ஈரானின் ஆளில்லா விமானத்தினை ஹர்மோஸ் ஜலசந்தியில் அமெரிக்க கடற்படை சுட்டு வீழ்த்துவதற்கு நவீன ஆயுதம் ஒன்றை பயன்படுத்தியதாக அமெரிக்க அதிபர் டொனால்ட் ட்டிரம்ட் தெரிவித்துள்ளார்.
L M A D I S என்ற ஆயுதமே அமெரிக்க கடற்படைக் கப்பலிற்கு அருகில் சென்ற ஈரானின் ஆளில்லா விமானத்தை செயலிழக்கச் செய்வதற்கு பயன்படுத்தியதாக அறிய முடிகின்றது. இது அனைத்து வகையான வாகனங்களிலும் பொருத்தி பயன்படுத்தக்கூடிய அமெரிக்கக் கப்பல்களிலிருந்து எதிரி விமானங்களின் நடமாடடத்தை கண்காணிக்கக்கூடிய மரைன் படையணியின் புதிய ஆளில்லா விமான எதிர்ப்பு ஆயுதத்தையே அமெரிக்கா பயன்படுத்தியுள்ளது. கலிபோர்னியாவைச் சேர்ந்த மரைன் படைப்பிரிவின் விசேட படையணியொன்று இந்த வகை ஆயுதங்களுடன் மத்திய கிழக்கில் நிலை கொண்டுள்ளது என்று அறிய முடிகின்றது.
இந்த வகை ஆயுதங்களை நிலத்திலேயே பயன்படுத்துவது வழமை. எனினும் தற்போது பல ப்பல்களில் பொருத்தி அமெரிக்கா பரிசோதனை செய்கின்றது.
குறிப்பிட்ட ஆயுதத்தினால் ராடர்கள் மற்றும் கமராக்களை பயன்படுத்தி வான்வெளியில் பறக்கும் விமானங்களை கண்காணிக்க முடியும். எதிரி விமானங்களை தனியாக அடையாளம் காணும் திறனும் இந்த வகை ஆயுதங்களுக்கு உள்ளது.
2200 பேரைக் கொண்ட இந்த மரைன் படையணி தற்போது அமெரிக்காவின் கடற்படைக் கப்பலான U S பொக்ஸரில் உள்ள விசேட படையணி ஒன்றுடன் இணைந்து செயற்படுகின்றது.
