இஸ்ரேலுடனான மோதல் காரணமாக, இலங்கைத் தொழிலாளர்களை குழு அடிப்படையில் லெபனானில் இருந்து வெளியேற்றுவதற்கு தேவையான ஏற்பாடுகளை அங்குள்ள இலங்கை தூதரகம் மேற்கொண்டுள்ளது.
சர்வதேச குடியேற்ற அமைப்புடன் (IOM) இணைந்து இந்த வெளியேற்றம் மேற்கொள்ளப்பட்டு வருவதாக இலங்கை தூதரகம் அறிக்கையொன்றில் குறிப்பிட்டுள்ளது.
அதன்படி, 26 இலங்கையர்கள் கொண்ட அண்மைய குழு நேற்று மாலை (04) கொழும்புக்கு திருப்பி அனுப்பப்பட்டது.
லெபனானில் உள்ள IOM இன் உதவியைப் பாராட்டிய இலங்கைத் தூதரகம், லெபனானில் பதற்றமான சூழ்நிலையில் இருந்தாலும், மிகவும் தேவைப்படும் இலங்கையர்களுக்கு தொடர்ந்து வசதிகளை வழங்குவதற்கு ஒன்றிணைந்து செயல்படுவதாக நம்பிக்கை தெரிவித்தது.
ஹிஸ்பொல்லாவுடனான அதன் போர் நிறுத்தம் சரிந்தால் லெபனானில் மீண்டும் போருக்குத் திரும்புவதாக செவ்வாயன்று இஸ்ரேல் அச்சுறுத்தியது.
மேலும் இந்த முறை அதன் தாக்குதல்கள் ஆழமாகச் சென்று லெபனான் அரசையே குறிவைக்கும் என்று கூறியது.
