நட்டக் கணக்குடன் லாபம் ஈட்டும் தோட்ட கம்பனிகள் – மருதன் ராம்

பெருந்தோட்டத் தொழிலாளர்களாக அவர்கள் கடந்த 200 ஆண்டுகளாக அனுபவித்து வரும் இன்னல்களில் இருந்து விடிவின்றி, இன்றும் அதே நிலையிலேயே அவர்கள் இருக்கின்றனர். அவர்களுக்கான உரிமைகளை வழங்குவதில் பெருந்தோட்டக் கம்பனிகளும் அரசாங்கமும் போதிய கவனம் செலுத்தவில்லை என்பது தொடர்ச்சியாக முன்வைக்கப்படும் குற்றச்சாட்டாகவே மாறியுள்ளது.

அந்த மக்களுக்கான வாழ்வாதாரத்தை மாற்றுவதில், பெருந்தோட்டத் தொழிலாளர் களுக்கான வேதனம் ஒரு முக்கிய அம்சமாகும். அவர்களுக்கான வேதன உயர்வுக்காக பலரும் வாதங்களை முன்வைத்தாலும், அவை வெறும் பேச்சுக்களாகவே முடிவடைகின்றன. யார் என்ன கூறினாலும், பெருந்தோட்டக் கம்பனிகள் இணங்கினால் மட்டுமே அவர்களுக்கான வேதனத்தை அதிகரிக்க முடியும்.

வேதன விவகாரத்தில் பல வாக்குறுதிகளை வழங்கி, 159 பாராளுமன்ற ஆசனங்களுடன் ஆட்சி யமைத்துள்ள தேசிய மக்கள் சக்தி அரசாங்கம், பேச்சுவார்த்தைகள் நடைபெற்று வருகின்றன என மட்டுமே தெரிவிக்கிறது.

மறுபுறம், பெருந்தோட்டக் கம்பனிகள் தொடர்ச்சியாக நட்டத்தில் இயங்குகின்றன என் பதைக் காரணமாகக் காட்டி, பெருந்தோட்டத் தொழிலாளர்களின் வேதனம் உள்ளிட்ட ஏனைய சலுகைகளை வழங்குவதில் பின்னடைவாக செயல்படுகின்றன.

இவ்வாறான நிலையில், பெருந்தோட்டக் கம்பனிகள் நட்டத்தில் இயங்குகின்றன என்பது ஏற்றுக்கொள்ளக்கூடிய விடயமல்ல என பலரும் வெளிப்படுத்தியுள்ளனர்.தற்போது பெருந்தோட்டங்களை அரசும் தனியாரும் இணைந்து நிர்வகிக்கின்றனர். 22 பெருந்தோட்டக் கம்பனிகள் 453 பெருந் தோட்டங்களை நிர்வகித்து வருவதாக தெரி விக்கப்படுகிறது. இந்த 22 கம்பனிகளில் பெரும் பாலானவை தொடர்ச்சியாக நஷ்டத்தில் இயங்குகின்றன என்று கூறப்பட்டாலும், அதற் கான காரணங்களை ஒட்டியுள்ள விவாதங்கள் கடுமையாக நிலவுகின்றன.

இந்த விடயத்தில், பாராளுமன்ற விவாதம் ஒன்றின் போது கருத்துரைத்த முன்னாள் அமைச் சர் ஜீவன் தொண்டமான்,“19 பிராந்திய பெருந்தோட்டக் கம்பனி கள் சுமார் 16 வருடங்களாக நட்டத்தில் இயங்குகின் றன என்று அறிவித்தாலும், அவை அதிக இலாபத்தை பெற்றுள்ளன” எனக் கூறினார். அவர், கொழும்பு பங்கு பரிவர்த்தனை நிலையத்தின் தரவுகளை மேற்கோள்காட்டி,  “அக்கரப்பத்தனை பெருந்தோட்ட நிறுவனம் ரூ.1782 மில்லியன், பலாங்கொடை – ரூ.1343 மில்லியன், எல்பிட்டிய – ரூ.1830 மில்லியன், ஹப்புகஸ்தன்ன – ரூ.159 மில்லியன், ஹொரணை – ரூ.170 மில்லியன், கேகாலை – ரூ.689 மில்லியன் வருமானம் பெற்றுள்ளன” எனவும் உறுதிப் படுத்தினார்.

மேலும், முன்னாள் ஜனாதிபதி ரணில் விக்ரமசிங்க, தமிழ் முற்போக்கு கூட்டணியினர், மற்றும் தற்போதைய அரசாங்க உறுப்பினர்களும் இதே விடயங்களை உரைத்துள்ளனர். ஆனால் எவரும் அதற்கெதிரான தீர்வுகளை மேற்கொள் வதற்குத் தயாராக இல்லை.நட்டம் ஏற்படும் கம்பனிகளை அவர் கள் நடத்த வேண்டிய எந்த அவசியமும் இல்லை. அதனை அரசாங்கத்திடம் மீண்டும் ஒப்படைப் பதற்கான சட்ட அனுமதிகள் அவர்களிடம் உண்டு.

வெளியான உண்மை தரவுகள் கொழும்பு பங்கு பரிவர்த்தனை நிலையத்தின் தகவல்களுக்கு அமைய பெருந்தோட்ட கம்பனி கள் முன்வைக்கும் நட்ட கணக்கு உண்மையா? பொய்யா? என்பது புலனாகியுள்ளது.

2024 மார்ச் 31 ஆம் திகதியுடன் முடி வடைந்த 2023–2024 நிதியாண்டுக்கான பிராந்திய பெருந்தோட்ட நிறுவனங்களின் வருடாந்த அறிக்கைகளில், தோட்டக் கம்பனிகள் தங்களு டைய வருமான செலவுகளை வெளியிட்டுள்ளன.

ஆனால், 2022 முதல் 2024 மார்ச் வரையான காலப்பகுதியில் 19 பெருந்தோட்டக் கம்பனிகள் சுமார் 4022 கோடி ரூபா வருமானமாக பெற்றுள் ளன என்பது தெரியவந்துள்ளது. இதில் சுமார் நான்கு கம்பனிகள் மட்டுமே 213 கோடி ரூபா நட்டத்தை சந்தித்துள்ளன.

இதனடிப்படையில் பெரும்பாலான கம்பனிகள் இலாபத்தில் இயங்குகின்றன என்பது தெளிவாகிறது. இருந்தபோதிலும், தொழிலாளர்க ளின் வேதன உயர்வைச் சம்பந்தமாக கோரிக்கை விடுக்கும் சந்தர்ப்பங்களில், இந்தzelfde கம்பனிகள் தங்கள் கணக்குகளில் நட்டம் ஏற்பட்டுள்ளதாகக் காட்டுகின்றன.

இதேவேளை, மலையகத் தமிழ் சமூகத்துக் கான தேசிய மக்கள் சக்தியின் ஹட்டன் பிரகடனத் தில் தெரிவிக்கப்பட்டுள்ளது:

“தோட்டங்களை நிர்வகிக்கும் தற் போதைய முறை முற்றிலும் தோல்வியடைந் துள்ளது. அரச துறையை விட தனியார் நிறுவங் களால் தோட்டங்களை சிறப்பாக நிர்வகிக்க முடியும் என்ற தவறான எண்ணத்தில் 22 தோட்டங்கள் தனியார் கம்பனிகளிடம் ஒப் படைக்கப்பட்டன. துரதிருஷ்டவசமாக, இந்த கம்பனிகள் ஒன்றுமட்டும் முகாமைத்துவக் கோட்பாட்டைக் கொண்டு இயங்குகின்றன – அதாவது தொழிலாளர்களின் நிதி மற்றும் பிற உரிமைகளை பறித்து, இலாபத்தை அதிகரிக்க முயல்கின்றன. இதனால் தொழிலாளர்களுக்கு குறைந்த அளவிலான ஊதியம் வழங்கப்படுகிறது. நட்டம் ஏற்பட்டுள்ளதாக கூறும் இக்கம்பனிகள் அரசாங்க கணக்காய்வுக்கு உட்படுத்தப்பட வேண்டும். உண்மையில் நட்டமடைந்திருப்பின், தற்போது தோட்டங்களை குத்தகைக்கு பெற் றுள்ள நிறுவனங்களை மீளாய்வு செய்து, தொழிலாளர்களுக்கு நியாயமான வேதனம் வழங்கத் தயாராக உள்ள நிறுவனங்களிடம் ஒப் படைக்கப்படும்.”ஆனால், ஆட்சிக்கு வந்த பின், “1700 ரூபாய் வேதனத்தைப் பற்றிய பேச்சுவார்த்தைகள் நடைபெறுகின்றன” என்று அரசாங்கம் தெரிவித் தது.

வேதனப் பிரச்சினையில், முன்னையதும் தற்போதையதுமான ஆட்சியாளர்கள் மாறிமாறி போலி வாக்குறுதிகளை வழங்கி வருகின்றனர். இதன் ஒரு பகுதியாக, 2025 ஜூலை 22 அன்று, பாராளுமன்றத்தில் உரையாற்றிய தேசிய மக்கள் சக்தியின் உறுப்பினர் கிட்ணன் செல்வராஜ்,

“பெருந்தோட்டத் தொழிலாளர்களுக்கு நாளொன்றுக்கு ரூ.2000 வேதனம் வழங்கப்படும்”

என்று குறிப்பிட்டார்.

அதனைத் தொடர்ந்து, தற்போதைய நிலைமையில் ரூ.1700-க்கு பேச்சுவார்த்தை நடை

பெறுகிறது; அதன் பின்னர் ரூ.2000-க்கு முன் னேறும் எனவும் தெரிவிக்கப்பட்டது.

அதேநேரம், 2025 ஜூலை 23 அன்று, பெருந்தோட்டத் தொழிலாளர்களின் நாளாந்த அடிப்படை வேதனத்தை ரூ.1700 ஆக உயர்த்தும் எதிர்கட்சியினர் முன்வைத்த பிரேரணையை அரசாங்கம் நிராகரித்தது.

இதன் விளைவாக, பெருந்தோட்ட மக்களின் நலனில் அரசாங்கத்தின் உண்மையான நிலைப்பாடு என்னவென்பது வெளிப்படையா கத் தெரிவிக்கப்பட வேண்டும்.

மேலும், தற்போது தோட்டங்களை குத்தகைக்கு பெற்றுள்ள கம்பனிகளை கணக் காய்வுக்குட்படுத்தி, அவற்றின் வருமானங்கள் மற்றும் சொத்துகள் தொடர்பான தகவல்களை வெளிக்கொணர வேண்டும். இதனடிப்படையில், இலாபங்களை மறைக்கும் கம்பனிகளுக்கு எதி ராக சட்ட நடவடிக்கை எடுக்கப்படும் வாய்ப்பு உருவாகும்.

முடிவில், பெருந்தோட்ட மக்களுக்கு அளிக்கப்பட்ட வாக்குறுதியின் அடிப்படையில், ஜனாதிபதி அனுரகுமார திசாநாயக்க தலைமையி லான அரசாங்கம், “தொழிலாளர்களை சுரண்டும் கம்பனிகளுக்கு எதிராக சட்டத்தை நடைமுறைப் படுத்தி, தொழிலாளர்களுக்கான நியாயமான உரிமைகளை வழங்க வேண்டும்.”

பெருந்தோட்ட கம்பனிகளின் அதிகார த்துக்கு உட்பட்டு செயற்படும் அரசாங்கத்தின் கொள்கையில் மாற்றத்தை ஏற்படுத்தும் அதே சந்தர்ப்பத்தில், பிராந்திய பெருந்தோட்ட கம்பனிகளை கண்காணிப்பதற்கான புதிய பொறி முறையை உருவாக்கவும் வேண்டும்.