ஐரோப்பிய நாடுகளில் ஒன்றான நோர்வேயில் உள்ள சொம்மாரோயி என்ற தீவு உலகின் மற்றைய பகுதியிலிருந்தம் முற்றிலும் மாறுபட்டுக் காணப்படும். ஆர்ட்டிக் வட்டத்தின் வடக்கில் அமைந்துள்ள இத்தீவில் நவம்பரில் இருந்து ஜனவரி வரை இருட்டாகவே இருக்கும். அதே போல் மே 18ஆம் திகதியிலிருந்து ஜுலை 26ஆம் திகதி வரை 69 நாட்கள் சூரியன் மறையாமலே இருக்கும். இதனால் அங்கு வசிக்கும் மக்களின் வாழ்க்கை முறை மாற்றமாகவே இருக்கும்.
இங்கு வசிக்கும் மக்கள் நோர்வே அதிகாரிகளை சந்தித்து ஒரு கோரிக்கையை முன்வைத்துள்ளனர். அதாவது கடிகாரத்தை நிறுத்தி வைத்து, நேரமில்லாத பகுதியாக அறிவிக்க வேண்டும் என்பதே அந்தக் கோரிக்கை ஆகும். இது மிகவும் ஆச்சரியமாக விடயமாக இருக்கின்றது.
கால நேரத்திற்கு எதிராக வாழ வேண்டிய சூழ்நிலையில் இருக்கும் இம்மக்கள், சூரியன் இருக்கும் இரவு நேரத்தையும், சூரியன் உதிக்காத காலை நேரத்தையும் அனுபவிக்கும் நிலையில் உள்ளனர்.
