அமெரிக்க இராணுவம் ரஷ்யா கொடியு டன் பயணித்த எண்ணெய் டேங்கர் கப்பலான மரினேராவை வடக்கு அட்லா ண்டிக்கில் கரீபியன் கடலில் பின்தொடர்ந்து சென்று புதன்கிழமை(7) கைப்பற்றியது.
முன்னர் பெல்லா 1 என்று பெயரிடப்பட்ட அந்தக் கப்பல், ஸ்காட்லாந் தின் வடமேற்கில் உள்ள சர்வதேச நீரில் “அமெரிக்கத் தடைகளை மீறியதாக” கூறப்பட்டதற்காக தடுத்து நிறுத்தப்பட்டது. அமெரிக்க கூட்டாட்சி நீதிமன்றம் பிறப்பித்த வாரண்டின்படி, அந்தக் கப்பல் வடக்கு அட்லாண்டிக்கில் கைப்பற்றப்பட்டது. இந்த நடவடிக்கை அமெரிக்க நீதித்துறை மற்றும் உள்நாட்டுப் பாதுகாப்புத் துறையால் இராணுவத்துடன் ஒருங்கிணைந்து எடுக்கப்பட்டதாக அமெரிக்க ஐரோப்பிய கட்டளை அறிவித்துள்ளது.
வெனிசுலா கடற்கரையில் அமெரிக்கா கைப்பற்ற முயன்ற நிழல்-கப்பல் டேங்கரைப் பாதுகாக்க ரஷ்யா ஒரு நீர்மூழ்கிக் கப்பல் மற்றும் பல போர்க்கப்பல்களை அனுப்பியிருந்தது. எனினும் அவை கப்பலை அண்மிக்க முன்னர் அமெரிக்கா நடை வடிக்கை எடுத்துள்ளது. வெனிசுலா மீதான அமெரிக்க முற்றுகையைத் தவிர்ப்பதற்காக பெல்லா 1 டேங்கர் இரண்டு வாரங்களுக்கும் மேலாக முயற்சித்தது. டிசம்பரில், அந்தக் கப்பலின் குழுவினர், அமெரிக்க படையினர் கப்பலில் ஏற முயன்றதை முறியடித்து, அட்லாண்டிக் பெருங்கடலுக்குள் சென்றனர். பல நாடுகளைச் சேர்ந்த ஏழு நேட்டோ விமா னங்கள் இந்த நடவடிக்கையில் ஈடுபட்டன.
அமெரிக்காவால் கைப்பற்றப்பட்ட எண்ணெய் டேங்கர் கப்பலான மரைனேராவின் பணியாளர்கள் பெரும்பாலும் உக்ரேனியர்கள்ர்: 20 பேர் உக்ரைன் குடிமக்கள், ஆறு பேர் ஜார்ஜியாவைச் சேர்ந்தவர்கள்இ இரண்டு பேர் ரஷ்யாவைச் சேர்ந்தவர்கள்.
“டிசம்பர் 24, 2025 அன்று, மரினேரா ரஷ்யா கொடியை பறக்கவிடுவதற்கான தற்காலிக அனுமதியைப் பெற்றது, இது ரஷ்யா மற்றும் சர்வதேச சட்டத்தின்படி வழங்கப்பட்டதுஇ” மேலும் கப்பல் மீதான தாக்குதல் சர்வதேச நீரில் வழிசெலுத்தல் சுதந்திரத்தை உறுதி செய்யும் ஐ.நா. கடல் சட்டம் தொடர்பான மாநாட்டை மீறுவதாகும் என்று ரஷ்யா போக்குவரத்து அமைச்சகம் இது தொடர்பில் தெரிவித்துள்ளது.
