‘கற்காலத்திற்குத் திரும்புதல்’: இனப்படுகொலை அச்சுறுத்தல்

இந்தச் சொற்றொடர் பொதுவாக கண்மூடித்தனமான குண்டுவீச்சைக் குறிப்பதாகப் புரிந்துகொள்ளப்படுகிறது; அதாவது, மருத்துவமனைகள், பள்ளிகள், பல்கலைக்கழகங்கள், தொழிற்சாலைகள், வணிக நிறுவனங்கள், தங்கும் விடுதிகள், வானுயர்ந்த கட்டிடங்கள் அல்லது பூங்காக்கள் போன்ற நவீன நாகரிகத்தின் எந்தவொரு உள்கட்டமைப்பும் எஞ்சியிருக்காத வகையில் ஒரு நாட்டை முற்றிலுமாக அழிப்பதை நோக்கமாகக் கொண்டது.

அமெரிக்காவின் நட்பு நாடான இஸ்ரேல் காசாவில் பெரும்பாலும் செய்தது போல, அத்தகைய ஒரு செயல் மேற்கொள்ளப்பட்டால், அது சர்வதேச சட்டத்தின் கீழ் இனப்படுகொலையாகக் கருதப்படும்.

ஆனால் இந்த அச்சுறுத்தலும் சரி, கண்மூடித்தனமான குண்டுவீச்சு நடத்துவதற்கான அமெரிக்காவின் விருப்ப மும் சரி, புதியவை அல்ல.

ஒரு நாட்டை “கற்காலத்திற்குத் தள்ளும்” குண்டு வீச்சு என்ற சொற்றொடரை, இரண்டாம் உலகப் போரில் ஜப்பானிய நகரங்களை அழிப்பதை மேற்பார்வையிட்ட அமெரிக்க விமானப்படை அதிகாரியான கர்டிஸ் லெமே தான் முதன்முதலில் பயன்படுத்தினார் என்று பரவலாகக் கூறப்படுகிறது.

1950-களின் முற்பகுதியில், அமெரிக்கத் தலை மையிலான படைகள் வட கொரியா மீது ஒரு கண் மூடித்தனமான குண்டுவீச்சுத் தாக்குதலை நடத்தி, அதன் 95 சதவீத மின் உற்பத்தித் திறனையும், 80 சதவீதத்திற்கும் மேற்பட்ட கட்டடங்களையும் அழித்தன.

அதன்பின்னர், தென்கிழக்கு ஆசிய நாடான வியட்நாமில் போர் நடந்துகொண்டிருந்தபோது, ​​அந் நாட்டை “கற்காலத்திற்குத்” தள்ளும் வகையில் அமெரி க்கா குண்டுவீச வேண்டும் என்று லெமே தனது நினை வுக் குறிப்பில் வாதிட்டார். 1972-ல், அமெரிக்க  அதிபர் ரிச்சர்ட் நிக்சன் வட வியட்நாம் மீது கண்மூடித்தனமான குண்டுவீச்சு நடத்த உத்தரவிட்டார் — இது அமெரிக்க மக்க ளுக்கு “கிறிஸ்துமஸ் குண்டுவீச்சு” பிரச்சாரம் என்று பரிசுப் பொட்டலம் போல வழங்கப்பட்டது.

மேலும், செப்டம்பர் 11 தாக்குதல்களுக்குப் பிறகு, தலிபான்களுக்கு எதிரான போரில் பாகிஸ்தான் சேராவிட்டால், அந்நாட்டை “கற்காலத்திற்குத்” தள்ளும் வகையில் குண்டுவீசுவதாக அமெரிக்கா அச்சுறுத்தியதாக அப்போதைய பாகிஸ்தான்  அதிபர் பர்வேஸ் முஷாரஃப் கூறினார்.