அமெரிக்காவின் ஆசியப்பிராந்தியச் செயலாளர் சிறீலங்கா வருகிறார்

தெற்கு மற்றும் மத்திய ஆசியாவுக்கான அமெரிக்காவின் பிராந்திய துணைச் செயலாளர் அலிஸ் வெல்ஸ் சிறீலங்காவுக்கு பயணம் மேற்கொள்ளவுள்ளதாக அமெரிக்காவின் வெளிவிவகாரத் திணைக்களம் இன்று (08) தெரிவித்துள்ளது.

இந்த வாரம் 6 ஆம் நாள் பயணத்;தை மேற்கொண்டுள்ள அவர் எதிர்வரும் 16 ஆம் நாள் வரையிலும் சிறீலங்கா, இந்தியா மற்றும் பாகிஸ்தானுக்கு பயணங்களை மேற்கொள்ளவுள்ளார் என தெரிவிக்கப்படுகின்றது.

இதன்போது அரச அதிகாரிகள், வர்த்தகப் பிரதிநிதிகள் மற்றும் பொது அமைப்புக்களின் பிரதிநிதிகளை சந்திக்கவுள்ளார். இந்தியாவில் காஸ்மீர் விவகாரம் அனைத்துலகத்தின் கவனத்தை பெற்றுள்ள நிலையில் அமெரிக்க அதிகாரியின் பயணம் அமைந்துள்ளது குறிப்பிடத்தக்கது.