கஜேந்திரகுமாா் பொன்னம்பலம் நோ்காணல்
தமிழ்த் தேசிய மக்கள் முன்னணியின் தலைவா் கஜேந்திரகுமாா் பொன்னம்பலம் அமெரிக்காவுக்கான ஒரு வார கால அரசியல் பயணம் ஒன்றை மேற்கொண்ட பின்னா் இப்போது நாடு திரும்பியுள்ளாா். தன்னுடைய அமெரிக்க விஜயம், ஜனாதிபதித் தோ்தல் போன்றவை குறித்து தாயகக் களம் நிகழ்வில் அவா் தனது கருத்துக்களை முன்வைக்கின்றாா்.
கேள்வி – அமெரிக்காவுக்கான உங்களுடைய விஜயம் யாருடைய அழைப்பின் பெயரில் இடம்பெற்றது. அங்கு நீங்கள் யாரை சந்தித்திருந்தீா்கள்?
பதில் – கடந்த நவம்பா் மாதம் அமெரிக்காவிலுள்ள இலங்கைத் தமிழ்ச் சங்கத்தின் அழைப்பு கிடைத்திருந்தது. அவா்களுடைய வருடாந்தப் பொதுக் கூட்டத்தில் பிரதான உரையை நிகழ்த்துமாறு அழைத்திருந்தாா்கள். அந்த நிகழ்வையொட்டி கணிசமான சந்திப்புக்களுக்கான ஏற்பாடுகள் அங்குள்ள தமிழா்களால் மேற்கொள்ளப்பட்டிருந்தது. ஆனால், எனக்கான வீசா தாமதமானதால் நேரடியாக நான் அங்கு செல்ல முடியவில்லை. அதற்காக ஏற்பாடு செய்யப்பட்டிருந்த சந்திப்புக்கள் தாமதமாகி இப்போதுதான் இடம்பெற்றது.
இந்தச் சந்திப்புக்களில் இராஜாங்கத் திணைக்களத்துடனான சந்திப்பு முக்கியமானது. அதேபோன்று செனட் சபையின் வெளிவிவகாரப் பிரிவின் நிா்வாகக் கட்டமைப்புடனும் சந்திப்பு இடம்பெற்றது. பிரதிநிதிகள் சபை வெளிவிவகார குழுவின் நிரந்திர அதிகாரிகளுடனான சந்திப்பு ஒன்றும் இடம்பெற்றது. இவற்றைவிட தமிழ் மக்கள் அதிகமாக வாழும் பகுதிகளில் உள்ள காங்கிரஸ் உறுப்பினா்களையும் சந்திக்க முடிந்தது. இராஜாங்கத் திணைகக்களத்தில் இரண்டுவிதமான சந்திப்புக்கள் இடம்பெற்றது. ஒன்று அதனுடைய அரசியல் பிரிவு. அதன் அதிகாரிகளையும் சந்திக்க முடிந்தது.
இராஜாங்கத் திணைக்களத்துக்கு கீழ் வரும் சா்வதேச குற்றவியல் பிரிவின் அதிகாரிகளுடனும் சந்திப்பு ஒன்று ஏற்பாடு செய்யப்பட்டது. விஷேடமாக பொறுப்புக்கூறல் தொடா்பாக எங்களுடைய கருத்துக்களைப் பதிவு செய்வதற்கு அவா்கள் விரும்பினாா்கள். அமெரிக்க நிலப்பரப்பைத் தாண்டி இடம்பெறக் கூடிய குற்றங்களை இந்தப் பிரிவுதான் கையாள்கின்றது.
கேள்வி – அமெரிக்காவின் வெளிவிவகாரக் கொள்கை வகுப்புடனும் செல்வாக்குச் செலுத்தக்கூடியவா்களை சந்தித்திருக்கின்றீா்கள்?
பதில் – இலங்கை தொடா்பாக குறிப்பாக ஈழத் தமிழா் விடயம் சாா்ந்து அமெரிக்க அணுகுமுறையில் மாற்றங்களை ஏற்படுத்த வேண்டுமானால், இந்தத் தரப்புக்கள் ஊடாகத்தான் செய்யமுடியும். அதற்காகத்தான் இந்தச் சந்திப்புக்களை மேற்கொண்டோம். இதற்கு மேலதிகமாக – வெள்ளை மாளிகையின் தேசிய பாதுகாப்புப் பிரிவு அதிகாரிகளுடனும் சந்திப்பை மேற்கொண்டிருக்கலாம். ஆனால், என்னுடைய இந்த விஜயத்தின் போது, அதற்கான வாய்ப்பு கிடைக்கவில்லை. எதிா்காலத்தில் அவா்களையும் சந்திப்பது பொருத்தமானதாக இருக்கும்.
கேள்வி – உங்களுடைய கருத்துக்களுக்கு அவா்களுடைய பிரதிபலிப்புக்கள் எவ்வாறானதாக இருந்தது? அவா்கள் எவ்வாறு செயற்படுவாா்கள் என நீங்கள் எதிா்பாா்க்கின்றீா்கள்?
பதில் – ஈழத் தமிழா்கள்பால அக்கறை கொண்ட தரப்புக்கள் என்றால், அமெரிக்கா தலைமையிலான மேற்கு நாடுகள். மற்றும் இந்தியா என்றுதான் நாம் எடுத்துக்கொள்ளலாம். ஆனால், அவா்கள் இலங்கையில் அதிகரித்துவரும் சீனாவின் மேலாதிக்கம், மற்றும் இலங்கையில் தமது நலன் சாா்ந்த முறையில் அணுகும் போக்கு ஒன்றை நாம் காண்கிறோம்.
விஷேடமாக சீனா 2005 ஆம் ஆண்டில் மகிந்த ராஜபக்ஷ ஜனாதிபதியாகிய காலத்திலிருந்து இந்தியா, அமெரிக்கா ஆகிய இந்த இரண்டு தரப்பும், இலங்கையில் சீனாவின் ஆதிக்கத்தைக் கட்டுப்படுத்தும் தன்மையுடன் செயற்படும் போக்கைத்தான் எம்மால் காணக்கூடியதாக இருக்கின்றது. இதனைத்தான் நாங்கள் புகோள அரசியல் என்று கடந்த பதினைந்து வருடங்களாக சுட்டிக்காட்டி வருகின்றோம். இவ்வாறான புகோள நலன்சாா்ந்த போட்டித் தன்மை இலங்கையில் உருவாகியிருந்தாலும் கூட, ராஜபக்ஷக்களைக் கட்டுப்படுத்துவதற்கும் ஆட்சி மாற்றங்களை ஏற்படுத்துவதற்கும் அமெரிக்காவின் தலைமையிலான மேற்கு நாடுகள், மனித உரிமைகள், சா்வதேச குற்றவியல் சாா்ந்த விடயங்களை கருவிகளாகப் பயன்படுத்தினாா்கள்.
இதற்கு உதாரணமாக, ஐ.நா. மனித உரிமைகள் பேரவையில் நிறைவேற்றப்பட்டுள்ள தீா்மானங்களை நாம் எடுத்துக்கொள்ளலாம். அதில் விமா்சனக்கண்ணோட்டம் ஒன்று இருந்தாலும் கூட, ஏதோ ஒரு வகையில் தங்கள் நலன்கள், அல்லது தாம் விரும்புகின்ற தரப்புக்களை ஆட்சிக்குக் கொண்டுவருவதற்கு தமிழா்களுக்குத் தேவைப்படுகின்ற பொறுப்புக் கூறல் விடயத்தை ஏதோ ஒரு வகையில் அவா்கள் பயன்படுத்தினாா்கள்.
சந்தா்ப்பங்கள் கிடைத்தபோது, தவறு பெரும்பாலும் தமிழா் தரப்பிடம்தான் இருந்தது என்பதுதான் எமது பிரதான குற்றச்சாட்டு. பொறுப்புக் கூறல் விடயத்தை பயன்படுத்தி இலங்கையில் இருக்கக்கூடிய அரசியலை தமது நலன்களுக்கு இந்தத் தரப்புக்கள் பயன்படுத்த முற்பட, நாங்கள் எங்களுடைய நலன்கள் சாா்ந்த விடயங்களில் இறுக்கமாக இருந்திருக்க வேண்டும்.
