நாடாளுமன்ற ஒழுங்குப் பத்திரத்துக்கு அமைய முன்னெடுக்கப்படுகின்ற தெரிவிக்குழுவின் செயற்பாடுகளை ஒவ்வொருவரினதும் தேவைகளுக்கு அமைய மாற்ற முடியாது என ஐக்கிய தேசிய முன்னணியின் நாடாளுமன்ற உறுப்பினரும் விசேட தெரிவுக்குழுவின் உறுப்பினருமான பீல்ட் மார்ஷல் சரத் பொன்சேகா தெரிவித்தார்.

களனிப் பிரதேசத்தில் நடைபெற்ற நிகழ்வொன்றில் கலந்துகொண்டு உரையாற்றும்போதே அவர் மேற்கண்டவாறு கூறினார்.

நாடாளுமன்ற நடவடிக்கைகள் குறித்து அழுத்தம் கொடுப்பதற்கு ஜனாதிபதியால் முடியாது எனவும் அவர் சுட்டிக்காட்டினார்.

“தெரிவுக்குழுவின் விசாரணை நடவடிக்கைகள் நிறைவடைந்த பின்னர் உண்மை எதுவென்பதை மக்கள் புரிந்துகொள்வார்கள்” எனவும் அவர் மேலும் தெரிவித்தார்.

இந்தியப் பிரதமர் நரேந்திர மோடி கேரளாவிலுள்ள கிருஸ்ணன் கோவிலுக்குச் சென்று தனது எடைக்கு எடை தாமரை மலர்களை தானம் செய்து, அடுத்து மாலைதீவு சென்று அங்கிருந்து சிறீலங்கா செல்வதை ரியூப் தமிழ் ஊடகத்தினர் ஆராய்ந்துள்ளனர்.

மாலைதீவு சென்ற நரேந்திர மோடி விமான நிலையத்தில் மாலைதீவு ஜனாதிபதி இப்ராகிம் முகமது ஸோலியைச் சந்தித்தார். அங்கு வைத்து அவருக்கு நிஸான் இஸுதீன் என்ற பட்டம் வழங்கப்பட்டது. இதுவே மாலைதீவின் அதியுயர் விருதாகும்.

மாலைதீவின் தென்புலத்தில் மசூதி ஒன்றை அமைத்துத் தருவதற்கு இணக்கம் தெரிவித்துள்ளார். மேலும் மாலைதீவுடன் 6 ஒப்பந்தங்களை மேற்கொண்டுள்ளார். அவற்றில் ஒன்று இந்து சமுத்திர கடல் பகுதியை கண்காணிப்பதற்கான ராடர்களைப் நிறுவுவதற்கு அனுமதியை மாலைதீவு வழங்குவதற்கான ஒப்பந்தம். இதற்கு முன் இருந்த அப்துல்லா ஜமீன் சீனாவுடன் உறவு வைத்து   பணத்தை வங்கியதால், சீனக் கப்பல்களின் நடமாட்டத்தைக் கண்காணிக்கக் கூடிய இந்திய ராடர்களை அனுமதிக்க முடியாதென இடைநிறுத்தி வைத்திருந்தார். இவரது தோல்வியை அடுத்து, அப்துல்லா ஜமீன் பதவிக்கு வந்த பின் இந்தியாவுடன் நல்லுறவை வளர்த்துக் கொண்டார். இதனாலேயே மாலைதீவு சென்று ஒப்பந்தங்கள் செய்து கொண்டார்.

அங்கிருந்து புறப்பட்டு சிறீலங்கா சென்றிருந்தார். அங்கு அவர் பிரதமர் ரணில் விக்கிரமசிங்கவினால் வரவேற்கப்பட்டு, கொச்சிக்கடை அந்தோனியார் கோவிலுக்குச் சென்று ஐ.எஸ். பயங்கரவாதிகள் மேற்கொண்ட தகவல்கள் பற்றி ஆராய்ந்தார்.  இவை பற்றி நேரடியாகக் கூறாது விட்டாலும், இதற்காகவே அங்கு சென்றிருந்தார். அங்கு இவர் ஐ.எஸ். பயங்கரவாதிகள் அமைப்பை முற்றாக அழிப்போம் என்று இந்திய படைத்துறை தளபதி கூறியிருந்தார். இதை நரேந்திர மோடியே கூறியிருக்க வேண்டும். இந்த விடயத்தை படைத் தளபதி கூறியிருந்தார்.

அங்கு 40 நிமிடங்கள் வரையுமே தங்கியிருக்கும் மோடி, எதிர்க்கட்சித் தலைவர் மகிந்த மற்றும் தமிழர் விடுதலைக் கூட்டணியினரையும் சந்திக்கவுள்ளார். இரண்டாவது தடவையாக பதவியேற்ற மோடி, இந்த இரண்டு தீவுகளுக்கும் பயணம் செய்ததன் நோக்கம் என்னவென்று ஆராய்ந்தால், தென்சீனப் பிரச்சினையே ஆகும். தென்சீனக் கடலின் கடலலைகள் சீனாவிற்கு சொந்தமானவை அல்ல என்றும், அவை தாய்வானுக்கே சொந்தமானவை என்றும் இந்தக் கடலலை வழியாக முதலில் பிரான்ஸிற்குரிய  கப்பல்கள் சென்றன. பின்னர் அமெரிக்காவிற்குரிய கப்பல்களுடன் அமெரிக்காவின் எண்ணெய் தாங்கிகள் செல்கின்றன. இது சர்வதேச கடலுக்குரிய பகுதி என்று கூறி அமெரிக்கக் கப்பல்கள் பயணித்தன.

07 ஜுனில்  பிலிப்பைன்ஸில் அமெரிக்காவின் போர்க்கப்பலுக்கு வெறும் 15மீற்றர் தொலைவில் ரஸ்யாவின் போர்க்கப்பல் அதை இடிக்க வந்த போது ஏற்பட்ட முரண்பாடு காரணமாக அமெரிக்காவும் ரஸ்யாவும் ஒருவரையொருவர் குற்றஞ்சாட்டிக் கொண்டிருக்கின்றன. இது பசுபிக் பிராந்தியத்தில் ஏற்பட்டுள்ள மோதலாகும். இந்தக் கடலைக் கைப்பற்றுகின்ற மோதலானது, பசுபிப் பிராந்தியத்திலிருந்து அடுத்த 5 வருடங்கள் என்று காத்திருக்கத் தேவையில்லை வெகு விரைவில் இந்து சமுத்திரத்திற்குள் நுழையப் போகின்றது.

ஆகவே தான் மாலைதீவில் ராடர் இந்தியாவிற்கு அவசரமாக தேவையாக இருக்கின்றது.  மற்றும் தைவான் நீரிணையால் அமெரிக்காவின் கப்பல்கள் செல்ல முடியுமாக இருந்தால் பாக்கு நீரிணையால் ஏன் சீனாவின் கப்பல்கள் செல்ல முடியாது என்று சீனா கேட்கப் போகின்றது. அதற்கான முன்னேற்பாடுகளை நரேந்திர மோடி செய்ய வேண்டுமாயின் மாலைதீவிற்கும் இலங்கைக்கும் தான் மோடி முதலாவதாக செல்ல வேண்டும் என்பது இப்பொழுது தைவான் கடலில் ஏற்பட்டுள்ள பிரச்சினையாகும். அதை அடியொற்றித் தான் இதைப் பார்க்க வேண்டும்.

இரண்டாவது ஐ.எஸ் பயங்கரவாதப் பிரச்சினை கிழக்கிலிருந்து சீனா வடிவில் வருகின்ற பிரச்சினை ஒருபுறமாக இருக்க மேற்கிலிருந்து ஐ.எஸ் பயங்கரவாத பிரச்சினை இப்போது சிறீலங்காவிற்குள் நுழைகின்றது. இதன் காரணமாக ஐ.எஸ் அமைப்பை எவ்வாறு கட்டுப்படுத்துவது என்பது இந்தியாவிற்கு அடுத்த தலைவலியாக மாறியிருக்கின்றது. உதாரணமாக மாலைதீவு ஒரு சுனி முஸ்லிம் நாடு. மாலைதீவு நாடு சௌதி அரேபியாவுடன் சேர்ந்து 11 நாடுகள் இணைந்து ஏமன் நாட்டில் குண்டு வீச்சுக்களை நடத்துகின்றதோடு இணைந்திருக்கின்ற நாடு. எனவே ஐ.எஸ் பயங்கரவாதமானது சிறீலங்காவிற்குள் மட்டுமல்ல மாலைதீவிற்குள்ளாலும் வரும் என்று இந்தியா கணிப்பிடுவதற்கான வாய்ப்புக்கள் இருக்கின்றன.

இந்த நிலையில் சிறீலங்காவிலிருக்கும் முஸ்லிம் தலைவர்கள் கூறியிருக்கும் கருத்துக்களும் இந்தியாவை சிந்திக்க வைத்திருக்கும். ஏனெனில் சிறீலங்காவிலிருக்கும் முஸ்லிம் தலைவர்களில் ஒருவரான ஹிஸ்புல்லா கூறுகின்ற போது, சிறிலங்காவில் நாம் சிறுபான்மை ஆனால் உலகத்தில் நாம் பெரும்பான்மை. நம்மை அழிக்க முடியாது. அது இலகுவான காரியமல்ல என்று கூறியது ஊடகங்களில் இப்போது பரவலாக  வெளிவந்துள்ளது. இவை போன்ற பேச்சுக்கள் இந்தியாவிற்கு அச்சத்தை ஏற்படுத்தியுள்ளது.

அதனால் தான் மாலைதீவில் ராடர் தொடர்பான பிரச்சினைக்காகவும், சிறீலங்காவில் ஐ.எஸ் அமைப்பின் தாக்குதலுக்குள்ளான கொச்சிக்கடை அந்தோனியர் கோவிலுக்கு சென்று ஐ.எஸ் அமைப்பின் தாக்குதல் பற்றியும் ஆராய்ந்துள்ளார். இந்த இரு பிரச்சினைகளும், சீனா,   ஐ.எஸ்  மற்றும் அமெரிக்கா அடங்கிய பசுபிக் பிராந்தியப் பிரச்சினையும் கலந்திருக்கும் காரணத்தினால்,  இது பாகிஸ்தான், ஆப்கானிஸ்தானால் வரும் பிரச்சினையை விட முக்கியமான பிரச்சினை   மாலைதீவு, இலங்கை ஆகிய தீவுகளுக்கிடையால் வரும் என்பதால், இந்த இரு தீவுகளுக்கும் சென்றார்.

இந்தியா மதப்பிரச்சினையை மட்டுப்படுத்த வேண்டும் என்பதற்காக கேரளா கிருஸ்ணன் கோவில், மாலைதீவில் முஸ்லிம் பள்ளிவாசல், சிறீலங்காவில் கொச்சிக்கடை அந்தோனியர் கோவில் என முன்று கோவில்களுக்கும் சென்றுள்ளார். இந்தியாவின் பாதுகாப்புக் கருதி இந்தியாவை அண்மித்துள்ள கடல் பிரதேசங்களில் அச்சுறுத்தலை தவிர்க்க இந்த நாடுகளின் ஒத்துழைப்புத் தேவை என்பதால் இந்த நாட்டு விஜயங்களை முதன்மைப்படுத்தினார்.

குறித்த சர்ச்சைக்குரிய காணியில் எந்தவொரு தரப்பும் பிரதேச சபை, பிரதேச செயலகம் ஆகியவற்றின் அனுமதியின்றி எந்தவித கட்டுமான பணிகளையும் செய்ய கூடாது.

அதேவேளை பிரதேச சபை, பிரதேச செயலகம் ஆகியவற்றின் அனுமதியுடன் எந்தவொரு தரப்பும் கட்டுமான பணிகள் செய்ய முடியும்.

இதுவே நீதிமன்ற தீர்ப்பு. இந்த தீர்ப்பில் திருப்தில்லாத விகாரையின் பெளத்த தேரர் அவசியமானால் மேன்முறையீடு செய்யலாம். ஆனால் நீதிமன்ற தீர்ப்பை மீறி இனி கட்டுமான பணிகள் செய்ய முடியாது.

இதை இங்கே எனது அறிவுறுத்தலின் பேரில் வந்திருக்கும் முல்லைத்தீவு பிரதி பொலிஸ் மா அதிபர் மஹிந்த குணரட்ன, பொலிஸ் அத்தியட்சகர் சேனாநாயக்க மற்றும் முல்லைத்தீவு பொலிஸ் பொறுப்பதிகாரி கங்கநாத் ஆகியோர் கண்காணிக்க வேண்டும்.

மாவட்ட செயலாளர் சகல தரப்பினருடன் ஸ்தலத்துக்கு நேரடி விஜயம் செய்து அறிக்கை சமர்பிக்க வேண்டும்.

இதுவே இந்த விவகாரம் தொடர்பாக முல்லை மாவட்ட செயலகத்தில் நடைபெற்ற கலந்துரையாடளின் பின் தனது முடிவாக அமைச்சர் மனோ கணேசன் தெரிவித்துள்ளார்.

முல்லைத்தீவு நீராவியடி பிள்ளையார் ஆலய ஸ்தலத்துக்கு நேரடி விஜயம் செய்த அமைச்சர் மனோ கணேசன், பின் முல்லைத்தீவு மாவட்ட செயலகத்தில் இடம்பெற்ற இவ்விவகாரம் தொடர்பிலான கூட்டத்தில் கலந்துக் கொண்டார்.

இக்கூட்டத்தில் எம்பிகள் சிவசக்தி ஆனந்தன், சார்லஸ் நிர்மலநாதன், ஸ்ரீதரன், வேலுகுமார், மாவட்ட செயலாளர் ரூபவதி, ஜமமு அமைப்பு செயலாளர் ஜனகன், பிரசார செயலாளர் பரணிதரன், நிர்வாக செயலாளர் பிரியாணி, சர்ச்சைக்குரிய தேரர், நீராவியடி பிள்ளையார் ஆலய தரப்பினர் ஆகியோர் கலந்து கொண்டனர்.

வெந்நீர் ஊற்று விநாயகர் ஆலயம் இருந்த இடத்தில் பெளத்த விகாரை கட்ட மாட்டோம் எனவும், தமிழ் பெளத்த வரலாறு இருப்பதையும் ஏற்றுக்கொள்கிறோம் எனவும் கன்னியா விகாரை தேரர்கள் உடன்பட்டனர்.

புராதன சிதைவுகளுக்கு சேதம் ஏற்படாத முறையில் கன்னியா வளவுக்குள் வெந்நீர் ஊற்று விநாயகர் ஆலயம் அமைக்கவும், வெந்நீர் ஊற்று சிவன் ஆலயத்தையும் புனரமைக்கவும் உடன்பாடு காணப்பட்டது.

இது தொடர்பான அடுத்த கட்ட கலந்துரையாடலை கொழும்பில் ஜனாதிபதி, பிரதமர், இந்து, பெளத்த விவகார அமைச்சர்கள் கலந்துக்கொள்ளும் மட்டத்தில் நடத்துவது எனவும் தீர்மானிக்கப்பட்டது.

கன்னியா விநாயகர், சிவன் ஆலய கட்டுமானங்களுக்கான நிதி ஒதுக்கீடுகளை தேசிய ஒருமைப்பாடு, அரசகரும மொழிகள், சமூக மேம்பாடு, இந்து சமய அலுவல்கள் அமைச்சு வழங்கும் என அமைச்சர் மனோ கணேசன் தெரிவித்தார்.

அமைச்சர் மனோ கணேசனுடன் யோகேஸ்வரன் எம்பி, வேலுகுமார் எம்பி, சுசந்த புச்சிநிலமே எம்பி, ஜமமு அமைப்பு செயலாளர் ஜனகன், திருகோணமலை மாவட்ட செயலாளர் புஷ்பகுமார, கன்னியா விநாயகர் ஆலயம் சார்பாக கணேஷ் கோகிலரமணி, கன்னியா விகாரை தேரர்கள், ஜமமு பிரசார செயலாளர் பரணிதரன் ஆகியோர் திருகோணமலை மாவட்ட செயலகத்தில் நடைபெற்ற கலந்துரையாடலில் கலந்துக்கொண்டனர்.

கலந்துரையாடலில் பின்னர் அமைச்சர் மனோ கணேசன் தலைமையிலான குழுவினர் கன்னியா வெந்நீர் ஊற்று வளவுக்கு சென்று நேரடியாக ஸ்தலத்தை பார்வையிட்டு, சிவன்கோவிலில் ஏற்பாடு செய்யப்பட்ட பூஜையிலும் கலந்துகொண்டனர். இதன்போது ஸ்ரீதரன் எம்பியும் அமைச்சருடன் இணைந்து கொண்டார்.

அவ்விடத்தில் அமைந்துள்ள பெளத்த விகாரைக்கும் அமைச்சர் மனோ கணேசன் சென்று வழிபாட்டில் ஈடுபட்டார்.

சிறிலங்காவில் தேசிய அடையாள அட்டை தொடர்பான அறிவுறுத்தல்களை ஆட்பதிவுத் திணைக்களம் அறிவித்துள்ளது.

இதற்கமைவாக,

• ஒருவரின் தேசிய அடைாள அட்டையை வேறொருவர் வைத்திருப்பது குற்றமாகும். இவர்களுக்கு தண்டனையாக ஒரு இலட்சம் ரூபா அல்லது 5வருட சிறைத் தண்டனை வழங்கப்படும்.

இவ்வாறான குற்றம் புரிபவர்கள் பற்றிய விபரம் அறிந்தால், பொலிசாருக்கோ அல்லது ஆட்பதிவுத் திணைக்களத்தினருக்கோ அறியத் தரும்படி பொது மக்கள் கோரப்பட்டுள்ளனர்.

• புதிய அடையாள அட்டையைப் பெற்றுக் கொண்டு, அதன் பின்னர் பழைய அடையாள அட்டையை பயன்படுத்தினால் அதுவும் குற்றமாகும்.

அடையாள அட்டை காணாமல் போனால், புதிதாக தேசிய அடையாள அட்டை பெற்ற பின்னர் காணாமல் போன அடையாள அட்டை கிடைக்குமாயின் அதை கிராம சேவகர் அல்லது ஆட்பதிவுத் திணைக்களத்திடம் ஒப்படைக்க வேண்டும். இரு அடையாள அட்டையைப் பயன்படுத்துவது குற்றமாகும்

இவ்வாறு வைத்திருப்போருக்கு எதிராக சட்ட நடவடிக்கை எடுக்கப்படும் என தகவல் தொழில்நுட்ப ஆணையாளர் ஹர்ஷ இலுக்பிட்டிய தெரிவித்துள்ளார்.

சிறீலங்காவுக்கு சில மணிநேர பயணத்தை மேற்கொண்ட இந்தியப் பிரதமர் நரேந்திர மோடி அவர்கள் சிறீலங்காவின் பொருளாதாரத்தை உயர்த்துவதற்கு இந்தியா உதவும் என சிறீலங்கா பிரதமர் ரணில் விக்கிரமசிங்காவிடம் உறுதி வழங்கியதாக கொழும்புத் தகவல்கள் தெரிவிக்கின்றன.

இது தொடர்பில் மேலும் தெரியவருவதாவது:

மோடியின் பயணம் மிகவும் குறுகியதாக அமைந்ததால், சில முக்கிய பேச்சுவார்த்தைகளை சிறீலங்கா பிரதமர் ரணில் விக்கிரமசிங்கா வாகனத்தில் பயணம் செய்யும்போதே மேற்கொண்டிருந்தார்.

இரு நாடுகளுக்கும் இடையிலான வர்த்தக மற்றும் பொருளாதார உறவுகளை வலுப்படுத்துவதன் மூலம் சிறீலங்காவின் பொருளாதாரத்தை உயர்த்தும் பேச்சுக்களுக்கே அங்கு முக்கியத்துவம் வழங்கப்பட்டிருந்தது.

ஏப்பிரல் 21 ஆம் நாள் இடம்பெற்ற தாக்குதலின் பின்னர் சிறீலங்காவின் பொருளாதாரம் மிகப்பெரும் பின்னடைவைச் சந்தித்திருந்தது. அதனை சீர் செய்வதன் மூலம் சிறீலங்காவைக் காப்பாற்றும் முயற்சிகளை மேற்குலகமும், இந்தியாவும் முதன்மைப்படுத்தி வருகின்றன.

அவசர அவசரமாக பயண எச்சரிக்கைகளை தளர்த்திய மேற்குலக நாடுகள், தமது மக்களை சிறீலங்காவுக்கு அனுப்புவதற்கும் முயற்சிகளை மேற்கொள்கின்றன. அதே சமயம் இரண்டாவது தடவையாக பிரதமராக பதவியேற்ற இந்தியப் பிரதமர் மோடி அவசர அவசரமாக சிறீலங்காவுக்கு மேற்கொண்ட பயணமும் தற்போதைய மேற்குலகம் மற்றும் இந்திய கூட்டணிக்கு ஆதரவான ரணில் அரசைக் காப்பாற்றும் முயற்சியாகும் என கொழும்பைத் தளமாகக் கொண்ட அரசியல் ஆய்வாளர் ஒருவர் இலக்கு இணையத்திற்கு கருத்து தெரிவித்துள்ளனர்.

மோடியின் இந்தப் பயணம் ரணில் அரசுக்கு ஒரு உறுதித்தன்மையை வழங்கும் அதேசமயம் சிறீலங்காவின் நிலைமை வழமைக்கு திரும்பியுள்ளதாகவும், சிறீலங்கா பாதுகாப்பானது அங்கு சுற்றுலாப்பயணிகள் செல்ல முடியும் என்ற தோற்றப்பாட்டையும் அனைத்துலக மட்டத்தில் ஏற்படுத்தும் என அவர் மேலும் தெரிவித்துள்ளார்.

வானூர்தி நிலையத்தில் இருந்து சிறீலங்காவின் தலைநகருக்கு வரும் வழியில் இருவரும் பல விடயங்களை அவசரமாக கலந்துரையாடியுள்ளனர்.

தீவிரவாதத்திற்கு எதிராக இரு நாடுகளும் இணைந்து பணியாற்றுவது, நீண்டகாலப் திட்டதின் அடிப்படையில் சிறீலங்காவின் பொருளாதாரத்தை மேம்படுத்துவது போன்றவை அங்கு முக்கியமாகப் பேசப்பட்ட விடயங்களாக இருந்தபோதும், தற்போததைய சூழ்நிலையில் சிறீலங்காவின் அரசியலில் ஏற்பட்டுள்ள சாதக பாதகங்கள் குறித்தும், அதில் தற்போதைய ரணில் அரசுக்கு ஏற்பட்டுள்ள பாதகமான நிலை குறித்தும் விவாதிக்கப்பட்டதாக தெரிவிக்கப்படுகின்றது.

மாலைதீவு அரசு சீனாவிடம் இருந்து பெற்ற பெரும் தொகை கடன்களை அடைத்து அங்கு தனக்கு சாதகமான ஒரு அரசை அமைப்பதற்கு பல ஆயிரம் கோடி ரூபாய்களை செலவு செய்த இந்தியா தற்போது சிறீலங்கா பக்கம் தனது பார்வையைத் திருப்பியுள்ளது.