புதிதாக பிறள்வடைந்த கொரோனோ வைரசினால் உலக மக்களுக்கு மீண்டும் மிகப்பெரும் உயிர் ஆபத்துக்கள் ஏற்பட்டுள்ளதாக உலக சுகாதார நிறுவனம் எச்சரித்துள்ளது.
சீனா தனது எல்லைகளை திறந்துள்ள நிலையில் சுகாதார நிறுவனம் இந்த எச்சரிக்கையை விடுத்துள்ளது. ஒமிக்கிரோனின் புதிய எக்ஸ்.பி.பி-15 என்ற வகை தற்போது அமெரிக்கா மற்றும் பிரித்தானியா உட்பட 25 நாடுகளில் பரவியுள்ளது. இது அதிகம் பரவும் தன்மை கொண்டபோதும் அதன் பாதிப்புக்கள் குறைவாகும். அமெரிக்காவில் 40 விகிதமான நோயாளிகளில் இந்த வகையே கண்டறியப்பட்டுள்ளது.
ஆனால் சீனாவில் பி.ஏ-52 மற்றும் பி.எப்-7 போன்ற வைரசுகளே அதிகம் பரவி வருகின்றன. இது தொடர்பான அவதானிப்புக்களை தாம் மேற்கொண்டு வருவதாக உலக சுகாதார நிறுவனத்தின் தலைவர் ரெட்றோஸ் அதனோம் கெபிரியஸ் தெரிவித்துள்ளார்.
