எதிர்வரும் 12 ஆம் திகதி 2027ஆம் நிதியாண்டுக்கான தேசிய பாதீட்டுத்திட்டம் பாராளுமன்றத்தில் சமர்ப்பிக்கப்படவுள்ளதை முன்னிட்டு, இலங்கை பாராளுமன்றத்தில் விசேட பாதுகாப்பு ஏற்பாடுகள் அமுல்படுத்தப்படவுள்ளன.
பாராளுமன்ற உறுப்பினர்களுக்கு விடுக்கப்பட்டுள்ள அறிவித்தலுக்கு அமைய, பாராளுமன்ற உறுப்பினர்களின் ஓய்வறைகள் மற்றும் ஆடை மாற்றும் அறைகள் உட்பட முழு பாராளுமன்றக் கட்டடத் தொகுதியும் நவம்பர் 11 மற்றும் 12 ஆம் திகதிகளில் பாதுகாப்புச் சோதனைகளுக்கு உட்படுத்தப்படும்.
பாதீட்டுதிட்டம் உரையாற்றப்படும் தினத்தன்று கூடுதல் பாதுகாப்பு நடவடிக்கைகள் அமுல்படுத்தப்படுவதுடன், பாராளுமன்ற வளாகத்திற்குள் உள்ள அதிபாதுகாக்கப்பட்ட பகுதிகள் மற்றும் ஏனைய உணர்வுபூர்வமான இடங்களும் சோதனைக்கு உட்படுத்தப்படும்.
பொதுமக்களுக்கான பார்வையாளர் கூடம் அழைக்கப்பட்ட விருந்தினர்களுக்கு மட்டுமே வரையறுக்கப்படும் என்பதுடன், நிதி, திட்டமிடல் மற்றும் பொருளாதார அபிவிருத்தி அமைச்சினால் இதற்கான அழைப்பிதழ்கள் வழங்கப்படும்.
இதனிடையே, போக்குவரத்து காவல் துறையினரும் அருகிலுள்ள காவல் நிலையங்களும் இணைந்து பாராளுமன்றத்தைச் சுற்றியுள்ள பகுதிகளில் விசேட போக்குவரத்து முகாமைத்துவ திட்டத்தை அமுல்படுத்தவுள்ளனர்.
இந்த விசேட பாதுகாப்பு ஏற்பாடுகள் அமுல்படுத்தப்படும் போது, பாராளுமன்றச் சபைப்பீட தவிசாளருக்கும் பாதுகாப்புப் படையினருக்கும் முழு ஒத்துழைப்பு வழங்குமாறு அனைத்து பாராளுமன்ற உறுப்பினர்களும் கேட்டுக்கொள்ளப்பட்டுள்ளனர்.
