காசாவில் பாலஸ்தீனியர் களுக்கு எதிராக இஸ்ரேல் இனப்படு கொலை செய்துள்ளது என்று ஐ.நா. விசாரணை ஆணையம் கடந்த செவ்வாயன்று(16) வெளி யிட்ட அறிக்கையில் தெரிவித் துள்ளது.
விசாரணைகளின்படி,2023 இல் ஹமாஸுடனான போர் தொடங்கியதிலிருந்து 1948 இன ப்படுகொலை மாநாட்டின் கீழ் வரையறுக்கப்பட்ட ஐந்து இனப்படுகொலை செயல்களில் நான்கை இஸ்ரேல் செய்துள்ளது. இவற்றில் கொலை, கடுமையான உடல் அல்லது மன ரீதியான தீங்கு விளைவித்தல், பாலஸ்தீனியர்களை முழுமையாகவோ அல்லது பகுதி யாகவோ அழிக்கும் நோக்கில் அவர்களுக்கு நெருக்கடியான வாழ்க்கை நிலைமைகளை திட்ட மிட்டு ஏற்படுத்துதல் மற்றும் பிறப்புகளைத் தடுப்பதற்கான நடவடிக்கைகளை விதித்தல் ஆகியவை அடங் கும்.
“காசாவில் இனப்படுகொலைக்கு இஸ் ரேல் பொறுப்பு என்று ஆணையம் கண்டறிந் துள்ளது” என்று ஐ.நா. அமைப்பின் தலைவர் நவி பிள்ளை ஜெனீவாவில் செய்தியாளர் கூட்டத்தில் தெரிவித்துள்ளார்.
“இனப்படுகொலை மாநாட்டின் அளவு கோல்களை பூர்த்தி செய்யும் செயல்கள் மூலம் காசாவில் பாலஸ்தீனியர்களை அழிக்கும் நோக்கம் உள்ளது என்பது தெளிவாகிறது.” “இந்த அட்டூழிய குற்றங்களுக்கு” “உயர் மட்டத்தில் உள்ள இஸ்ரேலிய அதிகாரிகளை” பிள்ளை குற்றம் சாட்டினார், அவர்கள் “காசாவில் பாலஸ்தீன குழுவை அழிக்கும் குறிப்பிட்ட நோக்கத்துடன் கிட்டத்தட்ட இரண்டு ஆண்டுகளாக ஒரு இனப்படுகொலை நடைவடிக்கையை திட்டமிட்டுள்ளனர்”. இனப்படுகொலைச் செயல்களில் ஈடுபட்டவர் களை விசாரிக்கவோ அல்லது வழக்குத் தொடரவோ இஸ்ரேலிய அதிகாரிகள் தவறி விட்டனர் என்றும் அவர் தெரிவித்துள்ளார்.
பாலஸ்தீனியர்கள் மீது பட்டினி மற்றும் மனிதாபிமானமற்ற வாழ்க்கை நிலைமைகளை சுமத்துதல் உட்பட காசாவில் இஸ்ரேலிய நடவடிக்கைகளை ஆய்வு செய்ததாக ஆணையம் கூறியுள்ளது, பாலஸ்தீனியர்களுக்கு எதிரான பாலியல் மற்றும் பாலின அடிப்படையிலான வன்முறையுடன் சுகாதாரம் மற்றும் கல்வியின் அழிவையையும் அது மேற்கோள்காட்டியது.
காசாவில் இனப்படுகொலையை முடிவு க்குக் கொண்டுவர இஸ்ரேலை ஆணையம் வலியுறுத்தியது மற்றும் ஆயுத பரிமாற்றங்களை நிறுத்தி இனப்படுகொலைக்கு உடந்தையாக இருக்கும் தனிநபர்கள் அல்லது நிறுவனங்கள் மீது வழக்குத் தொடர ஐ.நா. உறுப்பு நாடுகளுக்கு அழைப்பு விடுத்தது.
