சூடானின் துணை ராணுவ விரைவு ஆதரவுப் படை கள் (RSF) கடந்த மாதம் எல்-ஃபாஷர் நகரத்தை கைப் பற்றியதி லிருந்து, சூடானின் மேற்கு டார்ஃபர் பிராந்தியத்தில் உள்ள தவிலா நகரத்திற்கு நூற்றுக் கணக்கான சூடான் குழந்தைகள் தங்கள் பெற்றோர் இல்லாமல் வந்துள்ளதாக ஒரு மனிதாபிமானக் குழு தெரிவித்துள்ளது.
குறைந்தது 400 பெற்றோர் இல்லாத குழந்தைகள் தவிலாவி ற்கு வந்துள்ளனர், ஆனால் உண் மையான எண்ணிக்கை மிக அதிக மாக இருக்கலாம் என்று கடந்த வியாழக்கிழமை(27) நோர்வே அகதிகள் கவுன்சில் (NRC) தெரிவித் துள்ளது.
குழந்தைகள் சோர்வடைந்தும், மிகுந்த மன உளைச்சலுடனும் தவிலாவை அடைகி றார்கள், பெரும்பாலும் பாலைவனத் தின் வழியாக பல நாட்கள் நடந்து சென்ற பிறகு, பலர் தாங்கள் தப்பி ஓடிய அல்லது சாலையில் சந்தித்திருக்கக்கூடிய ஆயுதக் குழுக்களைப் பார்த்து பயந்து வருகிறார்கள். பலர் குண்டு வீச்சு விமானப் பறப்பின் குழப்பத்தின் போது தங்கள் பெற்றோரிடமிருந்து பிரிந்துள்ளனர், மற்றவர்களின் பெற்றோர் காணாமல் போயிருக் கலாம், தடுத்து வைக்கப்பட்டிருக்கலாம் அல்லது கொல்லப்பட்டிருக்கலாம் என்று நம்பப்படுகிறது என அந்த குழு தெரிவித்துள்ளது.
அக்டோபர் 26 அன்று சூடானின் வடக்கு டார்ஃபர் மாநிலத்தின் தலைநகரான – எல்-ஃபாஷரின் கட்டுப்பாட்டை RSF கைப்பற்றியது, இந்த நடைவடிக்கை அங்கிருந்த மக்ககளுக்கு உணவு, மருந்து மற்றும் பிற முக்கியமான பொருட்களைத் துண்டித்தது.
ஏப்ரல் 2023 முதல் சூடானின் கட்டுப் பாட்டிற்காக சூடான் ஆயுதப்படைகளுடன் போராடி வரும் துணை ராணுவக் குழு, நகரத்தைக் கைப்பற்றியதில் இருந்து கொலைகள், கடத்தல்கள் மற்றும் பரவலான பாலியல் வன்முறைச் செயல்களைச் செய்ததாகக் குற்றம் சாட்டப்பட்டுள்ளது. ஐக்கிய நாடுகள் சபையின் மனித உரிமைகள் தலைவர் வோல்கர் டர்க் நவம்பர் நடுப்பகுதியில் எல்-ஃபாஷரில் மேற்கொள்ளப் பட்ட “அட்டூழியங்கள்” “மிகக் கடுமையான குற்றங்கள்” என்று தெரிவித்திருந்தார்.
ஐ.நா.வின் சமீபத்திய புள்ளிவிவரங்களின் படி, கடந்த மாதம் RSF கைப்பற்றப்பட்டதிலிருந்து 100,000 க்கும் மேற்பட்டோர் எல்-ஃபாஷரை விட்டு வெளியேறியுள்ளனர், பலர் அருகிலுள்ள காட்டில் தஞ்சம் புகுந்துள்ளனர்.
அதே நேரத்தில், பிராந்தியத்தில் மோசம டைந்து வரும் நிலைமை சூடான் பெண்கள் மற்றும் சிறுமிகளை பாலியல் சுரண்டல் மற்றும் கடத்தல் அபாயத்திற்கு ஆளாக்கியுள்ளது என்று ஐ.நா. நிபுணர்கள் குழு வியாழக்கிழமை(27) எச்சரித்துள்ளது.
“RSF கட்டுப்பாட்டில் உள்ள பகுதிகளில் பெண்கள் மற்றும் சிறுமிகள் கடத்தப்பட்டுள் ளனர். மேலும் பெண்கள், ஆதரவற்ற மற்றும் பிரிக்கப்பட்ட குழந்தைகள் பாலியல் வன்முறை மற்றும் பாலியல் சுரண்டலுக்கு ஆளாகும் அபாயத்தில் உள்ளனர்.”
குடும்பங்கள் தங்குமிடம், மனிதாபிமான உதவி மற்றும் சுகாதாரம் மற்றும் கல்வி உள்ளிட்ட அடிப்படை சேவைகளுக்கான அணுகல் இல்லாமல் விடப்பட்டுள்ளதைக் குறிப்பிட்ட நிபுணர்கள், “இந்த துன்பத்திற்கு காரணமான மனித உரிமை மீறல்களை முடிவுக்குக் கொண்டு வர அவசர நடவடிக்கை எடுக்க வேண்டும்” என்று அழைப்பு விடுத்துள்ளனர்.
