கடந்த ஜூன் 18 ஆம் திகதி வந்த பாகிஸ்தான் கடற்படைக் கப்பல் (பிஎன்எஸ்) ‘திப்பு சுல்தான்’ தனது பயணத்தை முடித்துக்கொண்டு இலங்கையை விட்டுப் புறப்பட்டது.
PNS ‘திப்பு சுல்தான்’ SLNS கஜபாஹுவுடன் ஒரு வெற்றிகரமான கடவுப் பயிற்சியை (PASSEX) நடத்தியதாகவும் இலங்கை கடற்படை தெரிவித்துள்ளது.
PASSEX கட்டமைப்புகள் மற்றும் கப்பல் சூழ்ச்சிகளில், தகவல் தொடர்பு பயிற்சிகள் நடத்தப்பட்டன, மேலும் இது வழக்கமான உற்சாக கப்பல் வணக்கத்துடன் நிறைவுற்றது.
இதேவேளை, பாகிஸ்தான் கடற்படைக் கப்பலின் கட்டளை அதிகாரி கெப்டன் ஜவ்வாத் ஹுசைன், மேற்கு கடற்படைத் தளபதி ரியர் அட்மிரல் சுரேஷ் டி சில்வாவை கட்டளைத் தலைமையகத்தில் வைத்துச் சந்தித்தார்.
மேலும், PNS ‘திப்பு சுல்தான்’ குழுவினர், இரு கடற்படைகளுக்கும் இடையே நட்புறவை மேம்படுத்தும் நோக்கில், இலங்கை கடற்படையால் ஏற்பாடு செய்யப்பட்ட நட்பு கைப்பந்து போட்டியில் கலந்து கொண்டனர்.
கப்பல் கொழும்பில் தங்கியிருந்த போது, இலங்கை கடற்படையினர் PNS ‘திப்பு சுல்தான்’ க்கு விஜயம் செய்தனர், அங்கு அவர்களுக்கு கப்பலின் செயற்பாட்டு திறன்கள் குறித்து விளக்கப்பட்டது.
மேலும், பாகிஸ்தான் கடற்படைக் கப்பலின் பணியாளர்கள் சில சுற்றுலாத் தலங்களையும் பார்வையிட்டனர்.
பிராந்திய கடற்படைகளுக்கிடையிலான ஒத்துழைப்பை மேம்படுத்துவதில் இத்தகைய விஜயங்கள் ஒரு பெறுமதிமிக்க கருவியாக இருக்கும் என கடற்படை தெரிவித்துள்ளது.
அதுமட்டுமல்லாமல், அத்தகைய வருகைகளின் போது நடத்தப்படும் கடற்படை பயிற்சிகள் மற்றும் பிற பயிற்சி ஈடுபாடுகள் அந்தந்த கடல் சூழல்கள் பற்றிய அறிவு மற்றும் தகவல்களைப் பகிர்ந்துக் கொள்ள உதவுகின்றன, இது பாரம்பரியமற்ற அச்சுறுத்தல்கள் மற்றும் பிற பொதுவான கடல்சார் சவால்களைக் கையாள்வதில் குறிப்பாக மதிப்புமிக்கதாக இருக்கும் என தெரிவிக்கப்பட்டுள்ளது.
