ஹொலிவூட் படங்களின் பாவனையில் ஜேர்மனியில் உள்ள வங்கி ஒன்றின் சுவரில் துளைபோட்டு இரகசியமாக உள்நுளைந்த திருடர் கூட்டம் கிறிஸ்து மஸ் பண்டிகையின் போது ஸ்பார்க்காஸ் வங்கியின் பெட்டகத்தை உடைத்து, 95% வாடிக் கையாளர்களின் பாதுகாப்பு வைப்பு பெட்டிகளை கொள்ளையடித்துச் சென்றுள்ளனர்.
திருடர்கள் கவனமாக திட்டமிடப்பட்ட ஒரு கொள்ளையைச் செய்து, கிறிஸ்துமஸ் விடுமுறை நாட்களில் கெல் சென்கிர்ச்சனில் உள்ள ஒரு சேமிப்பு வங்கி பெட்டகத்திலிருந்து மதிப்பிடப்பட்ட $35 மில்லியன் (€30 மில்லியன்) ரொக்கம் மற்றும் மதிப்புமிக்க தங்கம் மற்றும் வைரம் போன்ற பொருட்களைக் கொள்ளை அடித்ததாக காவல்துறை தெரிவித் துள்ளது.
ஸ்பார்க்காஸ் சேமிப்பு வங்கியில் சனிக்கிழமை மாலைக்கும் திங்கள் காலைக்கும் இடையில் திருட்டு நடந்துள்ளதாக காவல்துறையினர் தெரிவித்துள்ளனர். அதாவது திருட்டு நடந்தது கூட அவர்களுக்கு உடனடியாக தெரியவில்லை. பெட்டகத்தை அணுகு வதற்காக ஒரு தடிப்பான கான்கிரீட் சுவரைத் துளைத்து, பின்னர் 3,000 க்கும் மேற்பட்ட பாதுகாப்பு வைப்பு பெட்டிகளை வலுக்கட்டாயமாகத் திறந்த திருடர்கள், சுமார் 2,700 வாடிக்கையாளர்களின் பணம் மற்றும் பொருட்களை கொள்ளையடித்து சென்றுள்ளனர்.
வார இறுதியில் அருகிலுள்ள பார்க்கிங் கேரேஜ் வழியாக பலர் பெரிய பைகளை எடுத்துச் செல்வதைக் கண்டதாக சாட்சிகள் தெரிவித்தனர், அதே நேரத்தில் திங்கள் கிழமை அதிகாலை முகமூடி அணிந்தவர்களுடன் ஒரு கருப்பு Audi SUV கார் வேகமாகச் செல்வதை பாதுகாப்பு கமராக்கள் படம்பிடித்துள்ளன.
1,1 மீட்டர் தடிப்பமான வலுவூட்டப்பட்ட கான்கிரீட் எவ்வாறு சத்தமின்றி உடைக்கப்பட்டது என்ற கேள்விகளும் எழுந்துள்ளன. 30 மில்லியன் என்பது வங்கி பொறுப்பேற்க வேண்டிய தொகை. கொள்ளையடிக்கப்பட்ட தரப்பினருக்கு ஏற்பட்ட உண்மையான சேதம் நிச்சயமாக மூன்று இலக்க மில்லியன் வரம்பில் உள்ளது. அதாவது 300 மில்லியன் டொலர்கள் என தெரிவிக்கப்படுகின்றது.
