கொரோனா பீதியின் காரணமாக மட்டக்களப்பு மாவட்டமும் பொலிஸ் ஊரடங்குச் சட்டத்தின் கீழ் முடங்கியிருக்கின்ற இந்நிலையில மாவட்டத்தில் மேற்கொள்ளப்பட்டு வரும் விவசாய விளைபொருட்களை விற்பனை செய்ய முடியதா நிலைக்கு மாவட்ட விவாயிகள் தள்ளப்பட்டுள்ளனர்.

இந்நிலையில் களுதாவளையில் நிருமாணிக்கப்பட்டுள்ள விசேட பொருளாதார மத்திய நிலையம் இதுவரையில் திறக்கப்படாமல் இருந்து வந்துள்ளது. இதனைக் கருத்தில் கொண்டு, மாவட்ட விவசாயிகளின் விளைபொருட்களை தகுந்த முறையில் தற்போதைய காலகட்டத்தில் சந்தைவாய்ப்பை ஏற்படுத்திக் கொடுக்கும் நோக்குடன் குறித்த விசேட பொருளாதார மத்திய நிலையத்தை மட்டக்களப்பு மாவட்ட அரசாங்க அதிபர் திருமதி கலாமதி பத்மராஜாவின் தலைமையில் மண்முனை தென் எருவில் பற்று பிரதேச செயலாளர் திருமதி சிவப்பிரியா வில்வரெத்தினம், மற்றும் விவசாய அமைப்புக்கள், விவசாயிகளின் ஒத்துழைப்புடன் செவ்வாய்கிழமை (14) காலை 07.00 மணியளவில் திறந்து வைக்ககப்பட்டு அப்பகுதி விவசாயிகளின் விளைபொருட்களை அரசாங்கம் கொள்வனவு செய்துள்ளது.

இதனால் அப்பகுதி விவசாயிகளுக்கு பெரும் வாய்ப்பாக அமைந்துள்ளது. தற்போதைய காலகட்டத்தில் தமது விளை பொருட்களை விற்பனை செய்யவும், வேறு இடங்களுக்கு ஏற்றுமதி செய்யவும் முடியாதிருந்த இந்த இக்கட்டான காலகட்டத்தில் தமது கிராமத்தில் அமைந்தள்ள விசேட பொருளாதார நிலையத்தை திறந்து வைத்து தமது விளைபொருட்களை அரசாங்கம் கொள்வனது செய்வதானது தமக்கு மிகுந்த சந்தோசத்தை ஏற்படுத்தியுள்ளதாகவும், இச்செயற்பாடு தொடர்ந்து இடம்பெற வேண்டும் எனவும் அப்பகுதி விவசாயிகள் தெரிவிக்கின்றனர்.

இதன்போது கத்தரிக்காய் (ஊதா) ஒருகிலோ 90 ரூபாவுக்கும், கத்தரிக்காய் (வெள்ளை) ஒரு கிலோ 75 ரூபாவுக்கும், வெண்டி ஒரு கிலோ 30 ரூபாவுக்கும், மிளகாய் பி.சி 1 ஒருகிலோ 120 ரூபாவுக்கும், பயற்றை ஒருகிலோ 30 ரூபாவுக்கும், பாகற்காய் ஒருகிலோ 70 ரூபாவுக்கும், நாடங்காய் ஒரு கிலோ 30 ரூபாவுக்கும், பீற்றூட் ஒரு கிலோ 80 ரூபாவுக்கும், இதன்போது அரசாங்கம் விவசாயிகளிடமிருந்து கொள்வனவு செய்துள்ளது.

இப்பிரதேசத்தில் மரக்கறிகளை உற்பத்தி செய்யும் விவசாயிகள் அதிகமாகவுள்ளனர். இதன் காரணமாக அவர்களின் விளை பொருட்களை மட்டக்களப்பு மாவட்ட செயலகம், மண்முனை தென் எருவில் பற்று பிரதேச செயலகத்தினூடாக அவற்றைக் கொள்வனவு செய்துள்ளோம். இது ஏற்கனவே பொருளாதார மத்திய நிலையமாக நிறுவப்பட்டு அது நடைமுறைப் படுத்தப்படாமல் இருந்து வந்துள்ளது. தற்போதைய காலகட்டத்தில இந்த இடத்தில் நாங்கள் இச்செயற்பாட்டை ஆரம்பித்துள்ளோம்.

இம்மத்திய நிலையம் எந்த நோக்கத்திற்கு அமைக்கப்பட்டதோ அது தற்போது நிறைவேறியுள்ளது. இப்பிரதேச விவசாயிகள், மிளகாய், பயற்றை, வெண்டி, கத்தரி, பீர்க்கு, நாடை, பாகல், பீற்றூட், உள்ளிட்ட பல பொருட்களை நாளாந்தம் அதிகளவு உற்பத்தி செய்து வருகின்றார்கள். இப்பொருட்களை நாங்கள் கொள்வனவு செய்து மட்டக்களப்பு மாவட்டத்திலிருக்கின்ற 14 பிரதேச செயலாளர் பிரிவுகளுக்கும்,  இதனை நாங்கள் அனுப்பி அங்குள்ள நடமாடும் வியாபாரிகளுடாக மக்களுக்கு நியாய விலையில் விற்பனை செய்யப்படவுள்ளன. இச்செயற்பாடு இன்றிலிருந்து தொடர்ந்து மேற்கொள்ளப்டும். என  மட்டக்களப்பு மாவட்ட அரசாங்க அதிபர் திருமதி கலாமதி பத்மராஜா இதன்போது தெரிவித்தார்.

இவ்விசேட பொருளாதார மத்திய நிலையம் மத்திய அரசினால் 300 மில்லியன் ரூபாய் நிதி ஒதுக்கீட்டில் நிருமாணிக்கப்பட்டுள்ளமை குறிப்பிடத்தக்கதாகும்.

புதுவருட தினமான இன்று கோவில்கள், பொது இடங்களில் கூடுவதை தவிா்க்குமாறு பொலிஸாா் ஒலிபெருக்கி மூலமாக அறிவித்து வரும் நிலையில், யாழ்.நகா் மற்றும் அதனை அண்டியுள்ள பகுதிகளில் கோவில்கள் பூட்டப் பட்டிருப்பதை அவதானிக்க கூடியதாகவுள்ளது.

இன்றைய தினம் காலை நல்லுாா் கந்தசுவாமி ஆலயம் உள்ளிட்ட பல ஆலயங்களில் மக்கள் வழிபாடுகளை நடாத்த முயற்சித்தனா். எனினும் கோவில் வளாகத்திற்குள் நுழைய நிா்வாகம் தடைவித்திருந்தமையால் வீதிகளில் நின்று மக்கள் வழிபாடுகளை நடாத்தியிருந்தனா்.

இதேவேளை யாழ்.நகா் பகுதி மற்றும் நகரை அண்டிய பகுதிகளில் முச்சக்கர வண்டிகளில் பொலிஸாா் ஒலிபெரு க்கிகளை பொருத்தி புதுவருடத்தை அமைதியானமுறையில் வீடுகளில் இருந்து கொண்டாடுமாறு கேட்டு வருகின்றனா்.

கோவிட்-19 வைரசுக்கு எதிரான இரண்டு தடுப்பு மருந்துகளின் பரிசோதனை-களுக்கு சீனா அரசு அனுமதி வழங்கியுள்ளதாக அரச ஊடகமான சிங்குவா இன்று (14) தெரிவித்துள்ளது.

சினோவக் உயிர் தொழில்நுட்ப நிறுவனமும், வுகானைத் தளமாகக் கொண்ட வுகான் உயிர்தொழில்நுட்ப நிறுவனமும் இணைந்து இந்த தடுப்பு மருந்துகளை தயாரித்துள்ளன.

கடந்த மார்ச் மாதமும் சீனா மேலும் ஒரு தடுப்பு மருந்தின் பரிசோதனைக்கு அனுமதி வழங்கியிருந்தது. இதனை கொங் கொங்கை தளமாகக் கொண்ட கன்சினோ உயிரியல் நிறுவனம் தயாரித்திருந்தது.

நடைமுறையில் உள்ள ஊரடங்குச்சட்டத்தை மீறி வீதியில் நடமாடிய நால்வருக்கு தண்டணை வழங்கிய இரண்டு பொலிஸ் உத்யோகத்தர்கள் பணி இடை நீக்கம் செய்யப்பட்டுள்ளதாக பொலிஸ் தலைமையகம் அறிவத்துள்ளது.

ஊரடங்குச்சட்டம் அமுல் இருந்த காலப்பகுதியில் குறித்த இருவரும் மருதானை டார்லி வீதியில் நால்வருக்கு அங்கு கடமையில் இருந்த பொலிஸ் அதிகாரிகள் இருவர் தண்டணை வழங்கி எச்சரித்தமை தொடர்பான காட்சிகள் அததெரண தொலைக்காட்சியில் நேற்று (12) ஒளிபரப்பானது.

கொழும்பு நகரத்திற்கு உட்பட்டு சேவையாற்றிய இரண்டு போக்குவரத்து பொலிஸாரே பணி இடைநீக்கத்திற்கு உள்ளாகியுள்ளனர்.

கட்டளையை மீறியமை, அபகீர்த்தி ஏற்படும் வகையில் நடந்துக்கொண்டமை போன்ற குற்றச்சாட்டுக்கள் இவர்களுக்கு எதிராக சுமத்தப்பட்டுள்ளன.

அதற்கமைய குறித்த பொலிஸ் அதிகாரிகளுக்கு எதிராக ஒழுக்காற்று நடவடிக்கை எடுக்கப்படும் என பொலிஸ் தலைமையகம் தெரிவித்துள்ளது.

இதேவேளை ஊரடங்கு சட்டத்தை மீறுவோரை கண்டுபிடிப்பதற்கான விசேட சுற்றிவளைப்பு நடவடிக்கை இன்று மாலை 6 மணி முதல் நடைமுறைக்கு வந்துள்ளது.

கொவிட் 19 வைரஸ் பரவலை கட்டுப்படுத்துவதற்காக கடந்த மார்ச் மாதம் 20 ஆம் திகதி முதல் பொலிஸ் ஊரடங்குச்சட்டம் அமுல்ப்படுத்தப்பட்டு வருகின்றது.

அன்று முதல் இதுவரையான காலப்பகுதியில் ஊரடங்குச்சட்டத்தை மீறிய குற்றச்சாட்டில் இருபதாயிரத்திற்கும் அதிகமானவர்கள் கைது செய்யப்பட்டுள்ளனர்.

அதற்கமையவே 24 மணித்தியால விசேட நடவடிக்கையை பொலிஸார் ஆரம்பித்துள்ளனர்.

கெப்பற்றிப் கொலவ பகுதியில் புத்தாண்டு தினமான நேற்று இரவு ஏற்பட்ட இளைஞர்களுக்கிடையிலான மோதல் சம்பவம் ஒன்றின் ஒருவர் மரணமடைந்துள்ளதுடன், அவரது சகோதரனான அண்ணன் படுகாயமடைந்த நிலையில் வவுனியா வைத்தியசாலையில் அனுமதிக்கப்பட்டுள்ளார்.

புத்தண்டு தினமான நேற்று மாலை அனுராதபுரம், கெப்பற்றிபொலவா பகுதியில் உள்ள வீடு ஒன்றில் மது விருந்து கொண்டாட்டம் இடம்பெற்றுள்ளது.

இதன்போது அதிக சத்தம் காரணமாக அயல் வீட்டுக்காரர் மது விருந்தில் ஈடுபட்டவர்களை அமைதியாக இருக்குமாறு கோரியுள்ளார். இதன்போது ஏற்பட்ட வாய்தர்க்கம் கைகலப்பாக மாறியுள்ளது.

இதில் அயல் வீட்டைச் சேர்ந்த 24 வயதுடைய ஜெ.செலிட்டர் என்பவர் வாள்வெட்டுக்கு இலக்காகி மரணமடைந்துள்ளதுடன், கைகலப்கை தடுக்கச் சென்ற மரணித்த இளைஞனின் அண்ணனான 34 வயதுடைய ஜெ.விஜயசுந்தரம் என்பவர் காயமடைந்த நிலையில் வவுனியா வைத்தியசாலையில் அனுமதிக்கப்பட்டுள்ளார்.

குறித்த கைகலப்பு சம்பவம் தொடர்பில் கெப்பற்றிபொலவ பொலிஸார் விசாரணைகளை முன்னெடுத்துள்ளனர்.

மட்டக்களப்பு மாவட்டத்தின் கோறளைப்பற்று மத்தி பிரதேச செயலாளர் பிரிவிற்குட்பட்ட மாவடிச்சேனை பகுதியில் தனது இரண்டு பிள்ளைகளை தந்தை ஒருவர் கிணற்றினுள் வீசி கொலை செய்த பரிதாப சம்பவம் இன்று இடம்பெற்றுள்ளது.

மாவடிச்சேனை பாடசாலை வீதியில் வசிக்கும் அஸிமுல் ஹக் (வயது 10), அஸிமுல் தாஹியா (வயது 07) ஆகிய இரண்டு குழந்தைகளின் தந்தை இன்று நள்ளிரவு இரண்டு மணியளவில் தனது வீட்டு கிணற்றில் தூக்கி எறிந்ததில் பிள்ளைகள் உயிரிழந்துள்ளதாக தெரிவிக்கப்படுகின்றது.

குறித்த பிள்ளைகளின் தாய் கடந்த ஐந்து வருடங்களுக்கு முன்னர் மரணமடைந்த நிலையில் பிள்ளைகளை கொழும்பு பிரதேசத்திலுள்ள காப்பகத்தில் சேர்த்து கல்வி கற்று வந்த நிலையில் கடந்த ஓரிரு மாதத்திற்கு முன்னர் பிள்ளைகளை வேறு பாடசாலைகளில் சேர்ப்பதற்காக இடைவிலகல் மேற்கொண்டு அழைத்து வந்திருந்ததாக தெரிவிக்கப்படுகிறது.

இன்று நள்ளிரவு இரண்டு மணியளவில் பிள்ளைகளின் அழுகுரல் கேட்டு அயலவர்கள் ஓடி வந்து கிணற்றில் இருந்து பிள்ளைகளை மீட்கும் போது பிள்ளைகள் உயிரிழந்த நிலையில் மீட்கப்பட்டு பின்னர் இரண்டு பிள்ளைகளின் சடலம் வாழைச்சேனை ஆதார வைத்தியசாலையில் வைக்கப்பட்டு பிரேத பரிசோதனைக்காக மட்டக்களப்பு போதனா வைத்தியசாலைக்கு கொண்டு செல்லப்பட்டுள்ளது.

குறித்த சம்பவம் தொடர்பில் இரண்டு பிள்ளைகளை கொலை செய்த நாற்பது வயதுடை தந்தை கைது செய்யப்பட்டுள்ளதுடன், வாழைச்சேனை பொலிஸார் மேலதிக விசாரணைகளை மேற்கொண்டு வருவதாக வாழைச்சேனை பொலிஸ் நிலைய பொறுப்பதிகாரி தனஞ்ஜய பெரமுன மேலும் தெரிவித்தார்.

இரண்டு பிள்ளைகள் பரிதாபமான முறையில் மரணமடைந்துள்ளமையால் ஒட்டுமொத்தமாக மாவடிச்சேனை பகுதி பெரும் சோதகத்தில் ஆழ்ந்து காணப்படுவதைக் காணக் கூடியதாக உள்ளது.

காவல் துறையினரின் கடமைகளுக்கு இடையூறு விளைவித்தமைக்காக கைது செய்யப்பட்டுள்ள முன்னாள் நாடாளுமன்ற உறுப்பினர் ரஞ்சன் ராமநாயக்க இன்றைய தினம் நீதிமன்றில் முன்னிலைபடுத்தப்படவுள்ளார்.

முன்னாள் நாடாளுமன்ற உறுப்பினர் ரஞ்சன் ராமநாயக்க மிரிஹான காவல் நிலையத்தில் தடுத்து வைக்கப்பட்டுள்ளார் என்பது குறிப்பிடத்தக்கது