எதிர்வரும் நவம்பர் மாதம் 9ஆம் திகதி தொடக்கம் டிசம்பர் மாதம் 9ஆம் திகதிவரையான காலப்பகுதிக்குள் சிறிலங்கா ஜனாதிபதித் தேர்தலை நடத்துவதற்கு தீர்மானித்துள்ளதாக கொழும்பு ஊடகமொன்றிற்கு, தேர்தல்கள் ஆணையாளர் மஹிந்த தேசப்பிரிய தெரிவித்துள்ளார்.

ஜனாதிபதியின் பதவிக்காலம் முடிவடைவதற்கு ஒரு மாதத்திற்கு முன்னதாக தேர்தல்கள் நடத்தப்படவேண்டிய சூழ்நிலை காணப்படுவதாகவும் அவர் வலியுறுத்தியுள்ளார்.

எதிர்வரும் ஒக்டோபர் மாதம் தேர்தல் பற்றிய அறிவிப்பு வெளியாகும் என்று எதிர்பார்க்கப்படுகின்றது. அதன்போது வேட்புமனுத் தாக்கலுக்கான நாள் தீர்மானிக்கப்படுவதுடன் மேற்படி காலப்பகுதிக்குள் ஜனாதிபதித் தேர்தல் நடத்தப்படும் என்றார். சிறிலங்கா ஜனாதிபதியின் பதவிக்காலம் எதிர்வரும் ஆண்டு ஜனவரி மாதம் எட்டாம் திகதி முடிவுக்கு வருகின்றமை குறிப்பிடத்தக்கதாகும்.

ரஞ்சித் ஜோசப் இயக்கியுள்ள திரைப்படம், ”சினம் கொள்”  இப் படம் குறித்து அவர் கூறுகையில், ஐரோப்பா, கனடா, தமிழகம் ஆகிய பகுதிகளில் வாழும் இலங்கைத் தமிழர்கள் இப்படத்தைத் தயாரிக்க நிதியுதவி செய்தனர்.

போருக்குப் பின்னரான இலங்கையில் தமிழர்கள் எதிர்கொள்ளும் பிரச்சினைகள் குறித்து இப்படம் பேசுகிறது. 6வருடங்கள் சிறைத் தண்டனை பெற்று, வெளியே வரும் நபராக ஆண்டவன் கட்டளை அரசிந்தன் நடித்துள்ளார்.

சென்சரில் எந்தப் பிரச்சினையும் இல்லாமல் “U”  சான்றிதழ் கிடைத்துள்ளது. ஜுலையில் இந்தப்படம் வெளிவருகின்றது என்றும் அவர் கூறினார்.

மனித உரிமை மீறல்களில் ஈடுபட்டவர்கள் அனைத்துலக சட்டவிதிகளின் அடிப்படையில் தண்டிக்கப்பட வேண்டும். போர் நிறைவடைந்து 10 வருடங்கள் கடந்த நிலையிலும் நீதிக்காக காத்திருக்கும் தமிழ் மக்களுக்கு சிறீலங்கா அரசு நீதியை வழங்கவேண்டும் அல்லது வரலாறு மீண்டும் திரும்பலாம் என முள்ளிவாய்க்கால் படுகொலைகளின் பத்தாவது ஆண்டு நினைவு தினத்தை முன்னிட்டு அனைத்துலக மன்னிப்புச் சபை சனிக்கிழமை (18) வெளியிட்டுள்ள அறிக்கையில் தெரிவித்துள்ளது.

அதில் மேலும் தெரிவிக்கப்பட்டுள்ளதாவது:

புனித ஞாயிறு இடம்பெற்ற தாக்குதல்களில் 250 இற்கு மேற்பட்டவர்கள் கொல்லப்பட்டுள்ளனர். அதன் பின்னரும் சிறீலங்காவில் வன்முறைகள் தொடர்கின்றன.

போரில் பாதிக்கப்பட்டவர்களுக்கு நீதியை வழங்குவதற்கு அனைத்துலக நீதிபதிகளை உள்ளடக்கிய பொறிமுறை ஒன்றை உருவாக்குவதாக சிறீலங்கா அரசு நான்கு வருடங்களுக்கு முன்னர் ஜெனீவாவில் உறுதிவழங்கியிருந்தது. ஆனால் அதற்கான முயற்சிகள் மிகவும் அரிதாகவே இடம்பெறுகின்றன.

இதுவே தற்போது இனங்களுக்கு இடையில் அதிகரித்துவரும் முரன்பாடுகளுக்கான காரணம். மனித உரிமை மீறல்களில் ஈடுபட்டவர்களை தண்டிக்க மறுத்தது தான் தற்போது முஸ்லீம் இனத்தவர் மீதான தாக்குதலுக்கும் காரணம்.

இனங்களுக்கு இடையில் நல்லிணக்கத்தை ஏற்படுத்துவதாக சிறீலங்கா தெரிவித்துவரும் போதும், சிறீலங்காவில் இனங்களுக்கு இடையில் மீண்டும் வன்முறைகள் தோற்றம் பெற்றுவருவது கவலை தருவதாக அனைத்துலக மன்னிப்புச் சபையின் தென் ஆசியப் பணிப்பாளர் பிராஜ் பற்நெக் தெரிவித்துள்ளார்.

2010 ஆம் ஆண்டு ஊடகவியலாளர் பிரகீத் என்நலிகொட காணாமல் போயிருந்தார். 26 வருடங்கள் இடம்பெற்ற போர் நிறைவு பெற்ற பின்னர் இது இடம்பெற்றுள்ளது. 1980 ஆம் ஆண்டில் இருந்து இன்று வரை 60,000 தொடக்கம் 80,000 பேர் சிறீலங்காவில் காணாமல்போயுள்ளனர்.

உலகில் அதிகளவு மக்கள் காணாமல்போயுள்ள நாடுகளின் பட்டியலில் சிறீலங்காவும் ஒன்று. காணமல்போனவர்கள் தொடர்பில் தகவல்களை அறிவதற்கு அவர்களின் குடும்பத்தினர் தற்போதும் காத்திருக்கின்றனர்.

2006 ஆம் ஆண்டு திருமலையில் சிறப்பு அதிரடிப்படையினரால் 5 மாணவர்கள் படுகொலை செய்யப்பட்டிருந்தனர். அதன் பின்னர் பிரான்ஸ் நாட்டின் தொண்டர் நிறுவனப் பணியாளர்கள் 17 பேர் இராணுவத்தினரால் கொல்லப்பட்டிருந்தனர். ஆனால் இறந்தவர்களின் குடும்பத்தினருக்கு நீதி கிடைக்கவில்லை.

2012 ஆம் ஆண்டு வெலிக்கடைச் சிறையில் 27 கைதிகள் கொல்லப்பட்டிருந்தனர், 2008 – 2009 காலப்பகுதியில் கொழும்பில் 11 இளைஞர்கள் கடத்தப்பட்டு சிறீலங்கா கடற்படையினரால் படுகொலை செய்யப்பட்டனர்.

தமிழ் நாடாளுமன்ற உறுப்பினர் நடராஜா ரவிராஜ் 2006 ஆம் ஆண்டும் ஊடகவியலாளர் லசந்தா விக்கிரமதுங்கா 2009 ஆம் ஆண்டும் படுகொலை செய்யப்பட்டிருந்தனர். சிறீலங்கா அரசு நீதியை நிலைநாட்டத் தவறியதற்கான உதாரணங்களே இவையாகும். நீதி நிலைநாட்டப்படுவதை அரசியல்வாதிகள் விரும்பவில்லை.

ஐ.நா மனித உரிமைகள் அமைப்பின் தீர்மானம் 30-1, சிறீலங்காவினால் ஏற்றுக்கொள்ளப்பட்ட தீர்மானம். நான்கு பொறிமுறைகளை நடைமுறைப்படுத்த சிறீலங்கா அரசு உடன்பட்டிருந்தது.

அனைத்துலக நிபுணர்களை உள்ளடக்கிய நீதிக்கான குழுவை அமைப்பதை நிறீலங்கா அரசு நிறைவேற்றவில்லை. பொதுமக்களின் காணிகளை விடுவிப்பதையும் அவர்கள் முற்றாக நிறைவேற்றவில்லை.

காணாமல்போனவர்கள் தொடர்பான விசாரணைக்கான அலுவலகம் அமைக்கப்பட்டபோதும் அது காணாமல் போனவர்களுக்கான பதிலை வழங்கவில்லை.

பயங்கரவாதத் தடைச்சட்டத்தை அகற்றுவதாக சிறீலங்கா அரசு தெரிவித்தபோதும் அந்த சட்டத்தை தற்போதும் அது பயன்படுத்தி வருகின்றது. அதன் மூலம் மனித உரிமைச் செயற்பாட்டாளர்கள், ஊடகவியலாளர்கள் போன்றவர்களை சிறீலங்கா அரசு அச்சுறுத்தி வருகின்றது.

பயங்கரவாதச் தடைச்சட்டத்தை பயன்படுத்தி தடுத்துவைக்கப்பட்டுள்ள விடுதலைப்புலிகள் என சந்தேகிக்கப்படுபவர்கள் மீது அனைத்துலக சட்டவிதிகளின் அடிப்படையில் குற்றங்கள் சுமத்தப்பட வேண்டும் அல்லது அவர்கள் விடுதலை செய்யப்படவேண்டும்.

போர் நிறைவடைந்து 10 வருடங்கள் கடந்த நிலையிலும் காத்திருக்கும் மக்களுக்கு சிறீலங்கா அரசு நீதியை வழங்கவேண்டும் அல்லது வரலாறு மீண்டும் திரும்பலாம்.

எனவே ஐ.நா மனித உரிமைகள் ஆணைக்குழு மற்றும் ஐக்கிய நாடுகள் சபை மனித உரிமைக் குழுவின் ஆணையாளர் ஆகியோர் சிறீலங்கா அரசுக்கு ஒரு காலவரையறையை நிர்ணயித்து தீர்மானங்களை நிறைவேற்ற உத்தரவுகளை வழங்கவேண்டும் என அனைத்துலக மன்னிப்புச் சபை கேட்டுக்கொள்கின்றது.

மே 17 இயக்கத்தின் ஒருங்கிணைப்பாளர் திருமுருகன் காந்தி மீது ஏற்கனவே பல வழக்குகள் இருந்து வரும் நிலையில் மீண்டும் ஒரு வழக்கு அவர் மீது சென்னை மாம்பலம் காவல்நிலையத்தில் பதிவு செய்யப்பட்டுள்ளது.

சென்னையில் மே 18ஆம் தேதி நடைபெற்ற முள்ளிவாய்க்கால் படுகொலை நினைவு தின கூட்டத்தில் கலந்து கொண்ட மே 17 இயக்கத்தின் ஒருங்கிணைப்பாளர் திருமுருகன் காந்தி, மத்திய அரசை கடுமையாக விமர்சனம் செய்ததாக தெரிகிறது. இதனையடுத்து அவர் மீது மாம்பலம் போலீசார் வழக்குப்பதிவு செய்தூள்ளனர்.

இதனையடுத்து இந்த வழக்கின் காரணமாக திருமுருகன் காந்தி கைது செய்யப்படுவாரா? என்ற கேள்வி எழுந்துள்ளது.

2000ஆம் ஆண்டு டிசெம்பர் 19ஆம் திகதி மிருசுவிலில் தமது வீடுகளைப் பார்க்கச் சென்ற மக்கள் 8பேரை சிறிலங்கா இராணுவத்தினர் படுகொலை செய்து கழிப்பறைக் குழிக்குள் போட்டிருந்தனர்.

இந்தச் சம்பத்தில் ஈடுபட்டிருந்த சிறிலங்கா படை அதிகாரிக்கு வழங்கப்பட்ட மரணதண்டனையை உச்சநீதிமன்றம் நேற்று உறுதி செய்துள்ளது.

இந்தச் சம்பவத்தில் தப்பிச் சென்ற மகேஸ்வரன் என்பவர் அளித்த தகவலின் அடிப்படையில் சடலங்கள் மீட்கப்பட்டதுடன், ஐந்து சிறிலங்கா படையினர் மீது வழக்கு தாக்கல் செய்யப்பட்டது.

2015ஆம் ஆண்டு ஜுன் மாதம் 25 ஆம் திகதி சார்ஜன்ட் சுனில் ரத்நாயக்க என்ற இராணுவ அதிகாரிக்கு மரணதண்டனை விதித்து கொழும்பு மேல் நீதிமன்றம் தீர்ப்பளித்திருந்தது. ஏனைய நான்கு பேரும் போதிய சாட்சியங்கள் இல்லாத காரணத்தினால் விடுவிக்கப்பட்டிருந்தனர்.

தீர்ப்பிற்கு எதிராக சார்ஜன்ட் சுனில் ரத்நாயக்க உச்ச நீதிமன்றத்தில் மேன்முறையீடு செய்திருந்தார்.

இந்த விசாரணை தலைமை நீதிபதி நளின் பெரேரா, நீதியரசர்கள் புவனேக அலுவிகார, சிசிர டி ஆப்ரூ, பிரியந்த ஜெயவர்த்தன, முர்து பெர்னான்டோ ஆகிய ஐந்து நீதியரசர் குழுவினால் விசாரிக்கப்பட்டது.

இதனையடுத்து, நேற்று தீர்ப்பு வழங்கப்பட்டது. இந்த வழக்கில் கொழும்பு உச்ச நீதிமன்றத் தீர்ப்பு சரியானதே என ஐந்து நீதிபதிகளும் அறிவித்துள்ளனர்.

உயிர்த்த ஞாயிறு அன்று நடத்தப்பட்ட தற்கொலை குண்டுவீச்சு தாக்குதலுக்கு காரணமான பயங்கரவாதிகளுடன் தொடர்புகளை பேணிய குற்றச்சாட்டுக்கள் தொடர்பில் குற்றவியல் புலனாய்வு திணைக்களமும் (Criminal Investigation Department – CID), பயங்கரவாத புலனாய்வு பிரிவும் (Terrorist Investigations Division -TID) 89 பேரை கைது செய்துள்ளதாக பொலிஸ் பேச்சாளர் ருவன் குணசேகர தெரிவித்துள்ளார்.

இதில் சிஐடியினர் 69 சந்தேக நபர்களையும் ரிஐடி 20 சந்தேக நபர்களையும் கைதுசெய்துள்ளனர்.