தராஜா;

“காணி விடுவிப்பு தொடர்பாக கலந்துரையாடுவதற்கு ஜனாதிபதி அழைத்ததற்கமைய பெரும் எதிர்பார்ப்புடன் அவரை சந்திக்க சென்றோம்.

எனினும் அவர் எங்களை ஏமாற்றிவிட்டதோடு, அநாகரிகமான முறையிலும் நடந்துகொண்டார். அவர் எங்களிடம் கையகப்படுத்தியுள்ள காணிகளின் விபரங்களை தருமாறு கோரினார்.

நாங்கள் எத்தனை தடவைகள் இந்த விடயங்களை அவருக்கு எழுத்துமூலம் வழங்கியுள்ளோம். இன்னும் ஒரு அரச தலைவருக்கு இந்த விடயங்கள் தெரியவில்லையென்பது எங்களை ஏமாற்றும் செயற்பாடே ஆகும்” என தெரிவித்தார்.

அமெரிக்காவின் எவ்.பி.ஐ உள்ளிட்ட ஏனைய புலனாய்வு நிறுவனங்கள் முறையான அனுமதியுடனேயே இலங்கைக்கு   வருகை தந்ததாக பொலிஸ் ஊடகப் பேச்சாளர், பொலிஸ் அத்தியட்சகர் றுவன் குணசேகர தெரிவித்துள்ளார்.

மட்டக்களப்பு கல்லடி பாலத்தினை மறித்து தாக்குதல் நடாத்தியது தொடர்பில் பாராளுமன்ற உறுப்பினர் எஸ்.வியாழேந்திரன் உட்பட ஐந்து பேருக்கு எதிராக மட்டக்களப்பு தலைமைய பொலிஸாரினால் தாக்கல் செய்யப்பட்ட வழக்கு எதிர்வரும் ஒக்டோபர் 04ஆம் திகதிக்கு ஒத்திவைக்கப்பட்டுள்ளது.

கடந்த 27ஆம் திகதி சீயோன் குண்டுத்தாக்குதலின் சூத்திரதாரியான காத்தான்குடியை சேர்ந்த பயங்கரவாதி முகமட் ஆஷாத்தின் உடற்பாகங்கள் மட்டக்களப்பு கள்ளியங்காடு இந்து மயானத்தில் புதைத்ததற்கு எதிராக பாராளுமன்ற உறுப்பினர் எஸ்.வியாழேந்திரன் தலைமையில்
போராட்டம் முன்னெடுக்கப்பட்டதுடன் அன்றைய இரவு கல்லடி பாலம்
மறிக்கப்பட்டும் போராட்டம் முன்னெடுக்கப்பட்டிருந்தது.

இந்த நிலையில் கல்லடி பாலத்தினை மறித்து போராட்டம் நடாத்தியவர்களை பொலிஸார் கண்ணீர்குண்டு தாக்குதல் மற்றும் குண்டாந்தடி தாக்குதல் நடாத்தி கலைத்திருந்த நிலையில்
பாராளுமன்ற உறுப்பினர் எஸ்.வியாழேந்திரன் மற்றும் மட்டக்களப்பு மாநகரசபை உறுப்பினர்களான செல்வி மனோகர்,சுஜீகலா உட்பட ஐந்து பேருக்கு எதிராக நீதிமன்றில் வழக்கு தாக்கல் செய்திருந்தனர்.

இது தொடர்பான வழக்கு இன்று காலை மட்டக்களப்பு நீதிவான் நீதிமன்றில் ஏ.சி.றிஸ்வான் முன்னிலையில் விசாரணைக்கு எடுத்துக்கொள்ளப்பட்டது.

பொதுமக்களுக்கு இடையூறு ஏற்படுத்தியது,அரச உத்தியோகத்தர்களின் கடமைக்கு இடையூறு ஏற்படுத்தியது,போக்குவரத்தினை தடைசெய்தது போன்ற குற்றச்சாட்டுகள் சுமத்தப்பட்டிருந்தன.

இதன்போது குறித்த உடற்பாகங்கள் பொதுமக்களின் எதிர்ப்பினையும் மீறி புதைக்கப்பட்டது தொடர்பில் அரசாங்க அதிபருக்கு எதிரான கருத்துகள் முன்வைக்கப்பட்டன.

விசாரணைகளை தொடர்ந்து ஐந்து பேரும் தலா ஒரு இலட்சம் ரூபா சரீரப்பிணையில் செல்ல அனுமதிக்கப்பட்டனர்.குறித்த வழக்கு எதிர்வரும் ஒக்டோபர் 04ஆம் திகதிக்கு ஒத்திவைக்கப்பட்டுள்ளது.