அமெரிக்காவில் இடம்பெற்ற உள்நாட்டுப் போரில் அதிகளவு மனித உரிமை மீறல்களை மேற்கொண்ட அமெரிக்க படைத் தளபதி லைசிஸ் கிரான்ட் அமெரிக்காவுக்கு எவ்வளவு முக்கியமானவரோ அதே அளவுக்கு சில்வா சிறீலங்காவுக்கு முக்கியமானவர் என சிறீலங்காவின் அபவிருத்தி அமைச்சர் சம்பிக் ரணவக்க தெரிவித்துள்ளார்.

ஊடகவியலாளர்களிடம் பேசும்போது அவர் மேலும் தெரிவித்துள்ளதாவது:

சிறீலங்கா அரச தலைவரே நாட்டின் பாதுகாப்புக்கு தலைவராவார் எனவே அவருக்கு இராணுவத்தளபதியை நியமிக்கும் அதிகாரம் உண்டு.

அமெரிக்காவில் அரச தலைவர் லிங்கனின் ஆட்சிக்காலத்தில் உள்நாட்டுப் போர் இடம்பெற்றது. அதன்போது போரை முறியடிப்பதற்காக ஜெனரல் லைசிஸ் கிரான்ட் கடுமையான படை நடவடிக்கையை மேற்கொண்டிருந்தார், பல மனித உரிமை மீறல்களையும் மேற்கொண்டிருந்தார்.

அவர் மீது போர்க்குற்றச்சாட்டுக்கள் உள்ளன ஆனாலும் அவர் அமெரிக்காவின் முக்கிய நபராக கருதப்படுகின்றார். அதேபோலவே சில்வாவும் சிறீலங்காவுக்கு மிகவும் முக்கியமான நபராவார் என அவர் மேலும் தெரிவித்துள்ளார்.

கிழக்கு மாகாண முன்னாள் ஆளுனர் எம்.எல்.ஏ.எம்.ஹிஸ்புல்லா ஜனாதிபதித் தேர்தலில் போட்டியிடுவது தொடர்பில் தெரிவித்துள்ளார்.

கிழக்கு மாகாண புத்திஜீவிகள் மற்றும் முஸ்லிம் அரசியல் கட்சிகள் உள்ளிட்ட பெரும்பாலான முஸ்லிம் மக்கள் எதிர்வரும் ஜனாதிபதித் தேர்தலில் போட்டியிடுமாறு தன்னைக் கோருவதாகவும் அவர் குறிப்பிட்டார்.

எவ்வாறிருப்பினும் இந்த தீர்மானம் குறித்து இன்னும் ஓரிரு தினங்களில் இறுதி தீர்மானத்தை அறிவிப்பதாகவும் அவர் குறிப்பிட்டார்.

மேலும் முஸ்லிம் புத்தி ஜீவிகள் மற்றும் அமைப்புக்கள் உள்ளிட்ட அரசியல் கட்சிகளுடன் பரந்தளவிலான பேச்சுவார்த்தைகளை முன்னெடுத்ததன் பின்னரே இந்த விடயம் குறித்து உறுதிப்படக் கூற முடியும்.

அனைத்து முஸ்லிம் தரப்புக்களும் ஏகமனதாக கோரிக்கை விடும் பட்சத்தில் ஜனாதிபதி வேட்பாளராக களமிறங்க தயாராக உள்ளதாகவும் அவர் குறிப்பிட்டார்.

இருபதாம் நூற்றாண்டில் கொலைகளுக்கு பெயர்போனவரை இராணுவத் தளபதியாக நியமித்துள்ளதன் மூலம் நாட்டில் இன்னொரு இனம் வாழ முடியாத சூழல் ஏற்படுத்தப்பட் டுள்ளது என தமிழ் தேசியக்கூட்டமைப்பின் நாடாளுமன்ற உறுப்பினர் சிறீதரன் தெரிவித்தார்.

பாராளுமன்றத்தில் நேற்று  இடம்பெற்ற புலமைச் சொத்துக்கள் மற்றும் டிஜிட்டல் தொழில்நுட்பம் தொடர்பான விவாதத்தில் உரையாற்றுகையிலேயே இவ்வாறு தெரிவித்தார்.

அவர் அங்கு தொடர்ந்து  உரையாற்றுகையில்,

நாட்டில் மாற்றத்தை ஏற்படுத்துவதாக தெரிவித்து தமிழ் மக்களின் வாக்குகளினால் ஜனாதிபதியான மைத்திரிபால சிறிசேன, 20 ஆம் நூற்றாண்டில் கொலைகளுக்கு பெயர்போன  சவேந்திர சில்வாவை இராணுவ தளபதியாக நியமித்துள்ளார்.

தமிழ் மக்களின் வாக்குகளைப்பெற்று நான் இந்த நாட்டில் மாற்றங் களைக்கொண்டு வருவேன் . மீண்டும் ஜனாதிபதியாக ஆசைப்பட மாட்டேன் என்றெல்லாம் உறுதியளித்த ஜனாதிபதி மைத்ரிபால சிறிசேன,தமிழ் மக்கள் மீது இனப்படுகொலை புரிந்த,பல்லாயிரக்கணக்கான மக்களை கொன் றொழித்த , இன்றும் இறுமாப்புடன் இன்னும் கொல்லுவேன்  என்று சொல்கின் றவரை இராணுவத்தளபதியாக நியமித்துள்ளதன் மூலம் நாட்டில் இன்னொரு இனம் வாழ முடியாத சூழல் ஏற்படுத்தப்பட்டுள்ளது .

தமிழ் மக்களின் இரத்தம் குடித்த  சவேந்திர சில்வாவின் கடைவாயிலிருந்து இன்னும் தமிழ் மக்களின் இரத்தம் வடிந்து கொண்டிருக்கின்றது. இவ்வாறான ஒரு கொலையாளி இந்த நாட்டின் இராணுவத்தளபதியாக நியமிக்கப்பட்டு ள்ளமை மிகவும் அபாயகரமானது.

அத்துடன் நாட்டின் புலமைச்சொத்துக்களை பாதுகாப்பது தொடர்பாக சட்டம் இயற்ற நடவடிக்கை எடுக்கப்பட்டு வருகின்றது. ஆனால் சிங்கள பாடல்களை மாத்திரம் பாதுகாக்கும்வகையிலே நடவடிக்கை எடுக்கப்பட்டு வருகின்றது.

அனைத்து இனங்களின் புலமைச்சொத்துக்களை பாதுகாக்கும் வகையில் நடவடிக்கை எடுக்கப்படவேண்டும். அப்போது நாங்களும் இந்த சட்ட மூலத்துக்கு ஆதரவளிப்போம். ஆனால் தமிழ் வீரப்பாடல்களை யாராவது பாடினால் அவரை பயங்கரவாத தடைச்சட்டத்தின் கீழ் கைதுசெய்யப்படும் நிலையே இருந்து வருகின்றது என்றார்.

முன்னாள் பாராளுமன்ற உறுப்பினர்களான ஆலாலசுந்தரம் மற்றும் தர்மலிங்கம் ஆகியோர் 02.09.1985 அன்று தமிழீழ விடுதலை இயக்கம் என்ற ரெலோ அமைப்பினால் கொலை செய்யப்பட்டிருந்தனர்.

34 வருடங்களின் பின்னர் தானே இக்கொலைகளை மேற்கொண்டதாக ஜேர்மனியில் வசித்துவரும் மன்மதன் என்பவர் தெரிவித்துள்ளதாக செய்திகள் வெளியாகியுள்ளது.

ரஞ்சித் என்ற இயக்கப்பெயரை கொண்ட மன்மதன் , செல்வம் அடைக்கலநாதனின் உத்தரவின் பெயரிலேயே தான் மேற்படி கொலைகளை மேற்கொண்டதாக தெரிவித்துள்ளதாகவும் அக்கொலைகளால் தனது முழுவாழ்வும் பாழடைந்துள்ளதாக அவர் மனம்வருந்துவதாகவும் அச்செய்திகள் தெரிவிக்கின்றது.

அதேநேரம் இக்கொலைகளுக்கான உத்தரவை வழங்கிய செல்வம் அடைக்கலநாதன் அரச பாதுகாப்புடன் வலம்வரும் அதேநேரத்தில் தன்னால் தனது தாய்நாட்டுக்கு செல்ல முடியாத நிலையுள்ளதாக அவர் மனம் வருந்துவதாக அச்செய்திகள் குறிப்பிடுகின்றது.

இன்று தமிழ் தேசியக் கூட்டமைப்பின் பங்காளிகளாக பாராளுமன்றில் அடைக்கலநாதனும் கொலை செய்யப்பட்ட தர்மலிங்கம் அவர்களின் புத்திரனான சித்தார்த்தனும் இருக்கின்றனர். தனது தந்தையை கொல்ல அடைக்கலநாதனே உத்தரவிட்டார் என்ற தகவல் கிடைத்த பின்னர் சித்தார்த்தன் என்ன நடவடிக்கை எடுக்கப்போகின்றார் என்பதை மக்களும் அவதானிகளும் உன்னிப்பாக அவதானித்துக்கொண்டிருக்கின்றனர்.

மோசமான மனித உரிமை மீறல் குற்றச்சாட்டுக்களுக்கு உள்ளாகிய லெப். ஜெனரல் சவேந்திர சில்வா, சிறிலங்கா இராணுவத் தளபதியாக நியமிக்கப் பட்டுள்ளதானது, வெளிநாட்டு முதலீடுகளையும், இராணுவ ஒத்துழைப்பையும் பாதிக்கும் என்று, அமெரிக்கா எச்சரித்துள்ளது.

வாசிங்டனில் நேற்று செய்தியாளர்களிடம் பேசிய, அமெரிக்க இராஜாங்கத் திணைக்கள அதிகாரி  ஒருவரே இவ்வாறு எச்சரிக்கை விடுத்துள்ளார்.

“லெப்.ஜெனரல் சவேந்திர சில்வாவின் நியமனம், 2009 இல் முடிவுற்ற மிருகத்தனமான மோதலின் பின்னரான, நிலையான நல்லிணக்கத்திற்கு பாதிப்புகளை ஏற்படுத்தும்.இது மிகஉயர்மட்ட அரசியல் சூழலாகும்,  சில அரசியல் சக்திகள் தேசியவாதத்தை வைத்து விளையாடுவதன் மூலம், அதிக பயன் அடையலாம் என்று கருதுகின்றன.

தெளிவான, நன்கு ஆவணப்படுத்தப்பட்ட மனித உரிமை மீறல்கள் பதிவுகளில் உள்ள ஒரு ஜெனரலின் பதவி உயர்வின் மூலம் இந்த, தேசியவாதம் செயற்படுத்தப்படுவது துரதிர்ஷ்டவசமானது.  இதுகுறித்து நாங்கள் மிகவும் கலக்கமடைந்துள்ளோம்.

இராணுவத் தளபதி, மனித உரிமை மீறல்களைப் புரிந்தவர் என அறியப்பட்டவர் என்றால், சிறிலங்காவுடன் வலுவான இராணுவ ஒத்துழைப்பை ஏற்படுத்தும் போது, நாம் என்ன செய்ய முடியும் என்பதற்கு வரம்புகள் இருக்கும்.இது, வெளிநாட்டு முதலீட்டிலும் தாக்கத்தை ஏற்படுத்தும் சாத்தியம் உள்ளது.

அதிக துருவநிலைப்படுத்தலுக்கு  வழிவகுக்கும் ஒரு சூழ்நிலையைக் கண்டால், வெளிநாட்டு முதலீட்டாளர்கள் ஆபத்தை எதிர்கொள்ளத் தயாராக இருப்பதற்கு வரம்புகள் உள்ளன.அத்துடன் சிறிலங்காவின் நகர்ப்புற போக்குவரத்து அமைப்பு மற்றும் உட்கட்டமைப்பை நவீனமயமாக்குவதற்கு, அமெரிக்காவின் மிலேனியம் சவால் நிதியம் மூலம் புதிய 480 மில்லியன் டொலர் நன்கொடை வழங்கு வதையும், இந்த நியமனம் பாதிக்கக் கூடும்.

இந்த உதவியை ஒரு நாடு பெறுவதற்கு,  சனநாயகத்துக்கான அதன் உறுதிப்பாடு குறித்த மதிப்பீடும் ஒரு காரணியாக கொள்ளப்படும்” என்றும் அவர் கூறினார்.

சவேந்திர சில்வா இலங்கையின் இராணுவத்தின் தலமை தளபதியாக நியமித்தது குறித்து தமிழர் தேசிய முன்னணியின் தலைவர் பழ நெடுமாறன் அறிக்கை ஒன்றை வெளியிட்டுள்ளார்.

ஐ.நா. மனித உரிமை ஆணையரால் போர்க் குற்றச்சாட்டுக்குள்ளான சாவேந்திர சில்வா என்பவர்இலங்கைப் படையின் தலைமை தளபதியாக நியமிக்கப் பட்டிருப்பது அதிர்ச்சியளிக்கிறது.2009ஆம் ஆண்டு போரின்போது

இவர் தலைமையில் இயங்கியசிங்கள இராணுவத்தின் 58ஆவது பிரிவு கிளி நொச்சி, புதுக்குடியிருப்பு, முள்ளிவாய்க்கால் ஆகிய பகுதிகளில் பல்லாயிரக்கணக்கான

அப்பாவித் தமிழர்களைக்கொன்று குவித்தது.விடுதலைப்புலிகளின் தளபதிகளான  நடேசன், புலித்தேவன் ஆகியோர் தலைமையில் ..

வெள்ளைக்கொடி ஏந்தி சரணடைய முன்வந்த ஆயிரக்கணக்கான மக்களை ஈவு இரக்கமின்றி சுட்டுக்கொன்ற ஒருவரை இலங்கைப் படையின் தலைமை தளபதியாக இலங்கை குடியரசுத் தலைவர் சிறீ சேனா நியமித்திருப்பது

ஆழமான உள்நோக்கம் கொண்டதாகும்.ஈழத் தமிழர்களுக்கெதிரான இனப்படு கொலைகளைசிங்கள அரசு தொடர்ந்து நடத்த திட்டமிட்டுள்ளது என்பதுஇதன் மூலம் வெளிப்பட்டுள்ளது.

ஐ.நா. மனித உரிமை ஆணையர் இதற்குக் கடும் கண்டனம் தெரிவித்திருப்பதை வரவேற்கிறேன்.அத்துடன் நின்றுவிடாமல்சில்வா மீது போர்க்குற்ற நடவடிக்கைகளை எடுக்க முன்வரவேண்டுமெனஅவரை வேண்டிக்கொள்கிறேன் என குறிப்பிட்டுள்ளார்.