வெளிநாட்டிலிருந்து இலங்கைக்கு வரும் பயணிகள் அனைவருக்கும் நேற்று முன் தினம் முதல் விசேட படிவம் வழங்கப்பட்டு வருவதாகச் சுகாதார அமைச்சு தெரிவித்துள்ளது.
கொரோனா வைரஸ் பரவியுள்ளதைத் தொடர்ந்து உலக சுகாதார நிறுவனம் அவசரநிலையை அறிவித்துள்ளமை காரணமாக, முன்னெச்சரிக்கை நடவடிக்கையாக ஒரு சில தகவல்களைப் பெறும் நோக்கில் இந்த நடவடிக்கை எடுக்கப்பட்டுள்ளதாக அமைச்சு தெரிவித்துள்ளது.
இதுவரை இந்தப் படிவம், சீனாவிலிருந்து வருவோருக்கு மாத்திரம் வழங்கப்பட்டு பூரணப்படுத்தப் பட்ட நிலையில், நேற்றுமுன்தினம் முதல் வெளிநாட்டிலிருந்து வரும் அனைத்துப் பயணிகளுக்கும் அதனை விநியோகிக்க நடவடிக்கை எடுத்துள்ளதாக சுகாதார சேவைகள் பணிப்பாளர் நாயகம் வைத்திய நிபுணர் அனில் ஜயசிங்க தெரிவித்தார்.
