மகிந்த ராஜபக்க்ஷ விற்கான குண்டு துளைக்காத வாகனம் – மங்கள எதிர்ப்பு

எதிர்க்கட்சித் தலைவர் மகிந்த ராஜபக்க்ஷவிற்கு குண்டு துளைக்காத வாகனம் வாங்குவதற்கான அமைச்சரவை ஒப்புதலுக்கான கோரிக்கையை பிரதமர் ரணில் விக்கிரமசிங்க விடுத்துள்ளார்.

நேற்றைய அமைச்சரவை கூட்டத்தின் போது இந்தக் கோரிக்கை நிராகரிக்கப்பட்ட நிலையில், பிரதமர் இந்தக் கோரிக்கையை விடுத்திருந்தார்.

இந்த விடயத்திற்கு நிதியமைச்சர் மங்கள சமரவீர பதிலளிக்காது, அடுத்த வாரத்திற்கு தள்ளி வைத்தார்.

தற்போதைய சூழ்நிலையில் இப்படியான ஆடம்பரமான வாகனங்களை வாங்குவது, மக்களிடத்தில் தப்பான அபிப்பிராயத்தை ஏற்படுத்தும் என மங்கள சமரவீர தெரிவித்திருந்தார்.

இருப்பினும் மற்றைய அமைச்சர்கள் இது தொடர்பாக மறுப்பு ஏதும் தெரிவிக்கவில்லை என தகவல்கள் தெரிவிக்கின்றன.