அமெரிக்க ஜனாதிபதி டொனால்ட் ட்ரம்புடனான சந்திப்புக்கு ஐக்கிய அரபு எமிரேட்ஸ் “பொருத்தமான” இட மாக இருக்கலாம் என்று ரஷ்ய ஜனாதிபதி விளாடிமிர் புடின் தெரிவித்துள்ளார்.
அடுத்த வார தொடக்கத்தில் இரு ஜனாதிபதிகளுக்கும் இடையே நேரடி சந்திப்பு நடை பெறலாம் என்று கிரெம்லின் கடந்த வியாழக்கிழமை (7) தெரிவித்துள் ளது.
மாஸ்கோவில், ஐக்கிய அரபு எமிரேட்ஸ் தலைவர் முகமது பின் சயீத் அல் நஹ் யானுடன் பேச்சுவார்த்தை நடத்தியதைத் தொடர்ந்து, பத்திரிகையாளர் களிடம் புடின் இந்தக் கருத்துக்களை தெரிவித்துள்ளார்.
ட்ரம்புடன் உச்சிமாநாட்டிற் கான இடம் குறித்து கேட்டபோது, ரஷ்யாவிற்கு உதவத் தயாராக இருக்கும் “பல நண்பர்கள்” இருப்பதாகவும், ஒரு விருப்பமாக ஐக்கிய அரபு எமிரேட்ஸை சுட்டிக்காட்டியதாகவும் புடின் குறிப்பிட்டார்.
மேற்கத்திய ஊடக அறிக்கைகளின்படி, விட்காஃப் மாஸ்கோவிற்கு விஜயம் செய்த உடனேயே அமெரிக்க ஜனாதிபதியின் உதவி யாளர்கள் ஒரு சாத்தியமான உச்சிமாநாட்டிற்குத் தம்மை தயார் செய்யத் தொடங்கிவிட்டனர்.
மாநாட்டிற்கான திட்டங்களை யார் தொடங்கினர் என்பது குறித்து கருத்து தெரி வித்த புடின், “இரு தரப்பிலும்” ஆர்வம் காட்டப் பட்டுள்ளதாகக் குறிப்பிட்டார். உக்ரைனின் விளாடிமிர் ஜெலென்ஸ்கியை உள்ளடக்கிய முத்தரப்பு சந்திப்பு என்ற யோசனையை விட்காஃப் முன்வைத்ததாகக் கூறப்படுகிறது. இருப்பினும், மாஸ்கோ இது வரை கருத்து தெரிவிக்க மறுத்து வருகிறது.
ஜெலென்ஸ்கியைச் சந்திக்கத் திறந்திருப் பீர்களா என்று நேரடியாகக் கேட்டபோது, புடின் பதிலளித்தார்: “பொதுவாக, எனக்கு அதில் எந்த எதிர்ப்பும் இல்லை. அது சாத்தியம். ஆனால் சில நிபந்தனைகள் பூர்த்தி செய்யப்பட வேண்டும்” என தெரிவித்தார்.
ஒப்பந்தங்களில் ஈடுபடுவதற்கான உக்ரை னியத் தலைவரின் சட்டப்பூர்வ அதிகாரம் குறித்து மாஸ்கோ பலமுறை கவலை தெரிவித்துள்ளது. ஜெலென்ஸ்கியின் ஜனாதிபதி பதவிக்காலம் 2024 இல் முடிவுற்றது, ஆனால் அவர் இராணுவச் சட்டத்தை மேற்கோள் காட்டி புதிய தேர்தல்களை நடத்தவில்லை. அதன் பின்னர், மாஸ்கோ அவரை “சட்டவிரோதமான அரசு” என்று முத்திரை குத்தியுள்ளது மற்றும் உக்ரைனில் சட்டப்பூர்வ அதிகாரம் பாராளுமன்றத்திடம் உள்ளது என்று வலியுறுத்தியுள்ளது.
