அமெரிக்க-ஈரான் போர்நிறுத்தத்தின் எஞ்சிய காலத்திற்கு, ஹோர்முஸ் நீரிணை வர்த்தகக் கப்பல்களுக்கு “முழுமையாகத் திறக்கப்படும்” என்று ஈரான் அறிவித்ததைத் தொடர்ந்து, உலக கச்சா எண்ணெய் விலைகள் கடுமையாகச் சரிந்துள்ளன.
இதன் விளைவாக, கச்சா எண்ணெய் விலைகள் 10%-க்கும் மேல் சரிந்துள்ளதாக வெளிநாட்டு அறிக்கைகள் தெரிவிக்கின்றன.
வியாழக்கிழமை (16) நிலவரப்படி 98 டாலராக உயர்ந்திருந்த ஒரு பேரல் பிரென்ட் கச்சா எண்ணெய் விலை, தற்போது 88 டாலராகச் சரிந்துள்ளது. அதே நேரத்தில், ஒரு பேரல் அமெரிக்க WTI-யின் விலையும் 84 டாலராகக் குறைந்துள்ளது.
வளைகுடா பிராந்தியத்தை அரபிக்கடலுடன் இணைக்கும் ஒரு குறுகிய நீர்ப்பரப்பான ஹோர்முஸ் நீரிணை , உலகின் எண்ணெய் மற்றும் இயற்கை எரிவாயுவில் ஐந்தில் ஒரு பங்கைக் கொண்டு செல்லும் ஒரு முக்கிய கப்பல் போக்குவரத்துப் பாதையாகும்.
மத்திய கிழக்கு மோதல்கள் வெடிப்பதற்கு முன்பு, பிரென்ட் கச்சா எண்ணெய் ஒரு பேரலுக்கு 70 டாலருக்கும் குறைவாக விற்பனையாகி வந்தது, மார்ச் மாதத்தில் 119 டாலருக்கும் மேல் உச்சத்தை எட்டியது.
