நிலவிற்கு முதன்முதலில் சென்ற அமெரிக்க விண்வெளி வீரர்கள் அதன் கரடுமுரடான மேற்பரப்பில் பிரத்தியேக வாகனம் ஒன்றில் சிரமத்துடன் பயணம் செய்தனர்.
“அடுத்த முறை நிலவிற்கோ செவ்வாய்க் கிரகத்திற்கோ நாம் செல்லும் போது நமது வாகனங்களும் கொஞ்சம் அதைப் போலவே தான் இருக்கும்.
அந்த வாகனம் 6 சக்கரங்களுடன், எல்லாமே தனித்தனியாக திரும்பக்கூடியவையாக இருக்கும். நிலவின் தரைப்பரப்பில் விரைவில் தவழும் புதிய வாகனத்திற்கு, நாசா தயாரித்துள்ள முன்மாதிரி வடிவமைப்பு இது.
நாங்கள் அடுத்த வாகனத்தை வடிவமைத்து வருகின்றோம். அடுத்த வாகனம் 2023இல் மேலே செல்லும். அது மிகவும் சுறுசுறுப்பாக இருக்கும். அது அப்பலோ போல் இருக்கும் என்று நாசா விண்வெளி ஆராய்ச்சி வாகன தலைமைப் பொறியியலாளர் லூசியென் ஜக்கின் தெரிவித்தார்.
வாகனத்தை செலுத்துவதை முடிந்தவரை பாதுகாப்பானதாக ஆக்குவதற்கு, பளுவை தாங்கும் திறன் எல்லா நேரங்களிலும், அனைத்து சக்கரங்கள் மீதும் சம அளவில் பகிர்ந்திருக்கும். அதாவது சற்று கடினமான தரைப்பரப்பிலும் வாகனம் செல்ல முடியும்.
எதிர்கால விண்வெளி பயணங்களில் ஏற்படும் நடைமுறை சிக்கல்களைப் பரிசோதிப்பதற்காக, ஏற்கெனவே இந்த வாகனம் பயன்படுத்தப்பட்டு வருகின்றது. ஒரே சமயத்தில் 4 விண்வெளி வீரர்கள் 2 வாகனங்களை, 2 வாரங்களுக்கு வெளியில் எடுத்துச் செல்கிறார்கள். அதிலேயே வாழ்வது, பணியாற்றுவது, அவர்களுக்குத் தேவைப்படும் உணவின் அளவு, அவர்கள் எதிர்பார்க்கும் வாழ்க்கைச் சூழல் ஆகியவற்றை அறிய இது உதவுகின்றது.
நிலவின் தூசி மிகவும் கடினமாகவும், அடர்த்தியாகவும் இருக்கும் என்பதால் நிலவின் தரைப்பரப்பில் வாகனத்தின் இயக்கம் மெதுவாக, சீரான வேகம் கொண்டாக இருக்கும். அது உண்மையில் கடினமான சூழல் அமைப்பாக இருக்கும்.”
”அப்பலோவில் இருந்து நாங்கள் உறுதியாகத் தெரிந்து கொண்ட விடயங்கள் அவை ஒரு கண்ணாடி டம்ளரை எடுத்து கீழே போட்டு காலால் மிதித்து நொறுக்கினால் அது எப்படி கூர்மையான துண்டுகளாக இருக்குமோ, அதைப் போல நிலவின் பரப்பு இருக்கும். ஏனெனில் அங்கு கூர்மையை மழுங்கச் செய்யும் வகையில் அரிப்பு ஏற்படுவதற்கு காற்று இல்லை” என்று லூசியென் ஜன்கின் கூறுகின்றார்.
“அதனால் தான் வாகனங்களின் வெளிப்புறத்தில், விண்வெளி வீரர் உடையுடன் சூட்-கோட்களும் சேர்க்கின்றோம். எனவே இதன் பின்னால், அதன் முனையில் இருந்து வாகனத்திற்குச் செல்வதற்கான கதவு இருக்கும். எனவே வாகனத்தின் கதவை நீங்கள் திறந்தால் உங்களுடைய உடையின் பின்பகுதியில் இருப்பீர்கள். அதில் இணைத்துக் கொள்ளலாம்.
எனவே, இப்போது உங்களுடைய விண்வெளி உடையும், உங்கள் கபினும் அழுத்தம் ஏற்பட்டதாக இருக்கும். அதை நீங்கள் சீல் செய்து கபின் கதவை மூடிவிடுவீர்கள். நான் இங்கேயே தொடர்ந்து இருக்கும் போது நீங்கள் விண்வெளி உடையில் செல்வீர்கள். நாங்கள் கபினில் அழுத்தத்தைக் குறைக்க வேண்டியதில்லை.“ என்று அவர் மேலும் கூறினார்.
