கேள்வி – ஜனாதிபதி ரணில் விக்கிரமசிங்கவின் இந்த விஜயம் தோ்தலை இலக்காகக் கொண்டதாகத்தான் நீங்கள் பாா்க்கின்றீா்களா?
பதில் – வெளிப்படையாகப் பாா்க்கும்போது அவ்வாறுதான் தோன்றுகின்றது. இந்த வருடம் தோ்தல் ஆண்டாக இருக்கும் எனக்கூறப்படுவதன் அடிப்படையிலும், அது தொடா்பான உரையாடல்கள் தென்னிலங்கையில் இடம்பெறுகின்ற நிலைமையிலும், இது தோ்தலுக்கான உத்தியாகவே தெரிகின்றது. அதேவேளையில், இங்கு இடம்பெற்ற உரையாடல்களைப் பாா்க்கின்ற போது, தோ்தலுக்கான அணுகுமுறைகள் இங்கு பிரதிபலிக்கின்றதா என்ற கேள்வியும் இங்கு எழுகின்றது.
அதேவேளையில் ரணில் விக்கிரமசிங்க தொடா்பாக ஒரு நீண்ட அனுபவத்தையும் வடக்கு கிழக்கு தமிழா்கள் கொண்டிருக்கின்றாா்கள். அதனால், இது எவ்வாறு தோ்தலுக்கான வாக்குகளாக அமையும் என்ற கேள்விக்குள்ளாலும் பாா்க்க வேண்டிய ஒரு தேவைப்பாடு இருக்கின்றது. வெளிப்படையாகப் பாா்க்கும் போது இது தோ்தலை இலக்காகக் கொண்ட ஒரு நகா்வாகப் பாா்க்கப்பட்டாலும், இது தோ்தலுக்கான ஒரு அணுகுமுறையா என்ற கேள்வி இலங்கையின் அரசியல் பாரம்பரியத்திலிருந்து எழுப்பப்படக்கூடிய ஒன்றாகவே இருக்கின்றது.
கேள்வி – ஜனாதிபதித் தோ்தல் செப்டம்பா் மாதத்தில்தான் நடைபெறும் எனத் தெரிவிக்கப்பட்டிருக்கின்றது. இன்னும் சுமாா் ஒன்பது மாத காலம் இருக்கும் நிலையில், இப்போதே களத்தில் இறங்கி இவ்வாறான காய் நகா்த்தல்களை ஜனாதிபதி முன்னெடுக்க வேண்டிய தேவை என்ன இருக்கின்றது?
பதில் – இதில் ஒரு விடயம் தெளிவாகத் தெரிகின்றது. தமிழ் மக்கள் எவ்வாறான எதிா்பாா்ப்பைக் கொண்டிருக்கின்றாா்கள் என்பதை நாடி பிடித்துப் பாா்ப்பதற்கான அணுகுமுறையாகக்கூட இதனைப் பாா்க்க முடியும். சந்திப்புக்களையும், சந்திப்புக்களுக்குப் பின்னால் இருந்த நகா்வுகளையும் பாா்க்கும் போது அவ்வாறுதான் தெரிகின்றது. தென்பகுதியில் காணப்படும் எதிா்ப்புக்கள், அதிகளவு வேட்பாளா்கள் களமிறங்கக்கூடும் என்ற எதிா்பாா்ப்பு என்பவற்றுடன் கடந்த ஜனாதிபதித் தோ்தலில் சஜித் பிரேமதாஸவுக்கு தமிழ் மக்கள் அதிகளவுக்கு வாக்களித்திருந்தமை போன்ற காரணங்கள் இப்போதே தமிழ் மக்களை நோக்கி ரணில் வருவதற்குக் காரணமாக இருக்கலாம்.
இன்னொரு வகையில் வடபகுதி மக்கள் எதிா்ப்புக்களை அதிகளவுக்கு வெளிப்படுத்த முடியாத சூழ்நிலையில், அவ்வாறான எதிா்ப்புக்கள் தடுத்து நிறுத்தப்பட்டிருந்த சூழ்நிலையையும் அவதானிக்கக்கூடியதாக இருந்தது. குறிப்பாக தோ்தலுக்கானது போன்ற பிரசார உத்திகள், சலுகைகள் குறித்த அறிவிப்புக்கள் போன்றன முதன்மைப்படுத்தப்படாத ஒரு விஜயமாகத்தான் ரணில் விக்கிரமசிங்கவின் வடக்கு விஜயத்தை பாா்க்கக்கூடியதாக இருந்தது.
கேள்வி – யாழ்ப்பாணத்தில் நடைபெற்ற சந்திப்பு ஒன்றிக்போது, அரசியல் தீா்வு குறித்தோ, அல்லது தமிழ்த் தரப்பினரால் முன்வைக்கப்படும் கோரிக்கைகள் தொடா்பாகவே தான் அதிகளவுக்கு கவனம் செலுத்தவில்லை என்றும், பொருளாதார விடயங்களிலேயே கவனம் செலுத்துவதாகவும் ஜனாதிபதி தெரிவித்திருந்தாா். இதற்கு காரணம் என்ன?
பதில் – ரணில் விக்கிரமசிங்கவைப் பொறுத்தவரையில், எமது பிரச்சினைகளுடன் நன்கு பரீட்சயமான முதிா்ந்த ஒரு தலைவா் என்ற முறையில், அவரது அனுபவம் அரசியல் விடயங்களைத் தவிா்த்து இயங்குவதற்கான செய்முறை ஒன்றை அவா் கண்டுகொண்டிருக்கலாம். இரண்டாவதாக, இனப் பிரச்சினைக்கு தென்னிலங்கை பொருளாதாரத் தீா்வுகள் ஊடாக நகா்த்துதல் என்பது அதன் கொள்கையாகவும் உத்தியாகவும் அது எப்போதுமே பின்பற்றியிருக்கின்றது.
பொருளாதார ரீதியான அணுகுமுறை அல்லது அதற்கான வாய்ப்புக்களை வடக்கு கிழக்குத் தமிழா்களுக்கு வழங்குவதன் ஊடாக இதற்கான தீா்வு குறித்து அல்லது அரசியல் முக்கியத்துவம் தொடா்பில் அல்லது அவா்களுடைய இருப்பு தொடா்பில் அவா்கள் காட்டுகின்ற முக்கியத்துவத்தை பெருமளவுக்கு பலவீனமான சூழலுக்குள் கொண்டு செல்வதற்கான உத்திகளும் இந்த இடத்தில் முதன்மையானவையாகவே இருந்திருக்கிறது.
பொருளாதார ரீதியான நெருக்கடிதான் உண்மையில் இலங்கையின் நெருக்கடி என்ற ஒரு பிம்பத்தை காட்டிக்கொள்வதையும் இந்த அணுகுமுறை கொண்டிருக்கின்றது. இந்தப் பிரச்சினை அரசியல் தளத்தில் இருந்துதான் எழுந்தது என்பதை அவா் கோடிட்டுக் காட்டத் தவறியிருந்தாா். இது தெரியாத விடயமல்ல. அரசியல் ரீதியான பிரச்சினைதான் இந்தப் பொருளாதாரப் பிரச்சினைக்கான அடிப்படை என்பதை அவா் தெரிவிக்கவில்லை.
கேள்வி – தன்னுடைய கட்சியான ஐ.தே.க. வினருடன் அவா் நடத்திய சந்திப்பின் போது தற்போதைய அரசியலமைப்பின்படி தீா்வு காணப்படும் என ஜனாதிபதி கூறியிருந்தாா். அது குறித்த உங்கள் பாா்வை என்ன?
பதில் – ஜனாதிபதியும் அவா் சாா்ந்தவா்களும் 13 ஆவது திருத்தத்துக்கு உட்பட்ட ஒரு தீா்வைத்தான் பெருமளவுக்கு வலியுறுத்துவதாகத் தெரிகின்றது. 35 வருடங்களுக்கு முன்னா் உருவாக்கப்பட்ட ஒரு விடயத்தை இன்னமும் நடைமுறைப்படுத்தப்படாத ஒரு அரசியலமைப்பைத்தான் நாம் இலங்கையில் காண்கிறோம். இலங்கையின் அரசியல் அரசியலமைப்புக்கு வேறுபட்ட நிலையில் இயங்குகின்றது என்பதற்கு இது ஒரு உதாரணமாக இருக்கின்றது. இலங்கையின் அரசியல் பரப்பு அரசியலமைப்புக்கு முற்றிலும், வேறுபட்ட விதத்தில் இயங்குகின்றது என்பதற்கு இது ஒரு சிறந்த உதாரணம்.
ஆகவே, அரசியல் யாப்பை முன்னிறுத்துவதும் அதற்குரிய விடயங்களை வெளிப்படுத்துவதும், அது தொடா்பான விடயங்களை முன்னிறுத்தி தங்களுடைய தங்களுடைய வாக்குகளை அல்லது அரசியல் இருப்புக்களை உத்தரவாதப்படுத்துவதென்பது இலங்கையில், கடந்த காலம் முழுவதுமே நாம் அனுபவித்திருக்கின்ற விடயம்தான். வடக்கு கிழக்கு தமிழா்களுக்கு இத புதிய விடயமல்ல. மரபாா்த்த அவா்கள் குறிப்பிடுகின்ற விடயம்தான். அதாவது, இது தோ்தல் காலப்பகுதிகளில் அவா்கள் குறிப்பிடுகின்ற ஒன்றுதான்.
அரசியலமைப்புக்கு உட்பட்டதாக தீா்வு முன்வைக்கப்படும் என்பது அவா்கள் வழமையாகச் சொல்கின்ற விடயம்தான். அதாவது, அரசியலமைப்பில் உள்ள ஒரு விடயம் கடந்த 35 வருட காலமாக நடைமுறைப்படுத்தப்படாமலிருக்கின்றது என்பது முதன்மையாகப் புரிந்துகொள்ள வேண்டிய ஒரு அம்சம். ஒவ்வொரு தோ்தல் காலங்களிலும் ஜனாதிபதிகள் அல்லது ஜனாதிபதி வேட்பாளா்கள் முதன்மைப்படுத்துகின்ற ஒரு அம்சமாக இதனை நாம் நோக்கவேண்டியிருக்கின்றது.
கேள்வி – 13 ஆவது திருத்தம் தொடா்பாக குறிப்பிட்டிருந்தீா்கள். ஜனாதிபதியும் கடந்த வருடத்திலேயே அதனைக் குறிப்பிட்டிருந்தாா். அதற்கு பாராளுமன்றத்தின் அங்கீகாரம் அவசியம் என்றும் அவா் தெரிவித்திருந்தாா். பாராளுமன்ற அங்கீகாரம் இதற்கு உண்மையில் தேவைதானா?
பதில் – உண்மையில் போலியான ஒரு அரசியல் பிப்பத்தை ஏற்படுத்துவதற்கான செய்முறைதான் இவை. இந்த 13 ஆவது திருத்தம் 1987 இல் நடைமுறைப்படுத்தக்கூடிய ஒன்றாக பாராளுமன்றத்தின் அங்கீகாரத்துடன் அதன் பிரயோகம் காணப்பட்டது என்பது அனைவருக்கும் தெரிந்த ஒரு விடயம். அது அங்கீகரிக்கப்பட்ட ஒரு விடயமும் கூட. இப்போது அதனை முழுமையாக நடைமுறைப்படுத்துவதற்கு பாராளுமன்றத்தின் அங்கீகாரத்தைப் பெற வேண்டும் என்று சொல்லது, அதனை இல்லாமல் செய்வதற்கான ஒரு செயல்முறையாகவே தோன்றுகின்றது.
இது வெறுமனே இலங்கையுடன் சம்பந்தப்பட்டதாக இல்லாமல், இந்தியாவுடன் தொடா்புபட்ட ஒன்றாகவும் இருப்பது இதன் முக்கியத்துவத்தை மேலும் அதிகரிப்பதாகவும் இருக்கின்றது.
