“இது நடக்குமா?” என்ற பலரது கேள்வி களுக்கு மத்தியில் தமிழ்ப் பொது வேட்பாளா் ஜனாதிபதித் தோ்தல் களத்தில் இறக்கப் பட்டிருக்கின்றாா். தமிழ்த் தேசியத்தின் அடை யாளமாக அவா் இருப்பாா். இதற்கு பிரதானமாக இரண்டு நோக்கங்கள் உள்ளன. ஒன்று – சிங்கள வேட்பாளா்களை நிராகரிப்பது. இரண்டு – தமிழ் மக்களுடைய பிரச்சினைகள் தீா்க்கப்படவில்லை என்பதை வெளிப்படுத்துவது.
இந்தக் கருத்தியலுடன் இணங்கிப்போன வா்கள் சுமாா் நான்கு மாத காலத்துக்கும் அதி கமாக மேற்கொண்ட முயற்சியின் இறுதியில் மட்டக்களப்பு மாவட்ட முன்னாள் நாடாளுமன்ற உறுப்பினா் பா.அரியநேத்திரன் பொது வேட் பாளராகத் தெரிவாகியிருக்கின்றாா்.
அரியநேத்திரனின் தெரிவு என்பது தமிழ் மக்கள் பொதுக் கட்டமைப்பின் நிகழ்ச்சி நிரலின் முதலாவது கட்டம்தான். இதனையடுத்து முக்கியமான பல கட்டங்கள் உள்ளன. தோ்தல் விஞ்ஞாபனம் தயாரித்து வெளியிடு வது, மக்கள் மத்தியில் பரப்புரைகளை முன் னெடுப்பது, அதன்மூலம் மக்களுடைய ஆதர வைப் பெற்றுக்கொள்வது என பல பணிகள் தொடா்ச்சியாக காத்திருக்கின்றன.
தமிழ்ப் பொதுக் கட்டமைப்பில் அதற்கான குழுக்களும் அமைக்கப்பட்டிருப்பதால், அவற்றை அவா்கள் முன்னெடுப்பாா்கள் என்று எதிா்பாா்க்க லாம். பொது வேட்பாளா் இரண்டு பக்க நெருக்கடிகளை எதிா்கொள்ள வேண்டியவராக இருப்பாா். சிங்கள வேட்பாளா்கள் யாருமே தமிழ் வேடட்பாளரின் வருகையை ரசிக்கப்போவ தில்லை.
அதேவேளையில், தமிழ்த் தேசியத்தைப் பேசிக்கொண்டே பொது வேட்பாளருக்கு எதிரான கருத்துக்களைப் பரப்புபவா்களைக் கையாள்வதும் கடினமான ஒரு பணியாகத்தான் இருக்கப் போகின்றது.குறிப்பாக தமிழ்த் தேசிய மக்கள் முன்னணி இதற்கு எதிராக கடுமையான நிலைப் பாட்டை எடுத்திருக்கின்றது. அதற்காக அவா்கள் முன்னெடுக்கும் பப்புரைகள் எழுந்தமான மான குற்றச்சாட்டுக்களாகவும் உள்ளன. குறிப்பாக மற்றொருவருடைய நிகழ்ச்சி நிரலுக்காகத்தான் இவ் வாறு பொது வேட்பாளா் களமிறக்கப்படுகின்றாா் என்ற கருத்து அவா்களால் முன்வைக்கப்பட்டாலும், அதற்கான ஆதாரங்கள் அவா்களிடம் இல்லை.
ஆதாரங்கள் இல்லாமல் குற்றச்சாட்டுக் களை முன்வைப்பது தமிழ்த் தேசிய மக்கள் முன்னணியின் வழமையான அரசியல்தான். தமிழ்த் தேசியத்தை தீவிரமாகப் பேசிக்கொண்டு, இவ்வாறான குற்றச்சாட்டுக்களை முன்வைக்கும் போது மக்கள் அவற்றை நம்புவாா்கள் என்று அவா்கள் எதிா்பாா்க்கின்றாா்கள். தமிழ்த் தேசிய மக்கள் முன்னணி என்பது உண்மையில் அகிய இலங்கை தமிழ்க் காங்கிரஸ்தான். தோ்தல்களில் போட்டியிடும் போது அந்தக் கட்சியின் சின்னத்தில் தான் அவா்கள் போட்டியிடுகின்றாா்கள்.
அதேவேளையில், இலங்கை வரலாற்றில் ஜனாதிபதித் தோ்தல் ஒன்றில் முதன் முதலாகப் போட்டியிட்ட தமிழா் என்ற ”பெருமை” தமிழ்க் காங்கிரஸின் தலைவராக இருந்த குமாா் பொன்னம் பலத்துக்குத்தான் இருக்கின்றது. இலங்கையின் இரண்டாவது குடியரசு அரசியலமைப்பின்படி இடம்பெற்ற முதலாவது ஜனாதிபதித் தோ்தலும் அதுதான். அப்போது தமிழ் மக்களின் ஏகோபித்த பிரதிநிதிகளாக இருந்த தமிழா் விடுதலைக் கூட் டணி அத்தோ்தலைப் புறக்கணிக்கத் தீா்மானித்திருந்தது. மறுபுறத்தில் தமிழ்க் காங்கிரஸ் தலை வா் குமாா் பொன்னம்பலம் தமிழ் வாக்குகளைக் குறிவைத்து ஜனாதிபதித் தோ்தலில் போட்டியிட்டாா்.
குமாா் பொன்னம்பலம் எவ்வளவு வாக்கு களைப் பெற்றாா் என்பது வேறுவிடயம். அதுகுறித்து இப்போது ஆரயத் தேவையில்லை. ஜனாதிபதியாக வரமுடியும் என்ற நம்பிக்கையுடன் அவா் களத்தில் குதிக்கவும் இல்லை. தமிழ் மக்களுடைய அபிலா ஷைகளை வெளிப்படுத்துவதற்காகத்தான் அவா் அப்போது களமிறங்கியிருந்தாா். ஆக, ஒரு வகையில் பாா்த்தால், தமிழ்ப் பொது வேட்பாளா் என்ற கருத்தியலுக்கு தமிழ்க் காங்கிரஸ்தான் முன்னோடியா என்ற கேள்வியும் எழுகின்றது. இப்போது, தோ்தல் புறக்கணிப்பு என்ற கோஷத்து டன் களமிறங்கியிருக்கும் தமிழ்த் தேசிய மக்கள் முன்னணி, தமிழ்ப் பொது வேட்பாளரை விமா்சிக்கும் கருத்துக்களையே அதிகளவில் முன்வைக்கின் றது என்பது ஒரு முரண்நகையான விடயம்தான்.
மறுபுறத்தில் தமிழரசுக் கட்சி பொது வேட்பாளா் விடயத்தில் அதிகார ரீதியாக எந்த முடிவையும் இதுவரை எடுக்கவில்லை. 11 ஆம் திகதி ஞாயிற்றுக்கிழமைதான் தமிழரசுக் கட்சியின் மத்திய குழு இதனைத் தீா்மானிப்பதற்காகக் கூடவிருக்கின்றது. ஆனால், தமிழரசுக் கட்சியின் நாடாளுமன்ற உறுப்பினா்களான சுமந்திரனும், சாணக்கியனும் இதற்கு எதிரான தீவிர பரப்பு ரைகளை ஏற்கனவே ஆரம்பித்துவிட்டாா்கள். தமிழரசுக் கட்சியின் தலைவா் மாவை சேனாதி ராஜா, புதிய தலைவராகத் தெரிவான சிறிதரன் ஆகியோா் பொது வேட்பாளருக்கு ஆதரவான கருத்தையே கொண்டிருக்கின்றாா்கள். பல பொது நிகழ்வுகளிலும் அதனை அவா்கள் வெளிப் படுத்தியிருந்தாா்கள்.
இந்த நிலையில் தமிழரசுக் கட்சியின் முக்கிய பிரமுகா் ஒருவரையே பொது வேட் பாளராக களமிறங்கியிருப்பது தமிழரசுக் கட்சிக்கு நெருக்கடியைக் கொடுத்திருக்கின்றது. அரியநேத்திரன் தமிழரசுக் கட்சியின் மத்திய குழு உறுப்பினராகவும் இருக்கின்றாா். அந்தப் பொறுப்பிலிருந்து அவரை வெளியேற்றும் முடிவை தமிழரசுக் கட்சி எடுக்கலாம். அவ்வாறான ஒரு முடிவை தமிழரசுக் கட்சி எடுத்தால் யாரை அவா்கள் ஆதரிக்கப்போகின்றாா்கள் என்பதையும் வெளிப்படையாகச் சொல்ல வேண்டும்.
போா் முடிவுக்கு வந்த பின்னா் இடம் பெற்ற மூன்று ஜனாதிபதித் தோ்தல்களிலும், ராஜபக்ஷக் களைத் தோற்கடிக்க வேண்டும் என்பதற்காக அடுத்ததாக இருந்த சரத் பொன்சேகா, மைத்திரிபால சிறிசேன, சஜித் பிரேமதாச ஆகியோருக்கு தமிழா் கள் வாக்களித்தாாா்கள். இவா்களில் மைத்திரி மட்டும்தான் வெற்றி பெற்றாா். அவரது வெற்றிக்கு தமிழ் வாக்குகுள்தான் காரணமாக இருந்தன என்பது அனைவருக்கும் தெரியும்.
இரண்டு பிரதான கட்சிகளாக இருந்த ஐ.தே.க.வும், ஸ்ரீலங்கா சுதந்திரக் கட்சியும் இணைந்து அமைத்த ஆட்சி அது. எதிா்க் கட்சித் தலைவா் என்ற அந்தஸ்த்தும் தமிழ்த் தேசியக் கூட்டமைப்புக்கு வழங்கப்பட்டது. எதிரணிகள் மிகவும் பலவீனமாகவே இருந்தன. அந்த நிலை யில் கூட, தமிழா்களின் அபிலாஷைகளை நிறைவு செய்யக்கூடிய ஒரு தீா்வை மைத்திரி – ரணில் அரசினால் வழங்க முடியவில்லை. சுமாா் நான்கு வருட காலம் புதிய அரசியலமைப்பு உருவாக்கம் என்று காலம் இழுத்தடிக்கப்பட்டதுதான் மிச்சம்.
தமிழ்ப் பொது வேட்பாளா் களமிறக்கப் படுகின்றாா் என்றவுடன், மூன்று பிரதான வேட்பாளா்களுமே வடக்கு கிழக்கில் தமது பயணங்களை முன்னெடுக்கின்றாா்கள். தமிழ் மக்களுடைய வாக்குகள் தமக்கு அவசியம் என்பதை அவா்கள் உணா்கின்றாா்கள். ஆனால், ஏற்கனவே அரசியலமைமப்பில் இருக்கின்ற 13 க்கு மேலாகச் செல்வதற்கு அவா்களில் யாரும் தயாராகவில்லை. அதனைவிட, மாகாண சபைத் தோ்தல் சட்டம் திருத்தப்பட்டு அதற்கான தோ்தல் தான் “மீண்டும் பதவிக்கு வந்தவுடன் நடத்தப்படும்” என்கிறாா் ஜனாதிபதி ரணில்.
மாகாண சபைத் தோ்தலை இழுத்தடிப் பதற்கு வழியேற்படுத்தியவா்களே ரணிலும், சுமந்திரனும்தான். ஏற்கனவே இருந்ததை எடுத்து விட்டு, மீண்டும் தருவதாக வாக்குறுதியளிப்பது தமிழா்களை அடிமட்ட முட்டாள்களாகக் கரு திச் செயற்படும் ஒரு உபாயம்தான். அதே இருவரும்தான் இப்போது மாகாண சபைத் தோ்தல் நடைபெறும் என்று அறிக்கைகளை வெளியிட்டடுக்கொண்டிருக்கின்றாா்கள். மற்றொரு வகையில் பாா்த்தால் ஏற்கனவே இருந்த மாகாண சபைதான் இவா்களின் தீா்வு. அதுவும் 13 மைனஸ்தான்!
இந்தப் பின்னணியில்தான் தமிழ்ப் பொது வேட்பாளா் ஒருவா் அவசியமாகின்றாா். அரயநேத்திரன் 2004 விடுதலைப் புலிகளால் அரசியலுக்குள் கொண்டுவரப்பட்டவா். முன்னாள் பத்திரிகையாளா்.
“தமிழ்த் தேசியத்துக்கான குறியீடாகவே நான் ஜனாதிபதித் தேர்தலில் போட்டியிடுகிறேன்.நான் வெறும் அடையாளம் மட்டுமே. இலங்கை ஜனநாயக சோசலிச குடியரசின் ஜனாதிபதியாக வருவதற்காக நான் தேர்தலில் போட்டியிடவில்லை” என்று மிகவும் நிதான மாகவே அரியநேத்திரன் தனது தோ்வு குறித்து கருத்து வெளியிட்டிருக்கின்றாா். தமிழ்ப் பொது வேட்பாளா் விடயத்தில் முதலாவது கட்டம் வெற்றிகரமாக நிறைவேற்றப் பட்டுள்ளது.
