பெரமுன கட்சியின் உறுப்பினர்களை அவர் பத்தரமுல்லையில் உள்ள கட்சித் தலைமையகத்தில் நேற்று சந்தித்துப் பேசினார். இதன்பின்னர் செய்தியாளர்கள் எழுப்பிய கேள்விக்கு அவர் அளித்த பதில் அப்படியே வருமாறு,
கேள்வி – முக்கிய விடயங்கள் ஏதும் பேசப்பட்டதா ?
பதில் – எந்நாளும் விசேட பேச்சுகள்தான்
கேள்வி – பேச்சில் எவ்விடயங்கள் பற்றி பேசினீர்கள்?
பதில் – அரசியல் தரப்பினர் எதிர்கொண்டுள்ள பிரச்னைகள், எதிர்காலத்தில் இடம்பெறவுள்ள தேசிய தேர்தல்களை எதிர்க்கொள்வது உள்ளிட்ட பல விடயங்கள் பற்றி பேசினோம்.கட்சியின் தேசிய அமைப்பாளர் பஸில் ராஜபக்ஷ இன்னும் இரு வாரங்களில் நாட்டுக்கு வருவார். அதன் பின்னர் அரசியல் கூட்டணி பற்றி கலந்துரையாடுவோம்.
கேள்வி – ரணில் விக்கிரமசிங்க, நாமல் ராஜபக்ஷ, பஸில் ராஜபக்ஷ ஆகியோரில் யார் சிறீ லங்கா பொதுஜன பெரமுனவின் ஜனாதிபதி வேட்பாளர் ?
பதில் – யாரை ஜனாதிபதி வேட்பாளராக களமிறக்க வேண்டும் என்பதை கட்சியின் நிறைவேற்று சபையே தீர்மானிக்கும். ரணில் விக்கிரமசிங்க எமது கட்சியின் உறுப்பினரல்ல, எமது கட்சியில் போட்டியிடுவதா இல்லையா என்பதை அவர் முதலில் தீர்மானிக்கவேண்டும்.
கேள்வி – உங்களை போன்று நாமல் ராஜபக்ஷவும் தற்போது விகாரைகளுக்கு செல்கிறார் ?
பதில் – தந்தை சென்ற பாதையில்தான் மகனும் செல்ல வேண்டும். அவர் பௌத்தர் ஆகவே விகாரைகளுக்கு செல்கிறார்.
கேள்வி – சபாநாயகருக்கு எதிராக ஐக்கிய மக்கள் சக்தியினர் நம்பிக்கையில்லா பிரேரணை கொண்டு வரவுள்ளனரே?
பதில் -சபாநாயகரை நாங்கள் பாதுகாப்போம். நம்பிக்கையில்லா பிரேரணையை நிச்சயம் தோற்கடிப்போம்.
